Էջ 2 4-ից ԱռաջինԱռաջին 1234 ՎերջինըՎերջինը
Ցույց են տրվում 11 համարից մինչև 20 համարի արդյունքները՝ ընդհանուր 33 հատից

Թեմա: Ֆորումում հաղորդակցման կարգը. նորմեր, կանոններ, էթիկա

  1. #11
    Ադմինիստրատոր
    Գրանցման ամսաթիվ
    30.04.2010
    Գրառումներ
    29
    Հեղինակության աստիճան
    0
    Մանուշ ջան ընդհանուր առմամբ համաձայն եմ քո հետ, բայց պիտի ասեմ, որ ամենաանկաշկանդ և համարձակ խավը պիտի լինեն մեր ուսուցիչները, չէ որ հենց իրենք պիտի փոխանցեն այդ համարձակությունը մեր երեխաներին։ Ես դեմ չեմ կառուցողական «կեղծարարությանը» (ավելի հարմար բառ չեմ գտնում) , բայց դե կանոներում հնարավոր չի լինի դա բացառել։

  2. Գրառմանը 2 հոգի շնորհակալություն են հայտնել.

    manush (19.07.2010), Իրինա (19.07.2010)

  3. #12
    Ավագ մասնակից Իրինա-ի ավատար
    Գրանցման ամսաթիվ
    07.05.2010
    Հասցե
    ԼՂՀ ք. Ստեփանակերտ
    Գրառումներ
    233
    Հեղինակության աստիճան
    133
    Քննարկումը չի ընդլայնվում, որովհետև չի իմացվում, թե ում հետ ես կիսում քո մտահոգությունները: Ինչու՞ մեր ուսոցիչները չեն ներկայանում: Ինչ կա՞ թաքցնելու:Ինչի՞ց ենք վախենում:

  4. Գրառմանը 2 հոգի շնորհակալություն են հայտնել.

    manush (19.07.2010), Ռուզանկա (19.07.2010)

  5. #13
    Ադմինիստրատոր Chuk-ի ավատար
    Գրանցման ամսաթիվ
    30.04.2010
    Տարիք
    35
    Գրառումներ
    569
    Հեղինակության աստիճան
    121
    Երկրորդ մականվամբ հանդես գալու մասին քննարկումը ակտիվացնելու փորձ անելու համար փորձեմ մի քիչ խոսել այդ երևույթի մասին: Երևույթը դիտարկելու եմ ոչ թե «Հայկական կրթական միջավայր» ֆորումի համատեքստում, այլ ընդհանուր:

    Ընդհանրապես երկրորդ, անոնիմ մականվամբ գրանցումները ինտերնետում բավական տարածված երևույթ են ու շատ վաղուց: Այնքան տարածված են, որ ինտերնետային սլենգում ունեն հատուկ անվանում՝ սոքփափեթ (sock puppet, գուլպաներից պատրաստված տիկնիկներ, որոնք հագնում են ձեռքին ու տիկնիկային ներկայացումներ խաղում, սրանց առանձնահատկությունն այն է, որ այդ տիկնիկներն իրենց անունից խոսում են բոլորի հետ, այդ թվում իրենց տիրոջ, այսինքն այն մարդու, ում ձեռքին են):

    Հիմնականում սոքփափեթների ստեղծումը պայմանավորված է լինում այն հանգամանքով, որ տվյալ անձնավորությունը ինչ-ինչ պատճառներով չի ցանկանում հանդես գալ սեփական անունից: Սրա համար լինում են բազում պատճառներ, սկսած այն պարզ դեպքերից, երբ մեկն ուզում է քննադատել ընկերոջը, բայց չի ուզում վիրավորել նրա ընկերական զգացմունքները, կամ լրիվ հակառակը, երբ ցանկանում է գովել «թշնամուն», բայց իրեն «նվաստացած» կզգա, սեփական անունից դա անելիս: Կան նաև բազում ավելի լուրջ պատճառներ, ինչպիսիք են օրինակ աշխատակիցների իրենց պետերից թաքուն գրելու ցանկությունները, ինչու-ոչ, քննադատությունները: Կամ երբ հանրահայտ գրողը, օրինակ, ցանկանում է անմիջական մասնակիցը լինել իր ստեղծագործության քննարկմանը, բայց իր անմիջական ներկայությունը կարող է կաշկանդել քննարկման մյուս մասնակիցներին: Այսինքն այստեղ, իմ սուբյեկտիվ դիտարկմամբ, կա անանուն, սոքփափեթով հանդես գալու թե՛ դրական, թե՛ բացասկան կողմեր: Որպես դրական կարելի է նշել այն, որ եթե մարդը «համարձակվում» է սոքփափեթով արտահայտել մտքեր, որոնք տվյալ քննարկման համատեքստում արժեքավոր են, անկախ նրանից, թե ով է այդ մտքի հեղինակը, ապա քննարկումը դրանից շահում է: Եվ եթե դա արվում է այն տեսքով, որ չի վիրավորում քննարկման մյուս մասնակիցների արժանապատվությունը, ապա անձամբ իմ սուբյեկտիվ կարծիքով սոքփափեթով հանդես գալը դառնում է դրական գործոն: Լրիվ այլ հարց է, երբ նման պատճառով սոքփափեթով հանդես եկողները անարժեք մտքեր են արտահայտում, որոնք, մասնավորապես, ուղղված են քննարկման մյուս մասնակիցների մարդկային արժանապատվության վիրավորելուն ու նվաստացնելուն: Դա արդեն, ըստ իս, բացասական է:

    Սոքփափեթի կիրառման մեկ այլ տարածված պատճառ է սեփական մտքերին, գրառումներին համաձայնություն հայտնելը: Հաճախ է լինում, երբ ինչ-որ մեկը հայտնվելով հակադիր տեսակետը կրողների բանակում ու մնալով իր տեսակետի միակ ներկայացնողը գրանցվում է ևս մեկ մականվամբ՝ ինքն իրեն պաշտպանելու ու տեսակետը կրողների շատ լինելու իմիտացիա ստեղծելու համար: Նույն երևույթին հաճախ դիմում են, երբ անում են գրառում, որին արձագանք չկա: Սա ավելի շատ հոգեբանական կողմ է:

    Մյուս տարածված պատճառը, որի համար կիրառում են սոքփափեթները, կեղծարարությունը-զեղծարարությունն է: Սա հատկապես արվում է հարցումներին մասնակցելու համար՝ արհեստական բարձրացնելով այս կամ այն կետի քվեն:

    Հոգեբանական մեկ այլ կողմ է առաջնային կիրառողի վարկանիշի բարձրացումը: Այսպիսի դեպքերում նույն անձը երկրորդ մականվամբ (սոքփափեթով) գրանցվում է ու սկսում է երկխոսել, վիճել առաջնային կիրառողի հետ: Ընդ որում սոքփափեթով դիտավորյալ բացթողումներ է անում, ապա պարտվում է վեճում՝ առաջնային կիրառողի համար փառք, լավ միտք, բանավեճի հմտություն ունեցողի կերպար ստեղծելով:

    Կա նաև սոքփափեթի կիրառման «բիզնես» տարբերակ: Այսպես, կազմակերպության ներկայացուցիչը (առաջնային գրանցում) ներկայացնում է իր ապրանքը, ծառայությունը, իսկ սոքփափեթը ներկայանում է որպես այդ ծառայության կամ ապրանքի սովորական կիրառող, ով շատ գոհ է ապրանքից: Ավելին, հաճախ այս ամբողջը լինում է լավ կազմակերպված ներկայացում, երբ սոքփափեթը սկզբից հանդես է գալիս ապրանքի, ծառայության փնովումով, ձեռք է բերում համակիրների բանակ, ովքեր հիանում են նրա համարձակությամբ ու անկեղծությամբ, ապա, երբ առաջնային գրանցումը նրան համոզում է ամեն դեպքում փորձել գովազդված ապրանքը, համենայն դեպս փորձում է, արդեն փորձի արդյունքում իր տեսակետը պնդել կարողանալու համար և.. պարզվում է, որ գովազդված ապրանքը, ծառայությունը ուղղակի հրաշալի էր, ինքը սխալվել է, ներողություն է խնդրում իր նախկին ասածների համար:

    Նույն մեթոդը կիրառվում է նաև քննարկումների ժամանակ քննարկման մասնակիցների կարծիքը առաջնային գրանցման տեսակետի ուղղությամբ շեղելու համար: Սոքփափեթը նախ հանդես է գալիս որպես այդ տեսակետի մոլի քննադատող, դառնում հակառակ տեսակետ ունեցողների «առաջնորդը», ապա աստիճանաբար համոզվում է առաջնային գրանցման ներկայացրած փաստարկներից, իսկ քննարկման մասնակիցները նույնիսկ չեն նկատում, թե ինչպես եղավ, որ իրենց կարծիքը փոխվեց:

    Եվ վերջապես սոքփափեթներով հանդես են գալիս նաև տվյալ համայնքից հեռացվածները (թե՛ տեխնիկապես, թե՛ բարոյապես հեռացվածները):

    Վերը փորձեցի ներկայացնել նոր մականվամբ գրանցվելու հիմնական պատճառները: Նշեմ, որ իմ դիտարկումներով ֆորումների մեծ մասում աշխատում են արգելել մեկից ավելի անվամբ հանդես գալը, ստեղծվում են նաև ծրագրեր, որնոնք այդպիսի գրանցումները փորձում են տեխնիկապես արգելվել: Պատճառն այն է, որ, ինչպես երևում է վերևի շարադրանքից, սոքփափեթների գրանցումները հիմնականում կատարվում են ոչ ազնիվ նպատակների համար:

    Հետևաբար եթե լուռ այս սկզբունքները հաշվի առնենք, ապա, կարծում եմ, պիտի փորձենք արգելել մեկից ավելի անունով հանդես գալը: Բայց առաջանում է հարց, թե այս տարբերակներից որը որքանո՞վ է արդիական «Հայկական կրթական միջավայր» ֆորումի համար ու քննել հարցը հենց մեր այս ֆորումի համատեքստում:


    հ.գ. Համա թե «մի քիչ» ստացվեց...
    Վերջին խմբագրող՝ Chuk: 20.07.2010, 11:54:
    Քայլ առ քայլ՝ դարից դար

    Արտակ Հարությունյան
    Կրթական տեխնոլոգիաների ազգային կենտրոն
    ՏՀՏ բովանդակության բաժնի մասնագետ

  6. Գրառմանը 7 հոգի շնորհակալություն են հայտնել.

    Arabo (20.07.2010), manush (20.07.2010), monteris (05.02.2011), Արեգ Գրիգորյան (20.07.2010), Իրինա (20.07.2010), Ուլուանա (21.07.2010), sokrat (20.07.2010)

  7. #14
    Ադմինիստրատոր manush-ի ավատար
    Գրանցման ամսաթիվ
    01.05.2010
    Հասցե
    Երևան
    Գրառումներ
    818
    Հեղինակության աստիճան
    2186
    Արտակ ջան, շատ մանրամասն ներկայացրել ես ֆորումում երկրորդ «դերով» հանդես գալու դրդապատճառները։ Մասնագիտորեն վերլուծել ես պատճառները և սպասվող հետևանքները։
    Եվս մեկ անգամ համոզվեցի, որ ֆորումային համակարգի ղեկավարման քո փորձը կրթական ֆորումին շատ անհրաժեշտ է ու քո ջանքերի, քո սրտացավ ու մասնագիտական որակների շնորհիվ այս հարթակը իսկապես կդառնա ուսուցիչների, աշակերտների, ծնողների ու, հուսով եմ, կրթության պատասխանատուների սիրված վիրտուալ միջավայրը, այստեղ բոլորիս մասնակցությամբ կքննարկվեն ու լուծումներ կգտնեն շատ մանր ու մեծ կրթական, և ոչ միայն կրթական, հիմնահարցեր։

    (Այս բառերը գրելիս մտքում ինձ համեմատում էի «Հարսնացուն հյուսիսից» կինոնկարի Մուրադի հետ։)

    Ընդհանրապես երկրորդ, անոնիմ մականվամբ գրանցումները ինտերնետում բավական տարածված երևույթ են ու շատ վաղուց: Այնքան տարածված են, որ ինտերնետային սլենգում ունեն հատուկ անվանում՝ սոքփափեթ (sock puppet, գուլպաներից պատրաստված տիկնիկներ, որոնք հագնում են ձեռքին ու տիկնիկային ներկայացումներ խաղում, սրանց առանձնահատկությունն այն է, որ այդ տիկնիկներն իրենց անունից խոսում են բոլորի հետ, այդ թվում իրենց տիրոջ, այսինքն այն մարդու, ում ձեռքին են):

    Հիմնականում սոքփափեթների ստեղծումը պայմանավորված է լինում այն հանգամանքով, որ տվյալ անձնավորությունը ինչ-ինչ պատճառներով չի ցանկանում հանդես գալ սեփական անունից: Սրա համար լինում են բազում պատճառներ ...


    Ես երեկվանից մտածում եմ այդ պատճատների և Արաբոյի առաջարկի մասին։

    Կարդալով քո վերլուծությունը, ավելի համոզվեցի, որ մեր ֆորումում «սոքփափեթ»–ները քո նշած «հանցագործ» մղումներից չեն ստեղծվում և վտանգավոր նպատակներ չունեն։ Հիմա ավելի հանգիստ եմ իմ պնդման մեջ, որ պետք չի հեռացնել երկրորդ մականվամբ հանդես եկողներին։ Ի վերջո, բոլորիս ցանկությունն ու գերխնդիրը դրական տեղաշարժն է՝ լինի կրթական–դաստիարակչական, թե՝ անձնական, սոցիալական, հասարակական, ... ոլորտներում։
    Վերջին խմբագրող՝ manush: 20.07.2010, 12:36:
    Մանուշակ Ավետիսյան
    Կրթական տեխնոլոգիաների ազգային կենտրոն
    ՏՀՏ բովանդակության բաժնի պետ

  8. Գրառմանը 2 հոգի շնորհակալություն են հայտնել.

    Chuk (20.07.2010), sokrat (20.07.2010)

  9. #15
    Ավագ մասնակից Իրինա-ի ավատար
    Գրանցման ամսաթիվ
    07.05.2010
    Հասցե
    ԼՂՀ ք. Ստեփանակերտ
    Գրառումներ
    233
    Հեղինակության աստիճան
    133
    Փաստորեն, եթե մարդը ազնիվ նպատակներով, ինչպես նաև կրթական ֆորումից ինչ-որ նորություն , փորձ ձեռք բերելու ցանկություն ունի, ինքստինքյան պետք է մասնակցի ինչ-որ ներկայացման , որտեղ մարդը խոսում է ինքն իրեն:
    ֆորումների մեծ մասում աշխատում են արգելել մեկից ավելի անվամբ հանդես գալը, ստեղծվում են նաև ծրագրեր, որոնք այդպիսի գրանցումները փորձում են տեխնիկապես արգելվել:
    Իմ կարծիքով ճիշտը դա է, որովհետև այս ֆորումին մասնակցում են լուրջ մարդիկ, որոնք հոգնել են իրենց շրջապատում առկա լավ կազմակերպված ներկայացումներից և լուրջ նպատակներով են գրանցվել : Ինչու՞ հիասթափվեն:

  10. Գրառմանը 3 հոգի շնորհակալություն են հայտնել.

    Arabo (20.07.2010), Chuk (20.07.2010), manush (20.07.2010)

  11. #16
    Ադմինիստրատոր Chuk-ի ավատար
    Գրանցման ամսաթիվ
    30.04.2010
    Տարիք
    35
    Գրառումներ
    569
    Հեղինակության աստիճան
    121
    Մեջբերում Իրինա-ի խոսքերից Նայել գրառումը
    Փաստորեն, եթե մարդը ազնիվ նպատակներով, ինչպես նաև կրթական ֆորումից ինչ-որ նորություն , փորձ ձեռք բերելու ցանկություն ունի, ինքստինքյան պետք է մասնակցի ինչ-որ ներկայացման , որտեղ մարդը խոսում է ինքն իրեն:
    ֆորումների մեծ մասում աշխատում են արգելել մեկից ավելի անվամբ հանդես գալը, ստեղծվում են նաև ծրագրեր, որոնք այդպիսի գրանցումները փորձում են տեխնիկապես արգելվել:
    Իմ կարծիքով ճիշտը դա է, որովհետև այս ֆորումին մասնակցում են լուրջ մարդիկ, որոնք հոգնել են իրենց շրջապատում առկա լավ կազմակերպված ներկայացումներից և լուրջ նպատակներով են գրանցվել : Ինչու՞ հիասթափվեն:
    Հարգելի Իրինա, նախ շնորհակալություն կարծիքի համար:
    Հիմա բուն գրառման մասին. ամեն ինչ կախված է նրանից, թե ներկայացում ասելով ինչ ենք հասկանում:
    Որովհետև մենք խոսում էինք երկրորդ մականվամբ հանդես գալը թողնել-չթողնելու մասին, մինչդեռ խոսակցությունը կարծես թե նաև այլ ընթացք է ստանում:

    Երկրորդ մականվամբ հանդես եկողը պարտադիր չի ներկայացում խաղա, խոսի ինքն իր հետ: «Պողոս Պողոսյան» անվամբ մեկը, ով ֆորումում ակտիվ է, վաղը կարող է գրանցվել «Երկարաքիթ» մականվամբ ու գրի մի տեսակետ, որն ինչ-ինչ պատճառներով չէր ցանկանում իր իսկական անվան տակ՝ այդ ընթացքում բնավ չերկխոսելով ինքն իր հետ: Ես կարող եմ տեղում օրինակ կառուցել:

    Պողոս Պողոսյանը, դիցուք, մաթեմատիկայի ուսուցիչ է ու մտնում է այս ֆորում: Այս ֆորում է մտնում նաև նրա աշակերտը, ում հետ ինքը որոշակի խնդիրներ ունի. աշակերտն իր դասերին իրեն վատ է պահում, չի հարգում ուսուցչին: Ուսուցիչը ուզում է ներկայացնել իր խնդիրն ու մյուս ուսուցիչներից խորհուրդ ստանալ, թե տվյալ դեպքում ինչպես վարվի, մոտավոր ներկայացնելով խնդիրը: Ի՞նչ եք կարծում, իր աշակերտի ներկայությամբ ինքն այդ հարցը կարո՞ղ է տալ հենց այդ անվամ: Իսկ «Մարտիրոս» անունն այս դեպքում իրեն օգնության կհասնի:

    Օրինակը սարքովի է, արհեստական: Բայց կարծում եմ, որ կարողացա ներկայացնել իրավիճակ, երբ երկրորդ մականունը լինի պետքական ու ոչ ներկայացում: Իսկ նման իրավիճակների բազություն իրականում հնարավոր է:

    Բայց իմ մոտ տպավորություն է, որ դուք ներկայացում ասելով հասկանում եք նաև բոլոր այն դեպքերը, երբ մարդն իր անունով չի հանդես գալիս, անկախ նրանից, դա իր երկրո՞րդ, թե՞ առաջին ու միակ մականունն է:
    Բայց չէ որ ֆորումները տալիս են այդ հնարավորությունը, չէ՞ որ ֆորումներում հենց ի սկզբանե նախատեսված է ՄԱԿԱՆՈՒՆՆԵՐՈՎ, այլ ոչ անուններով գրանցումը: Իհարկե յուրաքանչյուրը կարող է ներկայանալ իր իսկական անունով, աշխատավայրով, կերպարով, ու կոնկրետ «Հայկական կրթական միջավայր»-ում դա բավական ցանկալի է: Բայց դնել նման պահանջ, չերկխոսել, չքննարկել մարդու հետ, ով ինչ-ինչ պատճառներով չի ուզում իր իսկական անվամբ հանդես գալ ես սխալ եմ համարում, դա ֆորումային հաղորդակցման նորմերից կտրուկ շեղում եմ համարում: Ու ուզում եմ հստակ հասկանալ Ձեր տեսակետը. դուք դե՞մ եք, որ ինչ-որ մարդիկ հանդես գան ոչ իրենց իսկական անունով: Որովհետև, հուշեմ նաև, մենք ֆորումում հիմա էլ ունենք այդպիսիք, ովքեր երկրորդ կամ երրորդ գրանցում չեն, միակ գրանցումով են, բայց հանդես են գալիս իրենց «վիրտուալ» կերպարով:
    Քայլ առ քայլ՝ դարից դար

    Արտակ Հարությունյան
    Կրթական տեխնոլոգիաների ազգային կենտրոն
    ՏՀՏ բովանդակության բաժնի մասնագետ

  12. Գրառմանը 4 հոգի շնորհակալություն են հայտնել.

    Arabo (20.07.2010), manush (20.07.2010), Իրինա (20.07.2010), sokrat (20.07.2010)

  13. #17
    Ավագ մասնակից sokrat-ի ավատար
    Գրանցման ամսաթիվ
    12.07.2010
    Գրառումներ
    123
    Հեղինակության աստիճան
    10
    Նախ ուզում եմ շնորհակալություն հայտնել Chuk-ին, հարցը համկողմանի ներկայացնելու համար:
    Իմ համար հասկանալի են նաև Manush-ի ու Իրինայի կարծիքները: Նրանց ևս շնորհակալություն:
    Կարծում եմ այս ֆորումի համար հատուկ կանոններ մշակելու անհրաժեշտություն չկա:

    Անձամբ իմ համար կանոններն իմ սկզբունքներն ու ներքին կուլտուրան են:

    Կարծում եմ, որ ուսուցիչները, եթե նույնիսկ հանդես են գալիս ոչ իրենց անվան տակ կամ մի քանի անուններով, իրենց լուրջ շեղումներ թույլ չեն տա:

    Համոզված եմ նաև, որ կոպիտ շեղումները ադմինիցտրատորի կողմից անմիջապես կկանխվեն:

    Իսկ եթե մասնակիցներն անպայման ուզում են ինչ ոչ կանոններ ամրագրել, ապա առաջարկում եմ կետ առ կետ նշել ու ֆորումում հարցում անցկացնել: Կարծում եմ սա համահունչ է Chuk-ի հետևյալ մտքին.

    Ու անընդհատ ձգձգել եմ կանոններ մշակելու մասը, մտածելով, որ ավելի լավ կլինի, որ այս ֆորումի կանոնները մշակվեն հենց ֆորումցիների կողմից: Դա պետք է լիներ հիմնված ոչ միայն ֆորումում մինչև հիմա ստեղծված ընդհանուր ոճի վրա, ոճ, որը քննարկման բոլոր մասնակիցներն են ստեղծել, այլև հենց կանոնների մասին քննարկումների: Հետևաբար ակնկալում եմ, որ այս թեմայում նաև կքննարկվեն ֆորումի ապագա կանոնները, միասին կստեղծենք այն:
    Շատերը կարող է զարմանան, որ այս թեմանյի առաջին գրառունմերին (իմ գրառումներին, որոնք տեղափոխվել են այստեղ) չեմ անդրադառնում:

    Դա հետո, առանձին:

  14. Գրառմանը 2 հոգի շնորհակալություն են հայտնել.

    Chuk (20.07.2010), manush (20.07.2010)

  15. #18
    Ադմինիստրատոր Chuk-ի ավատար
    Գրանցման ամսաթիվ
    30.04.2010
    Տարիք
    35
    Գրառումներ
    569
    Հեղինակության աստիճան
    121
    Մեջբերում sokrat-ի խոսքերից Նայել գրառումը
    Կարծում եմ, որ ուսուցիչները, եթե նույնիսկ հանդես են գալիս ոչ իրենց անվան տակ կամ մի քանի անուններով, իրենց լուրջ շեղումներ թույլ չեն տա:

    Համոզված եմ նաև, որ կոպիտ շեղումները ադմինիցտրատորի կողմից անմիջապես կկանխվեն:
    Այստեղ ուղղակի ուզում եմ նշել, որ ֆորումի մասնակիցները ոչ միայն ուսուցիչներն են լինելու: Ֆորումը բաց է ազատ գրանցման համար ու այստեղ կարող են գրանցվել ամենատարբեր մարդիկ, ում այս կամ այն պատճառով հետաքրքրում է ֆորումը:

    Բնավ կասկածի տակ չդնելով այդ մասնակիցներից յուրաքանչյուրի ներքին կուլտուրան, կարծում եմ, որ կանոններն անհրաժեշտ են, որպեսզի «շեղումների» դեպքում դրանք կանխելը չդիտվի որպես ղեկավար կազմի քմահաճույք:

    Օրինակ մենք ուզում ենք չթույլատրել այս ֆորումում translitov grarumner@: Չլինի՞ կանոն, որը ցույց տալով կարողանանք տրանսլիտով հնարավոր գրողների մոտ մեր պահանջը հիմնավորել:
    Քայլ առ քայլ՝ դարից դար

    Արտակ Հարությունյան
    Կրթական տեխնոլոգիաների ազգային կենտրոն
    ՏՀՏ բովանդակության բաժնի մասնագետ

  16. Գրառմանը 1 հոգի շնորհակալություն է հայտնել.

    manush (20.07.2010)

  17. #19
    Ավագ մասնակից Իրինա-ի ավատար
    Գրանցման ամսաթիվ
    07.05.2010
    Հասցե
    ԼՂՀ ք. Ստեփանակերտ
    Գրառումներ
    233
    Հեղինակության աստիճան
    133
    Շնորհակալություն, Չուկ:Ես բոլորովին դեմ չեմ, որ մարդիկ մականուններով են հանդես գալիս: Բայց ունենալ մի քանի մականուններ... Իսկ ներկայացում բառը վերցրել եմ Ձեր գրածից:

  18. Գրառմանը 2 հոգի շնորհակալություն են հայտնել.

    Chuk (20.07.2010), manush (20.07.2010)

  19. #20
    Ավագ մասնակից sokrat-ի ավատար
    Գրանցման ամսաթիվ
    12.07.2010
    Գրառումներ
    123
    Հեղինակության աստիճան
    10
    Ֆորումի քննարկումներին իմ մասնակցությունը սկսվեց Chuk-ի` ադմինիստրատորի հետ վեճով կամ “վեճով”:

    Նա ինչպես խոստացել էր, այդ կտորը առանձնացրեց: Խոսքի տերն է:

    Ի պատիվ իրեն պիտի ասեմ, որ դա ժամանակ անց արեց, չնայած կաարող էր անմիջապես անել կամ ընդհանրապես արգելափակել ինձ, որպես յուզեր (օգտագործող):

    Առանց համեստության ասեմ, որ դրանից ֆորումը չէր շահի:

    Բայց ես ոչ մի անթույլատրելի բան չեմ արել, ոչ մի կոպիտ բան որևէ մեկի հասցեին: Կարող եք ինքներդ համոզվել:

    Ասեմ, որ երիտասարդ լինելը ես թերություն չեմ համարում, դա առավելություն է: Գիտեք ինչքան կուզեի “30 տարեկան էլ դեռ չլինել” , և դրանից պետք չէ վիրավորվել:

    Պատկերացրեք վիճակը. (այս թեմայի 2 և 3 գրառումները)

    Նայեք 4-րդ գրառումը.
    Ես պարզապես կարծում եմ (ու իմ ոչ փոքր փորձն էլ այդ է ցույց տալիս), որ եթե ամեն մի մտնողը լուրջ կարծիքներ գրելու ու բուն քննարկում կատարելու փոխարեն փնովում է մյուսների նման բան չկատարումը, ապա այդպես էլ շարունակում են մնալ դիտողներ, ոչ թե մասնակիցներ:...
    Երիտասարդը, որի հարգված ուսուցիչն ու դասախոսը կամ էլ հենց պետը կարող էի լինել, որի հետ պարոն այսինչյանով էր խոսելու, հղում անելով իր փորձին, այդպիսի բաներ է գրում:

    Բայց ես հո գիտեմ, որ ասելու շատ բան ունեմ ու պատրաստ եմ ասել (կարծում եմ դրանում դուք էլ եք համոզվել): Ի՞նչ էր մնում անել, եթե ոչ հիշեցնել, որ իր փորձը այդքան էլ մեծ չէ, ու կարող է տվյալ դեպքում սխալ բան հուշել:

    Իհարկե, նա ճիշտ էր, երբ ասում էր, որ ես ֆորումների մասնակցելու փորձ չունեմ:

    Ես կարծում եմ, որ այս թեմայի 1-6 գրառումները իրենց տեղում չեն և կարող են ջնջվել: Մտածեք, որոշեք:

    Իրինային էլ ասեմ, որ, օրինակ, ինձ` իմ իսկական անվան տակ հանդես չգալն ազատություն է տալիս` նույնիսկ սիրտս բացելու աստիճան: Իմ անվամբ հանդես գալու դեպքում ես ինտերնետում չեմ կարող սիրտս բացել:

  20. Գրառմանը 3 հոգի շնորհակալություն են հայտնել.

    Chuk (20.07.2010), manush (20.07.2010), Իրինա (20.07.2010)

Էջ 2 4-ից ԱռաջինԱռաջին 1234 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •