Գեղագիտական դատիարակությունը մաթեմատիկայում

[Ալոյան Գոհար]

Հարգելի՛ Գոհար հետաքրքիր և կարևոր թեմա եք ընտրել, սիրով կհետևեմ քննարկումներին: Համաձայն եմ Ձեզ հետ, որ մաթեմատիկայի ուսումնասիրումը լայն հնարավորություններ է ընձեռում ճանաչելու ներդաշնակը, գեղեցիկն ու ընդհանրապես, մեզ շրջապատող աշխարհն իր ողջ հմայքով: Մեծ է մաթեմատիկայի ուսուցչի դերն այս առարկան <<չոր ու ցամաք>> դիտելու կարծրատիպը վերացնելու գործում: Բազմաթիվ օրինակներ կան, որոնց միջոցով ուսուցիչը կարող է հետաքրքրություն սերմանել առարկայի նկատմամբ: Հանոզված եմ, որ ոչ ոք չի կարող անտարբերությամբ ունկնդրել ՊԻ թվի երաժշտությունը: Պետք է փնտրել և մաթեմատիկայի դասերն առավել գրավիչ ու հետաքրքիր դարձնելու ուղիներ գտնել, նպաստելով նաև գեղագիտական դաստիարակությանը:

Շնորհակալ եմ հարգելի' Հեղինե թեմային մասնակից լինելու , գեղեցիկ խոսքերի և տրամադրություն հաղորդելու համար:

Շնորհակալ եմ հարգելի' Հեղինե թեմային մասնակից լինելու , գեղեցիկ խոսքերի և տրամադրություն հաղորդելու համար:

Յուրաքանչյուր ուսուցիչ ինքը պիտի նոր շունչ հաղորդի իր դասին , դարձնի ինքնատիպ , գրավիչ , կապի առօրյա կյանքի հետ , գեղեցիկի հետ , և դարձնի այն հետաքրքիր :

[Ալոյան Գոհար]

Երկրաչափության դասընթացում տղա աշակերտը հարցնում է , թե ինչի՞ է ինձ պետք , որ իմանամ Պյութագորասի թորեմը: Նրան հետաքրքիր չէր այս դասը: Պատասխանեցի այսպես. ՚՚ Շինարարության մեջ քեզ հանձնարարել են , որ ուղիղ անկյունով պատեր պատրաստես, այստեղ քեզ պետք կգա այս գիտելիքը, դրա համար ընտրված անկյան(պատի) մի կողմի վրա կարող ես մետրով չափել և նշել 30սմ , անկյան (պատի) մյուս կողմի վրա նշել 40սմ, նշված կետերի հեռավորությունը պիտի լինի անպայման 50սմ , քանի որ ըստ Պյութագորասի թեորեմի՝ էջերի քառակուսիների գումարը հավասար է ներքնաձիգի քառակուսուն:
Դիտենք ստորև կցված ֆայլը:


Այս դեպքում դրված պատերը կկազմեն ուղիղ անկյուն :
Նմանատիպ միավորներ էլի կան օրինակ `էջեր 60սմ, 80սմ , ներքնաձիգ`100սմ = 1մ :
Տղան իրեն լավ զգաց, և ասաց . ՙՙ էլի կան այսպիսի դասեր : Ես հասկացա և հաճույք ստացա :ՙՙ
Ահա գեղագիտական դաստիարակության մի դրվագ մաթեմատիկայի դասի ժամանակ:

Մաթեմատիկայում գեղագիտականի բացահայտման և ընկալման համար միայն զգայարանների մասնակցությունը բավարար չի կարող լինել,պետք է փորձը, ինտուիցիան և ակտիվ մտածողությունը, որոնց միասնությունը թույլ է տալիս լիարժեք բացահայտել առարկայի էությունը և երևույթի գեղեցկությունը:

Պյութագորասի հայտնագործությունների պսակը նրա անունը կրող թեորեմն է, երբևէ մարդու կողմից կատարված թերևս ամենագեղեցիկ հայտնագործությունը :


Մաթեմատիկայից հեռու մեկի համար այն որևէ բանով աչքի չի ընկնում: Սակայն իրականում այն արտահայտում է շատ խորը երկրաչափական օրինաչափություն: Ուղղանկյուն եռանկյունը իր a, b էջերով և c ներքնաձիգով, որ օրինակ բերեցի նախորդ գրառման մեջ:

[Ալոյան Գոհար]

Մաթեմատիկական , երկրաչափական խնդիրների լուծումը, արդյունքի որոնումը, ճիշտ պատասխանի գտնելը, դրա համար գործադրվող բոլոր ջանքերը աշակերտին հաճույք են պատճառում, այսինքն` ջանքերի գործադրման գործընթացը ունի գեղագիտական գրավչություն: Այստեղ գործում է նաև ինտելեկտուալ որոնման գեղագիտական հատկանիշը: Սակայն, առանց գործադրվող լուրջ ջանքերի, ինտելեկտուալ որոնումը նույնպես չի կարող ստեղծել գեղագիտական նշանակալից գրավչություն: Իսկապես, սովորաբար առաջարկվող հետաքրքրաշարժ խնդիրը լուծելուց հետո աշակերտը պահանջում է տալ նոր խնդիր, և եթե այդ խնդիրը շատ նման է նախորդին և լուծման համար լրացուցիչ ջանքեր չի պահանջում, ու հաստատվում են իր մեջ ձեռք բերված գիտելիքները և դասն ավելի կարևորում:

[Ալոյան Գոհար]

Մաթեմատիկայի ուսումնական նյութի հաղթահարումը սովորողից պահանջում է որոշակի ջանքերի գործադրում: Դա վերաբերում է դասի բոլոր փուլերին և նաև տնային հանձնարարությունների կատարմանը: Բոլորի կողմից ընդունվում մաթեմատիկական գործունեության ընթացքում սովորողի կատարած աշխատանքի, դժվարությունների հաղթահարմանն ուղղված ջանքերի ազդեցությունը ուսուցանվող նյութի գեղագիտական գրավչության վրա, որը ուղիղ համեմատական է նյութի գեղագիտական գրավչությանը: Իրականում, այդ ազդեցության գրավչությունը կախված է դասավանդման կազմակերպումից: Եթե տեսական նյութը, խնդիրը աշակերտի ուժերից վեր է, և նրա ջանքերը հանգեցնում են միայն սերտողական ուսուցման, ապա այդ ջանքերը միայն կարող են վանել մաթեմատիկայից:Դրա համար կարելի է և անհարաժեշտ յուրաանչյուր աշակերտի մոտենալ յուրովի , առաջադրանքները հանձնարարել նրա ուժեին համապատասխան:

[Ալոյան Գոհար]

Բերենք մեկ օրինակ : Կցված ֆայլում պատկերված է երեք տարբեր եռանկյունիներ որոնք պետք է համեմատենք և գտնենք մակերեսի բանաձևը : Գեղեցիկը այստեղ նա է, որ երեք իրարից տարբեր եռանկյունիների մակերեսները հաշվում են նույն ձևով , նույն բանաձևով՝
S = 1/2 ah : Անհնարին թվացող համեմատությունը մաթեմատիկական բանաձևի միջոցով դառնում է ակնհայտ, բոլոր եռանկյոuնները ունեն նույն մակերեսը: Ահա մաթեմատիկայի ուժը,,, S = 1/2 ah բանաձևի արտաքին տեսքը ինքնին աչքի չի ընկնում գեղեցկությամբ: Բայց երբ բացահայտվեց նրա նշանակությունը կամ կիրառելիությունը, այն ընկալվեց որպես խորհրդավոր ու գեղեցիկ: Ստացված արդյունքը անսպասելի էր ու անկանխատեսելի, այն հնարավորություն էր տալիս որոշել ցանկացած եռանկյան մակերեսը, միավորելով բոլոր եռանկյունները՝ մակերեսների հաշվման միասնական բանաձևով:

[Ալոյան Գոհար]

Մաթեմատիկայի ուսուցիչը պետք է յուրաքանչյուր անգամ ցույց տա , տեսանելի դարձնի մաթեմատիկական օրինաչափությունների գեղեցկությունը , ինչը աշակերտի մեջ սիրո զգացմունք կձևավորի դրա նկատմամբ :
Մաթեմատիկայի նկատմամբ սիրո զգացմունքի ձևավորման գործում ավելի կարևոր է նկատի ունենալ մաթեմատիկական գեղեցիկը , մաթեմատիկակն օբյեկտների ներքին և արտաքին գեղագիտությունը , մաթեմատիկայի նկատմամբ , աշակերտների սերը ուղիղ համեմատական է դրանց բացահայտմանն ուղղված ուսուցչի ջանքերն:

Մաթեմատիկայի ուսուցման գործընթացում սիրո զգացմունքի դրսևորման համար, հետաքրքրություն առաջացնելու համար, ուսուցիչը պետք է կարողանա ընտրել նյութի մատուցման այն ձևը, որը սիրելի է դարձնում մաթեմատիկան և մաթեմատիկայի ուսուցման գործընթացը:

Գեղագիտական դաստիարակության դրսևորումներն ի հայտ են գալիս մաթեմատիկայի ուսուցման ողջ գործընթացում, կարող է դրսևորվել ուսուցման բոլոր փուլերում: : Երկրաչափության ձևերի մեջ գեղագիտական գրավչության արտահայտման տեսակետից կարևոր տեղ են զբաղեցնում գրաֆիկները, հարթաչափության, տարածաչափության պատկերները:

Մաթեմատիկայի ուսուցման գործընթացում գեղագիտական տարրի բացահայտումը ոչ միայն նպաստում է սովորողի գեղագիտական ունակությունների զարգացմանը, այլև թույլ է տալիս ավելի արդյունավետ դարձնել մաթեմատիկայի ուսուցման գործընթացը։

[Ալոյան Գոհար]

Գեղագիտությունը մաթեմատիկայում բնորոշվում է նաև մի շարք հետաքրքիր , առօրեական խնդիրների լուծմամբ : Այսպես, ուրեմն, 12-րդ դասարանի աշակերտներից մեկը երկրաչափության ժամին հարցրեց, թե երկար, բոյով՝ 2 մետրանոց ճյուղից ավելի շատ ծավալով կտորներ կստացավի՞ , թե՞ , կարճ և գեր , այսինքն լայն մակերես ունեցող գերանից :Կատարելով ստորև կցված ֆայլում գրված խնդիրը՝ այն է երկրաչափություն 12 N 39, աշակերտը հիացմունքով նայում էր խնդրին, բավարարվել էր նրա պահանջը: Հասկացավ և ասաց, որ դասը հետաքրքիր էր ու գեղեցիկ, մատչելի և առօրեայում շատ կիրառելի, ու չի կարող այս հարցում սխալվել: Կարճ, գեր գերանը , որն ունի մեծ շառավիղ քան բարձրություն , այն ավելի մեծ ծավալ ունի :

[Ալոյան Գոհար]

Մաթեմատիկայի դասապրոցեսում գեղագիտական դաստիարակության իրականացումը ակտիվ գործունեություն է պահանջում` մաթեմատիկական գեղեցիկի տրամաբանական խստություն , օպտիմալություն, օգտակարության և կիրառելիության օբյեկտիվ հատկանիշներ և անսպասելիություն , անկանխատեսելիություն , առարկայի էությունը հասկանալու համար ներդրված ջանքերի կիրառություն, որը կուղեկցվի ուսուցչի ճիշտ մեթոդների ընտրությամբ:

Գեղագիտական դաստիարակությունը թույլ է տալիս թվերին շունչ տալ , գրական հայերենով տալ սահմանումներն ու թեորեմները, գեղեցիկ ներկայացնել երկրաչափական պատկերները, նրանց գծագրերը,ցուցադրել մաթեմատիկական օրինաչափությունների գեղեցկությունը և վերջապես մաթեմատիկան հասկանալի ու սիրելի դարձնել յուրաքանչյուրի համար:

Գեղագիտական դաստիարակությունը մի գործընթաց է `ուղղված մարդու գեղագիտական զգացումների,կյանքում և արվեստում գեղեցիկի վերաբերյալ պատկերացումների ձևավորմանը, շրջապատող իրականության հանդեպ գեղագիտական վերաբերմունքի, գնահատականի ձևավորմանը: Մտածող, ստեղծագործող, տրամաբանող անձնավորությանը բնորոշ է գեղեցիկն ընկալելու,զգալու և գնահատելու ընդունակություն:

[Ալոյան Գոհար]

Գեղագիտական դաստիարակությունը բնության և հասարակության ճանաչողության միջոցներից մեկն է: Նրա նպատակը գեղագիտական մշակույթի ձևավորումն է: Այն հաստատում է իրականության օբյեկտների հետ մարդու գեղագիտական հարաբերությունը, ձևավորում է նրա գեղագիտական զգացմունքները, ճաշակը, իդեալը, գեղեցիկը գնահատելու կարողությունը, ապահովում գեղագիտական ունակությունների, կարողությունների, հմտությունների և այլ որակներիզարգացումը, ակտիվացնում, ընդլայնում և բավարարում է գեղագիտական
պահանջմունքները, գեղեցիկը ընկալելու և ստեղծագործելու հնարավորությունները: Գեղագիտական դաստիարակությունը ներդաշնակ է դարձնում մարդուն, զարգացնում նրա ստեղծագործական ունակությունները:

Գեղագիտական դաստիարակությունը սերտորեն կապված է, ավելին՝ ինչ-որ իմաստով միահյուսվում է ինչպես բարոյական դաստիարակության, այնպես էլ ինտելեկտուալ զարգացման հետ: Այդ կապերին դեռևս հինգերորդ դարում անդրադարձել է հայ պատմիչ և փիլիսոփա Եզնիկ Կողբացին, ով գտնում է, որ մարդու ստեղծած գեղեցիկը պետք է ծառայի բարուն : Գեղեցիկի և բարու փոխհարաբերությունները և համապատասխան արժեքների ձևավորման խնդիրները եղել են բոլոր ժամանակների հետազոտողների ուշադրության կենտրոնում: Որոշ հետազոտողներ հակված են գեղագիտական դաստիարակությունը ներառել բարոյական դաստիարակության մեջ: Հայտնվում է նաև տեսակետ, ըստ որի գեղեցիկը ծառայում է որպես բարոյական դաստիարակվածության մակարդակ: Գեղագիտական դաստիարակության շնորհիվ հնարավոր է դառնում նաև անձի հոգևոր աշխարհի գեղագիտական, բարոյական և ինտելեկտուալ բաղադրիչների միջև լիակատար ներդաշնակության հաստատումը:

Մաթեմատիկայի ուսուցման գործընթացում գեղագիտական տարրի բացահայտումը ոչ միայն նպաստում է սովորողի գեղագիտական ունակությունների զարգացմանը, այլև թույլ է տալիս ավելի արդյունավետ դարձնել բուն մաթեմատիկայի ուսուցման գործընթացը: Օրինակ, սովորողների տոկունությունը, նպատակասլացությունը, հետևողականությունը կամային այլ որակները լավագույնս դրսևորվում են մաթեմատիկական նյութի և դասավանդման գործընթացի մեջ գեղագիտական բաղադրիչի առկայության դեպքում:

[Գոհար Բոդոյան]

Հարգելի Գոհար ինձ համար շատ հոգեհարազատ են Ձեր կողմից արտահայտված մտքերը։ Մաթեմատիկան դասավանելիս անհրաժեշտ է շեշտը դնել մաթեմատիկայի գեղեցկության և կարևորության վրա։ Նման մոտեցումով միայն կարելի է հաղթահարել այն դժվարությունները, որոնք առաջանում են մաթեմատիկա առարկան սովորելիս։

[Ալոյան Գոհար]

Հարգելի Գոհար ինձ համար շատ հոգեհարազատ են Ձեր կողմից արտահայտված մտքերը։ Մաթեմատիկան դասավանելիս անհրաժեշտ է շեշտը դնել մաթեմատիկայի գեղեցկության և կարևորության վրա։ Նման մոտեցումով միայն կարելի է հաղթահարել այն դժվարությունները, որոնք առաջանում են մաթեմատիկա առարկան սովորելիս։

Շնորհակալություն, իմ հարգելի' գործընկեր: Մենք պիտի գեղեցկացնենք մաթեմատիկան դասավանդելիս:

[Narine.]

Գեղագիտական դաստիարակությունը կազմում է մարդու ընդհանուր զարգացածության զգալի մասը: Որքան խորն է գեղագիտական ընկալումը, այնքան ամուր է մարդ-արվեստ, մարդ-բնություն կապը:
Մաթեմատիկայի ուսուցման գործընթացում սիրո զգացմունքի դրսևորման համար ուսուցիչը պետք է կարողանա ընտրել նյութի մատուցման այն ձևը, որը սիրելի է դարձնում մաթեմատիկան և մաթեմատիկայի ուսուցման գործընթացը, յուրաքանչյուր անգամ ցույց տա, տեսանելի դարձնի մաթեմատիկական օրինաչափությունների գեղեցկությունը, ինչը աշակերտի մեջ սիրո զգացմունք կձևավորի գեղագիտության նկատմամբ մաթեմատիկայի դասապրոցեսում:

Գեղագիտական ընկալման կարողությունների զարգացման հիման վրա ձևավորվում են անձի սոցիալ_հոգեբանական որակները, որոնք էլ իրենց հերթին ապահովում են գեղագիտական նշանակության առարկաներն ու երևույթներն հուզականորեն ընկալելու և գնահատելու, դրանք վայելելու հնարավորությունը։

Լ. Ա. Գրիգոչևիչ

[Մարգարիտա Ղազարյան]

Գեղագիտական դաստիարակությունը կազմում է մարդու ընդհանուր զարգացածության զգալի մասը: Որքան խորն է գեղագիտական ընկալումը, այնքան ամուր է մարդ-արվեստ, մարդ-բնություն կապը:
Մաթեմատիկայի ուսուցման գործընթացում սիրո զգացմունքի դրսևորման համար ուսուցիչը պետք է կարողանա ընտրել նյութի մատուցման այն ձևը, որը սիրելի է դարձնում մաթեմատիկան և մաթեմատիկայի ուսուցման գործընթացը, յուրաքանչյուր անգամ ցույց տա, տեսանելի դարձնի մաթեմատիկական օրինաչափությունների գեղեցկությունը, ինչը աշակերտի մեջ սիրո զգացմունք կձևավորի գեղագիտության նկատմամբ մաթեմատիկայի դասապրոցեսում:

Մաթեմատիկան առավելագույնս է նպաստում սովորողների գեղագիտական դաստիարակությանը: Ո՞վ չի հիացել Գառնո տաճարի վեհությամբ, ո՞վ չի ապշել վիմափոր Գեղարդավանքի հրաշքից. ինչպիսի՜ մաթեմատիկական հաշվարկներ են անհրաժեշտ եղել՝ բազալտե հսկայական որձաքարը փորել վերևից՝ կոփելով հոյակերտ սյուներ ու խոյակներ, հատակի համար թողնելով անհրաժեշտ 5-10սմ -ը: Եվ ինչպիսի՜ հնչեղություն. մեղմիկ երգիդ կարծես մի ամբողջ նվագարան է ձայնակցում՝ խորհրդավոր ու աստվածային...Հայկական Ճարտարապետությունը, մեր զարմանահրաշ գորգերն ու մեկը մյուսին չկրկնող, մեկը մյուսին գերազանցող խաչքարերը մի՞թե մաթեմատիկական մտածողության արգասիք չեն: Հայոց այբուբենն ու կոմիտասյան խազերը, Մ. Սարյանի, Մինասի ուՓարաջանովի խորհրդավոր արվեստը <<բուրում >> են կարծես մաթեմատիկա: Որքան կատարյալ է արվեստը, այնքան մաթեմատիկական է այն... Նկարիչը, դիմանկարի էսքիզն անելիս, անպայմանորեն օգտագործում է զուգահեռ ուղիղների ու համաչափության գաղափարը, բնանկարի դեպքում՝ տարածաչափության ընկալում, գույների համամասնություն, համադրում ու հակադրում:
Պոեզիան ևս լի է մաթեմատիկայով. յամբ, անապեստ, դաքտիլ ու քորեյ... Հիրավի, չես կարող արագ կարդալ՝ <<...ԵՎ քարավանը Աբու Լալայի՝աղբյուրի նման մեղմ ղողանջելով՝
Հանգիստ, միալար քայլում էր առաջ՝ հեզ լուսընկայի շողերի միջով,,,>>
Կարծես քարավանի քայլքով է ընթերցվում՝դանդաղ, համաչափ:
Մաթեմատիկայի ցանկացած դաս կարելի է համեմել գեղագիտական տարրերով, միաժամանակ կերտելով սովորողների կերպը, լրացնելով նրանց արժեհամակարգը: Հարգելի՛ գործընկերներ, եկեք ավելի շատ սիրենք մեր սաներին, օգնենք նրանց՝ զարմանալու և հիանալու մաթեմատիկայի գեղեցկությամբ. չէ՞ որ մաթեմատիկան արվեստ է, արվեստը՝ մաթեմատիկա...

[Ալոյան Գոհար]

Մաթեմատիկան առավելագույնս է նպաստում սովորողների գեղագիտական դաստիարակությանը: Ո՞վ չի հիացել Գառնո տաճարի վեհությամբ, ո՞վ չի ապշել վիմափոր Գեղարդավանքի հրաշքից. ինչպիսի՜ մաթեմատիկական հաշվարկներ են անհրաժեշտ եղել՝ բազալտե հսկայական որձաքարը փորել վերևից՝ կոփելով հոյակերտ սյուներ ու խոյակներ, հատակի համար թողնելով անհրաժեշտ 5-10սմ -ը: Եվ ինչպիսի՜ հնչեղություն. մեղմիկ երգիդ կարծես մի ամբողջ նվագարան է ձայնակցում՝ խորհրդավոր ու աստվածային...Հայկական Ճարտարապետությունը, մեր զարմանահրաշ գորգերն ու մեկը մյուսին չկրկնող, մեկը մյուսին գերազանցող խաչքարերը մի՞թե մաթեմատիկական մտածողության արգասիք չեն: Հայոց այբուբենն ու կոմիտասյան խազերը, Մ. Սարյանի, Մինասի ուՓարաջանովի խորհրդավոր արվեստը <<բուրում >> են կարծես մաթեմատիկա: Որքան կատարյալ է արվեստը, այնքան մաթեմատիկական է այն... Նկարիչը, դիմանկարի էսքիզն անելիս, անպայմանորեն օգտագործում է զուգահեռ ուղիղների ու համաչափության գաղափարը, բնանկարի դեպքում՝ տարածաչափության ընկալում, գույների համամասնություն, համադրում ու հակադրում:
Պոեզիան ևս լի է մաթեմատիկայով. յամբ, անապեստ, դաքտիլ ու քորեյ... Հիրավի, չես կարող արագ կարդալ՝ <<...ԵՎ քարավանը Աբու Լալայի՝աղբյուրի նման մեղմ ղողանջելով՝
Հանգիստ, միալար քայլում էր առաջ՝ հեզ լուսընկայի շողերի միջով,,,>>
Կարծես քարավանի քայլքով է ընթերցվում՝դանդաղ, համաչափ:
Մաթեմատիկայի ցանկացած դաս կարելի է համեմել գեղագիտական տարրերով, միաժամանակ կերտելով սովորողների կերպը, լրացնելով նրանց արժեհամակարգը: Հարգելի՛ գործընկերներ, եկեք ավելի շատ սիրենք մեր սաներին, օգնենք նրանց՝ զարմանալու և հիանալու մաթեմատիկայի գեղեցկությամբ. չէ՞ որ մաթեմատիկան արվեստ է, արվեստը՝ մաթեմատիկա...

Շնորհակալություն հարգելի՛ Մարգարիտա Ղազարյան , այսպիսի գեղեցիկ զուգահեռներով ու համեմատություններով մաթեմատիկան գեղեցկացնելու համար:

Հարգելի՛ գործընկերներ, յուրաքանչյուր մաթեմատիկայի ուսուցիչ, կամ ցանկացած մասնագիտությամբ ուսուցիչ, կարող է դասն այնպես հրամցնել իր աշակերտներին, որ դասը լինի գեղեցիկ , հաճելի, դյուրին և ցանկալի: Մաղթում եմ մեզ բոլորիս ուժ , կորով, հաճելի և բեղմնավոր աշխատանք:

[Զարինե Ամիրյան]

Հարգելի՛ գործընկերներ, յուրաքանչյուր մաթեմատիկայի ուսուցիչ, կամ ցանկացած մասնագիտությամբ ուսուցիչ, կարող է դասն այնպես հրամցնել իր աշակերտներին, որ դասը լինի գեղեցիկ , հաճելի, դյուրին և ցանկալի: Մաղթում եմ մեզ բոլորիս ուժ , կորով, հաճելի և բեղմնավոր աշխատանք:

Հարգելի՛ Գոհար, ես նույնպես համամիտ եմ Ձեր կարծիքի հետ , եթե դժվարամատչելի մաթեմատիկան կարելի է գեղեցկացնել , դյուրին ու մատչելի դարձնել օգտվելով տարբեր մեթոդներից , ապա ցանկացած առարկայի ուսուցիչ կարող է դասն ավելի գեղեցկացնել: