Սովորողը և տնային հանձնարարությունները

[Ամալյա Հովհաննիսյան1]

Հարգելի Գալստյան, ես կող եմ , որ տարրական դասարանում տնային աշխատանք շատ քիչ հանձնարարեն, քանի որ աշակերտը պետք է դպրոցում յուրացնի և ամրապնդի թեման. Ես' որպես ծնող, կարող եմ փաստել, որ երեխաները չեն հասցնում տնայինները անել, ուր մնաց հանգստանան. Աղջիկս չորրորդ դասարան է վազքի մեջ է . Բոլոր առարկաները դասավանդում է տվյալ մասնագետը ու ամեն մեկը իր հանձնարարությունն է տալիս. Մեղք են երեխաները, կարելի է քիչ հանձնարարել.

[Անահիտ Չոմարյան]

Հարգելի գործընկերներ, կան ուսուցիչներ որոնք այն, ինչ չեն հասցնում անել դասապրոցեսում, հանձնարարում են տնային աշխատանք: Տնային աշխատանք կարելի է հանձնարարել նախապես պլանավորած առաջադրանքի ա-ն, կամ բ-ն,որը լուծված առաջադրանքի շարունակությունն է և դժվարություն չի լինի նրանց համար: Այժմ նշում են, որ խնդիրներ չի կարելի հանձնարարել տնային աշխատանք: Ես համամիտ չեմ այդ կարծիքին: Ես խնդրի ա-ն, որը համեմատաբար ավելի հեշտ է, բացատրում եմ, վերլուծում ենք ըստ հարցերի, որից հետո, նշում եմ, եթե կարող եք՝ լուծեք սա տանը: Իսկ բ-ն լուծում ենք դասարանում: Չի կարելի տարրական դասարանի աշակերտին այդքան շատ ծանրաբեռնել: Նրանք այլ առարկաներից էլ տնային առաջադրանքներ ունեն: Չի կարելի երեխային կտրել մանկական խաղերից, անհոգ, զվարճալի մանկությունից:

Ամբողջությամբ կիսում եմ ձեր կարծիքը:Շատ առաջադրանքներն են,որ երեխաների մոտ առաջացնում են տհաճություն ուսուցման գործընթացի հանդեպ, նրանք կորցնում են վստահությունը սեփական ուժերի նկատմամբ:Կարծում եմ շատ ավելի լավ կլիներ,ունենայինք հնարավորություն առհասարակ տնային առաջադրանք չհանձնարարելու:

[Գալստյան Անահիտ]

Շնորհակալություն,հարգելր՜ Ամալյա:Տարրական դասարաններում սովորողները տնային առաջադրանքները պետք է կատարեն առավելագույնը՝ 90-ից 120րոպեում,որի մասին շատ ուսուցիչներ,ցավոք սրտի,մոռանում են:

[Ամալյա Հովհաննիսյան1]

Այո, դուք իրավացի եք, համակարծիք եմ ձեզ հետ.

[Գալստյան Անահիտ]

Հարգելի՜ Անահիտ,ես չեմ կարծում,որ տնային առաջադրանք չհանձնարարելը ճիշտ է:Տնային առաջադրանք պետք է հանձնարարել քիչ և մատչելի:Շնորհակալություն կարծիքի համար:

[Մարինա76]

Ամբողջությամբ կիսում եմ ձեր կարծիքը:Շատ առաջադրանքներն են,որ երեխաների մոտ առաջացնում են տհաճություն ուսուցման գործընթացի հանդեպ, նրանք կորցնում են վստահությունը սեփական ուժերի նկատմամբ:Կարծում եմ շատ ավելի լավ կլիներ,ունենայինք հնարավորություն առհասարակ տնային առաջադրանք չհանձնարարելու:

Հարգելի Անահիտ, համամիտ չեմ ձեր հետ, տնային աշխատանքը պետք է անպայման հանձնարարվի, որ աշակերտները տանը ինքնուրույն աշխատեն, բայց քանակը պետք է սահմանափակ լինի և չհոգնեցնի երեխային:

[Թագուհի Լ]

Հարգելի՛ Անահիտ,շատ լավ թեմա է:Կարծում եմ , որ առաջին դասարանում դեռ ադապտացվելու հարց կա երեխայի մոտ և պետք է հնարավորինս բացառել նրան ճնշող ցանկացած գործոն:Այս դեպքում տնային աշխատանքը,դու պետք է սա գրես ,սա անես,հենց այդ ճնշող գործոնն է:Իսկ երկրորդ դասարանից սկսած,տնային աշխատանքը պետք է լինի նպատակային և ոչ ծավալուն:Ցանկալի կլիներ առհասարակ չհանձնարարել,սակայն առայժմ որոշ հանգամանքներ հաշվի առնելով՝ մեզ դա թույլ տալ չենք կարող:Շնորհակալություն

[Anahit Meliqyan]

Կարծում եմ՝ հրաժարվել տնային աշխատանքներից չի կարելի։ Լավ մտածված ու հետաքրքիր տնային աշխատանքը կարող է շատ արդյունավետ լինել։ Կարևոր է գիտակցել այն, որ երեխան ոչ թե մեքենա է, որ պարտավոր է կտարել տվյալ աշխատանքը, այլ այդ աշխատանքը կարող է նրան հետաքրքրել և օգուտ տալ։

[Անի Ղարիբյան]

Հարգելի Ա. Գալստյան ես Ձեզ կներկայացնեմ տնային աշխատանքի հանձնարարման դեմ և կողմ լինելու տեսակետներ:
Տնային աշխատանքի հանձնարարումը պաշտպանող տեսակետներ
• Որոշ հետազոտողներ ամուր կապ են տեսնում տնային աշխատանքի և ակադեմիական հաջողությունների միջև: Դյուքի համալսարանի հոգեբանության և նյարդաբանության պրոֆեսոր Հարիս Քուփերը 2006 թվականին «Արդյո՞ք տնային աշխատանքը լավացնում է ակադեմիական նվաճումները» թեմայով համեմատական վերլուծություն է արել, որը ցույց է տվել, որ տնային աշխատանքը կարող է լավացնել սովորողների դասարանական հարցաշարերից ստացած գնահատականները: Ուսումնասիրությունը ցույց տվեց, որ այն սովորողները, որ տնային աշխատանք էին կատարել մաթեմատիկայից, անգլերենից, պատմությունից և հասարակագիտությունից, ավելի լավ արդյունքներ էին ցույց տվել հարցաշարերից, քան նրանք, ովքեր տնային աշխատանք չէին կատարել:
• Տնային աշխատանքը հնարավորություն է տալիս ծնողներին մասնակցելու իրենց երեխաների կրթությանը:
• Տնային հանձնարարությունը հնարավորություն է տալիս ուսումնական առարկան ուսումնասիրել սովորողին հարմար արագությամբ: Ոչ բոլոր երեխաներն ունեն միևնույն ընդունակությունը՝ ընկալելու դասարանում տրված տեղեկատվությունը:
• Դպրոցական հանձնարարությունները կարող են օգնել սովորողներին՝ զարգացնելու իրենց պատասխանատվության զգացումը և սեփական ժամանակի ճիշտ կառավարման կարողությունը:
• Տնային աշխատանքը հնարավորություն է տալիս սովորողներին զարգացնելու հետազոտական կարողությունները և օգնում է ավելի խորը հասկանալու ուսումնական առարկաների որոշ հասկացություններ, ինչը հնարավոր չի լինում անել դասարանում:
Տնային աշխատանքի հանձնարարման դեմ տեսակետները
• Տնային աշխատանքը հանգեցնում է նրան, որ աշխատանքը գերարժևորվում է՝ ի վնաս անձնական և ընտանեկան կյանքի բարեկեցության:
• Տնային աշխատանքը անարդար է, որովհետև տնտեսապես թերապահովված սովորողները չեն կարող ուսումնական աշխատանքը կատարել նույն պայմաններում և նույնպիսի աջակցությամբ, ինչպես ավելի հարուստ ընտանիքների երեխաները:
• Չափազանց շատ դպրոցական հանձնարարությունները կարող են մեծապես կրճատել խաղալու, սպորտով զբաղվելու կամ էլ ընկերների և ընտանիքի անդամների հետ պարզապես շփվելու ժամանակը: Տնային աշխատանքը խանգարում է նաև կենցաղային աշխատանքների մեջ երեխաների ներգրավվելուն: Այս ձևով ժամանակի ընթացքում երեխան մեծանում ու դառնում է ինքնամփոփ, եսասեր, անկարեկից ու անհետաքրքիր անձնավորություն:
(Աշխարհի ամենահարուստ մարդը՝ Բիլ Գեյթսը, մի առիթով ասել է. «Մի՛ արհամարհեք լավ չսովորող ձեր դասընկերոջը: Կգա ժամանակ, որ դուք ստիպված կլինեք դիմելyu նրան՝ աշխատանքի ընդունվելու խնդրանքով»):
• Փորձարարական կրթության ամսագրի 2013-ի 81-րդ համարում հրապարակված Մոլլի Գելովեյի ուսումնասիրությունը ցույց է տալիս, որ տնային աշխատանքը երեխաների համար կարող է սթրեսի և ֆիզիկական առողջական խնդիրների աղբյուր լինել: Այս նույն տեսակետն են արտահայտել նաև ամերիկյան «Դպրոցական ոլորտ» կայքի փորձագետները:
• Տնային աշխատանքի ոչ ճիշտ ընտրությունն ու ձևակերպումը կարող են հանգեցնել այն բանին, որ սովորողները սկսեն ատել այդ ուսումնական առարկան:

[Անահիտ Չոմարյան]

Հարգելի Անահիտ, համամիտ չեմ ձեր հետ, տնային աշխատանքը պետք է անպայման հանձնարարվի, որ աշակերտները տանը ինքնուրույն աշխատեն, բայց քանակը պետք է սահմանափակ լինի և չհոգնեցնի երեխային:

Հարգելի Մարինա,կարծում եմ ,ինքնուրույն աշխատելու համար,դասը ևս տալիս է հնարավորություն,աշակերտները կարող են դրսևովել:
Դասից հետո աշակերտը պետք է հանգստանա,հաճախի տարբեր խմբակների,լինի տարբեր մշակութային օջախներում:Մեր կրթական համակարգը(ծրագրերի ծավալը,դասարանի աշակերտների քանակը) թույլ չի տալիս աշխատել առանց տնային աշխատանքի,մինչ դեռ շատ առաջատար երկրներ չունեն այդ աշխատանքի տեսակը:

[Գալստյան Անահիտ]

Հարգելի՛ Թագուհի,դուք ճիշտ եք:Առաջին դասարանցուն տնային առաջադրանք չպիտի հանձնարարվի,հատկապես սկզբնական շրջանում,իսկ եթե հանձնարարվում է,ապա տնային աշխատանքի ծավալը շատ քիչ պետք է լինի: Շնորհակալություն գրառման համար:

[Գալստյան Անահիտ]

Հարգելի՛ Անի,շնորհակալություն գրառման համար;Կարծում եմ,դուք համամիտ եք այն մտքի հետ,որ տնային առաջադրանքը պետք է հանձնարարել քիչ և մատչելի:

[Գալստյան Անահիտ]

Շնորհակալություն հարգելի՛ Անահիտ,ես այն կարծիքին եմ,որ տնային աշխատանքը պետք է զարգացնի երեխայի միտքը,հնարավորություն տա նրան ինքնուրույն աշխատելու,ստեղծագործելու,ամրապնդելու ստացած գիտելիքները;

[Անի Ղարիբյան]

Հարգելի՛ Անի,շնորհակալություն գրառման համար;Կարծում եմ,դուք համամիտ եք այն մտքի հետ,որ տնային առաջադրանքը պետք է հանձնարարել քիչ և մատչելի:

Միանշանակ համամիտ եմ այդ մտքի հետ հարգելի Ա. Գալստյան:

[Արմինե Կարապետյան]

Բարև ձեզ:Ես համամիտ եմ ձեր հետ,սակայն պետք է ավելացնեմ,որ տնային աշխատանքը պետք է լինի տվյալ օրվա դասապրոցեսում կատարած աշխատանքների նույնատիպը,որպեսզի աշակերտը հասկանալով ինքնուրույն աշխատի,չդիմելով ծնողների օգնությանը: