Սովորողը և տնային հանձնարարությունները

[Հասմիկ Հակոբյան]

Հարգելի՜գործընկերներ,շնորհակալություն քննարկման համար:Այո, տարրական դպրոցում տնային հանձնարարությունները պետք է լինեն քիչ, մատչելի,բացատրված և կիրառել շերտավորված առաջադրանքներ տալու մեթոդը՝ յուրաքանչյուրին՝ իր ուժերի չափով:

Հարգելի՛ Անահիտ, տնային աշատանքները ոչ միայն տարրական, այլ նաև ցանկացած դասարանում պետք է սահմանափակել, քանի որ առանց այդ էլ մեր դասագրքերը խրթին են ու ծանրաբեռնված՝ հատկապես պատմողական և մեկ ժամանոց առարկաների համար, ուստի աշակերտը պետք է հասցնի բոլոր առարկաներին ուշադրություն դարձնել ու սովորել:

[Գալստյան Անահիտ]

Հարգելի՛ Հասմիկ, ես համամիտ եմ Ձեզ հետ :Տարրական դասարաններում ծավալուն է հատկապես ՙՙԵս և շրջակա աշխարհը ՛՛առարկայի դասընթացը, որը նույնպես մեկ ժամանոց առարկա է:

[Տոնոյան Գրետա]

Հարգելի՛ գործընկերներ,ինչ եք կարծում,ինչ քանակով պետք է հանձնարարել տնային հանձնարարությունները տարրական դպրոցում:
Ես կարծում եմ,որ տնային առաջադրանքների քանակը շատ չպիտի լինի, իսկ ուրբաթ օրերին աշխատում եմ տնային առաջադրանքներ չհանձնարարել, որպեսզի երեխաները լիարժեք հանգստանան:

Առարկայի նկատմամբ սովորողների հետաքրքրության մեծացման վրա իրենց ազդեցությունն են ունենում տան համար հանձնարարված առաջադրանքները։ Սովորաբար ուսուցման ընթացքում ուսուցիչն ինքն է ընտրում դասի տեսակը, դասավանդման մեթոդը և տնային աշխատանքի բովանդակությունը։Նա է որոշում, թե ո՛ր առաջադրանքը կատարեն դասարանում, որը՝ տանը։Հաճախ տնային հանձնարարությունը դառնում է պատիժ ոչ միայն սովորողի, այլ ամբողջ ընտանիքի համար։Մենք մեր փորձով համոզվել ենք, որ ինքնուրույն տնային հանձնարարություն կատարող աշակերտների թիվը շատ փոքր է, որի պատճառով այն ծնողի համար դառնում է բեռ։
Սակայն կան ծնողներ, ովքեր անտարբեր են կամ չեն կարող օգնել իրենց երեխային, իսկ տնային աշխատանք չկատարած երեխաների մեջ դպրոցի հանդեպ առաջանում է վախ, նրան վանում է դասավանդվող առարկայից։

[Գոհար Խաչատրյան Յուրիի]

Հարգելի՛ գործընկերներ,ինչ եք կարծում,ինչ քանակով պետք է հանձնարարել տնային հանձնարարությունները տարրական դպրոցում:
Ես կարծում եմ,որ տնային առաջադրանքների քանակը շատ չպիտի լինի, իսկ ուրբաթ օրերին աշխատում եմ տնային առաջադրանքներ չհանձնարարել, որպեսզի երեխաները լիարժեք հանգստանան:

Ահա թե ինչ է ասում Ի.Կանտը՝ Դասերը դպրոցներում կարող են միայն սահմանափակ մտկին հասցնել եւ մուրճով լցնել մեկ ուրիշի հասկացության արդյունքում ձեռք բերված այն բոլոր կանոնները, որոնք ծագել են հանճարների հասկացությունում, բայց դրանք ճիշտ օգտագործելու ունակությունը կզարգանա միայն տան վրա հիմնված անկախ աշխատանքով:

[Ռուզաննա Ներսիսյան]

Ես գտնում եմ, որ տնային առաջադրանքներ չպետք է տալ նաև արձակուրդներին: Պետք է թողնել, որ երեխան հանգստանա: Լինում են դեպքեր, երբ աշնանային արձակուրդների ժամանակ հանձնարարում են մեկ տետր արտագրություն անել, թելադրություն գրել: Իհարկե սա սխալ է: Չպետք է մոռանալ, որ արձակուրդի ժամանակ երեխան պետք է հանգստանա:Կարելի է միայն հանձնարարել ընթերցանության նյութ:

[Մարիա Ս]

Ես կարծում եմ՝ դժվար առաջադրանքները ուսուցիչը պետք է աշակերտների հետ միասին կատարի դպրոցում, իսկ որպես տնային առաջադրանք տա այնպիսի աշխատանքներ, որոնք բոլոր աշակերտները կկարողանան կատարել առանց կողմնակի օգնության :Դա կավելացնի ասեփական ուժերի նկատմամբ վստահությունը և կստեղծի հաջողության իրավիճակ:

[Ռուզաննա Ներսիսյան]

Ես կարծում եմ, որ տնային աշխատանքի քանակը շատ կարևոր է: Չի կարելի երեխային ծանրաբեռնել գիտելիքներին ոչինչ չավելացնող տնային աշխատանքներով: Կան ուսուցիչներ, որ հանձնարարում են 5-6 վարժություն/ ծավալուն/: Մի ամբողջ տեքստ վերլուծել շարահյուսորեն, ձևաբանորեն: Կազմել նախադասություններ և գծապատկերը գծել, Բառերը բառակազմական վերլուծության ենթարկել: Հանձնարարված կաղապարով նախադասություններ կազմել: Ինչքան ժամանակ է պետք սովորողին, որ նա այս ամենը կատարի: Դեռ չեմ խոսում մյուս առարկաների մասին: Այսինքն՝ սվորողը միայն պետք է տնային աշխատանք կատարի? Քանի իրավունք խախտվեց երեխայի?

[Ռուզաննա Ներսիսյան]

Ես տնային աշխատանքների համար օգտագործում եմ նաև էլեկտրոնային փոստը։ Աշակերտների մեծ մասը սիրով կատարում և իմ էլփոստին են ուղարկում տնային աշխատանքները։ ես էլ ստուգում և պատասխանում եմ նրանց։