+ Կատարել գրառում
Էջ 42 43-ից ԱռաջինԱռաջին ... 3240414243 ՎերջինըՎերջինը
Ցույց են տրվում 411 համարից մինչև 420 համարի արդյունքները՝ ընդհանուր 424 հատից

Թեմա: Միշտ արդիական Տերյանը

  1. #411
    Ավագ մասնակից
    Գրանցման ամսաթիվ
    21.12.2018
    Հասցե
    Վանաձոր
    Գրառումներ
    233
    Հեղինակության աստիճան
    0
    * * *

    Ես կըգամ, երբ դու մենակ կըմնաս
    Տրտում իրիկվա ըստվերների տակ,
    Երբ դու կըթաղես տենչերըդ խորտակ.
    Եվ վհատությամբ երբ կըհեռանաս...

    Ես կըգամ, որպես մոռացված մի երգ,
    Հյուսված աղոթքից, սիրուց ու ծաղկից.
    Քո մեռած սրտում կըլինի թախիծ,
    Ես կըկանչեմ քեզ դեպի այլ եզերք։

    Ես կըգամ, երբ դու կըլինես տրտում,
    Երբ երազներըդ հավետ կըմեռնեն,
    Ձեռքըդ կըբռնեմ, ցավըդ կըմբռնեմ,
    Կըվառեմ ուրիշ լույսեր քո հոգում...


    1908

  2. Գրառմանը 2 հոգի շնորհակալություն են հայտնել.

    Ալոյան Գոհար (12.01.2019), Zhanneta (12.01.2019)

  3. #412
    Ավագ մասնակից
    Գրանցման ամսաթիվ
    21.12.2018
    Հասցե
    Վանաձոր
    Գրառումներ
    233
    Հեղինակության աստիճան
    0
    Տերյանի պոեզիան այսօր էլ պահպանում է իր գեղագիտական մեծ հմայքը;Իրավացի էր Իսահակյանը.<<Նրա բանաստեղծություններից անվիճելի մի քանակ կմնան որպես հավերժական արժեքներ բոլոր ժամանակների համար, որպես մարդկային բյուրեղացած զգացմունքներ և անխառն գեղեցկություններ>>;

  4. #413
    Ավագ մասնակից
    Գրանցման ամսաթիվ
    21.12.2018
    Հասցե
    Վանաձոր
    Գրառումներ
    233
    Հեղինակության աստիճան
    0
    * * *

    Քո մազերի ցնորական փայլը պայծառ,
    Ժայռից իջնող ջրվեժի պես առատահոս,
    Քո աչքերի խորությունը հրդեհավառ,
    Ուր վառված են մութ ցանկության ջահեր անխոս,
    Քո ժպիտը թունոտ ծաղկանց բույրի նըման,
    Որ տիրաբար արբեցնելով մահ է բերում,
    Քո խենթ մարմնի սարսուռները երջանկության
    Ախտաբորբոք արևներ են բոցավառում...
    Թույլ տուր սուզվեմ քո աչքերի անդունդը մութ,
    Թույլ տուր ծծեմ քո մազերի բուրմունքն անուշ,
    Բորբոքի՛ր ինձ քո հույզերով քաղցր ու անգութ,
    Մարիր իմ մեջ, մարիր իմ մեջ ցընորք ու հուշ...


    1905-1906

  5. #414
    Մասնակից
    Գրանցման ամսաթիվ
    20.12.2018
    Հասցե
    ք.Կապան. Բաղաբերդ 27
    Տարիք
    46
    Գրառումներ
    83
    Հեղինակության աստիճան
    165
    Մեջբերում Զարինե Ամիրյան-ի խոսքերից Նայել գրառումը
    Տերյանի պոեզիան այսօր էլ պահպանում է իր գեղագիտական մեծ հմայքը;Իրավացի էր Իսահակյանը.<<Նրա բանաստեղծություններից անվիճելի մի քանակ կմնան որպես հավերժական արժեքներ բոլոր ժամանակների համար, որպես մարդկային բյուրեղացած զգացմունքներ և անխառն գեղեցկություններ>>;
    «…Եվ նորից կզգանք, որ
    Մեր սրտին դու մո՛տես
    Մորմոքող հրի պես մեր
    Հիվանդ արյան,
    Որ լուսե երգին քո մեր
    Հոգին կարոտ է,
    Օ՛, հեռու ընկեր իմ, օ՛,
    Վահան Տերյան…»:
    Եղիշե Չարենց
    «Տերյանը …. ազնիվ մետաղի պես փայլ տվեց մեր «արքայական» լեզվին, հարստացրեց մեր ազգային քնարերգությունը նոր մոտիվներով ու տաղաչափական ձևերով, նույնիսկ դուռ բացեց նոր հանգի համար…»:

  6. #415
    Ավագ մասնակից
    Գրանցման ամսաթիվ
    21.12.2018
    Հասցե
    Վանաձոր
    Գրառումներ
    233
    Հեղինակության աստիճան
    0
    Վահան Տերյան, ինչպե՞ս երգեմ հիշատակը քո,
    Թող լուռ փռվի հիմա իմ դեմ անլույս երեկո։
    Սրտիս վրա իջնի թող մութ մի ամպի քուլա,
    Քամին բերե թող մահվան բոթ ու անձրևը լա։
    Եվ թող թափվեն շուրջս աշնան տերևներ դեղին
    Եվ զարդարեն, Վահան Տերյան, քո անցած ուղին
    Ու մշուշում տխո՜ւր երգով բյուրավոր զանգեր
    Թող օրհներգեն թախիծը քո, իմ հեռու ընկեր...

  7. #416
    Ավագ մասնակից
    Գրանցման ամսաթիվ
    21.12.2018
    Հասցե
    Վանաձոր
    Գրառումներ
    233
    Հեղինակության աստիճան
    0
    Դու արդեն հեռացել ես, աշխարհում էլ չկաս դու,
    Ու լռել է երգը քո արդեն հիմա,
    Բայց զգում է սիրտս, որ նորի՜ց կգաս դու,
    Երբ իջնի գիշերը ու անձրևը լա։

    Երբ իջնի գիշերը ու անցած հուշերը,
    Անցածի փշերը դառնորեն խոցեն—
    Ո՜րբ, մենակ կգաս դու և կերգես քո սերը,
    Որ վերջի՜ն մեր սերն է աշխարհում գուցե։

    Որբ, մենակ կգաս դու և նորից քո երգը
    Կվառե սրտում մեր կարոտանք ու սեր.
    Անարև սրտում մեր կվառե քո երգը
    Երազներ անմար ու ցնորքներ լուսե։

    Եվ նորից կզգանք, որ մեր սրտին դու մո՜տ ես,
    Մորմոքող հրի՛ պես մեր հիվանդ արյան,
    Որ լուսե երգին քո մեր հոգին կարոտ է,
    Օ, հեռու ընկեր իմ, օ, Վահան Տերյան...

  8. #417
    Ավագ մասնակից
    Գրանցման ամսաթիվ
    21.12.2018
    Հասցե
    Վանաձոր
    Գրառումներ
    233
    Հեղինակության աստիճան
    0
    Դու — լուսե, անցար ու չկաս։
    Դու — թեթե, անմարմին, անծիր։
    Դու ուրի՛շ խնդության երազ։

    Դու սրտում մեր ընդմիշտ վառեցիր
    Կրակներ անմար ու թաքուն։
    Փռեցիր լուսավոր գանձեր։

    Եվ երբե՛ք, երբեք չի աղոտի
    Քո կանթեղը խավար մեր հոգում —
    Քո կանթեղը — հեռո՜ւ կարոտի։ Ե. Չարենց

  9. #418
    Ավագ մասնակից
    Գրանցման ամսաթիվ
    21.12.2018
    Հասցե
    Վանաձոր
    Գրառումներ
    233
    Հեղինակության աստիճան
    0
    Խավարում, ցավերում քարանալ
    Մեն միայն...
    Վ. ՏԵՐՅԱՆ
    Քանի չես տեսնում՝ չես հիշի,
    Կդառնամ մոռացված մի անուն.
    Ոչինչ իմ մասին չի հուշի՝
    Ոչ երգս, ոչ վերքը իմ անհուն։

    Վայրկյանը կդողա իմ մահով,
    Հետո... կժպտաս տխրաբեկ.
    Կկառչես օրերին քո սահող՝
    Անկայուն, վհատ, դյուրաթեք։

    Ես մութ, անխոստում մշուշում
    Կկորչեմ անդարձ ու լուռ։
    Ժպտում է Մեկը խաժ մուժում,
    Հանգչում են հուշերը անլուր։

  10. #419
    Ավագ մասնակից
    Գրանցման ամսաթիվ
    21.12.2018
    Հասցե
    Վանաձոր
    Գրառումներ
    233
    Հեղինակության աստիճան
    0
    Տխրություն

    Սահուն քայլերով աննշմար քնքուշ մութի թեւ
    Մի ստվեր անցավ ծաղիկ ու կանաչ մեղմիվ շոյելով
    Իրիկնաժամին թփերն օրօրող հովի պես թեթեւ
    Մի ուրու անցավ մի գունատ աղջիկ ճերմակ շորերով:

    Արձակ դաշտերի ամայության մեջ նա մեղմ շշնջաց
    Կարծես թե սիրո քնքուշ խոսք ասաց նիրհող դաշտերին
    Եվ ծաղիկների մեջ այդ անուրջ կույսի շշուկը մնաց
    Եվ ծաղիկները այդ սուրբ շշուկով իմ սիրտը լցրին:

  11. #420
    Ավագ մասնակից
    Գրանցման ամսաթիվ
    21.12.2018
    Հասցե
    Վանաձոր
    Գրառումներ
    233
    Հեղինակության աստիճան
    0
    Վահան Տերյանն իր բանաստեղծությունների մեծ մասը համախմբել է առանձին շարքերի մեջ («Մթնշաղի անուրջներ», «Գիշեր և հուշեր», «Ոսկի հեքիաթ», «Երկիր Նաիրի» և այլն): Արևելահայ բանաստեղծության մեջ Տերյանն առաջինն էր, որ դասական մակարդակի հասցրեց շարքերով գրելու սկզբունքը: Տերյանը մտածում և ստեղծագործում էր ոչ միայն առանձին բանաստեղծությունների, այլև շարքերի միջոցով: Շարքի մեջ մտնող յուրաքանչյուր բանաստեղծություն ներքին կապ ունի քնարական շարքի ընդհանուր մոտիվների ու տրամադրությունների հետ և դրանով իսկ ամբողջացում է շարքի մեջ ներկայացվող հիմնական գիծը: Իր հերթին շարքի մեջ մտնող յուրաքանչյուր բանաստեղծություն նրանից դուրս կարող է ընկալվել որպես առանձին ստեղծագործություն: Այդպիսին նաև Տերյանի բանաստեղծությունները:

+ Կատարել գրառում
Էջ 42 43-ից ԱռաջինԱռաջին ... 3240414243 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք կարող եք պատասխանել գրառումներին
  • Դուք չեք կարող կցորդներ տեղադրել
  • Դուք կարող եք խմբագրել ձեր գրառումները
  •