Հարգելի՛ գործընկերներ, ինչպես գիտենք, քարաքոսերը (Lichens) սիմբիոտիկ օրգանիզմներ են, որոնք ձևավորվում են սնկերի և մանրադիտակային կանաչ ջրիմուռների կամ կապտականաչ ջրիմուռների (ցիանոբակտերիաների) փոխօգտակար համակեցության արդյունքում։
Առաջարկում եմ՝ ներկայացնել հետաքրքիր փաստեր քարաքոսերի ծագման, կառուցվածքի, ձևաբանության, կենսագործունեության առանձնահատկությունների, կիրառության, բնության մեջ դրանց նշանակության վերաբերյալ, և քննարկել դրանք։
Վերջին խմբագրող՝ Արմինե Հովհ․: 10.02.2019, 21:20:
Lusya (11.02.2019)
Քարաքոսերն ուսումնասիրող գիտությունը կոչվում է լիխենոլոգիա։
Lusya (11.02.2019)
1867թ․-ին ապացուցվեց քարաքոսերի կառուցվածքի՝ սնկի և ջրիմուռի սիմբիոզի տեսությունը։
Քարաքոսերին հնում անվանում էին բույսեր-սֆինկսներ՝ նկատի ունենալով դրանց սիմբիոտիկ կառուցվածքը։
Քարաքոսերի կարելի է հանդիպել երկրագնդի մի շարք էքստրեմալ միջավայրերում ՝ արկտիկականտունդրաներում, չոր անապատներում, ժայռոտ ծովափերում։ Նրանք հաճախ աճում են նաև խոնավ անտառներում՝ ապրելով ծառերի ճյուղերի և բների վրա (որպես էպիֆիտներ), մերկ ժայռերի վրա, պատերի, խաչքարերի վրա, ինչպես նաև հողի մակերեսին։ Քարաքոսերը լայնորեն տարածված են և հավանաբար երկարակյաց են։ Բայց և այնպես շատ քարաքոսեր խոցելի են միջավայրի պայմանների փոփոխությունների նկատմամբ, ուստի հարմար գործիք են գիտնականների համար օդի աղտոտվածությունը, օզոնային շերտի քայքայումը և մետաղներով աղտոտումը գնահատելու համար։ Քարաքոսերը օգտագործվել են նաև ներկերի և օծանելիքների ստացման համար, ինչպես նաև՝ ավանդական բժշկության մեջ։
Արմինե Հովհ․ (12.02.2019), Tatev83 (18.02.2019)
Եվրոպական տիեզերական կազմակերպությունը բացահայտել է, որ քարաքոսերը կարող են գոյատևել տիեզերքում։ Լեոպոլդ Սանչոյի (Մադրիդի Կոմպլուտենսե համալսարան) կողմից կատարված փորձի ժամանակ Rhizocarpon geographicum և Xanthoria elegans տեսակի քարաքոսերը դրվել էին հատուկ կապսուլի մեջ և տեղադրվել ռուսական Սոյուզ հրթիռի մեջ՝ 2005 թվականի մայիսի 31-ին։ Արդեն տիեզերքում կապսուլը բացվել էր և քարաքոսերը հայտնվել էին տիեզերական տարածության մեջ, որտեղ առկա են ջերմաստիճանային խիստ տատանումներ և ճառագայթում։ 15 օր հետո քարաքոսերը ետ էին բերվել Երկիր, սակայն պարզվել էր, որ դրանք չունեին նկատելի վնասվածքներ և գտնվում էին առողջ վիճակում։
Վերջին խմբագրող՝ Lusya: 11.02.2019, 23:46:
Արմինե Հովհ․ (12.02.2019), Tatev83 (18.02.2019)
Հարգելի՛ Lusya, շնորհակալություն հետաքրքիր փաստեր ներկայացնելու և քննարկմանը մասնակցելու համար։
Քարաքոսերի միջոցով կարելի է պարզել հուշարձանների տարիքը։ Օրինակ՝ Զատկի կղզիների հայտնի հուշարձանների տարիքը (430 մլն․ տարի) պարզվել է քարաքոսերի ուսումնասիրությամբ։
Հետազոտությունների արդյունքում պարզվել է, որ Խոր Վիրապի վանքը հիմնականում պատված է քարաքոսի Lecanora muralis տեսակով։
Tatev83 (18.02.2019)
Ըստ արտաքին տեսքի` քարաքոսերը շատ բազմազան են և ունենում են տարբեր ձև, չափ, գունավորում , կառուցվածք և այլն: Հանդիպում են կարմիր, դեղին, կանաչ, մոխրագույն, սև, շագանակագույն և այլ երանգների քարաքոսեր: Ըստ չափերի նույնպես խիստ տարբեր են: Հանդիպում են ինչպես մեկ միլիմետրից փոքր ձևեր, այնպես էլ մինչև 2 մետրի հասնող ձևեր: Ըստ արտաքին տեսքի տարբերում են հիմնականում չորս մորֆոլոգիական տիպեր: Դրանք են կեղևանման, տերևանման, թեփուկանման և թփանման քարաքոսերը: Սակայն այս ձևերից յուրաքանչյուրը իր հերթին բաժանվում է մի շարք ավելի կոնկրետ ձևերիԱրմինե Հովհ․-ի խոսքերից
Արմինե Հովհ․ (19.02.2019)
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ