ՄԱՐԴՈՒ ԾԱԳՈՒՄԸ

[Ալվարդ Ալեքսանյան]

Մշակույթի և հասարակության զարգացման տարբեր աստիճաններում մարդկությունը տարբեր պատասխաններ է տվել մարդու ծագման հարցին։ Առաջին մարդկանց ծագման մասին գոյություն ունեցող հին առասպելներում արտացոլվել են այն ժամանակվա բնական և սոցիալտնտեսական պայմանները։
Կորոնի առաջացման և տարածման հետ կապված առաջ եկավ մի ուսմունք, ըստ որի մարդը Աստծո ստեղծածն է, և որ նա երկու նախասկզբից է կազմված՝ մարմնից և հոգուց։



17-րդ դարի սկզբում ցուցադրվեց ճանապարհորդների առաջին հաղորդումը մարդանման կապիկների և նրանց ու մարդու նմանության մասին։ Կ․ Լիննեյը կենդանական աշխարհի համակարգում մարդուն տեղավորեց պրիմատների խմբում՝ կիսակապիկների և կապիկների հետ միասին։ Մարդու և կենդանիների նմանությունը, իսկ առավել ևս նրանց մոտիկությունը արդեն հանգեցնում էին այն մտքին, թե չունեն արդյոք նրանք ընդհանուր ծագում։

Ժ․Բ․Լամարկն առաջինն է գրել, որ մարդը ծագել է ծառերի վրա մագլցելուց գետնի վրա քայլելուն անցած կապկանման նախորդներից։ Տեղաշարժման նոր եղանակի շնորհիվ նրա մարմինը ուղիղ դիրք է ընդունել, ձեռքերն ազատվել են, փոխվել է ոտնաթաթը։ Հոտային ապրելակերպը նպաստել է խոսքի զարգացմանը։
Դարվինի <<Տեսակների ծագումը>> գրքի (1859) լույս տեսնելուց հետո Արևմուտքում և Ռուսաստանում էվոլյուցիոնիստ-գիտնականնները օրգանական աշխարհի էվոլյուցիայի ուսմունքը տարածեցին նաև մարդու վրա։ Սա կատաղի հարձակումներ առաջացրեց էվոլյուցիայի հակառակորդների և կրոնականորեն տրամադրված մարդկանց կողմից։

Դարվինը <<Մարդու ծագումը>> գրքում (1871) համոզիչ կերպով ապացուցել է, որ մարդը կենդանի էակների զարգացման շղթայում բարձր կազմավորված վերջին օղակն է և մարդանման կապիկների հետ միասին ունի հեռավոր նախնիներ։ Նա նշել է նաև սոցիալական գործոնների դերը մարդու էվոլյուցիայում, բայց այս խնդիրը բացահայտել է Էնգելսը <<Աշխատանքի դերը կապկի՝ մարդու փոխարկվելու պրոցեսում>> աշխատության մեջ։ Գիտությունը այդ ժամանակ համեմատաբար սուղ տվյալներ ուներ մարդու բրածո նախնիների մասին։ Ավելի ուշ բրածո մարդկանց ոսկորների մնացորդների և աշխատանքի գործիքների բազմաթիվ հայտնաբերումը փայլուն կերպով հաստատեցին Էնգելսի տեսության իրավացի լինելը։

[Սվետլանա Կասյան]

Հարգելի տիկին Ալեքսանյան շատ հետաքրքիր և դարեր շարունակ վիճելի թեմա եք ներկայացրել: Այս հարցի շուրջ միշտ բախվում են գիտական և կրոնական ճյուղերը:
1. Անդրոգեններ, հին հույները համարում էին, որ մարդկանց նախահայրը եղել են Անդրոգենները: Նրանք եղել են գնդաձև մարմնով, որի վրա չի տարբերվել փորն ու մեջքը, ունեցել են չորս ոտք և չորս ձեռք, գլխի վրա երկու միանման դեմքերով: Ըստ առասպելի՝ նրանց էության մեջ եղել են կնոջ և տղամարդու հատկանիշներ: Տիտանների նման ուժեղ և խելացի են եղել: Նրանք որոշել էին Օլիմպոս սարից վռնդել աստվածներին, բայց Զևսը նրանց բաժանել է երկու մասի՝ կիսելով նրանց ուժն ու խելքը:
2. Ըստ Աբրահամի կրոնի՝ Երկիր մոլորակը աստված ստեղծել է ոչնչից, իսկ Ադամին՝ առաջին մարդուն, ստեղծել է հողից իր նմանությամբ: Աբրահամը եղել է առաջին մարդը սեմիթական ցեղից, որը հավատացել է աստծուն:
3. Հինդուիզմը ունի մարդու ծագման հինգ տեսակետ: Առաջինը Բրահմայի ուսմունքն է, որտեղ ասվում է, որ Բրահման առաջացել է ոսկե ձվից և ինքը իրեն զոհաբերելով ՝ ստացել է երկրի ամենակարևոր հինգ տարրերը՝ օդը, ջուրը, կրակը, հողը և եթերը, իսկ երկրորդը Վեդաներն են, որտեղ ասվում է, որ մարդու և երկիր մոլորակի ծագումը հստակ ոչ ոք չգիտի:
4. Կաբալլայի տեսությունը ասում է, որ սկզբում արարիչը ստեղծեց կատարյալ հոգին, որի անունը Ադամ էր: Հոգին կազմված էր մի շարք ցանկություններից, որոնք պետք է օգնեին միմյանց: Մի անգամ Ադամը որոշեց դառնալ արարիչ, բայց քանի որ չէր թույլատրվում, հոգին բաժանվեց միլիոնավոր մասերի: Այդ փոքր մասնիկները բնակվում են ամեն մի մարդու մեջ: Այդ մասնիկները այնքան պետք է մնան մարդկանց մեջ, մինչև բոլոր մարդիկ դառնան անմեղ և իրար օգնող: Այդ ժամանակ միասնական հոգին կվերականգնվի:
5. Էվոլուցիոն կրեացիոնիզմի համաձայն, մարդը զարգացման տարբեր փուլեր է անցել, բայց նրա նախնական տարբերակը միևնույն է ստեղծել է աստված: Ֆիզիկական մարմինը ենթարկվել է փոփոխությունների, բայց մարդու հոգին չի փոխվել:
6. Հնագույն տիեզերագնացների թեորիան պնդում է, որ մարդը առաջացել է այլմոլորակայինների և հին մարդկանց խառնուրդից: Այն համարում է, որ այլմորլորակայինները քարե դարում այցելել են Երկիր մոլորակ և մի մասը որոշել է մնալ այստեղ: Այդ են վկայում հին շինությունները և ժայռապատկերները:
7. Դարվինիզմը պնդում է, որ մարդը առաջացել է մարդանման կապիկներից, որոնք նախ սկսել են քայլել երկու ոտքով, ուղեղը սկսել է զարգանալ, ձեռք է բերել խոսելու ունակություն և շփվելու ունակություն:
https://russian7.ru/post/8-versiy-pr...iya-cheloveka/

Գիտնականները ասում են, որ մարդու տեսակը սկսել է տարածվել աշխարհով մեկ Աֆրիկայից: Նրանք պնդում են, որ եղել է մարդու 787 տեսակ, որոնցից 280 տեսակը տարածվել են, իսկ մնացածները ժամանակի ընթացքում վերացել են: Գիտնականները նաև պնդում են, որ մարդիկ տարածվել են նաև Ավստրալիայից:

https://www.livescience.com/56191-un...iscovered.html

[Նարինե Այվազյան]

Մարդու ծագման հարցը դարեր շարունակ գրավել է մարդկության ուշադրությունը:Հազարամյակներ շարունակ գերիշխում էր մարրդու աստվածաբանական ծագման վերաբերյալ կրոնական տեսակետը: Ներկայումս էլ մարդու ծագման հարցի շուրջ գաղափարական սուր պայքար է ընթանում մարդու նախնիները Ադամն ու Եվան են, թե կենդանիները: evolutie.jpg

[Նարինե Մարգարյան]

Աստվածաշունչն այնքան տեղեկություններ է պարունակում մարդու ծագման և աշխարհի արարման մասին, որքան Աստված է ցանկացել մեզ բացահայտել Իր Խոսքում։

Ակնհայտ է, որ Տերը ցանկանում է, որպեսզի մարդը նախ և առաջ, հոգևոր հասկացողություն ունենա սեփական ծագման մասին։ Մեր ժամանակներում գոյություն ունեն շատ տեսություններ, որոնք փորձում են ապացուցել, որ մարդը ոչ ավելին է, քան էվոլյուցիայի արդյունք` այսինքն առաջացել է կենդանական նախնիների էվոլյուցիոն զարգացումից կամ հասել է այժմյան վիճակի ինչ-որ նախնադարյան վիճակից։
Բայց թույլ տվեք, հարգելի Ալվարդ Ալեքսանյան, որպես հայ քրիստոնյա մնալ այն կարծիքին, որ Տերն է ստեղծել ՄԱՐԴ արարածին:

[Kristine Charchyan]

Դարվինիզմ, անգլիացի նատուրալիստ Չարլզ Դարվինի անունով, նեղ իմաստով էվոլյուցիոն մտքի ուղղություն է, որի համախոհները Դարվինից հետո ավանդորեն մեծ նշանակություն են տալիս բնական ընտրությանը` որպես էվոլյուցիոն գործոններից մեկը։ Դարվինիզմը Երկիր մոլորակի օրգանական աշխարհի էվոլյուցիայի մատերիալիստական տեսություն է (պատմական զարգացում)` հիմնված Չարլզ Դարվին հայացքների վրա։ Ընդհանրապես լայն իմաստով հաճախ (և սխալ) օգտագործվում է էվոլյուցիոն տեսության կամ կենսաբանական էվոլյուցիայի բացատրության համար։
Դարվինիզմը քննադատության ենթարկվեց կրոնի բազմաթիվ ներկայացուցիչների կողմից, որոնք գտնում էին, որ այն հակադրվում է մարդու՝ Աստծու կողմից ստեղծված լինելը և այդ կարծիքը մեր ժամանակներում ընդունելի չէ հասարակության համար։ Բացի այդ դարվինիզմը մարդու ծագումը բացատրում է երկարատև էվոլյուցիայով, իսկ դա հակասում է համեմատաբար վերջերս աշխարհի կազմավորմանը՝ համաձայն ավրաամական կրոնի կանոնավոր տեքստերի ճշգրիտ ընթերցման։ Դրա հետ մեկտեղ կաթոլիկության մեջ հատուկ պապական կոնդակից ընդունվել է, որ էվոլյուցիայի տեսությունը չի հակասում Եկեղեցու ուսուցմանը և կարող է համարվել որպես վարկած մարդու մարմնի ծագման հարցում։

[Նարինե Այվազյան]

Մարդը համարվում է կյանքի բարձրագույն տեսակը և ունի հոգի և շունչ: Աստված նրան այլ կերպ է ստեղծել, քան մնացած կենդանի արարածներին։ Մարդու արարման գործում շատ հստակ զգացվում է Բարձրյալի ձեռագիրը։
Ամբողջ տիեզերքը ստեղծվել է Արարչի Խոսքով, Ով ասել է.»Թող լինի…», բայց մարդուն Աստված ստեղծել է հողի փոշուց` իր սեփական ձեռքով։
Մարդը իր տեսակի մեջ միակ արարածն է, եզակի և անհատական բոլոր հարաբերություններում` ինչպես ֆիզիկական (մատնահետքերը, աչքերի, մազերի գույնը և այլն), այնպես էլ հոգևոր տեսակետից (պարգևներ և տաղանդներ)։ Կենդանիներն ապրում են, որպեսզի գոյատևեն այս աշխարհում և սերունդ տան, իսկ մարդն ապրում է, որպեսզի երկրպագի Աստծուն։

[Վ. Հովհաննիսյան]

Սիրելի Նարինե, ես մասնագիտությամբ կենսաբան եմ, ես էլ եմ առնչվում այդ թեմային: Թեմայի ուսուցման ժամանակ ես հասկացա, որ իմ աշակերտների մեծամասնությունը հակված էր այն կարծիքին, որ ԱՍՏՎԱԾ է ստեղծել մարդուն, նրանցից ոչ ոք այլ բան լսել չէր ցանկանում: Օրվա դասն ավարտեցի երեխաներին ներկայացնելուվ հետևյալ տեսանյութը՝https://www.youtube.com/watch?v=DNprLhSygJU: Դրանից հետո ավելացրի, որ այսօր ավելի կարևոր խնդիր է արդեն իսկ ստեղծված մարդու մարդ տեսակի պահպանությունը: Չէ՞ որ այսօրվա մարդը ԵՐԿԻՐ մոլորակի լիիրավ տերը լինելով, ահագին առաքելություն ունի նրա պաշտպանության ու պահպանության գործում: Նշեցի մարդածին այն բոլոր գործոնները, որոնց արդյունքում մեր մոլորակը այսօր լուրջ վտանգի առջև է կանգնած...ու ըտենց լիքը-լիքը հարցեր: Դասը բավականին հետաքրքիր ընթացք ստացավ:

[Նարինե Այվազյան]

Սիրելի Նարինե, ես մասնագիտությամբ կենսաբան եմ, ես էլ եմ առնչվում այդ թեմային: Թեմայի ուսուցման ժամանակ ես հասկացա, որ իմ աշակերտների մեծամասնությունը հակված էր այն կարծիքին, որ ԱՍՏՎԱԾ է ստեղծել մարդուն, նրանցից ոչ ոք այլ բան լսել չէր ցանկանում: Օրվա դասն ավարտեցի երեխաներին ներկայացնելուվ հետևյալ տեսանյութը՝https://www.youtube.com/watch?v=DNprLhSygJU: Դրանից հետո ավելացրի, որ այսօր ավելի կարևոր խնդիր է արդեն իսկ ստեղծված մարդու մարդ տեսակի պահպանությունը: Չէ՞ որ այսօրվա մարդը ԵՐԿԻՐ մոլորակի լիիրավ տերը լինելով, ահագին առաքելություն ունի նրա պաշտպանության ու պահպանության գործում: Նշեցի մարդածին այն բոլոր գործոնները, որոնց արդյունքում մեր մոլորակը այսօր լուրջ վտանգի առջև է կանգնած...ու ըտենց լիքը-լիքը հարցեր: Դասը բավականին հետաքրքիր ընթացք ստացավ:

Շատ հետաքրքիր ու Ճիշտ ընտրված տեսանյութ էր,որում ամեն ինչ ասված էր:Շնորհակալություն հարգելի Հովհաննիսյան:

[Գայանե Ներկարարյան]

Մարդու ծագման հարցը դարեր շարունակ գրավել է մարդկության ուշադրությունը:Հազարամյակներ շարունակ գերիշխում էր մարրդու աստվածաբանական ծագման վերաբերյալ կրոնական տեսակետը: Ներկայումս էլ մարդու ծագման հարցի շուրջ գաղափարական սուր պայքար է ընթանում մարդու նախնիները Ադամն ու Եվան են, թե կենդանիները: Գիտնականները ենթադրում են որ մարդկության նախահայրենիքը եղել էԱֆրիկայի հյուսիսարևելյան մասը, որտեղից մարդիկ տարածվել են ամբողջ Եվրոպայում: Ենթադրվում , որ մեր հնագույն նախնիները եղել են փոքրիկ ծառաբնակ գազանիկներ:Մ.Թ.Ա. 6-րդ դարում հույն փիլիսոփա Անաքսիմանդրոսը գրել է , որ << Արևի ճառագայթների ազդեցության շնորհիվ կիսահեղուկ տիղմի մեջ առաջացել են ձկնանման արարածներ, որոնք սկզբում ապրել են ջրում, հետո անցնելով ցամաք աստիճանաբար վերածվել են մարդու >>: Արիստոտելը նշել է որ մարդը շատ հատկանիշներով նման է կապիկներին: 17-րդ դարի վերջերում ի հայտ եկան նոր փաստեր , որոնք հերքեցին մարդու ծագման մասին աստվածաբանական վարկածները:Նույնիսկ մարդու աստվածային ծագման կողմնակից Լինեյը 1735թ. իր Բնության համակարգը աշխատության մեջ կիսակապիկների ու կապիկների հետ միասին մարդուն դասում է կաթնասունների դասին :Լամարկը 1809թ. գտնում է որ մարդը ծագել է ծառաբնակ կապիկներից, որոնք ծառերի վրա մագլցող կենսակերպից անցել են գետնի վրա քայլող կենսակերպի:1871թ. Դարվինը, Հեքսլին համոզիչ կերպով ապացուցում են որ կենդանի օրգանիզմների շարքում մարդը հանդիսանում է բարձր կազմնավորված էակ: Հեկելը փորձել է կազմել մարդու ծագման տոհմածառը: Մարդու ծագման և էվոլուցիայի ուսումնասիրությամբ զբաղվում է կենսաբանության ճյուղերից մեկը`անթրոպոլոգիան: Գիտության ժամանակակից նվաճումները հաստատում են մարդու կենդանիներին նմանության շատ գծեր:Մարդն ունի քորդավոր կենդանիներին բնորոշ բոլոր գծերը:Բոլոր կաթնասունների նման մարդն ունի քառախորշ սիրտ,արյան շրջանառության մեծ և փոքր շրջան, երեք տեսակի ատամներ, երեխային կերակրում է կաթով և այլ նմանություններ:Մարդու կենդանական ծագման ցայտուն ապացույցներ են համարվում ատավիզումների և ռուդիմենտների առկայությունը:Իրենց կառուցվածքով և ֆիզիոլոգիական առանձնահատկություններով ժամանակակից մարդուն ավելի մոտ են կանգնած շիմպանզեները:Նրանց հետ մարդն ունի ընդհանուր շատ գծեր`ձեռքերը բռնող տիպի են, աչքերը դասավորված են մեկ հարթության վրա,զարգացած է գլխուղեղը ,ունեն լավ հիշողություն,ներարգանդային զարգացման տևողությունը 9 ամիս է, վարակվում են այնպիսի հիվանդություններով որոնք բացառապես հատուկ են մարդուն` ծաղիկ,գրիպ,տիֆ և այլն: Չնայած բերված նմանություններին մարդու և կենդանիների մեջ կան էական խոր տարբերություններ: