Էջ 11 13-ից ԱռաջինԱռաջին ... 910111213 ՎերջինըՎերջինը
Ցույց են տրվում 101 համարից մինչև 110 համարի արդյունքները՝ ընդհանուր 130 հատից

Թեմա: Հայրենիքի կերպարը հայ գրականության մեջ

  1. #101
    Մոդերատոր Անժելա Ալավերդյան-ի ավատար
    Գրանցման ամսաթիվ
    02.09.2018
    Հասցե
    Ք.Վանաձոր
    Գրառումներ
    480
    Հեղինակության աստիճան
    11169
    ՀԱՎԵՐԺԱԿԱՆ ՀԱՅԸ

    Ահա ե՛ս եմ, Հավերժական Հայը, կանգնած Եղեռնի ու Երկրաշարժի մեջտեղում, արնամած աչքերս հառած Մասիս սարին,
    Եվ ինձ խփում են – տարերքը տակից, Աստված վերևից, թշնամին դեմից, բարեկամը մեջքից, Արևմուտքը աջից, Արևելքը ձախից,
    Բայց ես չեմ վերջանում,
    Ես տեսնում եմ արդեն Ահեղ Դատաստանի օրը,
    Բայց ես Հայաստանն եմ, և ինձ սպանել հնարավոր չէ, որովհետև ես ամեն ինչ եմ, ամենուր ու անվախճան,–
    Զավակ եմ փլատակված, մայր եմ խելագարված, հայր եմ չթաղված, դագաղ եմ չճարված, մատնամնացուկ եմ ջարդոտված, հող եմ սառած, անուն եմ մոռացված, հավատք եմ հալածված, երկինք եմ մթնած, քար եմ պատռված, գիր եմ ջնջված, ջուր եմ պղտորված, ծիծաղ եմ լռած, երգ եմ ընդհատված, սիրտ եմ կոտրված, հույս եմ կտրված, հոգի եմ ուրացած, մարմին եմ նյութացած, երկիր եմ փեռեկված, օրենք եմ մեռած, միտք եմ ըմբոստացած, Ադամ եմ արտաքսված, դրախտ եմ կորուսված, դժոխք եմ բացված, ընդերք եմ գազանացած, լավա եմ ժայթքած, ինքնաթիռ եմ խորտակված, խոյակ եմ խախտված, հաց եմ տրորված, գինի եմ թափված, Խոսք եմ բանտարկված, Բանաստեղծ եմ խաչված ու Աստվա՜ծ եմ եսացած,
    Եվ Ահեղ Դատաստանի օրը ե՛ս պիտի նստեմ Աստծո փոխարեն,– և պիտի շնչա-վորեմ ու մխիթարեմ, հուղարկավորեմ ու հայթայթեմ, վերականգնեմ ու ջերմացնեմ, հիշեցնեմ ու դիմակայեմ, լուսավորեմ ու հարակցեմ, վերծանեմ ու պարզեմ, ձայնավո-րեմ ու շարունակեմ, ամոքեմ ու կեցուցանեմ, ընդունեմ ու ոգեղինանամ, միավորեմ ու սահմանեմ, հավատամ ու վերադառնամ, գտանեմ ու գոցեմ, խաղաղեցնեմ ու հունավորեմ, փրկեմ ու հաստատեմ, բարձրացնեմ ու հավաքեմ, ազատեմ, իջնեմ ու աստվածանա՜մ,
    – ԱՍՏՎԱԾԱՆԱ՜Մ,–
    Որովհետև Աշխարհի սկզբից ի վեր իմ մարմինն է հաց, և արյունս է գինի, և իմ խոսքն է Աստված, և Աստված եմ ես,
    Եվ չեմ վերջանում,
    Եվ նա, ով կերավ իմ հացն ու չկշտացավ, խմեց իմ գինին ու չհագեցավ, լսեց իմ Աստծուն ու չհավատաց, տեսավ ինձ ու չճանաչեց,–
    Տարերք լինի թե Աստված, թշնամի թե բարեկամ, Արևմուտք թե Արևելք –
    Ցա՛ծր է իմ առաջ, և պիտի պատասխա՜ն տա ինձ՝ Ահեղ Դատաստանի օրը,
    Որովհետև ես Հավերժական Հայն եմ ու Հայաստանը,
    Որովհետև ես ամեն ի՛նչ եմ, ամենո՛ւր ու անվախճա՛ն:

  2. Գրառմանը 3 հոգի շնորհակալություն են հայտնել.


  3. #102
    Մոդերատոր Անժելա Ալավերդյան-ի ավատար
    Գրանցման ամսաթիվ
    02.09.2018
    Հասցե
    Ք.Վանաձոր
    Գրառումներ
    480
    Հեղինակության աստիճան
    11169
    ՀԱՅԱՍՏԱՆ

    Դու իմ հետադարձ հասցեն ես միակ
    Եվ իմ եզակի ճակատագիրը,
    Իմ բաց երգերը, իմ վերքերը փակ,
    Իմ հիշատակաց միակ Երկիրը…
    Անկրկնակոշիկ Համապատմության
    Սայթաքումները մեզ աղավաղել
    Եվ թաց երգերս փակ վերքերիս մեջ
    Սատանայաբար փորձել են թաղել։
    Որպեսզի դառնամ թափառող ծրար՝
    Չունենամ նույնիսկ հետադարձ հասցե,
    Բայց մենք վերստին փարվել ենք իրար
    Ու հուսաբանել՝ Տեր մի արասցե…
    Դու իմ հետադարձ հասցեն ես միակ,
    Իմ անկրկնելի ճակատագիրը,
    Իմ բաց երգերը, իմ վերքերը փակ,
    Իմ հիշատակաց միակ Երկիրը:

  4. Գրառմանը 2 հոգի շնորհակալություն են հայտնել.


  5. #103
    Ավագ մասնակից
    Գրանցման ամսաթիվ
    30.06.2016
    Գրառումներ
    198
    Հեղինակության աստիճան
    722
    ՊԱՐՏՔ
    Լեռան լանջից նայում եմ քեզ, ե՛լ, Հայաստան, կապույտ հագիր,
    Ես քո ամեն առավոտին երազանքի կապույտ եմ պարտք,
    Դու՝ քարեղեն իմ առեղծված, իմ քարեղեն ճակատագիր,
    Քո քարեղեն տառապանքին որդու գորով ու գութ եմ պարտք։

    Գետերդ ի վար, ձորերդ ի վար ուռիներդ են շարվել տրտում,
    Քո տրտմության ուռիներին ես քնքշության շոյանք եմ պարտք,
    Կատարներիդ լճեր կան լուրթ, ուր քո ոգին է մկրտվում,
    Այդ լճերի ծփանքներին ես մաքրության ցոլանք եմ պարտք։

    Փլված կամար, վեմ տապալված, եղինջներով բուրող Անի,
    Քո այդ փլված կամարներին ես խոյակներ ու սյուն եմ պարտք,
    Դար ու դարեր բոցկլտացող հրաշք կանթեղ՝ իմ մայրենի,
    Ոսկեղենիկ քո կանթեղին ես յուղի տեղ արյո՜ւն եմ պարտք։

    Ես ծունկի եմ իջել հոգնած Դեր-Զորի սև ավազներին,
    Բայց զոհերիդ անհայտ ու որբ շիրիմներին դեռ խունկ եմ պարտք,
    Սիրտս բացել, բույն եմ տվել քո վիրավոր երազներին,
    Տո՛ւն հայրենի, ես քո շեմքին որդիական արցունք եմ պարտք:

    Արարատն է նայում հեռվից՝ կրծքին խորունկ վիհը վերքի,
    Ես քո ցավին այդ վիհերից վեր ելնելու խոյանք եմ պարտք,
    Կապույտի մեջ քո հարության սուրբ հրաշքն է ցոլում, երկի՛ր
    Քո հարության այդ հրաշքին ես ողջակեզ ու կյանք եմ պարտք...

  6. Գրառմանը 1 հոգի շնորհակալություն է հայտնել.


  7. #104
    Ավագ մասնակից
    Գրանցման ամսաթիվ
    05.03.2018
    Գրառումներ
    1,015
    Հեղինակության աստիճան
    5830
    Հայրենիք, հայրենիքի, [գոյական]
    1. Այն երկիրը, որտեղ մարդ ծնվել Է ու որի քաղաքացին Է:
    2. Այն երկիրը, որ տվյալ ցեղի՝ ժողովրդի բնակավայրն Է (եղել):
    3. Որևէ բանի առաջացման՝ ծագման վայրը, սկզբնավայր: Ամերիկան ծխախոտի հայրենիքն Է:
    4. (հնացած) Հայրական կալվածք՝ ժառանգություն:

  8. #105
    Ավագ մասնակից
    Գրանցման ամսաթիվ
    05.03.2018
    Գրառումներ
    1,015
    Հեղինակության աստիճան
    5830

    Պարույր Սևակ

    Հայաստան

    Իմ քաղցրանուն,
    Իմ բարձրանուն,
    Իմ տառապած,
    Իմ փառապանծ:

    Հների մէջ՝ դու ալեհեր,
    Նորերի մէջ՝ նոր ու ջահել.
    Դու խաղողի խշմարուած վազ,
    Վշտերըդ ջուր, ինքդ աւազ:

    Դու՝ բարդենի սաղարթաշատ,
    Առուն ի վար փռուած փշատ:
    Դու՝ կիսաւէր ամրոց ու բերդ,
    Մագաղաթեայ մատեանի թերթ:
    Դու՝ Զուարթնոց - աւէր տաճար,
    Կոմիտասեան Ծիրանի ծառ:
    Դու՝ ջրահաց խորունկ ձորում,
    Դու՝ հորովել անուշ ծորուն,
    Փայլ գութանի արծաթ խոփի:
    Դու՝ նետ, նիզակ, մկունդ կոպիտ,
    Դու՝ հայրենի ծխանի ծուխ,
    Դու՝ անգիր վէպ, դու՝ Սասնայ ծուռ…

    Իմ փառապանծ,
    Իմ տառապած,
    Իմ բարձրանուն,
    Իմ քաղցրանուն:

    Դու՝ մրգերի շտեմարան,
    Ոսկեվազեան գինու մառան:
    Դու՝ թավշէ դեղձ, դու՝ փրփուր հաց,
    Արտաշատեան խաղող սեւաչ:
    Դու՝ Սեւանի վառուող կոհակ,
    Երեւանի սիւն ու խոյակ:
    Դու՝ հանգրուան, կանչող փարոս,
    Դու՝ հայկական գերբ ու դրօշ:
    Խօսուն վկայ կոտորածի
    Ու վճիտ աչք ցամքած լացի:

    Արդարութեան ահեղ ատեան,
    Սրի պատեան,
    Սիրո մատեան՝
    Միշտ հին ու նոր իմ Հայաստան:

  9. Գրառմանը 1 հոգի շնորհակալություն է հայտնել.

    Ալոյան Գոհար (06.11.2018)

  10. #106
    Ավագ մասնակից
    Գրանցման ամսաթիվ
    05.03.2018
    Գրառումներ
    1,015
    Հեղինակության աստիճան
    5830
    ՀԱՅԱՍՏԱՆ ԱՍԵԼԻՍ
    Հայաստան ասելիս այտերս այրվում են,
    Հայաստան ասելիս ծնկներս ծալվում են,
    Չգիտեմ` ինչու՞ է այսպես:

    Հայաստան ասելիս շրթունքս ճաքում է,
    Հայաստան ասելիս հասակս ծաղկում է,
    Չգիտեմ` ինչու՞ է այսպես:

    Հայաստան ասելիս աչքերս լցվում են,
    Հայաստան ասելիս թևերս բացվում են,
    Չգիտեմ` ինչու՞ է այդպես:

    Հայաստան ասելիս աշխարհն իմ տունն է,
    Հայաստան ասելիս էլ մահն ու՞մ շունն է.
    Կլինե՛մ, կմնա՛մ այսպես:

    Համո Սահյան

  11. Գրառմանը 1 հոգի շնորհակալություն է հայտնել.


  12. #107
    Ավագ մասնակից
    Գրանցման ամսաթիվ
    05.03.2018
    Գրառումներ
    1,015
    Հեղինակության աստիճան
    5830

    ԵՍ ԻՄ ԱՆՈՒՇ ՀԱՅԱՍՏԱՆԻ

    Ես իմ անուշ Հայաստանի արևահամ բառն եմ սիրում,
    Մեր հին սազի ողբանվագ, լացակումած լարն եմ սիրում,
    Արնանման ծաղիկների ու վարդերի բո՛ւյրը վառման,
    Ու նաիրյան աղջիկների հեզաճկուն պա՛րն եմ սիրում:

    Սիրում եմ մեր երկինքը մուգ, ջրերը ջինջ, լիճը լուսե,
    Արևն ամռան ու ձմեռվա վիշապաձայն բուքը վսեմ,
    Մթում կորած խրճիթների անհյուրընկալ պատերը սև
    Ու հնամյա քաղաքների հազարամյա քա՛րն եմ սիրում:

    Ո՛ւր էլ լինեմ – չե՛մ մոռանա ես ողբաձայն երգերը մեր,
    Չե՜մ մոռանա աղոթք դարձած երկաթագիր գրքերը մեր,
    Ինչքան էլ սո՜ւր սիրտս խոցեն արյունաքամ վերքերը մեր –
    Էլի՛ ես որբ ու արնավառ իմ Հայաստան-յա՛րն եմ սիրում:

    Իմ կարոտած սրտի համար ո՛չ մի ուրիշ հեքիաթ չկա.
    Նարեկացու, Քուչակի պես լուսապսակ ճակատ չկա.
    Աշխա՛րհ անցի՛ր՝ Արարատի նման ճերմակ գագաթ չկա.
    Ինչպես անհաս փառքի ճամփա՝ ես իմ Մասիս սա՛րն եմ սիրում:

    Եղիշե Չարենց

  13. Գրառմանը 1 հոգի շնորհակալություն է հայտնել.


  14. #108
    Ավագ մասնակից
    Գրանցման ամսաթիվ
    05.03.2018
    Գրառումներ
    1,015
    Հեղինակության աստիճան
    5830
    Գ.Էմին
    Հնոց մագաղաթների ու գրքերի այն երկիրը,որն իր երեսունվեց տառերի խիզախ ջոկատով դարեր շարունակ դիմադրել է իրեն ձուլել ու ոչնչացնել սպառնացող բոլոր ոսոխներին...

    Առասպելական Վահագնի պես եղեգան փողի հրից ու բոցից ծնված այն երկիրը,որը դարերով տառապել է պատերազմների չար կրակներից...

    Հայաստանն եմ ես,հայ ժողովուրդն եմ ես`Հավերժի Ճամփորդը,որը դարերի խորքից եկած,դեպի գալիք դարերն է գնում,և որի երթը վերջ ու վախճան չունի,քանի դեռ գեթ մի հայ է ապրում այս հողագնդում,այս հավերժական արևի ներքո...

    Գ.Էմին -<<Հավերժի ճամփորդը>>

  15. #109
    Ավագ մասնակից
    Գրանցման ամսաթիվ
    05.03.2018
    Գրառումներ
    1,015
    Հեղինակության աստիճան
    5830
    Հայը դարերով սիրով է պահել
    Յոթ թանկ սրբություն`

    Գիրքը,Մասիսը,շինարար ոգին,
    Հավատը,լեզուն.
    Սուրբ անուններ են եղել դաևերվ
    Հայ ընտանիքը,
    Եվ ամենից վեր,ամենից լուսե`
    Մայր հայրենիքը:
    Սուրեն Մուրադյան

  16. Գրառմանը 1 հոգի շնորհակալություն է հայտնել.


  17. #110
    Ավագ մասնակից
    Գրանցման ամսաթիվ
    05.03.2018
    Գրառումներ
    1,015
    Հեղինակության աստիճան
    5830
    Մասիս սարը ինչքան դիտես,
    Հայաստանի ճամփաներեն ինչքան քալես,
    Երևանի պաղ ջուրերու աղբյուրներեն ինչքան
    խմես,չես հագենար.
    Քաղցր է սերը հայրենիքի...
    Ամենայն Հայոց Կաթողիկոս Վազգեն Առաջին

  18. Գրառմանը 1 հոգի շնորհակալություն է հայտնել.


Էջ 11 13-ից ԱռաջինԱռաջին ... 910111213 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •