Հայտարարություն

Collapse
No announcement yet.

Դպրոցական կայքի ստեղծումը և շահագործումը WordPress համակարգում

Collapse
X
 
  • Զտիչ
  • Ժամանակ
  • Դիտել
Clear All
նոր գրառումներ

  • Դպրոցական կայքի ստեղծումը և շահագործումը WordPress համակարգում

    Դպրոցական կայքի ստեղծումը և շահագործումը:

    Դպրոցական կայքը ստեղծելիս նախ պետք է ինքդ քեզ հարց տաս` <<Այն ում է պետք>>: Միայն այս հարցին ճիշտ պատասխանելուց հետո մենք կարող ենք կազմել կայքի նախնական կառուցվածքը, բովանդակությունը և արտաքին տեսքը:
    Դպրոցական կայքը հիմնականում ունի տարածաշրջանային նշանակություն, այսինքն` նախատեսված է տվյալ տարածաշրջանի լսարանի համար: Ուստի կայքում տեղադրված ինֆորմացիան պետք է հետաքրքիր լինի այդ աուդիտորիայի համար:
    Կայքի ընդհանուր կառուցվածքը բազմիցս քննարկման է արժանացել մեր ֆորումում և շարունակում է քննարկվել այս խորհրդաժողովի ընթացքում: Հայտնում եմ խորին շնորհակալությունս դպրոցական կայքերի ստեղծման հիմնախնդիրներին արձագանքողներին, հատկապես Ruben-ին` շատ մանրամասն ու մատչելի ներկայացնելու համար:
    Իմ կողմից կցանկանայի ավելացնել հետևյալը`
    Լավ կլիներ, որ կայքը պարունակեր նաև դպրոցի ներքին կանոնադրությունը, աշակերտների և ուսուցիչների իրավունքները և պարտականությունները: Պետք է նշվի նաև դպրոցում սովորող աշակերտների թիվը, դպրոց ընդունվելու կարգը , դրա համար անհրաժեշտ փաստաթղթերը: Իսկ ինչքան հաճելի կլինի առաջին դասարան ուղեկցող ծնողի համար կայքում տեղադրված դասարանի կոմպլեկտավորման մասին ինֆորմացիան( իհարկե կայքի հաճախակի թարմացման դեպքում): Ցանկալի է, որ ամեն դասարան կայքում ունենա իր տարածքը, որտեղ կլինեն նկարներ, դասացուցակ և ընթացիկ առաջադիմության մասին տեղեկություն:
    Եթե դպրոցը ունի հովանավոր, կարելի է ստեղծել նաև <<Մեր հովանավորներ>> բաժինը:
    Եկեք համոզվենք, որ դպրոցի ինտերնետային կայքի ստեղծումը ու նրա հետագա շահագործումը բավականին բարդ աշխատանք է: Ուստի առաջարկում եմ համախմբել բոլոր ուժերը` աշակերտից մինչև տնօրեն: Միայն այդ համատեղ աշխատանքի ընթացքում կայքը կստացվի հարուստ և հետաքրքիր:
    Վերջին խմբագրողը՝ manush; 12-12-16, 18:36.
    ԿՏԱԿ-ի Սյունիքի մարզի Սիսիան-Գորիս տարածաշրջանի մարզային համակարգող Ալբերտ Աբրահամյան

  • #2
    WordPress համակարգի հիման վրա կայքերի ստեղծում

    Դպրոցների կայքերի համակարգ ստեղծելու համար մենք ընտրել ենք WordPress-ը, որի կառավարման համակարգը բավականին մատչելի է և ունի ընդլայնվելու բազում հնարավորությունները:
    ԿՏԱԿ-ում հայացվել, թարգմանվել է համակարգը, որի օգնությամբ կարելի է ստեղծել հայերեն վեբ կայքեր:
    Դպրոցները պետք է դիմեն ԿՏԱԿ-ին, ստանան ենթադոմեն (http://schoolname.schoolsite.am տեսքով) և այդ համակարգի ղեկավարման բանալիները, ապա օգտագործելով WordPress-ի բավական հեշտ գործիքները ստեղծեն սեփական դպրոցի կայքը՝ ընտրելով համապատասխան ձևավորումը, փոխելով անհրաժեշտ տվյալները՝ դրանք լրացնելով դպրոցին համապատասխան, ստեղծեն մենյուն, լրացնեն էջերը, տեղադրեն նկարները:
    Այդ ամենում դպրոցին կարող է օգնել այս գրքում ներկայացվածը` Դպրոցական կայքերի պատրաստումը

    Վերջին խմբագրողը՝ Մարիետա; 21-11-14, 15:14.
    Մարիետա Դումիկյան
    ԿՏԱԿ, ՏՀՏ բովանդակության բաժնի մասնագետ

    Comment


    • #3
      Մշակված հայալեզու կաղապարի միջոցով կայքեր ստեղծելու համար schoolsite.am տիրույթում արդեն գրանցվել են ինն ուսումնական հաստատություններ.

      1. http://gyumri20.schoolsite.am/ - Գյումրու Լորդ Բայրոնի անվան հ.20 դպրոց
      2. http://vanadzor1.schoolsite.am/ - Վանաձորի հ.1 հիմնական դպրոց
      3. http://artvet.schoolsite.am/ - Երևանի զարդակիրառական արվեստի պետական արհեստագործական ուսումնարան
      4. http://hrazdanvet.schoolsite.am/ - Հրազդանի պետական արհեստագործական ուսումնարան
      5. http://yerevan83.schoolsite.am/ - Երևանի Հ. Գալստյանի անվան հ.83 դպրոց
      6. http://ashtarak5.schoolsite.am/ - Աշտարակի ավագ դպրոց
      7. http://yerevan177.schoolsite.am – Երևանի Գ.Ստարովոյտովայի անվան հ.177 դպրոց
      8. http://yerevan27.schoolsite.am – Երևանի հ.27 հիմնական դպրոց
      9. http://vanadzor16.schoolsite.am - Վանաձորի հ.16 հիմնական դպրոց

      Նույնիսկ պատրաստի կաղապարի տրամադրման դեպքում դպրոցական կայքերի ստեղծման, նորացման աշխատանքները դանդաղ են ընթանում:
      Այդ աշխատանքներին աջակցելու նպատակով է բացվել այս թեման, որում կայքերի ստեղծման և շահագործման պատասխանատուները կստանան ԿՏԱԿ-ի մասնագետների խորհրդատվությունը, ինչպես նաև միմյանց հետ կքննարկեն առաջացած խնդիրները, կներկայացնեն իրենց լուծումները:

      Նախաձեռնության առաջնահերթ խնդիրն ավագ դպրոցների կայքերի ստեղծման խթանումն է (սակայն այդ հնարավորությունը կտրամադրվի նաև կայքեր ստեղծելու և շահագործելու ցանկություն ունեցող բոլոր դպրոցներին) :

      Այդ նպատակով, այս տարվա առաջին կիսամյակում, ԿՏԱԿ-ը Հայաստանի բոլոր ավագ դպրոցներին տրամադրել է Արտակ Հարությունյանի «Դպրոցական կայքերի պատրաստումը» ձեռնարկը, որի էլեկտրոնային տարբերակը տեղադրված է «Պաշարների շտեմարան» կայքում՝ http://lib.armedu.am/resource/3716:
      Վերջին խմբագրողը՝ manush; 19-11-14, 18:48.
      Մանուշակ Ավետիսյան
      Կրթական տեխնոլոգիաների ազգային կենտրոն
      ՏՀՏ բովանդակության բաժնի պետ

      Comment


      • #4
        Բարև Մանուշ ջան: Ուրախ ենք, որ ցանկանում եք ամեն ինչով օժանդակել դպրոցական կայքերի ստեղծման գործընթացին: Սակայն այդ պարտականությունն էլի օպերատորների վրա է ընկնելու? Քանի կայքերում ենք աշխատում...Հասկացանք, որ ազգանվեր գործ ենք անում, բայց հետո? Օպերատոր կա, որ կես դրույքով է աշխատում` ընդամենը 25 հազար դրամ: Քանի տարի է խնդրում ենք մեր աշխատավարձը բարձրացնել ու ոչ մի արձագանք: Եթե մարդու աշխատանքի ծավալը մեծանում է, պիտի որ աշխատավարձն էլ բարձրանա: Ուսուցիչների աշխատավարձն էլ ասեցին բարձրանում է, մերը մի դրամով էլ չավելացավ: Ինչքան գիտեմ` մարդ առաջին հերթին աշխատում է ապրելու համար:Խնդրում եմ ինձ միանան նաև մնացած օպերատորներն ու ուսուցիչները և մեր խնդրանքը փոխանցեք կրթության նախարարություն: Կներեք, որ թեմայից շեղվեցի, սակայն չէի կարող: Շնորհակալություն:
        Մենք ոչ մի բանի համար այնպես շնորհակալ չենք լինում, ինչպես շնորհակալության համար:
        Էլենբակս

        Comment


        • #5
          Բարև, Գայանե ջան:
          Օպերատորների ցածր աշխատավարձի ու ծանրաբեռնված աշխատանքի մասին ես էլ եմ տեղյակ:

          Բայց դպրոցների մի մասը կայքեր չունեն, կամ ունեցածները հիմնականում շատ հին են ու չեն շահագործվում: Մեր ստեղծած կաղապարի, խորհրդատվական աջակցության նպատակը կայքեր ստեղծելու ցանկություն ունեցող դպրոցներին օգնելն է, այդ աշխատանքները հեշտացնելը:

          Իսկ, թե ո՞ր դպրոցը կուզենա կայք ունենալ, ու՞մ կհանձնարարեն այդ աշխատանքը, Գայանե ջան, դպրոցի կազմակերպական հարցերն են:
          Մանուշակ Ավետիսյան
          Կրթական տեխնոլոգիաների ազգային կենտրոն
          ՏՀՏ բովանդակության բաժնի պետ

          Comment


          • #6
            Բարև Մանուշ, ես այսուհետ դպրոցի հետ անմիջական կապ չունեմ, բայց ուզում եմ իմ ձեռքի տակ ունենալ Ձեր ստեղծած կաղապարը : Հնարավոր է արդյոք...

            Comment


            • #7
              Բարև Մանուշ ջան շնորհակալություն արագ արձագանքի համար: Իսկ ինչ եք կարծում՝ այդ գործը տնօրենը ում պիտի հանձնարարի՝ իհարկե մեզ:
              Մենք ոչ մի բանի համար այնպես շնորհակալ չենք լինում, ինչպես շնորհակալության համար:
              Էլենբակս

              Comment


              • #8
                Ruben-ի խոսքերից Նայել գրառումը
                Բարև Մանուշ, ես այսուհետ դպրոցի հետ անմիջական կապ չունեմ, բայց ուզում եմ իմ ձեռքի տակ ունենալ Ձեր ստեղծած կաղապարը : Հնարավոր է արդյոք...
                Բարև Ձեզ, հարգելի Ռուբեն: Ձեր հարցին՝ կաղապար տրամադրելու վերաբերյալ, կպատասխանեմ ավելի ուշ, իսկ ձեռնարկը մեծ սիրով կնվիրենք:
                Մանուշակ Ավետիսյան
                Կրթական տեխնոլոգիաների ազգային կենտրոն
                ՏՀՏ բովանդակության բաժնի պետ

                Comment


                • #9
                  Սա ի՞նչ խայտառակություն է, էս ամենը ոնց հասկանանք:


                  Հ.Գ. Եթե ԿՏԱԿԻ կամ նախարարության աշխատողները կարճ գրառումս չհասկանան ու ուզեն, որ ավելի մանրամասն գրեմ, թող տեղյակ պահեն:
                  Գ.Աղեկյան
                  www.MathNet.am

                  Comment


                  • #10
                    Գագիկ-ի խոսքերից Նայել գրառումը
                    Սա ի՞նչ խայտառակություն է, էս ամենը ոնց հասկանանք:


                    Հ.Գ. Եթե ԿՏԱԿԻ կամ նախարարության աշխատողները կարճ գրառումս չհասկանան ու ուզեն, որ ավելի մանրամասն գրեմ, թող տեղյակ պահեն:
                    Բարև Ձեզ, հարգելի պարոն Աղեկյան: Ես իսկապես չհասկացա Ձեր նախատինքը: Եթե հնարավոր է, խնդրում եմ գրեք ավելի մանրամասն:
                    Մանուշակ Ավետիսյան
                    Կրթական տեխնոլոգիաների ազգային կենտրոն
                    ՏՀՏ բովանդակության բաժնի պետ

                    Comment


                    • #11
                      Հարգելի Ավետիսյան, մանրամասնեմ միտքս, ինչպես խոստացել էի:
                      Նախ ասեմ, որ անձնապես որևէ մեկին չեմ մեղադրում, ամեն մեկը ունի իր արդարացումը, և շատ դեպքերում դրանք օբյեկտիվ են՝ տվյալ մարդու որակներից չի կախված, այլ իրադրության հետևանք է:

                      1.Մի երկու անգամ արդեն գրել եմ, որ այս ֆորումը, որը կարող էր նախարարության համար դառնալ հոյակապ գործիք, վաղուց լքված կայարանի է նման, ու ես դրա համար շատ եմ ափսոսում: Կար ժամանակ, որ ֆորումում օրեկան էնքան գրառում էր լինում, ինչքա հիմա լինում է 1-2 ամսում:

                      2.Ուրեմն ունենալով հնարավորություն ու գործիք նախարարությունը դա չի օգտագործում ու էդ ֆոնի վրա էլ լրիվ անհասկանալի է դառնում դպրոցների կայքերի մասին խոսել ու այդ ուղղությամբ ինչ-որ քայլեր անելը: Մի կերպ կարել կլիներ դա հասկանել, եթե շարունակությունը չլիներ էն ինչ որ կա: Իսկ թե ինչ կա, հաջորդիվ:

                      3. Երեք տարի առաջ դպրոցների կայքերի հարցը հենց էս ֆորումում լայն քննարկվեց ու հիմա նախարարությունը, “3 տարի մտածելուց ու աշխատելուց հետո”, առաջարկում է մի բան, որը կարելի էր առաջարկել առանց քննարկումների ու ընդամենը մեկ շաբաթվա ընթացքում պատրաստել վորդպրեսի հայերեն կաղապար:Այսինքն էդ քննարկումներից ոչինչ հաշվի չի առնվել ու էն ծավալի աշխատանք չի արվել, որի համար 3 տարի էր պետք:

                      4. Հաջորդը,նայել եմ իբր թե արդեն պատրաստված, գործող կայքերը: Մեծ մասը ուղակի դատարկ է՝ “Ողջույն աշխար” էջից բացի ոչինչ չկա, դա էլ վորդպրեսի ստանդարտ էջ է, որը ավտոմատ դրվում է: Կան, որ ձևականորեն գործում են մայիսից, բայց արխիվը լրիվ դատարկ է: Ու դրանք դրված են, որ մյուսները տեսնեն ու սովորե՞ն:

                      Հիմա էս ամբողջը Դուք նորմալ ե՞ք համարում:
                      Ես սա պտիչկա դնել եմ համարում, էն էլ վատ պտիչկեքից, իսկ ավելի հստակ գրել էի նախորդ գրառմանս մեջ:
                      Վերջին խմբագրողը՝ Գագիկ; 21-11-14, 14:37.
                      Գ.Աղեկյան
                      www.MathNet.am

                      Comment


                      • #12
                        Հարգելի պարոն Աղեկյան,
                        նախ մեր անձնակազմի անունից ուզում եմ շնորհակալություն հայտնել արձագանքի համար, անկախ նրանից, որ այն քննադատական է:

                        Հստակեցնեմ, որ բոլորովին նպատակ չունեմ բանավիճելու կամ պնդելու, որ Ձեր ասածները սխալ են: Ընդամենը ուզում եմ արձագանքել Ձեր հնչեցրած մտքերին ու հայտնել դրանց մասին իմ (մեր) տեսակետը:

                        1. Այս հարցին անդրադառնալուց ես կուզեմ օգտվել այն հանգամանքից, որ ինքներդ Ձեր կայքում ունեք ֆորում ու կուզեմ հղվել Ձեր փորձի վրա: Հենց նոր մտա նայելու, դրանում վերջին գրառումները կատարվել են ավելի քան մեկ ամիս առաջ: Սրա պատճառը բոլորովին այն չէ, որ Դուք վատ եք վարում ֆորումը: Պատճառը ֆորումների նկատմամբ ընդհանուր վերաբերմունքն է, համացանցային դաշտում գործող ընդհանուր տենդենցը: Ես բացի ԿՏԱԿ-ի աշխատակից լինելուց նաև հայկական խոշորագույն ֆորումներից մեկի ստեղծողն ու ադմինիստրատորն եմ (գովազդ չանելու համար հասցեն չեմ գրում), որը թերևս այսօր ամենաակտիվն է հայկական դաշտում: Բայց իր այդ ակտիվությամբ հանդերձ անգամ այդ, տարաբնույթ բովանդակությամբ ֆորումն անգամ պասիվ է, ինչպես պասիվ են հին ու նոր, հայտնի ու անհայտ մյուս հայկական ֆորումները: Քավ լիցի, ես չեմ ասում, որ պետք է համակերպվել այդ իրավիճակի հետ, հակառակը, հետևողականորեն փորձել ու դեռ փորձելու ենք հնարներ գտնել այս իսկապես լավ գործիքը լավագույնս օգտագործելու համար, բայց պետք է ընդունել, որ դա միայն մեզնից չի, որ կախված է: Ամեն դեպքում ես լիահույս եմ, որ համացանցից օգտվող հայ հասարակությանը դեռ հնարավոր է վերադարձնել ֆորումներ, այդ թվում նաև ակտիվացնել կրթական ֆորումը:

                        2. Դպրոցական կայքերի պետքականությունը չի կարող որոշվել նրանով, թե ինչքանով է ակտիվ այս ֆորումը: Իհարկե այս հարցի վերաբերյալ կարող են լինել տարբեր կարծիքներ, ի վերջո յուրաքանչյուր դպրոց ինքը պետք է որոշի, իմ համոզմամբ, իրեն կայք պե՞տք է, թե՞ ոչ: Միայն արձանագրեմ, որ այս թեմայի բացումը տեսականորեն կարող է լուծել երկու խնդիր՝ 1) նորից ակտիվացնել ֆորումը, 2) կայք ունենալ ցանկացող դպրոցներին օգնել լուծել այդ խնդիրը:

                        3. Այո, դպրոցական կայքերի հարցը շուրջ երեք տարի առաջ է քննարկվել ֆորումում: Եվ, ի դեպ, շատ օգտակար քննարկում է եղել: Իհարկե կարելի էր նաև առանց քննարկելու վերցնել ու առաջարկել այս կամ այն համակարգը, բայց մենք ընտրել էինք քննարկման տարբերակը, քննարկման ընթացքում ենք եկել եզրահանգման թե ավելի շատ ինչ տիպի կայքեր են ցանկանում ունենալ դպրոցները, ինչ տիպի կայքեր են անհրաժեշտ, և ըստ այդ պահանջի ենք ընտրություն կատարել հնարավոր բազում տարբերակների մեջ ու կանգ առել WordPress համակարգի ընտրության վրա: Այստեղ միայն նշեմ, որ երեք տարի չենք աշխատել, մեր կազմակերպության անմիջական գործառույթներն այլ են, և երբ ժամանակ ենք ունեցել, աշխատել ենք նաև սրա վրա: Սա ընդամենը ՕԺԱՆԴԱԿՈՒԹՅՈՒՆ է դպրոցներին: Վերջիններս կարող են այլ տարբերակներով կայքեր ստեղծել, չօգտվել մեր տրամադրած համակարգից, կամ ընդհանրապես չստեղծել:

                        4. Միանգամայն ճիշտ եք, այս պահին որևէ կայք նշվածներից, մեղմ ասած, ավարտուն չէ: Մենք ընդամենը նշել ենք այն կայքերը, որոնց համար մեզ դիմել ու ստացել են դոմեյնը: Եթե Դուք նորից կարդաք տիկին Ավետիսյանի գրառումը, կտեսնեք, որ այնտեղ նշված էր այս մասին, իհարկե ավելի մեղմ, որևէ մեկին չվիրավորելու համար, մեջբերեմ. «Նույնիսկ պատրաստի կաղապարի տրամադրման դեպքում դպրոցական կայքերի ստեղծման, նորացման աշխատանքները դանդաղ են ընթանում»:

                        Այս ամենի նպատակն է հենց փորձել խթանել կայքերի ստեղծմանը: Մենք որևէ տեղ չենք ասել, թե արդեն հասել ենք արդյունքի: Հիմա ավելի հստակ ասեմ, ոչ, դեռ առաջին քայլերն ենք անում: Եվ իհարկել ափսոս, որ քննարկումից անցել է երեք տարի: Բայց ես լիահույս եմ, որ շատ շուտով, փոխադարձ օգնությամբ, կհասնենք ցանկալի նպատակներին:

                        Նորից շնորհակալություն արձագանքի համար:
                        Վերջին խմբագրողը՝ Chuk; 21-11-14, 16:50.
                        Քայլ առ քայլ՝ դարից դար

                        Արտակ Հարությունյան
                        Կրթական տեխնոլոգիաների ազգային կենտրոն
                        ՏՀՏ բովանդակության բաժնի մասնագետ

                        Comment


                        • #13
                          Հարգելի Արտակ,
                          Գնահատում եմ արձագանքի ոճը՝ գլխավորապես այն, որ գրածս ճիշտ է ընկալվել ու չի դիտարկվել որպես սևացնելու փորձ կամ մտադրություն:

                          Հասկանում եմ նաև, որ իմ գրառմանը պատասխանելը անշնորհակալ գործ էր ու էդ բեռը Ձեր վրա եք վերցրել: Ու իմ պատասխանը Ձեզ չի ուղղված, նույնիսկ ԿՏԱԿ-ին չի ուղղված: Ով էլ պատասխաներ շատ խոցելի էր լինելու էդ պատասխանը, որովհետև վիճակն է էդպիսին:

                          Ես էլ վիճելու համար չեմ գրում, որովհետև վիճելուց հազիվ թե օգուտ լինի, բայց բանավիճել կարելի է:

                          Համաձայն եմ, որ ֆորումների նկատմամաբ հետաքրքրության նվազման միտում կա, բայց ոչ էդ աստիճանի: Վստահ եմ, որ Ձեր ֆորումի այցելուներն ու գրառումների քանակը նույն չափ չի նվազել, որքան էս ֆորումինը: Ինչ վերաբերվում է իմ կայքի ֆորումին, ապա միթե տխուր չէ, որ մի ամբողջ նախարարության կայքի ֆորումը արդեն համեմատելի է մեկի անձնական կայքի ֆորումի հետ: Կասեք, որ Դուք դրանք չեք համեմատել: Ես եմ համեմատում (առիթը Դուք տվեցիք) ու եթե նախարարության տարբեր հայտարարությունները հանենք, մնացածի քանակով ու հաճախությամբ շատ չեն տարբերվի: Եթե 5-10 անգամ էլ գերազանցի, էլի շատ վատ է:

                          Ավելի կարևոր է հետևյալը:
                          Իմ կայքը լավ կատարում է իր առաքելությունը՝ չլինելով ժամանցային կայք, անընդհատ աճում է, օգտակար ինֆորմացիա ու նյութեր է տրամադրում, ֆորումն էլ մի հարթակ է, որ ստեղծել եմ մարդկանց հնարավորություն տալով կիսվել իրենց տեսակետներով ու հարցեր տալ ու ստանալ այդ հարցերի պատասխանը: Ինչքանով են օգտվում դա արդեն իրենց գործն է:
                          Համենայնդեպս, ահագին մարդկանց է օգնում, միայն “Օգնեք ինձ” թեման դիտվել 87 հազար անգամ: Ցանկացողները կարող են համոզվել դրանում:

                          Նախարարության կայքը, այդ թվում նաև նրա ֆորումը իր առաջ նույն առաքելությունը չի կարող դնել: Հենց ֆորումը պիտի ապահովեր երկկողմանի կապ՝ նախարարություն -> մանկավարժներ և մանկավարժներ -> նախարարություն: Բայց եղավ միակողմանի ու էդպես էլ մնաց, չապահովելով հետադարձ կապ: Իսկ վերջինի պատճառով խիստ նվազեցին այցելուները, որն էլ թուլացրեց նախարարություն -> մանկավարժներ միակողմանի ուղղությունը:

                          Մեծ բան չէր պետք, ընդամենը, որ մարդիկ տեսնեին, որ կրթության որոշումներ կայացնող պատասխանատուները հետևում են այդ քննարկումներին, երբեմն հենց ֆորումում արձագանքում: Եթե, օրինակ, Երևանի կրթության վարչության պետը մի երկու քննարկման մասնակցեր կամ արձագանքեր, էլ չեմ ասում նախարարը, լրիվ ուրիշ ընթացք կլիներ: Ի միջայլոց, պարոն Աշոտյանը ֆեյսբուկի ամենակտիվ օգտատերերից է, բայց հավանաբար չգիտի, որ կրթական ֆորում կա, կարելի էր (կամ է) տեղյակ պահել: Կարծում եմ, պարոն Աշոտյանը չէր զլանա իր գրառումներով պատվելու ֆորումի անդամներին ու այցելուներին: Իսկ դա կտրուկ կբարձրացներ ֆորումի իմիջն ու այցելուների ակտիվությունը:
                          Եթե նախարարությունը ուզում է իմանալ իրերի իրական վիճակն ու տարբեր պրոբլեմների լուծումներ փնտրել, ապա այս հոյակապ միջոցը՝ ֆորումը ինչո՞ւ չի օգտագործում:

                          3 տարի առաջ ակտիվ քննարկումներ անելուց հետո, դպրոցներին օժանդակելու էս քայլը լրիվ հնարավոր էր անել 2 տարի 9 ամիս առաջ, քննարկումներից հետո 3 ամիսը լրիվ բավարար է դա անելու համար: Վորդպրեսը հո՞ նոր չի հայտնվել, էն ժամանակ էլ կար: Իհարկե, եթե համարում էիք, որ նման օժանդակություն պետք է:

                          Ինչ վերաբերվում է դպրոցական կայքերին, ապա պետք չէ խթանել մի բան, որը ոչ ոքի պետք չէ: Ես դեռ 3 տարի առաջ եմ ընդարձակ գրառումներով էդ մասին ասել: Ասելիք ունեցող կայքեր կարող են ունենալ հատ ու կենտ դպրոցներ, իսկ դրանք էլ ձեր տրամադրած վորդպրեսի կարիքը չունեն: Ներկա վիճակն էլ ևս մի անգամ հաստատում է, որ ես ճիշտ եմ:

                          Չգիտեմ, անկեղծ չգիտեմ, էն ժամանակը որ ծախսեցի գրառումներս անելու համար իմաստ ուներ ծախսել, թե չէ, բայց չկարողացա անտարբեր մնալ: Էդ էլ իմ թերությունն է, և ոչ միակը:
                          Գ.Աղեկյան
                          www.MathNet.am

                          Comment


                          • #14
                            Պարոն Աղեկյան,
                            երկար ժամանակ կասկածում էի արձագանքել, թե ոչ, որովհետև իսկապես բացարձակ նպատակ չունեի այս հարցում բանավիճելու, ավելի կարևոր էր Ձեր տեսակետը որպես ի գիտություն ընդունելն (անկախ համաձայնվել/չհամաձայնվելուց) ու հետևություններ անելը:

                            Սակայն Ձեր գրառման մեջ կան շեշտադրումներ, որոնց չարձագանքելը անհնար է:
                            Նախ ուզում եմ հստակեցնել, որ պատասխանելով ես իմ վրա բեռ չեմ վերցրել, հասարակ պատճառով. ես այս գործում ինձ պատասխանատու եմ զգում, շահագրգիռ կողմ, այլ ոչ թե լոկ ինչ-որ հիմնարկի ինչ-որ աշխատող, ով իր վրա «անշնորհակալ գործ է վերցնում»: Ու անկեղծ ասած ես նաև չեմ համարում, որ իմ պատասխանը խոցելի է, որովհետև դա ընդամենը տեսակետի ներկայացում է, որի հետ յուրաքանչյուրն ազատ է համաձայնվել կամ ոչ: Ինչպես Դուք նշեցիք, սա վեճ չէ, որ նստենք այս կամ այն գրառման մեջ «խոցելի կողմ գտնենք»:


                            Նախ անդրադառնամ ֆորումի գրառումների քանակին:
                            Ես դիտարկել ու շարունակում եմ դիտարկել բազում ֆորումներ, որովհետև այս հարցում ունեմ ոչ միայն աշխատանքային շահագրգռվածություն, այլ նաև զուտ անձնական, սկզբունքային: Տասը տարուց ավելի լինելով բազմաթիվ ֆորումների անդամ, շատերում մոդերատոր կամ ադմինիստրատոր, համարել ու համարում եմ, որ ֆորումային ֆորմատը հաղորդակցման/քննարկման համար ստեղծված լավագույն ու ամենահարմար ֆորմատն է, որի դերը հայկական համացանցում նորից պետք է բարձրացնել: Թե՛ իմ ֆորումում, թե՛ մյուս հայտնի ֆորումներում գրառումների/քննարկումների քանակը պակասել է ՄԻ ՔԱՆԻ անգամ: Ի հակադրություն դրա ԱՅՍ ՖՈՐՈՒՄՈՒՄ օրական գրառումների քանակը համեմատած նախորդ տարիների նույն ժամանակամիջոցի հետ պակասել է առավելագույնը 50 տոկոսով (իրականում ավելի քիչ), ընդ որում առավելապես ժամանցային/խաղային գրառումների հաշվին, որոնց դեմ, ի դեպ, եթե հիշողությունս չի դավաճանում, ոմանք բազմիցս բողոքել են: Այս ֆորումը լինելով թեմատիկ/մասնագիտական ֆորում դեռևս շնչում է ու աշխատում, ու սա անհերքելի է: Իհարկե՛ արդյունքը գոհացուցիչ չի, մենք շատ ավելի ակտիվ, շատ ավելի օգտակար, շատ ավելի մեծ պահանջարկ ունեցող ֆորում ենք ուզում ունենալ ու ինչպես նշել եմ նախորդ գրառմանս մեջ այդ ուղղությամբ ՇԱՐՈՒՆԱԿԵԼՈՒ ԵՆՔ ջանքեր գործադրել:

                            Ձեր կայքի հետ համեմատություն իսկապես չէի արել: Ընդամենը հղվել էի Ձեր փորձին: Բայց համեմատելուց խուսափելու խնդիր էլ չեմ տեսնում: Նախ ասեմ, որ հիացած եմ Ձեր աշխատանքով, շատերին եմ խորհուրդ տվել օգտվել Ձեր կայքից: Բայց եթե Դուք որոշել եք համեմատել, ապա համեմատեք ոչ թե Ձեր կայքը մեր ֆորումի, այլ Ձեր կայքը մեր կայքերի հետ: Եթե շատ չծավալվեմ էլ, բավական է միայն հիշատակել անընդհատ թարմացվող պաշարների շտեմարան կայքը (http://lib.armedu.am) և կրթական թեմատիկ նորություններով անընդհատ թարմացվող պորտալը (http://armedu.am), որն ի դեպ շուտով օգտվողի դատին կհանձնվի առավել հարմար միջավայրով:

                            Նախարարություն <-> ֆորում կապի մասին ճիշտ եք ասում, այնուամենայնիվ ԴԵՌԵՎՍ չի ստացվել իրականացնել պաշտոնյաների ու պատասխանատուների ակտիվ ներգրավվածությունը, որի ուղղությամբ անշուշտ ունենք անելիք, թեկուզ դա մեր անմիջական պարտականությունը չի ու ֆորումն իրականում այդ նպատակով չի ստեղծվել: Սա պետք է լիներ ֆորումի ընձեռած հնարավորություններից միայն մեկը, և ոչ ամենակարևորը: Ֆորումը առանց նման մարդկանց ներգրավվածության էլ կարող է օգուտ տալ ուսուցիչներին ու աշակերտներին, հենց իրենց շնորհիվ: Իրականում եթե խնդիրը լիներ Ձեր ասածը, պաշտոնյաներ <-> ուսուցիչներ կոնտակտը, ապա դրա համար գուցե պետք կլիներ, ավելի հարմար կլիներ այլ ֆորմատի կայք ունենալ:



                            Դպրոցական կայքերի անհրաժեշտություն չլինելու մասին Ձեր տեսակետը հիշում եմ: Համաձայնվեք, որ և ես, և դպրոցները կարող են չհամաձայնվել Ձեր տեսակետին: Ինչպես Ձեր բազում այլ տեսակետներ, այս տեսակետը ևս ես ընդունում եմ որպես ի գիտություն, հետևություն եմ անում և վերջ: Յուրաքանչյուր դպրոց ինքն է որոշում, ուզում է նման գործիք ունենալ, թե չի ուզում, և եթե ուզում է, մենք էլ փորձելու ենք օգնել նրանց, ոչ թե հղվել Ձեր տեսակետին, որ իրենց կայք պետք չի ու փակել հարցը: Եվ ի դեպ կան դպրոցներ, որոնք ուզում են կայք ունենալ, դրա համար էլ ստեղծել ենք այս թեման, որ փորձենք օգնել:

                            Խնդրում եմ չափսոսալ Ձեր ծախսած ժամանակի համար: Անկախ նրանից, մենք կհամաձայնվե՞նք, թե՞ ոչ, հակափասատարկներ կբերե՞նք, թե՞ ոչ, Ձեր գրառումն ու տեսակետը մեր համար կարևոր է: Եթե ոչ ուրիշ բանի համար, ապա գոնե նրա համար, որ տեսնենք, թե մեր աշխատանքին կողքից ինչպես են նայում ու հետևություններ անեն: Ի վերջո շատ բաներ, լինելով ներսում, մենք կարող է չնկատենք ու իմ կարծիքով դա նորմալ է, բայց իրավունք չունենք կողքից եկող արձագանքներն անտեսել:

                            Ինչպես արդեն ասել եմ, ֆորումում այս թեման բացվել է (դեռ այլ թեմաներ էլ կլինեն, կարծում եմ, կոնկրետ խնդիրների հետ կապված) որպեսզի օգնենք դպրոցներին ունենալ կայացած կայքեր: Լիահույս եմ, որ մի քանի ամիս կամ մեկ տարի անց Դուք էլ կգնահատեք այդ աշխատանքը: Դա իհարկե կլինի միայն այն դեպքում, եթե աշխատանքը նորմալ կատարվի:
                            Քայլ առ քայլ՝ դարից դար

                            Արտակ Հարությունյան
                            Կրթական տեխնոլոգիաների ազգային կենտրոն
                            ՏՀՏ բովանդակության բաժնի մասնագետ

                            Comment


                            • #15
                              Բոլոր դեպքերում առողջ բանավեճը պարտադիր է, ուրախ եմ , որ այս դեպքում էլ կառուցողական բանավեճ է ստացվում: Ինչ վերաբերվում է ֆորումին , ասեմ որ ես էլ դժգոհ եմ և հիմնական պատճառը պետք է փնտրել ուսուցիչների մեջ: Հաճախ ափսոսում եմ , նույնիսկ ամաչում նման վիճակի համար...

                              Comment

                              Working...
                              X