Էջ 4 6-ից ԱռաջինԱռաջին ... 23456 ՎերջինըՎերջինը
Ցույց են տրվում 31 համարից մինչև 40 համարի արդյունքները՝ ընդհանուր 52 հատից

Թեմա: Ի՞նչ է անում դասղեկը դպրոցում

  1. #31
    Մոդերատոր Նատաշա Պողոսյան-ի ավատար
    Գրանցման ամսաթիվ
    12.01.2019
    Հասցե
    Արցախ, քաղաք Մարտակերտ
    Գրառումներ
    861
    Հեղինակության աստիճան
    17773
    Մեջբերում Դավ-ի խոսքերից Նայել գրառումը
    Տիկին Նատաշա, դուք ճիշտ եք ասում, բայց լավ գիտեք, որ շատ ծնողներ պարզապես ձևական մասնակցություն են ապահովում դասղեկական ժողովներին, իսկ դրանից հետո կարծես մոռանում են իրենց անելիքները, չեն հետևում իրենց երեխաներին: Ճիշտ է ծնողը պետք է մասնակցի ծնողական ժողովներին, սակայն շատ կարևոր է, որ դա չլինի պարզապես մասնակցության ապահովում, կարծում եմ, կարևորը, որ ծնողը լինի մասնակից և հետևողական իր երեխայի ուսումնադաստիարակչական գործընթացների նկատմամբ:
    Պատահում է, որ երբեմն իմ աշակերտներն են առաջարկում ծնողական ժողով հրավիրել: Ձգտում եմ իմ բոլոր արտադպրոցական միջոցառումներին հրավիրել ծնողներին, ովքեր մեծ սիրով մասնակցում են: Դա կարող է լինել իմ հեղինակային գրքերի շնորհանդեսներ, գրողների հետ հանդիպումներ, այցելություններ պատմամշակութային հուշարձաններ, տարբեր էքսկուրսիաներ:

    Հարգելի՛ Դավ, ես էլ դեմ եմ ձևական ծնողական ժողովներին, այն պիտի քննարկվող թեմա ունենա, երբեմն հրատապ հարցեր, որոնց դրական լուծում կտրվի համատեղ քննարկման արդյունքում:
    Նաև ինչքան աշակերտների, նույնքան էլ ծնողների հետ զգույշ եմ մեր հարաբերություններում, այն ձգտում եմ պահպանել բարձր պատասխանատվությամբ ու փոխադարձ հասկացվածությամբ՝ համոզված, որ միայն համատեղ համագործակցության դեպքում հաջողության կհասնենք:

  2. Գրառմանը 2 հոգի շնորհակալություն են հայտնել.

    Դավ (17.03.2019), Նաիրա Բարիկյան (17.03.2019)

  3. #32
    Մոդերատոր Նատաշա Պողոսյան-ի ավատար
    Գրանցման ամսաթիվ
    12.01.2019
    Հասցե
    Արցախ, քաղաք Մարտակերտ
    Գրառումներ
    861
    Հեղինակության աստիճան
    17773
    Մեջբերում Նաիրա Բարիկյան-ի խոսքերից Նայել գրառումը
    Այսօր մեծ խնդիր ունենք ծնողական համայնքի գիտակցությանը հասցնելու այն փաստը, որ ծնող - դպրոց կապի թուլացումը միայն բացասաբար է անդրադառնում անգամ լավագույն աշակերտների վարքի ու առաջադիմության վրա: Հատկապես հայր-ծնողների դպրոցից հեռու լինելը, երեխայի դպրոցական առօրյայի մասին միայն երեխայից տեղեկանալը ,առավել հաճախ հանդիպող բացասական երևույթ է:
    Հարգելի՛ Նաիրա, Ձեր այս տողերը կարդացի, հիշեցի, թե ինչպես տարիներ առաջ ծնողական ժողով էի հրավիրել՝ միաժամանակ առաջարկելով աշակերտներին, որ նախընտրելի է հայր ծնողները ներկայանան: Հասկանալի է, որ հայրերը մի քիչ խստապահանջ են, և այդ ժողովը նրանց ներկայությամբ շատ ավելի արդյունավետ էր:

  4. Գրառմանը 2 հոգի շնորհակալություն են հայտնել.

    Դավ (17.03.2019), Նաիրա Բարիկյան (17.03.2019)

  5. #33
    Մասնակից
    Գրանցման ամսաթիվ
    16.03.2019
    Գրառումներ
    88
    Հեղինակության աստիճան
    3165
    Հարգելի՛ Նատաշա, Ձեր մեկնաբանությունը տեղին է, քանի որ ոչ միայն ծնողական ժողովներին են ձևական մասնակցություն են ունենում որոշ ծնողներ, այլ անգամ այդ ժողովներն են անցնում երբեմն ձևական: Իսկ ընդհանրապես պե՞տք են, արդյոք, ծնողական ժողովները, թե՞ դրանք կորցրել են արդեն իրենց արդիականությունը և գոյատևում են զուտ սովորույթի ուժով:
    Եթե նկատառենք այն տխուր ձևաչափը, որով անցկացվում են ծնողական ժողովները տարիներ ի վեր, ապա պարզապես կարելի է ասել, որ դրանք ժամանակի ավելորդ կորուստ են: Գաղտնիք չէ, որ որոշ դասղեկներ ընդհանրապես չեն պատրաստվում ծնողական ժողովներին: Նրանք այդ ընթացքում վերցնում են դասամատյանը և, ըստ սովորողների անվանացանկի, ծնողներին հաշվետվություններ ներկայացնում իրենց երեխաների հաջողությունների, արարքների և վարքի մասին: Այսինքն՝ ամեն բան ընթանում է ամենապարզունակ մակարդակով: Կարծում եմ, այստեղ մտածելու բան ունենք և պետք է հրաժարվենք ձևական ժողովներից, պետք է ժողովների ձևաչափը փոխվի:
    Վերջին խմբագրող՝ Դավ: 17.03.2019, 20:31:

  6. Գրառմանը 1 հոգի շնորհակալություն է հայտնել.


  7. #34
    Մասնակից Նաիրա Բարիկյան-ի ավատար
    Գրանցման ամսաթիվ
    22.02.2019
    Գրառումներ
    70
    Հեղինակության աստիճան
    2435
    Ծնողական ժողովները, պետք է թեմատիկ լինեն, ունենան հստակ նպատակներ և դրանց իրագործմանը հասնելու եղանակներ մշակվեն:
    Ընթացիկ առաջադիմությանը վերաբերող ժողովներին , սովորաբար հրավիրում եմ նաև դասավանդող ուսուցիչներին , քանի որ նրանք ոչ թե պարզապես թվանշանները կբարձրաձայնեն,այլ կասեն կոնկրետ իրենց առարկայի հետ կապված ինչ թերացումներ կամ առաջընթաց ունի երեխան:
    Օրինակ՝ նախորդ տարվա տարեվերջյան ծնողական ժողովը իրականացրել եմ հաշվետվության ֆորմատով, ներկայացրել եմ դպրոցական առօրյան , իմ կատարած աշխատանքները դասարանի հետ, երեխաների ձեռքբերումները:
    Նաև ընթացքում ունեցել եմ համակարգչային կախվածությանն ու դրա հաղթահարման թեմայով ծնողական ժողով:
    Այս օրինակները ներկայացրեցի փաստելու համար. այո, ժամանակները փոխվել են, և մեր մոտեցումները շատ հարցերում իսկապես վերանայման կարիք ունեն: Մեր աշխատանքում միօրինակությունը տեղ չունի: Իսկ ինչ վերաբերում է ,թե արդյո՞ք պետք են ծնողական ժողովները՝ միանշանակ այո: Դեռևս առավել արդյունավետ ծնող-ուսուվիչ համագործակցության ձև չեմ տեսնում: Իհարկե, ձևային և բովանդակային փոփոխություննեի կարիք կա:

  8. #35
    Ավագ մասնակից
    Գրանցման ամսաթիվ
    10.02.2019
    Գրառումներ
    414
    Հեղինակության աստիճան
    8272
    Պատահում է, որ երբեմն իմ աշակերտներն են առաջարկում ծնողական ժողով հրավիրել:---Ծնողական ժողովներ քիչ եմ կազմակերպում, առաջնորդվում եմ այն սկզբունքով, որ իմ գործը երեխայի հետ է և ոչ թե ծնողի: Սխալ արարքի համար պատասխանատվության պիտի ենթարկվի երեխան և ոչ թե ծնողը: Ըստ անհրաժեշտության առանձին ծնողների դպրոց եմ հրավիրում, այն էլ ոչ իմ խնդիրները լուծելու, այլ առանձին ուսուցիչների խնդրանքով:
    Ծնողական ժողովներ հրավիրում եմ տարվա մեջ 3 անգամ ` ուստարվա սկզբին ` սեպտեմբեր ամսին, առաջին և երկրորդ կիսամյակների ավարտին `արդյունքերն ամփոփելու, հաջրդ տարվա անելիքները մշակելու: Արտադպրոցական կամ արտադասարանական որևէ միջոցառում կազմակերպելիս անգամ նպատակահարմար եմ գտնում երեխաների անմիջական մասնակցությունը, դրանով ձեռք են բերում ինքնուրույնություն:
    Վերջին խմբագրող՝ Հերմինե Խառատյան: 17.03.2019, 22:31:

  9. Գրառմանը 1 հոգի շնորհակալություն է հայտնել.


  10. #36
    Մոդերատոր Նատաշա Պողոսյան-ի ավատար
    Գրանցման ամսաթիվ
    12.01.2019
    Հասցե
    Արցախ, քաղաք Մարտակերտ
    Գրառումներ
    861
    Հեղինակության աստիճան
    17773
    Մեջբերում Դավ-ի խոսքերից Նայել գրառումը
    Հարգելի՛ Նատաշա, Ձեր մեկնաբանությունը տեղին է, քանի որ ոչ միայն ծնողական ժողովներին են ձևական մասնակցություն են ունենում որոշ ծնողներ, այլ անգամ այդ ժողովներն են անցնում երբեմն ձևական: Իսկ ընդհանրապես պե՞տք են, արդյոք, ծնողական ժողովները, թե՞ դրանք կորցրել են արդեն իրենց արդիականությունը և գոյատևում են զուտ սովորույթի ուժով:
    Եթե նկատառենք այն տխուր ձևաչափը, որով անցկացվում են ծնողական ժողովները տարիներ ի վեր, ապա պարզապես կարելի է ասել, որ դրանք ժամանակի ավելորդ կորուստ են: Գաղտնիք չէ, որ որոշ դասղեկներ ընդհանրապես չեն պատրաստվում ծնողական ժողովներին: Նրանք այդ ընթացքում վերցնում են դասամատյանը և, ըստ սովորողների անվանացանկի, ծնողներին հաշվետվություններ ներկայացնում իրենց երեխաների հաջողությունների, արարքների և վարքի մասին: Այսինքն՝ ամեն բան ընթանում է ամենապարզունակ մակարդակով: Կարծում եմ, այստեղ մտածելու բան ունենք և պետք է հրաժարվենք ձևական ժողովներից, պետք է ժողովների ձևաչափը փոխվի:
    Իմ կարծիքով ծնողական ժողովները պարտադիր են, քանի որ դրանց անհրաժեշտությունը կա, ուղղակի այն ձևական բնույթ չպետք է կրի: Որպես դասղեկ՝ ուսումնական տարվա ընթացքում հարմար եմ գտնում հրավիրել չորս ծնողական ժողով, որին մասնակցում են համարյա իմ բոլոր ծնողները: Ծնողական ժողովների անհրաժեշտությունը կա, քանի որ այն ուսուցչի հետ ծնողին կապող օղակ է, չնայած երբեմն առանձին ծնողների հետ կապը պահպանվում է նաև տարբեր հանգամանքներից ելնելով:

    Բայց մյուս կողմից պատկերացնենք հակառակը, ենթադրենք ժողովներ չենք հրավիրում: Նման դեպքում դասղեկը, դասավանդող ուսուցիչները պետք է ունենան տարբեր ծնողների հետ հանդիպման համապատասխան ժամանակացույց, թե ամսվա ո՛ր օրը, ո՛ր ժամին, ու՛մ ծնողի հետ պիտի հանդիպել: Նույնիսկ կասկածում եմ, թե այդյո՞ք այսպիսի հանդիպումները անտեսողներ չեն լինի...

    Այստեղ արդեն մեզ համար շատ ավելի ժամանակատար աշխատանք է սպասվում ուսուցչի նվաստացուցիչ աշխատավարձով, որի շուրջը չեմ ուզում ծավալվել: Ու խոնարհումս բոլոր այն նվիրյալ ուսուցիչներին, ովքեր բարձր պատասխանատվությամբ այսօր սերունդ են կրթում:

  11. Գրառմանը 2 հոգի շնորհակալություն են հայտնել.

    Դավ (18.03.2019), Նաիրա Բարիկյան (18.03.2019)

  12. #37
    Մասնակից
    Գրանցման ամսաթիվ
    16.03.2019
    Գրառումներ
    88
    Հեղինակության աստիճան
    3165
    Հարգելի՛ Նատաշա, ես էլ եմ գտնում, որ ծնողական ժողովներն անհրաժեշտ են, պարզապես ձևաչափը պետք է փոխել, պետք է հրաժարվել ձևական մոտեցումներից: Կան որոշ գաղտնքներ և նրբություններ, որոնք պետք են հաջողված ծնողական ժողով անցկացնելու համար:
    Խնդրահարույց հարցերի քննարկման ժամանակ պետք է հենվել առավել կենսափորձ ունեցող ծնողների կյանքի և մանկավարժական փորձի, ծնողական կոմիտեի անդամների և դպրոցի խորհրդի կարծիքների վրա:
    Ծնողների հետ հարկավոր է խոսել հանգիստ և բարեհամբույր: Կարևոր է, որ բոլոր աշակերտների, այդ թվում և «ռիսկային խմբի» երեխաների ծնողները ժողովից գնան հավատով լցված դեպի իրենց երեխան:
    Ծնողական ժողովի ընթացքում մեր համատեղ աշխատանքի արդյունքը պետք է լինի այն, որ ծնողները դառնան ավելի վստահ այն բանում, որ իրենց երեխաների դաստիարակության հարցում կարող են հենվել մեր և դպրոցի մյուս ուսուցիչների աջակցության և օգնության վրա: Իսկ, որ Դուք տիրապետում եք այդ գաղտնիքներին և նրբություններին, անշուշտ, համոզված եմ, դեռ ավելին:
    Վերջին խմբագրող՝ Դավ: 18.03.2019, 00:20:

  13. #38
    Մոդերատոր Նատաշա Պողոսյան-ի ավատար
    Գրանցման ամսաթիվ
    12.01.2019
    Հասցե
    Արցախ, քաղաք Մարտակերտ
    Գրառումներ
    861
    Հեղինակության աստիճան
    17773
    Մեջբերում Դավ-ի խոսքերից Նայել գրառումը
    Հարգելի՛ Նատաշա, ես էլ եմ գտնում, որ ծնողական ժողովներն անհրաժեշտ են, պարզապես ձևաչափը պետք է փոխել, պետք է հրաժարվել ձևական մոտեցումներից: Կան որոշ գաղտնքներ և նրբություններ, որոնք պետք են հաջողված ծնողական ժողով անցկացնելու համար:
    Խնդրահարույց հարցերի քննարկման ժամանակ պետք է հենվել առավել կենսափորձ ունեցող ծնողների կյանքի և մանկավարժական փորձի, ծնողական կոմիտեի անդամների և դպրոցի խորհրդի կարծիքների վրա:
    Ծնողների հետ հարկավոր է խոսել հանգիստ և բարեհամբույր: Կարևոր է, որ բոլոր աշակերտների, այդ թվում և «ռիսկային խմբի» երեխաների ծնողները ժողովից գնան հավատով լցված դեպի իրենց երեխան:
    Ծնողական ժողովի ընթացքում մեր համատեղ աշխատանքի արդյունքը պետք է լինի այն, որ ծնողները դառնան ավելի վստահ այն բանում, որ իրենց երեխաների դաստիարակության հարցում կարող են հենվել մեր և դպրոցի մյուս ուսուցիչների աջակցության և օգնության վրա: Իսկ, որ Դուք տիրապետում եք այդ գաղտնիքներին և նրբություններին, անշուշտ, համոզված եմ, դեռ ավելին:
    Շատ ճիշտ եք, հարգելի՛ Դավ, կողմ եմ Ձեր վերոնշյալ ձևաչափը փոխելու առաջարկներին, որ այդ ժողովներն ավելի հետաքրքիր անցնեն, ծնողները շահագրգռված լինեն մասնակցելու, նաև ամենակարևորը՝ ծնողը պետք է վստահի ուսուցչին, տվյալ դեպքում՝ դասղեկին, որ իր երեխան ապահով ձեռքերում է: Ես այս թեմայի տակ, վստահության մասին է խոսքը, շուտով իմ նախորդ օրերի հրապարակումներից մեկը կտեղադրեմ:

  14. Գրառմանը 2 հոգի շնորհակալություն են հայտնել.

    Դավ (18.03.2019), Նաիրա Բարիկյան (18.03.2019)

  15. #39
    Մոդերատոր Նատաշա Պողոսյան-ի ավատար
    Գրանցման ամսաթիվ
    12.01.2019
    Հասցե
    Արցախ, քաղաք Մարտակերտ
    Գրառումներ
    861
    Հեղինակության աստիճան
    17773
    Ծնողը խնդրում էր մանկավարժիս միջամտությունը...

    Հեռախոսի մյուս կողմից անհանգիստ ձայնն ինձ ասում էր, որ երեխան չի ուզում դպրոց հաճախել: Պատճառը պարզ չէր, երբ նրա մոտ միտք էր ծագել, թե ընդհանրապես ինչու՞ են երեխաները դպրոց գնում, և հարմար էր գտել օրերով տանը նստել, միայն հեռու մնար դաս սովորելու ամենօրյա պարտականությունից: Ծնողը խնդրում էր մանկավարժիս միջամտությունը:

    Անմիջապես հարցրի, թե ինչպես կարող եմ կապվել երեխայի հետ: Հեռախոսահամարը ձեռքիս էր, մնում էր ինչ-որ բան մտածել: Շուտով ինձ արձագանքում է մի շատ դուրեկան ձայն: Ես զրուցում եմ նրա հետ մտերմական, իմ խոսքերում կարոտ կար մեկի հանդեպ, ում օրերով չէի տեսել, ափսոսանք կար խոսքիս մեջ, որ նա բացակայում է, խորհուրդ կար իմ խոսքում, որ դասերի բացթողումը լուրջ հետևանքներ կունենա նրա ուսումնառության ընթացքի վրա:

    Նա պարելու, երգելու լավագույն շնորհ ուներ, բազմիցս հիացրել էր մեզ: Ասմունքում էր երբեմն արտահայտիչ, չնայած չէր սիրում անգիր սովորել: Դասերի հանդեպ անտարբեր էր, բայց պարում էր հիացնելու չափ, երգում էր հյութեղ:

    Մեր խոսակցությունը շատ մեղմ էր ընթանում, անկեղծ: Երբեմն ծիծաղի կտորներ էին հասնում ինձ հեռախոսի մյուս կողմից, երբեմն՝ զարմանք արտահայտող խոսքեր...Դա մի զրույց էր տարածության մեջ դեռահասի և ուսուցչուհու, ու երկուսս էլ բավարարված զգացինք, երբ փոխադարձ հասկացվածություն կար մեր միջև: Մենք հասկացանք, որ շտկված է ամեն ինչ, այն բոլոր «արգելքները» վերացված են, որ նրան այդ օրերին «հեռացրել էին» դպրոցից: Իրավիճակը հարթված էր, բայց որո՞նք են պատճառները, որ երեխան երբեմն հրաժարվում է դպրոց հաճախելուց: Ուսուցիչ-աշակերտ-ծնող հարաբերության մեջ փորձում եմ գտնել այն «ոսկե միջինը», որի հարթության վրա պետք է մնա մեզանից յուրաքանչյուրը:

    Ընտանեկան պայմաննե՞րը, թե՞ ծնողների կողմից նրան ուղղված ոչ վայելուչ վարվելակե՞րպը: Աշակերտի ծուլությու՞նը դասերի հանդեպ, որ չի կարողանում հաղթահարել, թե՞ պարապ մնալու անհագուրդ ծարավը, որից կտրվում է նա, երբ դպրոց է հաճախում: Կամ գուցե այդ երեխայի հանդեպ իր շրջապատի ընկերական միջավայրի ոչ բարյացակամ վերաբերմու՞նք կա, որ տանում է նրան մեկուսացման... Թե՞ դասավանդող ուսուցիչ կա, ում դասերից խուսափու՞մ է աշակերտը:

    Շուտով դպրոց հաճախող այդ աշակերտի հետ ես առերես զրուցում եմ: Նա մերժում է բոլոր բացասական ազդեցությունները, որ կարող են ներգործել իր վրա: Կողքին նստող աշակերտուհին հաստատում է նման երևույթների բացակայությունը, համադասարանցիները դրական որակներով են բնութագրում դասարանի տաղանդաշատ աշակերտին, ով բոլորի հետ համերաշխ է, հարգանքով լեցուն:

    Այս անգամ իմ գրառման «հերոսը» անհայտ կմնա, դասարանն էլ չեմ նշում: Կարևորը ծնողի գոհունակությունն էր, որ վերջապես երեխան դպրոց է հաճախում, որով էլ տրվում են բոլոր անհասկանալի հարցերի պատասխանները:

    http://www.usarmenianews.com/am-n-9973.html

  16. Գրառմանը 1 հոգի շնորհակալություն է հայտնել.


  17. #40
    Մասնակից
    Գրանցման ամսաթիվ
    16.03.2019
    Գրառումներ
    88
    Հեղինակության աստիճան
    3165
    Տեղին է ասված, ՈՒսուցիչը, ով տիրապետում է կամ ունի լավ մանկավարժական և մասնագիտական որակներ, կարող է լիարժեք լուծել իր առջև դրված խնդիրը` դաստիարակել և գիտելիքներով զինել աշակերտներին: Սակայն պարզ է մի հանգամանք ևս. դպրոցը չի կարող կազմակերպել և իրագործել ամբողջ աշխատանքը, եթե ընտանիքը ևս շահագրգռված չէ այդ հարցում:

Էջ 4 6-ից ԱռաջինԱռաջին ... 23456 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. Դասղեկի անկյուն
    Հեղինակ՝ Mariam3, բաժին` Ուսուցչի անկյուն
    Գրառումներ: 62
    Վերջինը: 31.10.2018, 18:47
  2. Դասղեկի աշխատանքը աշակերտների, ծնողների հետ
    Հեղինակ՝ Anna Melqumyan, բաժին` Հանրակրթական դպրոց
    Գրառումներ: 33
    Վերջինը: 01.03.2018, 22:27
  3. Բաց դաս, դասղեկի ժամ 8-րդ դասարանի համար
    Հեղինակ՝ Օլգա Հայրապետյան, բաժին` Ուսուցչի անկյուն
    Գրառումներ: 12
    Վերջինը: 04.02.2018, 19:09
  4. Դասղեկի դաստիարակչական աշխատանքների թեմատիկ պլան
    Հեղինակ՝ Դիանա Աղասարյան, բաժին` Դաստիարակության հիմնախնդիրներ
    Գրառումներ: 51
    Վերջինը: 03.02.2018, 18:28
  5. Դասղեկական դասաժամերի երաշխավորվող թեմաներ
    Հեղինակ՝ Վ. Հովհաննիսյան, բաժին` Ուսումնամեթոդական նյութեր
    Գրառումներ: 1
    Վերջինը: 02.02.2018, 20:43

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •