Հայտարարություն

Collapse
No announcement yet.

Ուսումնառությանը նպաստող գնահատում

Collapse
X
  •  
  • Զտիչ
  • Ժամանակ
  • Դիտել
Clear All
նոր գրառումներ

  • Ուսումնառությանը նպաստող գնահատում

    Շատ անգամ եմ ինձ հարց տվել արդյո՞ք գնահատմամբ չափվում է ուսումնառության ընդարձակությունն ու խորությունը:
    Անդրադառնալով գնահատման նպատակներին գտա, որ իսկապես այդպես է:
    Գնահատումը .
    1. ուսումնառության բարելավման նպատակ է հետապնդում,
    2.բացթողումները շտկելու նպատակ է հետապնդում,
    3.ոգևորիչ դեր է կատարում,
    4. հետադարձ կապ է ապահովում,
    5.թերություններն է հայտորոշում:
    Վերջին խմբագրողը՝ Ռուզաննա Խաչատրյան; 18-02-20, 21:15.

  • #2
    Գնահատման տեսակներից են. 1. նորմատիվային գնահատումը, որը ավելի հարմար է զարգացման նպատակների համար:
    2.Չափանիշային գնահատում,որը հարմար է յուրացման նպատակների համար:
    3.Հարաբերական գնահատում, որը ներկայացվում է <<մեդալի>>և <<անելիքի>>տեսքով:
    Սովորողի սեփական չափորոշիչներն ընդունելով որպես հիմք՝ գնահատման միջոցով սովորողին ասվում է, թե որ չափորոշիչներն են բավարարվել և որոնք ոչ, որոնք կարգավորելու համար դեռ անելիքներ կան:
    Ինձ բավականին դուր եկավ հարաբերական գնահատումը: Իսկապես ուսումնառությունը շահում է երբ սովորողը բացահայտում է ,որ հասել է իր նպատակներից մեկին: Ինձ դուր եկավ նաև,որ մեդալ տրվում է արդյունքին և առաջընթացին:Իսկ ահա անելիքների հետ կապված հատվածը կարևոր է նրանով ,որ այն առաջ մղող պետք է լինի: Այդպիսի գնահատում ես կատարել եմ, բայց չգիտեի որ խոսքը հենց այդ՝ հարաբերական գնահատման մասին է:
    Վերջին խմբագրողը՝ Ռուզաննա Խաչատրյան; 20-02-20, 22:19.

    Comment


    • #3
      Գաղտնիք չէ, որ ուսուցիչներս մեր դասը պլանավորելիս առանձնահատուկ տեղ ենք հատկացնում նաև գնահատմանը: Փորձում ենք հասկանալ, թե դասի որ փուլում պետք է իրականացնել գնահատում: Ուսումնասիրություններս ցույց են տալիս, որ գնահատում պետք է իրականացնել դասի բոլոր փուլերում, որովհետև մենք տարբեր գործընթացներ ենք իրականացնում տարբեր փուլերում:
      Հասկանալու համար, թե նախորդ օրվա նյութը ինչպես է յուրացվել հնարավոր է 10 րոպեանոց հայտորոշիչ թեստ տալ: Դա կօգնի ամբողջ դասարանին գնահատել: Կարևոր չէ, որ գնահատումը լինի միավորային: Կարևոր է, որ ուսուցիչը ինքն իր համար գնահատում իրականացնի, հասկանալու համար իր հետագա քայլերը:

      Comment


      • #4
        Հարգելի գործընկերներ մի՛ անտեսեք չառաջադիմող ոչ մի երեխայի և հաշվի՛ առեք համապատասխան ամենամյա առաջադիմությունը:
        Անընդհատ փորձում եմ հասկանալ, թե ինչի՞ շնորհիվ է բարձրանում աշակերտների առաջադիմությունը. միգուցե աշակերտների վերաբերմունքի փոփոխության, կամ կրթակարգի բարեփոխումների, կամ ուսուցչի առարկայական գիտելիքների ամրապնդման շնորհիվ: Հետազոտությունները ցույց են տվել, որ միակ պատասխանը շարունակական, փոքրամասշտաբ առաջընթացն է, որը պետք է անպայման գնահատվի ուսուցչի կողմից:

        Comment


        • #5
          Գնահատման տեսակներից է ձևավորող գնահատումը, որը սովորողներին տրվող տեղեկատվական հետադարձ կապն է , երբ դեռ աշակերտները սովորում են նյութը: Այն կիրառվում է ուսումնառությունը բարելավելու նպատակով: Ձևավորող գնահատում կիրառվում է և ուսուցչի կողմից, և աշակերտի կողմից՝ ինքն իրեն և դասընկերների կողմից: Հետազոտությունները ցույց են տալիս , որ սովորելու ընթացքում ստացվող հետադարձ կապը մեծ ազդեցություն ունի:

          Comment


          • #6
            Այս իրավիճակում ես գտնում եմ, որ հետադարձ կապը շատ ավելի մեծ ազդեցություն ունի, քան միավորային գնահատումը:

            Comment


            • #7
              Ճիշտն ասած, երբ ձևավորող հայտորոշիչ գնահատում եմ իրականացնում աշակերտներն ոգևորվում են ,որ միավորային գնահատում չի իրականացվում: Նրանք ազնիվ աշխատանք են կատարում : Առանձին տետր էինք վերցրել և մի քանի օրը մեկ դասի առաջին հինգից յոթ րոպեն հատկացնում էինք ձևավորող գնահատմանը և սխալների ուղղմանը՝ ընկերների կողմից: Փորձում էի ցանկացած աշխատանքում ձևավորող մոտեցում դրսևորել՝ հայտորոշելով դժվարությունները: Դա ոգևորում էր իմ աշակերտներին:

              Comment


              • #8
                Կցանկանայի անդրադառնալ գնահատման մի քանի արդյունավետ ռազմավարությունների. գնահատման ձևանմուշներ, յուրացման թեստեր, նմուշային:
                Այսօր շատ ուսուցիչներ օգտագործում են ձևանմուշներ: Համոզված եմ, սովորողը ստանում է օգտակար տեղեկատվական հետադարձ կապ իր տարաբնույթ աշխատանքների վերաբերյալ: Ձևանմուշները տրվում են աշակերտներին նախքան առաջադրանքը սկսելը: Լինում են դեպքեր ,որ սովորողներն իրենք են ձևանմուշները մշակում: Ձևանմուշի մեջ տեղ է թողնվում նաև մեկնաբանությունների համար: Եթե ինքնագնահատում պետք է արվի, ապա սովորողը դա իրականացնում է նախքան աշխատանքը հանձնելը: Սա օգնում է որ աշակերտներն ավելի լավ հասկանալ նպատակները, գտնել թերությունները, շտկել , առաջ անցնել:

                Comment


                • #9
                  Ձևանմուշի օրինակ. աշակերտները պետք է ներկայացնեին Արտաշես առաջինի բարեփոխումները. այն, թե ինչու՞ էին անհրաժեշտ բարեփոխումները, ինչու՞ հողային բարեփոխում իրականացվեց, ինչո՞ւ մայրաքաղաք կառուցվեց, ինչու՞ Արտաշես առաջինը երկիրը 120 գավառների բաժանեց և այլն, բարեփոխումները ինչքանով էին նպատակային: Կարևոր է նաև ուսումնական շրջափուլերի կիրառումը, որտեղ յուրաքանչյուր հաջորդ աշխատանքի սկզբում ներկայացվում է թիրախների վանդակը: Ուուցիչը անպայման ուշադրություն է դարձնում թե արդյո՞ք թիրախը հաղթահարված է, որն այդքան էլ հեշտ չէ: Անհրաժեշտ է տարբեր աշխատանքների համար մշակել գնահատման տարբեր չափանիշներ:
                  Վերջին խմբագրողը՝ Ռուզաննա Խաչատրյան; 17-04-20, 00:47.

                  Comment


                  • #10
                    Շարունակելով խոսքս ասեմ, որ ինչպես հետազոտողներ Բլեքը և Ուիլյամն են պնդում, առաջ քաշելով իրենց սեփական հետազոտությունների արդյունքները, թվանշային գնահատականները թուլացնում են ուսումնառությունը: Իմ փորձից էլ կարող եմ վկայել, որ ցածր միավորները հիասթափեցնում են շատ աշակերտների: Ես կգերադասեի գովեստի խոսքերը և անելիքների խառնուրդը, որը կանխում է թե ինքնագոհությունը, թե հուսահատությունը:

                    Comment


                    • #11
                      Հարգելի՛ Ռուզաննա,հետաքրքիր է Ձեր կողմից առաջ քաշած թեման,իմ կարծիքով գնահատումը իրոք կարող է լինել ոգևորող,բայց քիչ չեն նաև հակառակ ազդեցություն տվող դեպքերը։Օրինակ ցածր գնահատականից աշակերտը հիասթափվել է ,իսկ ոգևորող գնահատումից ՝թուլացրել իր ուժերը՝ մտածելով,որ ուսուցիչը մյուս անգամ էլ իրեն կոգևորի։Պետք է կարողանալ ճիշտ կողմնորոշվել,թե որ աշակերտին պատժենք գնահատականով,իսկ որին՝ ոգևորենք։Իհարկե սա շատ բարդ է,քանի որ աշակերտի հոգեբանությունն էլ պետք է լավ հասկանանք։

                      Comment


                      • #12
                        AlinaHakobyan75-ի խոսքերից Նայել գրառումը
                        Հարգելի՛ Ռուզաննա,հետաքրքիր է Ձեր կողմից առաջ քաշած թեման,իմ կարծիքով գնահատումը իրոք կարող է լինել ոգևորող,բայց քիչ չեն նաև հակառակ ազդեցություն տվող դեպքերը։Օրինակ ցածր գնահատականից աշակերտը հիասթափվել է ,իսկ ոգևորող գնահատումից ՝թուլացրել իր ուժերը՝ մտածելով,որ ուսուցիչը մյուս անգամ էլ իրեն կոգևորի։Պետք է կարողանալ ճիշտ կողմնորոշվել,թե որ աշակերտին պատժենք գնահատականով,իսկ որին՝ ոգևորենք։Իհարկե սա շատ բարդ է,քանի որ աշակերտի հոգեբանությունն էլ պետք է լավ հասկանանք։
                        Հարգելի՛ Ալինա, լիովին համամիտ եմ Ձեզ հետ, որ ուսուցիչներս պետք շատ զգուշությամբ վերաբերվենք գնահատմանը: Մենք մեր պրակտիկայում մշտապես հանդիպել ենք վերոնշյալ տարբեր դեպքերի: Այդ է պատճառը, որ ես կարևորում եմ նաև և՛ ինքնագնահատումը և՛ փոխադարձ գնահատումը: Այնքան էլ հեշտ չէ գնահատման այդ տարբերակներից լավ արդյունք ապահովել: Այն հմտություն է, որ բազմաթիվ անգամ օգտագործելու դեպքում է դառնում լավը:

                        Comment


                        • #13
                          Կան հետազոտողներ, որոնք գտնում են , որ գնահատումը բացասաբար է անդրադառնում ուսումնառության վրա, որի մասին խոսեցինք վերոնշյալում նաև ես ու Ալինան, բայց հետազոտողները նաև նշում են որոշակի պայմաններ, որոնց առկայության դեպքում գնահատումը կարող է զգալիորեն խթանել ուսումնառությունը: Նրանց կողմից առաջ է քաշվում հետադարձ կապի միջոցով գնահատմանը:
                          Ես կարծում եմ, որ ուսումնառության վրա գնահատման ազդեցությունը հասկանալու համար անհրաժեշտ է հետադարձ կապի բուն միջամտությունից բացի ուսումնասիրել ուսումնառողի արձագանքը դրան, ինչպես նաև համապատասխան ուսումնառության միջավայրը, որտեղ գործարկվում է հետադարձ կապը:

                          Comment


                          • #14
                            Միայն գնահատման միջոցով է, որ կարող ենք պարզել՝ արդյոք ուսումնական գործողությունների որոշակի հերթականութունը նախատեսված ուսումնառական արդյունքներ է ապահովել:Ուսուցիչը հնարավորություն ունի ուսանողի սխալներն անմիջապես որոշարկել, պարզաբանել և անհրաժեշտության դեպքում՝ հետևողաբար շտկել և հետադարձ կապի օգնությամբ աշակերտին տեղեկացնել իր առաջընթացի և բացթողումների մասին: Դա կարելի է օգտագործվել աշակերտի հետագա գործունեության վրա ներազդելու նպատակով:

                            Comment


                            • #15
                              Գնահատականի իրական դերը վերափոխվեց պիտակավորելու միայն հասարակության վերաբերմունքի պատճառով/

                              Comment

                              Ներեցեք, դուք իրավասու չեք դիտել այս էջը:
                              Working...
                              X