Ինտերակտիվ մեթոդների կիրառման արդյունավետությունը կրտսեր դպրոցում

[Karine Barseghyan]

<<Ուսուցման ինտերակտիվ մեթոդի>> անվանման հիմքը անգլերեն interaction`
փոխազդեցություն բառն է: Ինտերակտիվ դասը փոխգործակցություն է ոչ միայն դասավանդողի և սովորողի, այլև հենց իրենց՝ սովորողների միջև, ուսումնական նյութի և սովորողների միջև: Ինտերակտիվ ուսուցումն առավել արդյունավետ կազմակերպելու համար անհրաժեշտ է կիրառել մի շարք տեխնոլոգիաներ: Ֆորումի հարգելի՛ մասնակիցներ, ակնկալում եմ լսել և փոխանակել ձեր փորձն ու մտքերը: Կանխավ շնորհակալ եմ:

[Մարիամ Սարգսյան]

Սիրելի՛ Կարինե, խնդրում եմ մի քանի տեխնոլոգիաներ թվարկեք՝ թեման էլ ավելի զարգացնելու համար: Սիրով ողջունում եմ ձեր մուտքը:

[Գեղեցիկ]

Հարգելի Կարինե, ես «Պաշարների շտեմարանում» ունեմ տեղադրած նյութեր, որոնց վերաբերյալ գրառումներ եմ կատարել Գայանե Սիմոնյանի կողմից բացված «Էլեկտրոնային ուսումնական նյութերի կիրառումը տարրական դասարաններում» թեմայում` http://forum.armedu.am/showthread.ph...ններում:

Դրանցից մեկը ներկայացնում եմ Ձեր թեմայում, քանզի նշված դասն անցկացվում է համագործակցային եղանակով՝ ՏՀՏ-ի կիրառմամբ:

Մաթեմատիկա 4: Կոտորակ

Հարգելի գործընկերներ, ներկայացնում եմ ցուցադրություն, որը 4-րդ դասարանի մաթեմատիկայի դասընթացում դասավանդվող «Կոտորակ» թեմայի էլէկտրոնային մշակումն է:
Նշեմ, որ համակարգչային տեխնիկայի կիրառմամբ անցկացված ցանկացած դաս ավելի հետաքրքիր է, արդյունավետ և գրեթե միշտ տալիս է սպասված արդյունքը:
Նյութի հղումը՝

http://lib.armedu.am/resource/10638

[Karine Barseghyan]

Մարիամ ջան, ինտերակտիվ տեխնոլոգիաները տարբերվում են իրենց բնույթով: Դրանք հնարավորություն են տալիս բավականին կարճ ժամանակահատվածում քննարկել մեծ քանակությամբ թեմաներ,ինչպես նաև դասը անցկացնել հետաքրքրաշարժ խաղային մթնոլորտում: Այդ տեխնոլոգիաներից են ակվարիումը, կարուսելը, զույգերով աշխատանքը և այլն: Սիրելի՛ ֆորումցիներ, արձագանքեք, խնդրում եմ, եթե այս տեխնոլոգիաներով անց եք կացրել դասեր, մասնավորապես կրտսեր դպրոցում մաթեմատիկայի դասերին:

[Մարիամ Սարգսյան]

Կարինե ջան, շատ կուզենայի ձեր դասերից օրինակներ ներկայացնեք, որտեղ կիրառել եք այդ տեխնոլոգիաները:

[Lilit Sahakyan]

<<Ուսուցման ինտերակտիվ մեթոդի>> անվանման հիմքը անգլերեն interaction`
փոխազդեցություն բառն է: Ինտերակտիվ դասը փոխգործակցություն է ոչ միայն դասավանդողի և սովորողի, այլև հենց իրենց՝ սովորողների միջև, ուսումնական նյութի և սովորողների միջև: Ինտերակտիվ ուսուցումն առավել արդյունավետ կազմակերպելու համար անհրաժեշտ է կիրառել մի շարք տեխնոլոգիաներ: Ֆորումի հարգելի՛ մասնակիցներ, ակնկալում եմ լսել և փոխանակել ձեր փորձն ու մտքերը: Կանխավ շնորհակալ եմ:

Այսօր տեխնիկական միջոցների կիրառումը դասընթացի ժամանակ հնարավորություն է ընձեռում ուսուցչին կիրառել մի շարք մեխանիզմներ, որոնք աշակերտին հնարավորություն են տալիս ավելի հեշտ յուրացնել դասընթացի բովանդակությունը: Այսպիսով, ինովացիոն տեխնոլոգիաները հանդիսանում են լավագույն միջոցը դասընթացների նախապատրաստման և իրականացման համար, իսկ մեթոդներից ամենաարդյունավետը՝ ինտերակտիվ մեթոդներն են, որոնց նպատակն է աշակերտներին տալ ոչ միայն գիտելիքներ, այլև ապահովել ճանաչողական հետաքրքրությունների և կարողությունների ձևավորումն ու զարգացումը, ստեղծագործական մտածողությունը, ինչպես նաև ինքնուրույն մտավոր աշխատանքներ իրականացնելու կարողությունն ու հմտությունը: Ինչ խոսք, որ այդ մեթոդներով դասերն ավելի աշխույժ և հետաքրքիր են դառնում քան սովորական լեկցիոն կամ բացատրացուցադրական մեթոդներով դասերը:Երկրորդ պարագայում սովորողը գտնվում է պասիվ դերում, իսկ առաջինում՝ ակտիվ, քանի որ ինքն իր մասնակցությունն ունի այդ գործընթացում:Կարինե ջան, ես ինքս կողմ եմ ինովացիոն և՛ տեխնոլոգիաներին և՛ մեթոդներին և ինքս շատ հաճախ կիրառում եմ դրանք:

[Karine Barseghyan]

Կարինե ջան, շատ կուզենայի ձեր դասերից օրինակներ ներկայացնեք, որտեղ կիրառել եք այդ տեխնոլոգիաները:

Մարիա՛մ ջան, սիրով ներկայացնում եմ իմ անցկացրած դասերից մեկը:
ԹԵՄԱ՝ բազմանիշ թվերի գումարումն ու հանումը սյունակով:
ՆՊԱՏԱԿԸ ԵՎ ԽՆԴԻՐՆԵՐԸ՝
● շարունակել աշխատանքը սյունակով բազմանիշ թվերի գումարման և հանման գործողություններ կատարել,
● զարգացնել մտածողության ճկունություն, ուշադրություն, ձևավորել վերահսկման և փոխադարձ վերահսկման հմտություններ,
● դաստիարակել մտավոր աշխատանքի մշակույթը, ճանաչողական հետաքրքրության զարգացում:
ԴԱՍԻ ՏԵՍԱԿԸ՝ գիտելիքների, հմտությունների, կարողությունների կատարելագործման դաս:
ԴԱՍԻ ԱՆՑԿԱՑՄԱՆ ՁԵՎԸ՝ «Դաս- ճանապարհորդություն», «Ճանապարհորդություն դեպի գանձերի կղզի»: (Դասից առաջ աշակերտները բաժանվում են երկու խմբի համեմատաբար միևնույն մակարդակի սովորողներով յուրաքանչյուր խմբում: Յուրաքանչյուր խումբ դասի ընթացքում ստանում է համապատասխան բարդության առաջադրանքներ, ինչը թույլ կտա բոլոր երեխաներին հաղթահարել առաջադրանքները և զգալ հաջողության հասնելու հաճույքը):
Դասը կարող եք տեսնել հետևյալ հղումով՝ http://lib.armedu.am/resource/17381

[Նվարդ Հովհաննիսյան]

Կարինե' ջան, շատ հետաքրքիր մեթոդներ եք կիրառել, որոնք կարելի է փոփոխել և օգտագործել այլ առարկաների դասաժամերին, շնորհակալություն:

[Karine Barseghyan]

Նվար'դ ջան, ին"չ եք կարծում, ինտերակտիվ տեխնոլոգիաները նպատակահարմա"ր են կիրառել բոլոր տեսակի դասերի ընթացքում, օրինակ՝ նոր նյութի հաղորդման ժամանակ։

[Նվարդ Հովհաննիսյան]

Կարինե' ջան, կարծում եմ` այո: Ուղղակի պետք է այդպիսի մեթոդները ճիշտ տեղում կիրառել, ճիշտ ժամանակին, որ ծառայի նպատակին:

[Մարիամ Սարգսյան]

Կարինե' ջան, կատարվել է տիտանական աշխատանք: Շատ հագեցած դաս էր:

[Նաիրա Մելիքսեթյան]

Կարինե ջան, դասդ ինձ էլ դուր եկավ, կարծում եմ մեթոդները կարելի է կիրառել նաև այլ առարկաների դասաժամերին։

[Karine Barseghyan]

Հարգարժա՛ն գործընկերներ, հարցը մի փոքր սուր դնենք, որքան էլ ընդունենք ու ընկալենք ինտերակտիվ դասի տեսակը, գովաբանենք ու նշենք արդյունքները, սակայն, ճիշտ չէ՞ արդյոք, որ հաճախ դիմում ենք հենց ավանդական մեթոդներին, չգիտեմ սովորության համաձայն, թե՞ տարիների փորձությունն անցած ու արդյունքներ ապահոված լինելու պատճառով: Իսկ դուք ինչպե՞ս եք կազմակերպում դասը, խնդրում եմ ռեալ մոտեցեք հարցին, սա մի փոքր հետազոտություն է:

[Մարիամ Սարգսյան]

Սիրելի՛ Կարինե, յուրաքանչյուր դասարանում գործում է դասի յուրովի ձև՝ կախված դասարանի ընկալունակության մակարդակից:

[anahitgeorgyan]

Կարինե ջան, շատ հարմար մեթոդներ եք առաջարկում, կարծում եմ նոր թեման էլ կարելի է մատուցել ինտեռակտիվ եղանակով,համեմելով տեսական մասով:Մենք կենսաբանությունից ունենք այդպիսի դասեր, որոնք շատ հարմար են թե նոր դասի համար ,թե հին դասը ամփոփելու համար: