Էջ 2 9-ից ԱռաջինԱռաջին 1234 ... ՎերջինըՎերջինը
Ցույց են տրվում 11 համարից մինչև 20 համարի արդյունքները՝ ընդհանուր 87 հատից

Թեմա: Դպրոցական կայքի ստեղծումը և շահագործումը WordPress համակարգում

  1. #11
    Ավագ մասնակից Գագիկ-ի ավատար
    Գրանցման ամսաթիվ
    24.08.2010
    Հասցե
    Երևան
    Գրառումներ
    245
    Հեղինակության աստիճան
    8
    Հարգելի Ավետիսյան, մանրամասնեմ միտքս, ինչպես խոստացել էի:
    Նախ ասեմ, որ անձնապես որևէ մեկին չեմ մեղադրում, ամեն մեկը ունի իր արդարացումը, և շատ դեպքերում դրանք օբյեկտիվ են՝ տվյալ մարդու որակներից չի կախված, այլ իրադրության հետևանք է:

    1.Մի երկու անգամ արդեն գրել եմ, որ այս ֆորումը, որը կարող էր նախարարության համար դառնալ հոյակապ գործիք, վաղուց լքված կայարանի է նման, ու ես դրա համար շատ եմ ափսոսում: Կար ժամանակ, որ ֆորումում օրեկան էնքան գրառում էր լինում, ինչքա հիմա լինում է 1-2 ամսում:

    2.Ուրեմն ունենալով հնարավորություն ու գործիք նախարարությունը դա չի օգտագործում ու էդ ֆոնի վրա էլ լրիվ անհասկանալի է դառնում դպրոցների կայքերի մասին խոսել ու այդ ուղղությամբ ինչ-որ քայլեր անելը: Մի կերպ կարել կլիներ դա հասկանել, եթե շարունակությունը չլիներ էն ինչ որ կա: Իսկ թե ինչ կա, հաջորդիվ:

    3. Երեք տարի առաջ դպրոցների կայքերի հարցը հենց էս ֆորումում լայն քննարկվեց ու հիմա նախարարությունը, “3 տարի մտածելուց ու աշխատելուց հետո”, առաջարկում է մի բան, որը կարելի էր առաջարկել առանց քննարկումների ու ընդամենը մեկ շաբաթվա ընթացքում պատրաստել վորդպրեսի հայերեն կաղապար:Այսինքն էդ քննարկումներից ոչինչ հաշվի չի առնվել ու էն ծավալի աշխատանք չի արվել, որի համար 3 տարի էր պետք:

    4. Հաջորդը,նայել եմ իբր թե արդեն պատրաստված, գործող կայքերը: Մեծ մասը ուղակի դատարկ է՝ “Ողջույն աշխար” էջից բացի ոչինչ չկա, դա էլ վորդպրեսի ստանդարտ էջ է, որը ավտոմատ դրվում է: Կան, որ ձևականորեն գործում են մայիսից, բայց արխիվը լրիվ դատարկ է: Ու դրանք դրված են, որ մյուսները տեսնեն ու սովորե՞ն:

    Հիմա էս ամբողջը Դուք նորմալ ե՞ք համարում:
    Ես սա պտիչկա դնել եմ համարում, էն էլ վատ պտիչկեքից, իսկ ավելի հստակ գրել էի նախորդ գրառմանս մեջ:
    Վերջին խմբագրող՝ Գագիկ: 21.11.2014, 14:37:
    Գ.Աղեկյան
    www.MathNet.am

  2. Գրառմանը 12 հոգի շնորհակալություն են հայտնել.

    Ameli (10.01.2017), Chuk (21.11.2014), gayane0803 (21.11.2014), izabet (13.12.2014), manush (22.11.2014), Աստղիկ Մարկոսյան (03.02.2017), Արեգ (06.10.2016), ԺաննաՀ (01.12.2016), Կարինե Մարգարյան (23.08.2017), Մարինե Խաչատրյան (03.01.2017), petros59 (21.11.2014), Ruben (21.11.2014)

  3. #12
    Ադմինիստրատոր Chuk-ի ավատար
    Գրանցման ամսաթիվ
    30.04.2010
    Տարիք
    33
    Գրառումներ
    569
    Հեղինակության աստիճան
    8
    Հարգելի պարոն Աղեկյան,
    նախ մեր անձնակազմի անունից ուզում եմ շնորհակալություն հայտնել արձագանքի համար, անկախ նրանից, որ այն քննադատական է:

    Հստակեցնեմ, որ բոլորովին նպատակ չունեմ բանավիճելու կամ պնդելու, որ Ձեր ասածները սխալ են: Ընդամենը ուզում եմ արձագանքել Ձեր հնչեցրած մտքերին ու հայտնել դրանց մասին իմ (մեր) տեսակետը:

    1. Այս հարցին անդրադառնալուց ես կուզեմ օգտվել այն հանգամանքից, որ ինքներդ Ձեր կայքում ունեք ֆորում ու կուզեմ հղվել Ձեր փորձի վրա: Հենց նոր մտա նայելու, դրանում վերջին գրառումները կատարվել են ավելի քան մեկ ամիս առաջ: Սրա պատճառը բոլորովին այն չէ, որ Դուք վատ եք վարում ֆորումը: Պատճառը ֆորումների նկատմամբ ընդհանուր վերաբերմունքն է, համացանցային դաշտում գործող ընդհանուր տենդենցը: Ես բացի ԿՏԱԿ-ի աշխատակից լինելուց նաև հայկական խոշորագույն ֆորումներից մեկի ստեղծողն ու ադմինիստրատորն եմ (գովազդ չանելու համար հասցեն չեմ գրում), որը թերևս այսօր ամենաակտիվն է հայկական դաշտում: Բայց իր այդ ակտիվությամբ հանդերձ անգամ այդ, տարաբնույթ բովանդակությամբ ֆորումն անգամ պասիվ է, ինչպես պասիվ են հին ու նոր, հայտնի ու անհայտ մյուս հայկական ֆորումները: Քավ լիցի, ես չեմ ասում, որ պետք է համակերպվել այդ իրավիճակի հետ, հակառակը, հետևողականորեն փորձել ու դեռ փորձելու ենք հնարներ գտնել այս իսկապես լավ գործիքը լավագույնս օգտագործելու համար, բայց պետք է ընդունել, որ դա միայն մեզնից չի, որ կախված է: Ամեն դեպքում ես լիահույս եմ, որ համացանցից օգտվող հայ հասարակությանը դեռ հնարավոր է վերադարձնել ֆորումներ, այդ թվում նաև ակտիվացնել կրթական ֆորումը:

    2. Դպրոցական կայքերի պետքականությունը չի կարող որոշվել նրանով, թե ինչքանով է ակտիվ այս ֆորումը: Իհարկե այս հարցի վերաբերյալ կարող են լինել տարբեր կարծիքներ, ի վերջո յուրաքանչյուր դպրոց ինքը պետք է որոշի, իմ համոզմամբ, իրեն կայք պե՞տք է, թե՞ ոչ: Միայն արձանագրեմ, որ այս թեմայի բացումը տեսականորեն կարող է լուծել երկու խնդիր՝ 1) նորից ակտիվացնել ֆորումը, 2) կայք ունենալ ցանկացող դպրոցներին օգնել լուծել այդ խնդիրը:

    3. Այո, դպրոցական կայքերի հարցը շուրջ երեք տարի առաջ է քննարկվել ֆորումում: Եվ, ի դեպ, շատ օգտակար քննարկում է եղել: Իհարկե կարելի էր նաև առանց քննարկելու վերցնել ու առաջարկել այս կամ այն համակարգը, բայց մենք ընտրել էինք քննարկման տարբերակը, քննարկման ընթացքում ենք եկել եզրահանգման թե ավելի շատ ինչ տիպի կայքեր են ցանկանում ունենալ դպրոցները, ինչ տիպի կայքեր են անհրաժեշտ, և ըստ այդ պահանջի ենք ընտրություն կատարել հնարավոր բազում տարբերակների մեջ ու կանգ առել WordPress համակարգի ընտրության վրա: Այստեղ միայն նշեմ, որ երեք տարի չենք աշխատել, մեր կազմակերպության անմիջական գործառույթներն այլ են, և երբ ժամանակ ենք ունեցել, աշխատել ենք նաև սրա վրա: Սա ընդամենը ՕԺԱՆԴԱԿՈՒԹՅՈՒՆ է դպրոցներին: Վերջիններս կարող են այլ տարբերակներով կայքեր ստեղծել, չօգտվել մեր տրամադրած համակարգից, կամ ընդհանրապես չստեղծել:

    4. Միանգամայն ճիշտ եք, այս պահին որևէ կայք նշվածներից, մեղմ ասած, ավարտուն չէ: Մենք ընդամենը նշել ենք այն կայքերը, որոնց համար մեզ դիմել ու ստացել են դոմեյնը: Եթե Դուք նորից կարդաք տիկին Ավետիսյանի գրառումը, կտեսնեք, որ այնտեղ նշված էր այս մասին, իհարկե ավելի մեղմ, որևէ մեկին չվիրավորելու համար, մեջբերեմ. «Նույնիսկ պատրաստի կաղապարի տրամադրման դեպքում դպրոցական կայքերի ստեղծման, նորացման աշխատանքները դանդաղ են ընթանում»:

    Այս ամենի նպատակն է հենց փորձել խթանել կայքերի ստեղծմանը: Մենք որևէ տեղ չենք ասել, թե արդեն հասել ենք արդյունքի: Հիմա ավելի հստակ ասեմ, ոչ, դեռ առաջին քայլերն ենք անում: Եվ իհարկել ափսոս, որ քննարկումից անցել է երեք տարի: Բայց ես լիահույս եմ, որ շատ շուտով, փոխադարձ օգնությամբ, կհասնենք ցանկալի նպատակներին:

    Նորից շնորհակալություն արձագանքի համար:
    Վերջին խմբագրող՝ Chuk: 21.11.2014, 16:50:
    Քայլ առ քայլ՝ դարից դար

    Արտակ Հարությունյան
    Կրթական տեխնոլոգիաների ազգային կենտրոն
    ՏՀՏ բովանդակության բաժնի մասնագետ

  4. Գրառմանը 9 հոգի շնորհակալություն են հայտնել.

    gayane0803 (21.11.2014), manush (22.11.2014), Աստղիկ Մարկոսյան (03.02.2017), Գագիկ (21.11.2014), ԺաննաՀ (01.12.2016), Կարինե Մարգարյան (23.08.2017), Մարիետա (21.11.2014), Մարինե Խաչատրյան (03.01.2017), Ruben (21.11.2014)

  5. #13
    Ավագ մասնակից Գագիկ-ի ավատար
    Գրանցման ամսաթիվ
    24.08.2010
    Հասցե
    Երևան
    Գրառումներ
    245
    Հեղինակության աստիճան
    8
    Հարգելի Արտակ,
    Գնահատում եմ արձագանքի ոճը՝ գլխավորապես այն, որ գրածս ճիշտ է ընկալվել ու չի դիտարկվել որպես սևացնելու փորձ կամ մտադրություն:

    Հասկանում եմ նաև, որ իմ գրառմանը պատասխանելը անշնորհակալ գործ էր ու էդ բեռը Ձեր վրա եք վերցրել: Ու իմ պատասխանը Ձեզ չի ուղղված, նույնիսկ ԿՏԱԿ-ին չի ուղղված: Ով էլ պատասխաներ շատ խոցելի էր լինելու էդ պատասխանը, որովհետև վիճակն է էդպիսին:

    Ես էլ վիճելու համար չեմ գրում, որովհետև վիճելուց հազիվ թե օգուտ լինի, բայց բանավիճել կարելի է:

    Համաձայն եմ, որ ֆորումների նկատմամաբ հետաքրքրության նվազման միտում կա, բայց ոչ էդ աստիճանի: Վստահ եմ, որ Ձեր ֆորումի այցելուներն ու գրառումների քանակը նույն չափ չի նվազել, որքան էս ֆորումինը: Ինչ վերաբերվում է իմ կայքի ֆորումին, ապա միթե տխուր չէ, որ մի ամբողջ նախարարության կայքի ֆորումը արդեն համեմատելի է մեկի անձնական կայքի ֆորումի հետ: Կասեք, որ Դուք դրանք չեք համեմատել: Ես եմ համեմատում (առիթը Դուք տվեցիք) ու եթե նախարարության տարբեր հայտարարությունները հանենք, մնացածի քանակով ու հաճախությամբ շատ չեն տարբերվի: Եթե 5-10 անգամ էլ գերազանցի, էլի շատ վատ է:

    Ավելի կարևոր է հետևյալը:
    Իմ կայքը լավ կատարում է իր առաքելությունը՝ չլինելով ժամանցային կայք, անընդհատ աճում է, օգտակար ինֆորմացիա ու նյութեր է տրամադրում, ֆորումն էլ մի հարթակ է, որ ստեղծել եմ մարդկանց հնարավորություն տալով կիսվել իրենց տեսակետներով ու հարցեր տալ ու ստանալ այդ հարցերի պատասխանը: Ինչքանով են օգտվում դա արդեն իրենց գործն է:
    Համենայնդեպս, ահագին մարդկանց է օգնում, միայն “Օգնեք ինձ” թեման դիտվել 87 հազար անգամ: Ցանկացողները կարող են համոզվել դրանում:

    Նախարարության կայքը, այդ թվում նաև նրա ֆորումը իր առաջ նույն առաքելությունը չի կարող դնել: Հենց ֆորումը պիտի ապահովեր երկկողմանի կապ՝ նախարարություն -> մանկավարժներ և մանկավարժներ -> նախարարություն: Բայց եղավ միակողմանի ու էդպես էլ մնաց, չապահովելով հետադարձ կապ: Իսկ վերջինի պատճառով խիստ նվազեցին այցելուները, որն էլ թուլացրեց նախարարություն -> մանկավարժներ միակողմանի ուղղությունը:

    Մեծ բան չէր պետք, ընդամենը, որ մարդիկ տեսնեին, որ կրթության որոշումներ կայացնող պատասխանատուները հետևում են այդ քննարկումներին, երբեմն հենց ֆորումում արձագանքում: Եթե, օրինակ, Երևանի կրթության վարչության պետը մի երկու քննարկման մասնակցեր կամ արձագանքեր, էլ չեմ ասում նախարարը, լրիվ ուրիշ ընթացք կլիներ: Ի միջայլոց, պարոն Աշոտյանը ֆեյսբուկի ամենակտիվ օգտատերերից է, բայց հավանաբար չգիտի, որ կրթական ֆորում կա, կարելի էր (կամ է) տեղյակ պահել: Կարծում եմ, պարոն Աշոտյանը չէր զլանա իր գրառումներով պատվելու ֆորումի անդամներին ու այցելուներին: Իսկ դա կտրուկ կբարձրացներ ֆորումի իմիջն ու այցելուների ակտիվությունը:
    Եթե նախարարությունը ուզում է իմանալ իրերի իրական վիճակն ու տարբեր պրոբլեմների լուծումներ փնտրել, ապա այս հոյակապ միջոցը՝ ֆորումը ինչո՞ւ չի օգտագործում:

    3 տարի առաջ ակտիվ քննարկումներ անելուց հետո, դպրոցներին օժանդակելու էս քայլը լրիվ հնարավոր էր անել 2 տարի 9 ամիս առաջ, քննարկումներից հետո 3 ամիսը լրիվ բավարար է դա անելու համար: Վորդպրեսը հո՞ նոր չի հայտնվել, էն ժամանակ էլ կար: Իհարկե, եթե համարում էիք, որ նման օժանդակություն պետք է:

    Ինչ վերաբերվում է դպրոցական կայքերին, ապա պետք չէ խթանել մի բան, որը ոչ ոքի պետք չէ: Ես դեռ 3 տարի առաջ եմ ընդարձակ գրառումներով էդ մասին ասել: Ասելիք ունեցող կայքեր կարող են ունենալ հատ ու կենտ դպրոցներ, իսկ դրանք էլ ձեր տրամադրած վորդպրեսի կարիքը չունեն: Ներկա վիճակն էլ ևս մի անգամ հաստատում է, որ ես ճիշտ եմ:

    Չգիտեմ, անկեղծ չգիտեմ, էն ժամանակը որ ծախսեցի գրառումներս անելու համար իմաստ ուներ ծախսել, թե չէ, բայց չկարողացա անտարբեր մնալ: Էդ էլ իմ թերությունն է, և ոչ միակը:
    Գ.Աղեկյան
    www.MathNet.am

  6. Գրառմանը 13 հոգի շնորհակալություն են հայտնել.

    anush (22.11.2014), Chuk (24.11.2014), gayane0803 (27.11.2014), manush (22.11.2014), Աստղիկ Մարկոսյան (03.02.2017), Արմինե Մ (22.11.2014), ԺաննաՀ (01.12.2016), Լիլյա (22.11.2014), Կարինե Մարգարյան (23.08.2017), Մարիետա (24.11.2014), Մարինե Խաչատրյան (03.01.2017), petros59 (22.11.2014), Ruben (22.11.2014)

  7. #14
    Ադմինիստրատոր Chuk-ի ավատար
    Գրանցման ամսաթիվ
    30.04.2010
    Տարիք
    33
    Գրառումներ
    569
    Հեղինակության աստիճան
    8
    Պարոն Աղեկյան,
    երկար ժամանակ կասկածում էի արձագանքել, թե ոչ, որովհետև իսկապես բացարձակ նպատակ չունեի այս հարցում բանավիճելու, ավելի կարևոր էր Ձեր տեսակետը որպես ի գիտություն ընդունելն (անկախ համաձայնվել/չհամաձայնվելուց) ու հետևություններ անելը:

    Սակայն Ձեր գրառման մեջ կան շեշտադրումներ, որոնց չարձագանքելը անհնար է:
    Նախ ուզում եմ հստակեցնել, որ պատասխանելով ես իմ վրա բեռ չեմ վերցրել, հասարակ պատճառով. ես այս գործում ինձ պատասխանատու եմ զգում, շահագրգիռ կողմ, այլ ոչ թե լոկ ինչ-որ հիմնարկի ինչ-որ աշխատող, ով իր վրա «անշնորհակալ գործ է վերցնում»: Ու անկեղծ ասած ես նաև չեմ համարում, որ իմ պատասխանը խոցելի է, որովհետև դա ընդամենը տեսակետի ներկայացում է, որի հետ յուրաքանչյուրն ազատ է համաձայնվել կամ ոչ: Ինչպես Դուք նշեցիք, սա վեճ չէ, որ նստենք այս կամ այն գրառման մեջ «խոցելի կողմ գտնենք»:


    Նախ անդրադառնամ ֆորումի գրառումների քանակին:
    Ես դիտարկել ու շարունակում եմ դիտարկել բազում ֆորումներ, որովհետև այս հարցում ունեմ ոչ միայն աշխատանքային շահագրգռվածություն, այլ նաև զուտ անձնական, սկզբունքային: Տասը տարուց ավելի լինելով բազմաթիվ ֆորումների անդամ, շատերում մոդերատոր կամ ադմինիստրատոր, համարել ու համարում եմ, որ ֆորումային ֆորմատը հաղորդակցման/քննարկման համար ստեղծված լավագույն ու ամենահարմար ֆորմատն է, որի դերը հայկական համացանցում նորից պետք է բարձրացնել: Թե՛ իմ ֆորումում, թե՛ մյուս հայտնի ֆորումներում գրառումների/քննարկումների քանակը պակասել է ՄԻ ՔԱՆԻ անգամ: Ի հակադրություն դրա ԱՅՍ ՖՈՐՈՒՄՈՒՄ օրական գրառումների քանակը համեմատած նախորդ տարիների նույն ժամանակամիջոցի հետ պակասել է առավելագույնը 50 տոկոսով (իրականում ավելի քիչ), ընդ որում առավելապես ժամանցային/խաղային գրառումների հաշվին, որոնց դեմ, ի դեպ, եթե հիշողությունս չի դավաճանում, ոմանք բազմիցս բողոքել են: Այս ֆորումը լինելով թեմատիկ/մասնագիտական ֆորում դեռևս շնչում է ու աշխատում, ու սա անհերքելի է: Իհարկե՛ արդյունքը գոհացուցիչ չի, մենք շատ ավելի ակտիվ, շատ ավելի օգտակար, շատ ավելի մեծ պահանջարկ ունեցող ֆորում ենք ուզում ունենալ ու ինչպես նշել եմ նախորդ գրառմանս մեջ այդ ուղղությամբ ՇԱՐՈՒՆԱԿԵԼՈՒ ԵՆՔ ջանքեր գործադրել:

    Ձեր կայքի հետ համեմատություն իսկապես չէի արել: Ընդամենը հղվել էի Ձեր փորձին: Բայց համեմատելուց խուսափելու խնդիր էլ չեմ տեսնում: Նախ ասեմ, որ հիացած եմ Ձեր աշխատանքով, շատերին եմ խորհուրդ տվել օգտվել Ձեր կայքից: Բայց եթե Դուք որոշել եք համեմատել, ապա համեմատեք ոչ թե Ձեր կայքը մեր ֆորումի, այլ Ձեր կայքը մեր կայքերի հետ: Եթե շատ չծավալվեմ էլ, բավական է միայն հիշատակել անընդհատ թարմացվող պաշարների շտեմարան կայքը (http://lib.armedu.am) և կրթական թեմատիկ նորություններով անընդհատ թարմացվող պորտալը (http://armedu.am), որն ի դեպ շուտով օգտվողի դատին կհանձնվի առավել հարմար միջավայրով:

    Նախարարություն <-> ֆորում կապի մասին ճիշտ եք ասում, այնուամենայնիվ ԴԵՌԵՎՍ չի ստացվել իրականացնել պաշտոնյաների ու պատասխանատուների ակտիվ ներգրավվածությունը, որի ուղղությամբ անշուշտ ունենք անելիք, թեկուզ դա մեր անմիջական պարտականությունը չի ու ֆորումն իրականում այդ նպատակով չի ստեղծվել: Սա պետք է լիներ ֆորումի ընձեռած հնարավորություններից միայն մեկը, և ոչ ամենակարևորը: Ֆորումը առանց նման մարդկանց ներգրավվածության էլ կարող է օգուտ տալ ուսուցիչներին ու աշակերտներին, հենց իրենց շնորհիվ: Իրականում եթե խնդիրը լիներ Ձեր ասածը, պաշտոնյաներ <-> ուսուցիչներ կոնտակտը, ապա դրա համար գուցե պետք կլիներ, ավելի հարմար կլիներ այլ ֆորմատի կայք ունենալ:



    Դպրոցական կայքերի անհրաժեշտություն չլինելու մասին Ձեր տեսակետը հիշում եմ: Համաձայնվեք, որ և ես, և դպրոցները կարող են չհամաձայնվել Ձեր տեսակետին: Ինչպես Ձեր բազում այլ տեսակետներ, այս տեսակետը ևս ես ընդունում եմ որպես ի գիտություն, հետևություն եմ անում և վերջ: Յուրաքանչյուր դպրոց ինքն է որոշում, ուզում է նման գործիք ունենալ, թե չի ուզում, և եթե ուզում է, մենք էլ փորձելու ենք օգնել նրանց, ոչ թե հղվել Ձեր տեսակետին, որ իրենց կայք պետք չի ու փակել հարցը: Եվ ի դեպ կան դպրոցներ, որոնք ուզում են կայք ունենալ, դրա համար էլ ստեղծել ենք այս թեման, որ փորձենք օգնել:

    Խնդրում եմ չափսոսալ Ձեր ծախսած ժամանակի համար: Անկախ նրանից, մենք կհամաձայնվե՞նք, թե՞ ոչ, հակափասատարկներ կբերե՞նք, թե՞ ոչ, Ձեր գրառումն ու տեսակետը մեր համար կարևոր է: Եթե ոչ ուրիշ բանի համար, ապա գոնե նրա համար, որ տեսնենք, թե մեր աշխատանքին կողքից ինչպես են նայում ու հետևություններ անեն: Ի վերջո շատ բաներ, լինելով ներսում, մենք կարող է չնկատենք ու իմ կարծիքով դա նորմալ է, բայց իրավունք չունենք կողքից եկող արձագանքներն անտեսել:

    Ինչպես արդեն ասել եմ, ֆորումում այս թեման բացվել է (դեռ այլ թեմաներ էլ կլինեն, կարծում եմ, կոնկրետ խնդիրների հետ կապված) որպեսզի օգնենք դպրոցներին ունենալ կայացած կայքեր: Լիահույս եմ, որ մի քանի ամիս կամ մեկ տարի անց Դուք էլ կգնահատեք այդ աշխատանքը: Դա իհարկե կլինի միայն այն դեպքում, եթե աշխատանքը նորմալ կատարվի:
    Քայլ առ քայլ՝ դարից դար

    Արտակ Հարությունյան
    Կրթական տեխնոլոգիաների ազգային կենտրոն
    ՏՀՏ բովանդակության բաժնի մասնագետ

  8. Գրառմանը 10 հոգի շնորհակալություն են հայտնել.

    gayane0803 (27.11.2014), manush (24.11.2014), Սվետլանա Քոչինյան (07.12.2016), Աստղիկ Մարկոսյան (03.02.2017), Գագիկ (26.11.2014), ԺաննաՀ (01.12.2016), Կարինե Մարգարյան (23.08.2017), Մարիետա (24.11.2014), Մարինե Խաչատրյան (03.01.2017), Ruben (24.11.2014)

  9. #15
    Ավագ մասնակից Ruben-ի ավատար
    Գրանցման ամսաթիվ
    09.05.2010
    Հասցե
    Vayots Dzor, Vayq
    Գրառումներ
    169
    Հեղինակության աստիճան
    8
    Բոլոր դեպքերում առողջ բանավեճը պարտադիր է, ուրախ եմ , որ այս դեպքում էլ կառուցողական բանավեճ է ստացվում: Ինչ վերաբերվում է ֆորումին , ասեմ որ ես էլ դժգոհ եմ և հիմնական պատճառը պետք է փնտրել ուսուցիչների մեջ: Հաճախ ափսոսում եմ , նույնիսկ ամաչում նման վիճակի համար...

  10. Գրառմանը 9 հոգի շնորհակալություն են հայտնել.

    Chuk (24.11.2014), gayane0803 (27.11.2014), manush (24.11.2014), Արմինե Մ (24.11.2014), Գագիկ (26.11.2014), Կարինե Մարգարյան (23.08.2017), Մարիետա (25.11.2014), Մարինե Խաչատրյան (03.01.2017), petros59 (27.11.2014)

  11. #16
    Ավագ մասնակից Գագիկ-ի ավատար
    Գրանցման ամսաթիվ
    24.08.2010
    Հասցե
    Երևան
    Գրառումներ
    245
    Հեղինակության աստիճան
    8
    Հարգելի Արտակ,
    Ձեր երկու գրառումները առաջին հայացքից տպավորություն են թողնում, որ Դուք և ձեր անձնակազմը այլ, նույնիսկ քննադատական կարծիքը շատ նորմալ եք ընդունում, քանի որ շատ բարեկիրթ ձևով պատասխանել եք. շնորհակալություններ, գովեստներ իմ հասցեին, որոշ կետերում համաձայնություն, բայց ամփոփելով ստացվում է, որ

    Դուք ինձ ասում եք հետևյալը.
    Դուք ունեք Ձեր կարծիքը, մենք հարգում ենք Ձեր կարծիք ունենալու իրավունքը և շնորհակալ ենք կարծիք հայտնելու համար, բայց մենք շատ կետերի մասին այլ կարծիք ունենք և առաջնորդվում ենք մեր տեսակետներով ու բերում եք դատողություններ, նույնիսկ թվեր, որոնք իբր թե ցույց են տալիս, որ առնվազն իմ ասածներում գույները խտացված են և իրականությունից հեռու:

    Բայց իմ ասածները ստուգելի ու չափելի են ու ուղակի կարծիք չեն: Ու ստացվում է, որ ես ասում եմ 5*5=25, ու Դուք ասում եք. Շնորհակալություն կարծիք հայտնելու համար, բայց մենք էլ մեր կարծիքն ունենք ու մեր կարծիքով 5*5=10:

    Հիմա ես կներկայացնեմ այդ թվերը, Դուք թվերին առարկեք:

    Մինչև իրական թվերը ներկայացնելը ասեմ, որ եթե նույնիսկ ընդունենք հենց Ձեր ասած թվերը (“օրական գրառումների քանակը համեմատած նախորդ տարիների նույն ժամանակամիջոցի հետ պակասել է առավելագույնը 50 տոկոսով”), արդեն նշանակում է, որ գրառումները պակասել են 2 անգամ: Դա արդեն բավականին մեծ թիվ է:
    Դժվար թե որևէ մեկը մեծ բան չհամարի եթե նրա, օրինակ, եկամուտները պակասեն երկու անգամ, կամ արյան ճնշումը իջներ երկու անգամ:

    Տեսեք, նոր բացված թեմաներ մասում կա 5 թեմա կա՝ Աշխարհագրություն, Հայոց լեզվից ու գրականությունից... , Գրադարանային դաս,,Լեոնարդո դա... , Երևանի հ.105 ավագ դպրոցը... ,
    WordPress համակարգի հիման վրա... :
    Առաջինում կա 5, երկրորդում՝ 6, երորրդում՝ 2, չորրորդում՝ 1, հինգերորդում՝ 14 գրառում: Էդ վերջինից 3-ը իմ գրառումներն են, 4-ն էլ դրանց պատասխանները, այսինքն, եթե ես ձեն չհանեի կլիներ 7 գրառում: Եթե 14-ով էլ հաշվենք, գումարային ստացվում է 28 գրառում: Դրանցից առաջինը բացվել է 04.11-ին: Ուրեմն վերջին 22 օրերին էդ թեմաներում եղել է 28 գրառում, որտեղից միջին օրեկանը ստացվում է 1.28 գրառում: Ձեր ասած 50%-ից ստացվում է, որ լավ ժամանակներում 5 թեմայի համար միջին օրեկանը եղել է մոտ 2.6 գրառում:

    Բայց
    միայն
    http://forum.armedu.am/showthread.ph...նարկում
    թեմայում մեկ օրում (08.06.2011-ին) եղել է 10 գրառում.

    Միայն
    http://forum.armedu.am/showthread.ph...որհուրդ
    թեմայում մեկ օրում (23.11.2010-ին) եղել է 4 գրառում,

    Միայն
    http://forum.armedu.am/showthread.ph...յնը/page25
    թեմայում մեկ օրում (07.10.2010-ին) եղել է 15 գրառում:

    Պարզ է, որ նույն օրերին այլ թեմաներում նույնպես եղել են գրառումներ, բայց եթե նույնիսկ սրանց միջինը հաշվենք, ապա կստացվի, որ նշված երեք թեմաների միջին օրեկանը եղել է 9.67 գրառում ու ստացվում է, որ գրառումները ոչ թե 50%-ով, այլ 8-10 անգամ պակասել են:

    Ուրիշ երկու տվյալ բերեմ:

    «Ուսուցչի ձայն» թեմայում 03.07.2010-ից մինչև 02.07.2011՝ այսինքն մեկ տարում եղել է 324 գրառում, 33 էջ ծավալով, բայց նույն թեմայում 02.07.2011-ից մինչև հիմա եղել է 27 գրառում, այսինքն հաջորդ 3 տարիներին, մի բան էլ ավել, եղել է 27 գրառում:

    «Դպրոց և դաստիարակություն թեմայում» 15.07.2010-ից մինչև 16.11.2010՝ այսինքն 4 ամսում եղել է 42 գրառում, 5 էջ ծավալով, բայց նույն թեմայում 16.11.2010-ից մինչև հիմա եղել է 9 գրառում, այսինքն հաջորդ 4 տարիներին 9 գրառում:

    Սրանք են թվերը: Կանխելով հնարավոր մեկնաբանությունը, որ շատ ակտիվ թեմաներ եմ օրինակ բերում, առաջարկում եմ բերել նման ակտիվ թեմայի գոնե մեկ օրինակ, որը բացվել է վերջին 1.5 տարում:
    Էն ժամանակ թեմաները հա էլ ակտիվ էին, ֆորումը եռում էր, վաղուց արդեն 0 աստիճան է, մի քիչ էլ ու կվերածվի սառույցի:

    Մյուս մասը էդքան էլ թվերուվ ներկայացնելու բան չի, բայց ես ի՞նչ եմ ասել.

    «3 տարի առաջ ակտիվ քննարկումներ անելուց հետո, դպրոցներին օժանդակելու էս քայլը լրիվ հնարավոր էր անել 2 տարի 9 ամիս առաջ, քննարկումներից հետո 3 ամիսը լրիվ բավարար է դա անելու համար: Վորդպրեսը հո՞ նոր չի հայտնվել, էն ժամանակ էլ կար: Իհարկե, եթե համարում էիք, որ նման օժանդակություն պետք է:»

    Հիմա ասում եմ. իմ հիմնական գործերին զուգահեռ աշխատելով՝ ես վորդպրեսի հայերեն տարբերակ կսարքեի մաքսիմում 3 շաբաթում, թող դուք անեիք 3 ամսում (չնայած անհասկանալի է, թե ինչո՞ւ մեկը էդ նույն գործը իր հիմնական գործերին զուգահեռ աշխատելով կարող է անել 3 շաբաթում, իսկ մի ամբողջ նախարարություն 3 ամսում): Բայց փաստորեն ձեզ պետք եղավ 3 տարի:

    Հիմա սա համարենք նորմա՞լ, քանի որ Դուք համարում եք, որ օգնության կարգով եք արե՞լ: Իմ սայթն էլ, որով Դուք հիանում եք («Նախ ասեմ, որ հիացած եմ Ձեր աշխատանքով, շատերին եմ խորհուրդ տվել օգտվել Ձեր կայքից:») ես պահում եմ օգնության կարգով՝ որպես բարեգործություն ու դա անում եմ մենակ՝ միայն իմ ժամանակի, էներգիայի ու ֆինանսների հաշվին, իմ հիմնական գործերին զուգահեռ աշխատելով: Վերջապես, իմ սայթը, Ձեր սայթը կարող է և գոյություն չունենային կամ անպետք մի բան ըլնեին: Մի ամբողջ նախարարություն իր մարդկային, ֆինանսական ռեսուրսներով էս տեսակ արդյունք է տալիս ու դա համարե՞նք նորմալ:

    Մյուսը. Ես ասում եմ, որ քաչալին սանր պետք չէ, ու էդ մասին ես վաղուց եմ ասել:
    Դուք ասում եք, որ ձեզնից քաչալները սանր են խնդրել, դուք էլ պատրաստել ու տվել եք:
    Եթե տեսնեի, որ 40-50 խելքը գլխին նոր սայթ է իրար հետևից ավելացել և ոչ թե ձեր դրած կայքերի 9 հասցեից 5 դատարկ լինենին, ապա կասեի, հազար ներողություն ես սխալվել եմ:

    Դպրոցների ուզելն ու ունեցածը ինձ մի անեկդոտ է հիշեցնում.
    Մեկը ընկերոջը հարցնում է. քո թեյին ինքա՞ն շաքար գցեմ:
    -6-7 գդալ գցի, բայց չխառնես, ես քաղցր չեմ սիրում, -ասում է ընկերը:


    Ու էս պարագայում Դուք գրում եք.
    «Դպրոցական կայքերի անհրաժեշտություն չլինելու մասին Ձեր տեսակետը հիշում եմ: Համաձայնվեք, որ և ես, և դպրոցները կարող են չհամաձայնվել Ձեր տեսակետին: Ինչպես Ձեր բազում այլ տեսակետներ, այս տեսակետը ևս ես ընդունում եմ որպես ի գիտություն, հետևություն եմ անում և վերջ: Յուրաքանչյուր դպրոց ինքն է որոշում, ուզում է նման գործիք ունենալ, թե չի ուզում, և եթե ուզում է, մենք էլ փորձելու ենք օգնել նրանց, ոչ թե հղվել Ձեր տեսակետին, որ իրենց կայք պետք չի ու փակել հարցը: Եվ ի դեպ կան դպրոցներ, որոնք ուզում են կայք ունենալ, դրա համար էլ ստեղծել ենք այս թեման, որ փորձենք օգնել:»

    Հետո էլ գրել եք.
    «Խնդրում եմ չափսոսալ Ձեր ծախսած ժամանակի համար: Անկախ նրանից, մենք կհամաձայնվե՞նք, թե՞ ոչ, հակափասատարկներ կբերե՞նք, թե՞ ոչ, Ձեր գրառումն ու տեսակետը մեր համար կարևոր է: Եթե ոչ ուրիշ բանի համար, ապա գոնե նրա համար, որ տեսնենք, թե մեր աշխատանքին կողքից ինչպես են նայում ու հետևություններ անեն:»

    Ես թվերով, փաստերով ներկայացրի վիճակը, հիմա հետևություն կանեք, թե «հակափաստարկներ» կբերեք, Դուք գիտեք: Եթե գերատեսչական «հայրենասիրությունը» չհաղթի, պիտի որ «հակափաստարկներ» չբերեք:

    Չնայած անձամբ Ձեզ ես չեմ մեղադրել, ավելին կոնկրետ որևէ մեկին չեմ մեղադրել: Ահա երկու մեջբերում իմ գրառումներից, որոնք հաստատում են էս ասածս.
    «Նախ ասեմ, որ անձնապես որևէ մեկին չեմ մեղադրում, ամեն մեկը ունի իր արդարացումը, և շատ դեպքերում դրանք օբյեկտիվ են՝ տվյալ մարդու որակներից չի կախված, այլ իրադրության հետևանք է:»
    «Ու իմ պատասխանը Ձեզ չի ուղղված, նույնիսկ ԿՏԱԿ-ին չի ուղղված:»
    Վերջին խմբագրող՝ Գագիկ: 26.11.2014, 01:10:
    Գ.Աղեկյան
    www.MathNet.am

  12. Գրառմանը 6 հոգի շնորհակալություն են հայտնել.

    gayane0803 (27.11.2014), Սվետլանա Քոչինյան (07.12.2016), Աստղիկ Մարկոսյան (03.02.2017), ԺաննաՀ (01.12.2016), Մարինե Խաչատրյան (03.01.2017), Ruben (26.11.2014)

  13. #17
    Ավագ մասնակից petros59-ի ավատար
    Գրանցման ամսաթիվ
    14.05.2010
    Գրառումներ
    357
    Հեղինակության աստիճան
    8
    Մեջբերում Chuk-ի խոսքերից Նայել գրառումը
    Յուրաքանչյուր դպրոց ինքն է որոշում, ուզում է նման գործիք ունենալ, թե չի ուզում, և եթե ուզում է, մենք էլ փորձելու ենք օգնել նրանց, ոչ թե հղվել Ձեր տեսակետին, որ իրենց կայք պետք չի ու փակել հարցը:
    Եվ դուք ձեր ասածին հավատում եք:
    Շատ լավ հասկանում եք, որ սա էլ կփաթաթեն դպրոցների վզին, ինչպես էլեկտրոնային մատյան կոչվածը, թեմատիկ աշխատանքների համար նախատեսված տետրեր և այլն: Պարզ է, որ ինչ որ մեկին սա պետք է, ում և ինչ նպատակով, ես միայն կարող եմ ենթադրել (խոհանոցը ինձ ծանոթ չէ): Դպրոցների տնօրենները (իսկ նրանց` ուրիշները) կստիպեն ուսուցիչներին, որ բան ու գործ թողած նյութեր տեղադրեն այդ կայքերում: Դրանով կարող եք բարձրացնել դպրոցի վարկանիշը: Հիմա էլ գնդակը փոխանցում ենք schoolrate.armedu.am կայքին:
    Այս բոլոր արհեստական գործիքները չեն կարող փրկել համակարգը: Փաստը այն է, որ ոչ ոք չի վստահում հանրակրթական դպրոցներին: Եթե բոլոր աշակերտները հաճախում են մասնավոր պարապմունքների, էլ ում են պետք դպրոցները, ինչ վարկանիշի մասին է խոսքը:

  14. Գրառմանը 5 հոգի շնորհակալություն են հայտնել.

    gayane0803 (27.11.2014), Սյուզան (08.12.2016), Աստղիկ Մարկոսյան (03.02.2017), Մարինե Խաչատրյան (03.01.2017), Ruben (27.11.2014)

  15. #18
    Ավագ մասնակից Ruzan_#105-ի ավատար
    Գրանցման ամսաթիվ
    06.05.2010
    Գրառումներ
    299
    Հեղինակության աստիճան
    8
    h.105 ավագ դպրոցի կայքը
    http://school105.schools.am/
    Ռուզան Ստեփանյան
    ՀՀ ԿԳՆ, Կրթության ազգային ինստիտուտ, Ինֆորմատիկայի և տեղեկատվական տեխնոլոգիաների բաժնի վարիչ: “ՀԱՐՄՈՆԻԱ” հիմնադրամ, CISCO Ցանցային Ակադեմիայի ինստրուկտոր

  16. Գրառմանը 5 հոգի շնորհակալություն են հայտնել.

    gayane0803 (01.12.2014), manush (28.11.2014), Կարինե Մարգարյան (23.08.2017), Մարիետա (28.11.2014), Մարինե Խաչատրյան (03.01.2017)

  17. #19
    Ադմինիստրատոր Chuk-ի ավատար
    Գրանցման ամսաթիվ
    30.04.2010
    Տարիք
    33
    Գրառումներ
    569
    Հեղինակության աստիճան
    8
    Մեջբերում petros59-ի խոսքերից Նայել գրառումը
    Շատ լավ հասկանում եք, որ սա էլ կփաթաթեն դպրոցների վզին
    Իմ համոզմունքն է, որ յուրաքանչյուր դպրոց ինքը պետք է ընտրի, ուզու՞մ է ունենալ կայք, թե՞ ոչ:

    Բայց իհարկե՛ ես հնարավոր համարում եմ, որ նախարարությունը որոշի կայք ունենալը դարձնել պարտադիր պայման: Ուզում եմ հասկանանք, որ եթե նման պարտադրանք լինի, դա որևէ կապ չի ունենա այս մեր առաջարկած օժանդակության հետ: Պարզապես եթե նման պարտադրանք լինի, դպրոցները կայք պատրաստելու հազարավոր տարբերակներից կկարողանան ընտրել մեր օգնությանը դիմելու հնարավորությունը, ինչպես որ այդ օժանդակությանը այսօր կարող են դիմել կայք ունենալ ցանկացողները:

    Հարգելի՛ ֆորումցիներ, մենք այս թեման համատեղ ջանքերով տանում ենք փակուղի: Հասկացեք, սա ստեղծվել է որպես աշխատանքային հարթակ կայք ունենալ ցանկացողներին օգնելու համար, սա մեր նախաձեռնությունն է, մեր աշխատակազմի, մեր կազմակերպության, մինչդեռ այս աշխատանքային նպատակով ստեղծված թեման հիմա վերածվել է նախարության մասին մտածածը բարձրձայնելու, մեր աշխատանքին գնահատական տալու, ու բուն թեմայի հետ առնչություն չունեցող քննարկման:

    Հավատացեք, նույն, իմ կողմից շատ հարգված պարոն Աղեկյանի վերջին գրառմանը կարող եմ շատ հանգամանորեն պատասխանել, բերելով օրինակ ֆորումի գրառումների իրական վիճակագրությունը, բայց այս թեման ստեղծվել էր այլ նպատակով: Իմ սխալն էր, հավանաբար, ընդհանրապես պատասխանելը, պետք է կարծիքն ի գիտություն ընդունեի, մասամբ համաձայնվեի, մասամբ ոչ, ու անցնեի առաջ: Ու հիմա իմ խնդրանքն է թեման այս ուղղությամբ չշարունակելը:
    Վերջին խմբագրող՝ Chuk: 28.11.2014, 16:49:
    Քայլ առ քայլ՝ դարից դար

    Արտակ Հարությունյան
    Կրթական տեխնոլոգիաների ազգային կենտրոն
    ՏՀՏ բովանդակության բաժնի մասնագետ

  18. Գրառմանը 6 հոգի շնորհակալություն են հայտնել.

    gayane0803 (01.12.2014), manush (28.11.2014), Կարինե Մարգարյան (23.08.2017), Մարիետա (28.11.2014), Մարինե Խաչատրյան (03.01.2017), Ruben (29.11.2014)

  19. #20
    Մոդերատոր gayane0803-ի ավատար
    Գրանցման ամսաթիվ
    07.05.2010
    Հասցե
    Չարենցավան
    Գրառումներ
    515
    Հեղինակության աստիճան
    8
    Բարև Արտակ ջան գրածս թեմայից դուրս է:
    Հեռաուսուցման թեստերը, կոնկրետ ինֆորմատիկայի, չեն բացվում: Մնացած առարկաներն էլ չեն բացվում: Ինչ որ թույլտվության մասին է գրում` This error (HTTP 403 Forbidden) means that Internet Explorer was able to connect to the website, but it does not have permission to view the webpage.For more information about HTTP errors, see Help.
    Բայց առաջ բացել ենք, լուծել աշակերտների հետ: Խնդրում եմ նայես: Շնորհակալություն:

  20. Գրառմանը 1 հոգի շնորհակալություն է հայտնել.


Էջ 2 9-ից ԱռաջինԱռաջին 1234 ... ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •