+ Կատարել գրառում
Էջ 2 2-ից ԱռաջինԱռաջին 12
Ցույց են տրվում 11 համարից մինչև 17 համարի արդյունքները՝ ընդհանուր 17 հատից

Թեմա: Գրիգոր Նարեկացի << Մատյան ողբերգության>>

  1. #11
    Մոդերատոր Հռիփսիմե Հարությունյան-ի ավատար
    Գրանցման ամսաթիվ
    03.09.2018
    Հասցե
    Լոռու մարզ,գյուղ Բազում
    Գրառումներ
    191
    Հեղինակության աստիճան
    12712
    Մեջբերում Հռիփսիմե Հարությունյան-ի խոսքերից Նայել գրառումը
    ԲԱՆ Ա ՍՐՏԻ ԽՈՐՔԵՐԻՑ ԽՈՍՔ ԱՍՏԾՈՅ ՀԵՏ
    Ա
    Սրտիս ողբաձայն հառաչանքների աղաղակն, ահա,
    Դէպ երկինքն ի վեր` քեզ եմ ընծայում, գաղտնատե՛ս Աստուած.
    Եւ իմ սասանեալ հոգու իղձերի պտուղն այրուող`
    Անձս տոչորող թախծութեան հրի վրայ դնելով`
    Կամքիս բուրվառով առաքում եմ քե՛զ:
    Նայի՛ր, ո՜վ գթած, հոտոտի՛ր դու այն առաւե՛լ սիրով,
    Քան պատարագը բոլորանուէր, մատուցուած ծխով ամէնառատ:
    Ընդունիր այս պարզ ու սեղմ խօսքերիս շարադրանքը դու
    Հաճութեամբ յօժար եւ ո՛չ բարկութեամբ:
    Իրապես մեծ է Նարեկացու աստվածապաշտության խորհուրդը, և շնորհիվ դրա <<Մատյան ողբերգությունը>> դարձավ <<Նարեկ>>, որը կարող է փրկել մարդու և' հոգին, և' մարմինը...

  2. Գրառմանը 1 հոգի շնորհակալություն է հայտնել.


  3. #12
    Մոդերատոր Հռիփսիմե Հարությունյան-ի ավատար
    Գրանցման ամսաթիվ
    03.09.2018
    Հասցե
    Լոռու մարզ,գյուղ Բազում
    Գրառումներ
    191
    Հեղինակության աստիճան
    12712
    Մատյան ողբերգության, Գրիգոր Նարեկացու պոեմը։ Ավարտին է հասցվել 1002 թվականին և կազմված է ավելի քան 10 000 տողից[1]: Ամենավաղ պահպանված ցանկերը թվագրվում են 1173 թվականով[2]: Հատվածները լույս են տեսել դեռևս 1513 թվականին Վենետիկում, ամբողջությամբ հրատարակվել է 1673 թվականին Մարսելում։

    Առաջին հայտնի փորձը թարգմանել «Մատյան ողբերգության» պոեմը ռուսերեն վերաբերում է 19-րդ դարի սկզբին. 1810 թվականին Իոսիֆ Իոանեսովը՝ Մովսես Խորենացու «Հայոց պատմության» թարգմանիչը (1809 թվական), մի հատված թարգմանեց «Մատյան ողբերգության» պոեմից (12-րդ գլխի երրորդ՝ եզրափակիչ մասը) և հրատարակեց Սանկտ-Պետերբուրգում՝ «Աղոթք ընդդեմ գիշերային սարսափների» խորագրով։

    1985 թվականի կոմպոզիտոր Ալֆրեդ Շնիտկեն Գրիգոր Նարեկացու խոսքերով (թարգմանությամբ Նաում Գրեբևի) գրեց «Խառը տիպի երգչախմբի համար քառամաս կոնցերտը»:

    2001 թվականին ԳՐԻԳՈՐ ՆԱՐԵԿԱՑԻ «Մատյան Ողբերգության», فغان نامه گرگوار թարգմանել է պարսկերենի Ազատ Մաթյանը։ Թարգմանությունը լայն արձագանք է գտել իրանական մամուլում։ Նարեկացին համեմատական ուսումնասիրության նյութ է դարձել Սպահանի պետական Համալսարանում, համաշխարհային հինգ մեծագույն միստիկների շարքում, որը արժանացել է տարվա լավագույն ուսումնասիրություն և ընդունվել որպես դասագիրք։

  4. Գրառմանը 2 հոգի շնորհակալություն են հայտնել.

    Հերմինե Խառատյան (09.03.2019), Zhanneta (20.03.2019)

  5. #13
    Ավագ մասնակից
    Գրանցման ամսաթիվ
    10.02.2019
    Գրառումներ
    439
    Հեղինակության աստիճան
    9715
    Առ ավանդն իմ այս աղերսանքների
    Եվ ողորմության շնորհներդ տուր ...

  6. Գրառմանը 1 հոգի շնորհակալություն է հայտնել.

    Zhanneta (20.03.2019)

  7. #14
    Ավագ մասնակից
    Գրանցման ամսաթիվ
    10.02.2019
    Գրառումներ
    439
    Հեղինակության աստիճան
    9715
    Աստծու << զրուցակիցը>> ` մարդը, մտածող, բանական, զգացող ու տառապող մարդը նաև ուղղափառ քրիստոնյա է, մեծ աստվածաբան, որի աշխարհայեցողության խարիսխը սուրբգրային Սեր, Հավատ, Հույս ճշմարտություններն են, մարդափրկության ճանապարհը ` << բանական դեղի>> ` աղոթքի միջոցով մեղքի խոստովանությունը, զղջումը, ապաշխարությունը, Տիրոջ թողության հայցումը:

    Ողորմի'ր, գթա'ծ, աղաչում եմ քեզ,
    Ողորմի'ր, հզո'ր, կրկին ողորմի'ր: ...

    Նարեկի հիմնախնդիրներից մեկը խաթարված հոգեվիճակները կարգավորելն է: Աղոթամատյանի 95 գլուխներից ` բաներ -ից յուրաքանչյուրը մի դեղատոմս է: Ամեն մի Բան -ը բուժում է մի հիվանդություն կամ օգնում որևէ երևույթի: Թե որ Բան -ը ինչին է օգնում, այդ մասին դարերի ընթացքում կազմվել են հատուկ ցանկեր, որոնցում որոշակի նշվում է բանը, և դիմացը գրվում է , թե ինչ դեպքում որ բան -ը կարդալ:
    / Հոգևոր մշակույթի նվիրյալներ , Ս. Սարուխանյան, Երևան , 2004/

  8. #15
    Մասնակից
    Գրանցման ամսաթիվ
    08.01.2019
    Գրառումներ
    45
    Հեղինակության աստիճան
    0
    Տիրոջ հանդեպ Գր. Նարեկացու սերը կույր չէ. նա վստահ է, որ Արարիչ-մարդ հաղորդակցության մեջ մարդուն փորձության տանող և փորձությունից մաքրված, նորացած դուրս գալու պարագան է, որ ամրապնդում, աներեր ու անվարան, հավերժ ու անկոտրում է դարձնում իր սերը Բարձրյալի նկատմամբ: Գր. Նարեկացին բնորոշում է որապես «խորապես մարդկային», և «քրիստոնյա մարդասիրության արտահայտություն»:

    Մեծ մարդաբանը` Գր.Նարեկացին, փորձում է զուգամիտել «Ես»- ի նյութական, ոգեղեն և զգայական եզրերը, քանի որ առանց դրանց միաձուլման անհնար է մարդու վերաբերմունքը ճշտել գոյաբանական արժեքների բազմաչափության հանդեպ:
    Վերջին խմբագրող՝ Դիանա Հակոբյան: 18.03.2019, 21:47:

  9. Գրառմանը 2 հոգի շնորհակալություն են հայտնել.

    Հերմինե Խառատյան (22.03.2019), Zhanneta (20.03.2019)

  10. #16
    Մոդերատոր
    Գրանցման ամսաթիվ
    23.01.2019
    Հասցե
    Ք. Երևան
    Գրառումներ
    146
    Հեղինակության աստիճան
    2491
    Բայց ես չպիտի դադարեմ դարձեալ դատելուց ինքս ինձ` դատապարտեալիս
    Եւ քարկոծելու անձս յանցապարտ դառն խօսքերով,
    Իբրեւ չարագործ անհամոզելի, փրկութիւնից զուրկ:
    Քանզի եթէ ինձ նեղողներից ոմանց սատակեցնում եմ,
    Սակայն ոմանց էլ ուժ եմ տալիս ես, որ կենդանանան,
    Անդարձ կորստեան մատնելով հոգիս:
    Ես տունկս դառնութեան, որ անառակ վարքի գարշութիւնը ծաղկեցրի.
    Բարունակս ապականաբեր եւ մահողկուզեան, որ կորստեան գինին երկնեցի:
    Քանանի զաւակս եւ ո՜չ Հուդայի` մեծ Դանիելի խօսքի համաձայն.
    Որդիս գեհենի եւ ո՛չ արքայութեան.
    Ժառանգս դժոխքի եւ ոչ թէ փառաց փափագելի.
    Նիւթս տանջանքի եւ ո՛չ հանգստեան.
    Ապերախտս երախտաւորիդ եւ ապաշնորհս բազմապարգեւիդ հանդէպ.
    Մշտապէս մեղաւորս երկայնամտիդ հանդէպ.
    Բարերարիդ քաղցրութիւնը դառնացնողս.
    Ծառաս չար եւ վատ, ըստ տէրունական յանդիմանութեան.
    Իմաստունս չարագործութեան մէջ, ըստ նախագուշակութեան Եսայու.
    Ժիրս` զազրելի ժանտագործութեան մէջ.
    Փութաջանս` տիրոջը բարկացնելու մէջ.
    Մշտաշարժս` սատանայական գիւտերի մէջ.
    Ես վիշտ հանապազօրեայ` արարչին.
    Թոյլս` բարի թռիչքների մէջ.
    Ծոյլս` երանական վիճակ ընտրելու գործում.
    Դանդաղս խոստացուածներին ուշք դնելու մէջ.
    Անարիս` պիտանի եւ օգտակար ձեռնարկութիւններում.
    Պաշտօնեաս տիրադրուժ եւ երախտամոռ:

  11. Գրառմանը 1 հոգի շնորհակալություն է հայտնել.


  12. #17
    Ավագ մասնակից
    Գրանցման ամսաթիվ
    10.02.2019
    Գրառումներ
    439
    Հեղինակության աստիճան
    9715
    Լսի'ր ինձ, Աստվա'ծ.
    Դու', որ Աստված ես ամեն մի մարմնի,
    Ամեն մի հոգու,
    Ընդունի'ր սիրով, մեծազո'ր Աստվա'ծ,
    Աղաչանքները դառնացած սրտիս,
    Փարատի'ր րսպառ ամենապրգև
    Տխրությունն իմ այս նշավակելի:
    Թող չպատահի ինձ հանկարծ
    երկնել, սակայն չծնել,
    Ողբալ` չարտասվել,
    Խորհել` չհառաչել,
    Ամպել` չանձրևել,
    Գնալ ` չհասնել ,
    Քեզ ձայն տալ,
    Եվ Դու ձայնս չլսես,
    Պաղատել, սակայն անտեսված մնալ:

+ Կատարել գրառում
Էջ 2 2-ից ԱռաջինԱռաջին 12

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք կարող եք պատասխանել գրառումներին
  • Դուք չեք կարող կցորդներ տեղադրել
  • Դուք կարող եք խմբագրել ձեր գրառումները
  •