Հանելուկը որպես մտավոր զարգացման միջոց

[Էմմա Խաչատրյան]

Գարնան հետ գալիս,աշնանը՝ գնում,
Բարձրիկ տեղերում իր բույնն է դնում,
Երբ կեր է տալիս նա իր ձագերին՝
Թևն է դեմ անում բարկ արեգակին:
/Արագիլ/

Ունի սենյակներ, օթյակներ բազում,
Այն ի՞նչ կղզի է ջրերում վազում,
Նա պատրաստվում է մարդու ձեռքերով,
Ջրում է լողում՝ հանգիստ,ապահով:
/Նավ/

Ի՞նչ թռչուն է՝ սրաթև,
Շարժուն է նա ու թեթև,
Ինքը սև է՝ սաթի պես,
Կուրծքը՝ ճերմակ,կաթի պես:
/Ծիծեռնակ/

Շարժվող սար է՝ շատ ուժեղ,
Գերան ունի քթի տեղ,
Չունի ատամ ու ծամիչ,
Թե տաս՝ կուտի և չամիչ,
Արձակում է ահեղ ճիչ՝
Ջունգլիների բնակիչ:
/Փիղ/

Թեև այգին պաշտպանում,
Բայց այգուց է կեր տանում,
Աչքեր ունի՝ մութ գիշեր,
Հագին՝ ասեղ,սուր փշեր:
/Ոզնի/

[Ա. Գինոսյան]

Մի հանելուկ էլ ես ասեմ

Անձրևից հետո կապույտ երկնքում
Գույնզգույն սիրուն կամար հայտնվեց:
Ամպիկը ծածկեց արևին,
Կամարն այդ սիրուն փլվեց:

tsiatsan.jpg

[Ա. Գինոսյան]

Հանելուկ

Ողջ աշխարհը ջերմացնում է,
Ջերմ ժպտում է բոլորին:
Ամռանը նրանից փախչում ենք,
Իսկ ձմռանը կարոտում ենք:

arev.jpg

[Ա. Գինոսյան]

Հանելուկներ բնական երևույթների մասին

Գիշերային երկնքում զբոսնում է այդ լուսատուն,
Օրոր երգում աստղերին, փոխարինում է արևին:
moon.jpg


Քույր ու եղբայր են ապրում,
Քույրը միայն աղմկում, վախեցնում է ամենքին,
Իսկ եղբայրը սուս ու փուս լուսե նետեր է նետում։
kaytsak.jpg

Նա գալիս է, մենք փախչում ենք,
Թաքնվում ենք տան ներսում,
Նա հասնում է մեզ, գտնում է,
Ու լուսամուտն է թակում:
andzev.jpg

[Էմմա Խաչատրյան]

Ողջ աշխարհը ջերմացնում է,
Ջերմ ժպտում է բոլորին:
Ամռանը նրանից փախչում ենք,
Իսկ ձմռանը կարոտում ենք:

[ATTACH=CONFIG]5249[/ATTACH]

Շնորհակալություն հարգելի՛ Գինոսյան գեղեցիկ և գունեղ նկարներով հանելուկների համար։

[Էմմա Խաչատրյան]

1. Ի՞նչն ունի արմատներ, որ ոչ ոք չի տեսնում,
Բարձր է ծառերից
Վերև ու վերև է այն ձգվում,
Սակայն երբեք չի աճում:

2. Երեսուն սպիտակ ձի կարմիր բլրի վրա,
Սկզբում վազում են,
Հետո իրար բախվում,
Ու հետո հանդարտ կանգնում:

3. Անձայն գոռում է,
Անթև թռչում
Ատամ չունի՝ կծում է
Բերան չունի` փնթփնթում:

4. Աչքը` կապույտ դեմքին,
Տեսավ աչքը` կանաչ դեմքին
- Այդ աչքը նման է իմ աչքին,-ասաց առաջին աչքը,
-Բայց ներքևում է այն, ոչ բարձունքում:

5. Այն հնարավոր չէ տեսնել և ոչ էլ զգալ,
Հնարավոր չէ լսել և ոչ էլ հոտը զգալ,
Այն աստղերի հետևում է ու բլուրների տակ,
Լցնում է դատարկ անցքերը,
Գալիս սկզբում ու հետո վերջում,
Վերջացնում է կյանքն ու սպանում ծիծաղը:

6. Արկղ է՝ առանց ծխնի կամ կափարիչ,
Սակայն ոսկի գանձ կա թաքնված դրա ներսում:

7. Կենդանի է, բայց չի շնչում,
Ու սառն է՝ ինչպես մահը:
Երբեք ծարավ չէ, բայց միշտ խմում է,
Զրահավորված է ու անձայն:

8. Մի ոտքի վրա ոչ մի ոտք չկա,
Երկու ոտք նստած են դրա մոտ՝ երեք ոտքի վրա,
Չորս ոտքը իրենց բաժինը ստանում են դրանից:

9. Այս բանը խժռում է ամեն ինչ`
Թռչուններ, կենդանիներ, ծառեր ու ծաղիկներ:
Մաշում է երկաթը, խայթում պողպատը
Աղում է պինդ քարերը,
Սպանում արքաներին, քանդում քաղաքներ,
Ու բարձր լեռները հավասարեցնում գետնին:

Հանելուկների պատասխանները
1. Լեռներ
2. Ատամներ
3. Քամի
4. Արևը երիցուկներին
5. Մթություն
6. Ձու
7. Ձուկը
8. Ձուկը փոքր սեղանին, մարդը դրա մոտ աթոռին, ու կատուն, որ ստանում է ոսկորները
9. Ժամանակը

Շնորհակալություն հարգելի՛ Անի գեղեցիկ հանելուկների համար։

[Անուշ Առաքելյան]

Հանելուկներ
1.Ինձ առանձին չեն ուտում,
Եվ առանց ինձ չեն ուտում:
2.Ապրում եմ քեզ հետ
Մշտական, սիրով,
Եթե չեմ թափվում ,
Ծածկվում եմ ձյունով:
3. Կար է անում ծնված օրից,
Բայց զուրկ է նա մի ձեռք շորից:

[Անի Ղարիբյան]

Գրաճանաչության շրջանում կարելի է հանելուկների միջոցով խաղալ հետևյալ խաղը:

Հանելուկի գուշակում

Ոսոցիչը կարդում է որևէ հանելուկ և աշակերտներին հանձնարարում.
- Գուշակե՛ք հանելուկի պատասխանը, այն <<գրե՛ք >> տառադարանի տառերով: Հաղթում է նա, ով առաջինը և ճիշտ կկազմի պատասխան բառը:
Հարկավոր է թողնել, որ բոլոր աշակերտները կազմեն հանելուկի համապատասխան բառը, նոր երեխաներին կարդալ հարցնել:

[Վ. Հովհաննիսյան]

Հանելուկի միջոցով կարելի է հաղորդել այնպիսի գիտելիքներ, ինչպիսիք բառի ուղիղ և փոխաբերական իմաստներն են, ձևավորել բառիմաստը բացատրելու, համեմատելու, բառարանային հոդվածն ( առանց տվյալ հասկացությունների սահմանման) ընկալելու ունակություններ, հնարավոր է նաև տարաբնույթ առարկաների և երևույթների մասին երեխաներին նոր տեղեկություններ հաղորդել, նպաստել ընդհանրացնող անունների, խոսքի մասերի վերաբերյալ գործնական գիտելիքների ձեռքբերմանը:

Շատ ճիշտ ես Անի ջան, կա նաև մի շատ հետաքրքիր հանելուկների շարք, որոնք ուղեղի աշխատանքն են մարզում, ընդլայնում մարդու մտահորիզոնը, բարձրացնում վերջինիս ինտելեկտուալ մակարդակը:

[Արևիկ Ոսկանյան]

Արքա չունեն, սակայն արագ
Կազմում են մեծ, ահեղ բանակ,
Հենց մտնում են արտը հասած՝
Բերքն են հնձում առանց դանակ:

(Մորեխ)

[Պողոսյան Ալինա]

Այն ինչն է, ինչը,
Շնչավորից անշունչն ելավ,
Անշունչից էլ` շնչավորը:

Հավը և ձուն

[Պողոսյան Ալինա]

Հարգելի Ալինա համամիտ եմ,խաչբառերը նույնպես հետաքրքիր են դարձնում ուսումնական գործընթացը, պատրաստում եմք այս հրաշալի առցանց գործիքով և լուծում ամփոփիչ դասերի ժամանակ՝ https://learningapps.org/createApp.php

Հարգելի Նանե, համամիտ եմ ձեզ հետ , քանի որ ինչպես հանելուկները, այնպես էլ խաչբառերը երեխային մտածելու և միտքը մարզելու հնարավորություն են տալիս:

[Պողոսյան Ալինա]

Կաթ ու ձվից կյանք եմ առնում,
Անուշաբույր սառույց դառնում,
Շրջում եմ գյուղ ու քաղաք,
Անվանում են ինձ -?

Պաղպաղակ

[Պողոսյան Ալինա]

Երեսունվեց քաջ,արի եղբայրներ
Մեր ուղեցույցն են բյուրավոր դարեր,
Ծաղիկ են դառնում,բացվում մեր շուրթին՝
Մենք փոխանցում ենք մեր սերունդներին:

Մեսրոպյան տառեր

[Պողոսյան Ալինա]

Ի՞նչ երկրաչափական պատկեր կստանաք, եթե հինգ հատված միացնեք այնպես, որ ունենան տաս հատման կետ։

Աստղ