Ինտերակտիվ մեթոդների կիրառման արդյունավետությունը կրտսեր դպրոցում

[Մարիամ Սարգսյան]

Ուսուցման գործընթացի արդյունավետ կազմակերպման համար անհրաժեշտ է հաճախակի գնահատել նոր նյութի յուրացման աստիճանը, տրամաբանական, ստեղծագործական և վերլուծական մտածողությունը: Կան բազմաթիվ արդյունավետ մեթոդներ, որոնք կիրառությունը մակնկավարժներին հնարավորություն են տալիս չափելու այդ արժեքները, դրանցից մեկը՝ «ԴԲՕՀ» ինտերակտիվ մեթոդն է:
«ԴԲՕՀ» ինտերակտիվ մեթոդը բանաձև է, որը հանդիսանում է ուսուցանվող նյութի յուրացումը ստուգող անհատական վերահսկողության գործիք: Ինչը նաև նաև օգնում է սովորողներին անդրադարձ կատարել սեփական աշխատանքին և գործունեությանէ ողջ ուսուցման գործընթացում:
«ԴԲՕՀ» ինտերակտիվ մեթոդը բանաձևը ունի հետևյալ բացվածքը.
Դ – դիրքորոշում
Բ – բացատրություն (կամ հիմնավորում)
Օ – օրինակ
Հ – հետևություն (կամ դատողություն)
Սովորողը իր մտքերը ձևակերպելիս և շարադրելիս պետք է օգտվի այս տրամաբանական շղթայից: Ելույթը տևում է մոտ 1-2 րոպե և կարող է բաղկացած լինել երկուսից չորս նախադասությունից:
 Նախադասություններից (դիրքորոշում) առաջինը պետք է սկսվի հետևյալ բառերով. «Ես գտնում եմ, որ ... » :
 Երկրորդ նախադասությունը (բացատրություն, դիրքորոշման հիմնավորում) սկսվում է հետևյալ բառով. «Որովհետև ...»:
 Երրորդ նախադասությունը (ուղղված է գործնականորեն սեփական դիրքորշման ճշմարտացիության և ապացուցելու հմտությանը) սկսվում է հետևյալ բառերով. «Ես կարող եմ դա ապացուցել հետևյալ օրինակով ...»:
 Չորրորդ նախադասությունը (հետևություն, դատողություն, եզրահանգումներ) սկսվում է հետևյալ բառերով. «Ելնելով դրանից`ես հանգում եմ հետևության, որ ...»:
Մեթոդի կարևորությունը կայանում է նրանում, որ այն սովորողներին տալիս է հնարավորություն իրենց մտքերը արտահայտել կոնկրետ, սեղմ և շատ արագ: Վերջին գործոնը շատ կարևոր դեր է խաղում յուրաքանչյուր ուսուցչի համար, քանի որ նրա աշխատանքը ունի խիստ սահմանափակում, այն պետք է կարողանա ճիշտ կառավարել ժամաբաշխումը: Այս գործիքը կամ մեթոդը կարող է օգտագործվել ցանկացած տիպի դասապրոցեսում:
Այն կարելի է կիրառել նաև դասի տարբեր փուլերում՝ տնային աշխատանքների ստուգման, ուսումնասիրված նյութի կրկնության, ֆրոնտալ հարցման և հարցադրումների ժամանակ, թեմատիկ և ամփոփիչ գրավորների նախապատրաստման համար, շարադրանքներ գրելիս, գրավոր ակնարկներ անելիս և նախագծեր մշակելիս:
«ԴԲՕՀ» մեթոդը թույլ է տալիս` կարճ ժամանակահատվածում հարցում անել մի քանի սովորողների միաժամանակ, ստանալ թեմայի վերաբերյալ երեխայի ընկալման խորության մասին տեղեկատվություն, զարգացնում է սովորողի մոտ մեկ կամ մի քանի տարբեր դիրքորոշում արտահայտելու ունակություն, հակադիր դիրքորոշում ունեցողին աջակցելու փաստարկներ ներկայացնելու կարողություն, արժեքները հայտնաբերելու և բնութագրելու կարողություն:

[Karine Barseghyan]

Շնորհակալ եմ, Մարիամ ջան, անչափ հետաքրքիր մեթոդի հետ ծանոթացնելու և փորձով կիսվելու համար: Ի՞նչ ես կարծում, այս մեթոդը արդյունավետ կլինի՞ կիրառել կրտսեր դպրոցում:

[Մարիամ Սարգսյան]

Սիրելի՛ Կարինե, այս մեթոդի կիրառությունը նպաստում է նրան, որ սովորողների ներգրավված լինեն ողջ դասի ընթացքում, որ կարողանան ճիշտ ներկայացնել կամ լրացնել «ԴԲՕՀ» ինտերակտիվ մեթոդի թերթիկը, ինչից էլ արտացոլելու է իրենց կողմից գիտելիքի յուրացման աստիճանը: Ներգրավվածությունը խթան է հանդիսանում հետագա գործունեության համար և խրախուսում կոնկրետ գործողություններ ձեռնարկելուսուցման ողջ գործընթացում:
Բոլոր դասարաններում և բոլոր առարկաների համար է նախատեսված: Հմտանալուց հետո շատ արագ կատարում են վերլուծական անդրադարձ:

[Karine Barseghyan]

Շատ լավ, Մարիամ ջան, իսկ ես կարո՞ղ եմ իմ նախընտրած ձևով հարցերը ձևակերպել:

[Մարիամ Սարգսյան]

Կարինե՛ ջան, այս մեթոդը հենց այս հարցերով է կազմված:
Մեթոդը մշակել է Դավիթ Մայքոդի կողմից: Անգլերեն տարբերակում հապավումը բացվում է հետևյալ տեսքով.«Position-Reason-Explanation or Example-Summary կամ PRES-formula» (Молошонок, 2014): Այս մեթոդի թարգմանությունը կատարել է Սանկտ Պետերբուրգի Իրավագիտության ինստիտուտի պրորեկտոր՝ Արկադի Գուտնիկովը, ով առաջարկել է հապավման հետևյալ թարգմանությունը. «П — позиция; О — объяснение; П — пример; С — следствие / суждение»,իսկ մեթոդը անվանել «ПОПС»:

[Karine Barseghyan]

Շնորհակալ եմ բացատրության համար, Մարիա'մ ջան, անկեղծ ասեմ, որ այս մեթոդին առաջին անգամ եմ ծանոթում: Ունե՞ք ձեր փորձում կիրառած էլի հետաքրքիր մեթոդներ:

[Մարիամ Սարգսյան]

Այո՛, սիրելի Կարինե, կիրառել եմ ֆիզիկայի դասապրոցեսում շատ արդյունավետ է:

[Karine Barseghyan]

Եթե կարող եք, խնդրում եմ կիսվել, միգուցե արդյունավետ լինի դրանք կիրառել նաև կրտսեր դպրոցում: Կանխավ շնորհակալ եմ:

[Karine Barseghyan]

Ինտերակտիվ գրատախտակի առավելությունները

Ժամանակակից ինտերակտիվ և մեդիա թվային միջոցների կիրառումը դրական ազդեցություն ունի կրթական համակարգում։ Այս մեթոդը շատ արդյունավետ է դասը ավելի մատչելի և հետաքրքիր դարձնելու համար։ Այն հնարավորություն է տալիս աշակերտների մոտ մոտիվացիայի ստեղծմանը։ Ինտերակտիվ մեթոդներն ապահովում են այնպիսի բազային հմտությունների և կարողությունների զարգացումը, ինչպիսիք են մտածելը, ստեղծագործելը, հետազոտելը, ինքնուրույն կողմնորոշվելը։

[Karine Barseghyan]

Ինտերակտիվ և խաղային տեխնոլոգիաներով կազմակերպված դասերը բազմաբնույթ են ու բազմաբովանդակ, դրանք կարող են լինել և' զվարճալի, և' գրավիչ, և' խթանող, ուստի առաջարկում եմ հաճակի կիրառել այս մեթոդները, հատկապես կրտսեր դպրոցում։ Ձեզ եմ ներկայացնում խաղային-ինտերակտիվ տեխնոլոգիաներով կազմված ևս մի դաս ։

https://lib.armedu.am/resource/25150

[Karine Barseghyan]

Ինձ թվում է` շատ արդյունավետ կլինի, բացի ինտերակտիվ դասերից, անցկացնել նաև ինտերակտիվ ծնողական ժողովներ: Ի՞նչ կարծիք ունեք այս մասին:

[Heghin]

Ինձ թվում է` շատ արդյունավետ կլինի, բացի ինտերակտիվ դասերից, անցկացնել նաև ինտերակտիվ ծնողական ժողովներ: Ի՞նչ կարծիք ունեք այս մասին:

Կա մի հին դպրոցական աֆորիզմ. “երեխաների հետ աշխատելիս ամենադժվարը մեծերի հետ աշխատելն է”:

[Karine Barseghyan]

Լրիվ համամիտ եմ Ձեզ հետ, Հեղինե' ջան, այսօրվա ծնողի հետ դժվար է աշխատել: Նրանց երեխաները շատ ավելի ընկալունակ են, քան իրենք, այդ պատճառով մտքովս անցավ առաջին ծնողական ժողովը անցկացնել ինտերակտիվ տարբերակով:

[Karine Barseghyan]

Շնորհավորում եմ բոլորիս նոր ուսումնական տարին: Թո'ղ այն նոր հաղթանակների և նվաճումների տարի լինի:

[Karine Barseghyan]

Հարգելի՛ ուսուցիչներ, համեմատություն անցկացնելու , ինչպես նաև փորձի փոխանակման նպատակով , խնդրում եմ, թեմայում տեղադրեք՛ նաև ձեր դասերից, ինձ թվում է հետաքրքիր կլինի: