Հայտարարություն

Collapse
No announcement yet.

Հրատարակել են քիմիայի, անգլերենի և ռուսերենի թեստային առաջադրանքների ձեռնարկներ

Collapse
X
 
  • Filter
  • Ժամանակ
  • Show
Clear All
new posts

  • Հրատարակել են քիմիայի, անգլերենի և ռուսերենի թեստային առաջադրանքների ձեռնարկներ

    Հրատարակել են քիմիայի, անգլերենի և ռուսերենի թեստային առաջադրանքների ձեռնարկներ

    Օրեր առաջ Հայաստանում IEP միջազգային կրթական գործընկերությունը հրատարակել է երեք առարկաների` քիմիայի, անգլերենի և ռուսերենի թեստային առաջադրանքների ձեռնարկներ: Դրանց նպատակն է օգնել հանրակրթական դպրոցի շրջանավրտներին և բարձրագույն ուսումնական հաստատությունների դիմորդներին`արդյունավետ նախապատրաստվել պետական ավարտական և միասնական քննություններին: Այս մասին այսօր լրագրողների հետ հանդիպման ժամանակ ասաց Հայաստանում IEP միջազգային կրթական գործընկերության նախագահ, ԵՊԼՀ մանկավարժության և մեթոդիկայի ամբիոնի դոցենտ Նինա Տատկալոն:

    Նրա խոսքերով, այս ձեռնարկը նաև հասցեագրվում է ուսուցիչներին, որոնցով կարող են աշակերտներին նախապատրաստել ավարտական քննություններին:

    Երևանի պետական բժշկական համալսարանի օրգանական քիմիայի ամբիոնի վարիչ, մանկավարժական գիտությունների դոկտոր-պրոֆեսոր Լիդա Սահակյանը, ով նաև քիմիայի թեստային առաջադրանքների ձեռնարկի հեղինակն է, նշեց, որ քիմիայի թեստերի ձեռնարկում ընդգրկված են նաև որոշ առաջադրանքների վերաբերյալ մեկնաբանություններ: «Դրանք այն առաջադրանքներ են, որոնց պատասխանելիս` դիմորդները շատ հաճախ սխալվում են»,- հավելեց նա:

    Լիդա Սահակյանը նշեց, որ սույն ձեռնարկում առաջադրված թեստային առաջադրանքների բնույթն ու ոճը տարբերվում է գործող թեստային առաջադրանքներից: «Տրամաբանական հարցերը ընդգրկված են առարկայի նկատմամբ հետաքրքրությունը մեծացնելու և միօրինակ առաջադրանքներից ձերբազատվելու նպատակով»,- ասաց նա:

    Նրա խոսքերով, ձեռնարկի վերջում տեղադրված են նաև թեստերի ճիշտ պատասխանները, ինչը հնարավորություն է տալիս աշակերտին` իր գիտելիքը ինքնուրույն ստուգելու:

    ԵՊՀ անգլերենի ամբիոնի վարիչ, անգլերենի թեստային առաջադրանքների ձեռնարկների հեղինակ Ելենա Երզնկյանը նշեց, որ այս ձեռնարկը նպատակ ունի օգնելու դիմորդներին և շրջանավարտներին նախապատրաստվելու միասնական և ավարտական քննություններին: «Այս ձեռնարկի նպատակն է նաև օգնել ուսուցիչներին` աշակերտի գիտելիքները և կարողությունները ճիշտ և արդյունավետ գնահատելու գործում»,- հավելեց նա:

    Նինա Տատկալոն հայտնեց, որ առաջիկայում նախատեսում են հրատարակել նաև ֆրանսերենի, գերմաներենի թեստային առաջադրանքների ձեռնարկներ:


    Աղբյուր` Panorama.am
    Last edited by Կարապետ; d.m.Y, H:i.
Working...
X