Էքսկուրսիաների կազմակերպման արդյունավետությունը պատմություն առարկայից

[Manukyan Gohar]

Հարգելի կոլեգաներ, խնդրում եմ ձեր կարծիքներն ու մտահղացումները գրառել այս թեմայի շուրջ:

[Marine6]

Գոհար ջան շնորհակալություն թեմայի համար: Այդ հարցը մենք քննարկում ենք պատմության դասերի հետ կապված: Հայրենասիրություն չեն քարոզում: Ուզում ես երեխան հայրենասեր լինի՝ հայրենիքդ ցույց տուր, էքսկուրսիաներ կազմակերպիր: Միայն այդ ձևով երեխան կսիրի իր հայրենիքը:

[Աննա Անանյան]

Ամեն հայրենիք ցույց տվող ու էքսկուրսիա կազմակերպող չի կարող, ցավոք, սիրել տալ հայրենիքը: Մեր դպրոցներում էքսկուրսիաներ մեծ մասամբ կազմակերպում են դասղեկները` տարեվերջին, իսկ դասղեկների քանի տոկոսն է նախ` ճանաչում էդ հայրենիքը, հետո սիրում և վերջապես կարողանում ներկայացնել: Ասենք` դասղեկը ֆիզկուլտուրայի (օրինակս լրիվ պատահական է, չքաղաքականացնել) ուսուցիչ է, կամ քիմիայի: Նա պիտի չափազանց պատասխանատվությամբ վերաբերվի էքսկուրսիային, ոչ թե դա դարձնի քեֆ-ուրախություն: Էքսկուրսիային էլ պիտի պատրաստվել հանգամանալից, ինչպես որ դասին. գուցե մի բան էլ ավելի: Գնում են ինչ որ տեսարժան վայր, լուսանկարվում ու մտածում մի տեղ նստել հաց ուտելու մասին: Այնինչ`պիտի ոչ միայն ներկայացնել, այլ այնպես ներկայացնել, որ աշակերտը գիտակցի ուր է եկել, սիրի, խոր տպավորություններով հեռանա, մտածի...: Եթե կհետաքրքրի, կասեմ ինքս ոնց եմ կազմակերպում: Շնորհակալություն հետաքրքիր թեմայի համար

[Lusine Zargaryan]

Տվեք երեխաներին հետաքրքրասիրություն:
Գիտելիքը նա կգտնի ինքը;
Անատոլի Գին

[Աշխեն11]

Հարգելի գործընկեր, էքսկուրսիաները պատմության դասի բաղկացուցիչ մասը պետք է լինի: Երեխաները մինչև չճանաչեն իրենց հայրենիքը, չեն սիրի և հայոց պատմությունն էլ չեն սովորի ըստ հավուր -պատշաճի:

[Larisa0504]

Հարգելի Գոհար
Թեման արդիական է հատկապես ուսումնական տարվա ավարտին, երբ բոլոր դասարանները պատրաստվում են էքսկուրսիաների: Հայաստանը թանգարան է բաց երկնքի տակ և յուրաքանչյուր աշակերտ ցանկանում է ծանոթանալ իր երկրի հարստություններին: Աշխատանքները համակարգում է դասղեկը, ով պետք է համագործակցի դպրոցի պատմության ու աշխարհագրության ուսուցիչների հետ, ովքեր հետաքրքիր տեղեկություններով կօգնեն արդյունավետ անցկացնելու միջոցառումը:

[Հռիփսիմե Հարությունյան]

Հարգելի Գոհար, իհարկե կարևոր է, որ էքսկուրսիան հայրենասիրության, հայրենաճանաչման նպատակ ունենա: Եվ պատմության և այլ առարկաների ուսուցիչները մեր դպրոցում նույնպես նպատակային էքսկուրսիա են կազմակերպում: Օրինակ այս տարի որոշ դասղեկներ Հայաստանի առաջին Հանրապետության հարյուրամյակի կապակցությամբ էքսկուրսիաներ կազմակերպեցին դեպի Սարդարապատ:

[Դիանա Հակոբյան]

Միանշանակ կարելի է ասել, որ էքսկուրսիաների դերը բավականին մեծ է, քանի որ աշակերտների մոտ ավելի է ամրապնդվում դասաթեման եւ աճում է հետաքրքրությունը պատմութուն առարկայի նկատմամբ, հատկապես, եթե դասաթեմային անմիջապես հաջորդում է էքսկուրսիան։ Օրինակ Վանի թագավորության դասաթեման ավելի լավ կամրապնդվի սովորողների մոտ, եթե այցելեն Էրեբունի պատմահնագիտական արգելոց-թանգարան։

[Tatev83]

Հարգելի կոլեգաներ, խնդրում եմ ձեր կարծիքներն ու մտահղացումները գրառել այս թեմայի շուրջ:

Հարգելի Գոհար, իհարկե շատ կարևոր են ճանաչողական էքսկուրսիաները:Մի բան է լսելը,մեկ այլ բան`սեփական աչքերով տեսնելը:Այն ավելի տպավորիչ է դարձնում սովորածը: