Հայտարարություն

Collapse
No announcement yet.

Տարբերակված ուսուցում

Collapse
X
 
  • Զտիչ
  • Ժամանակ
  • Դիտել
Clear All
նոր գրառումներ

  • Տարբերակված ուսուցում

    Տարբերակված ուսուցման նպատակն է ընդհանուր կրթության բովանդակության յուրացման գործընթացում յուրաքանչյուր աշակերտի համար ապահովել պայմաններ՝ նրա ընդունակությունների, հետաքրքրությունների, հակումների, ճանաչողական պահանջմունքների բավարարման ու մաքսիմալ զարգացման համար:
    Տարբերակված ուսուցումը թույլ է տալիս ուսումնական պրոցեսը կազմակերպել՝ հաշվի առնելով անձի անհատական առանձնահատկությունները:
    Այն ապահովում է բոլոր աշակերտների կողմից կրթության բովանդակության յուրացումը: Այդ տիպի կրթության կազմակերպման դեպքում սովորողների յուրաքանչյուր խումբ, որոնք ունեն նման անհատական առանձնահատկություններ, գնում են իրենց ճանապարհով: Տարբերակված ուսուցման պայմաններում ուսուցման պրոցեսը մաքսիմալ ձևով մոտեցվում է երեխաների ճանաչողական պահանջմունքներին և անհատական առանձնահատկություններին:
    Տարբերակումը բնորոշվում է սովորողների այնպիսի խմբերի ստեղծումով, որտեղ գործունեության նպատակը, բովանդակությունը, մեթոդները, ձևերն ու արդյունքները տարբերվում են:

    Տարբերակված ուսուցումն իրականացվում է 3 հիմնական փուլերով.

    1. ճանաչել յուրաքանչյուր սովորողի անհատական առանձնահատկությունները,
    2. խմբավորել սովորողներին ըստ իրենց անհատական առանձնահատկությունների
    3. տարբերակել յուրաքանչյուր խմբի ուսումնական գործընթացը:

  • #2
    Ներդասարանային տարբերակում՝ ըստ տարբեր բարդության աստիճանի առաջադրանքների կատարման

    Ամենատարածված ներդասարանային տարբերակման ձևը սովորողների կողմից տարբեր բարդության աստիճանի առաջադրանքների կատարումն է: Օրինակ՝
     1-ին մակարդակում հանձնարարվում է աշակերտին կարդալ ուսումնական նյութը, պատմել՝ առանձնացնելով գլխավոր մտքերը:
     2-րդ մակարդակում հանձնարարվում է աշակերտին կարդալ ուսումնական նյութը, կազմել պլան և հարցադրումներ:
     3-րդ մակարդակում հանձնարարվում է աշակերտին կարդալ ուսումնական նյութը, տալ նյութի համառոտ բնութագրությունը, արտահայտել սեփական դիրքորոշումը:

    Comment


    • #3
      Հարգելի Ֆլորա երրորդ դասարանում ես ցուցաբերել եմ այսպիսի մոտեցում իմ դասերից մեկի համար՝ հաշվի առնելով երեխաների անհատական կարողությունները.
      I ՄԱԿԱՐԴԱԿ.
      Հասկանալ կարդացած տեքստի բովանդակությունը:
      Հասկանալ տեքստում նկարագրված իրադարձությունների հաջորդականությունը:
      Իմանալ բառի հիմնական բաղադրիչները. արմատ, ածանց:
      Կարողանալ բառի մեջ տարբերակել արմատը, ածանցը:
      I I ՄԱԿԱՐԴԱԿ.
      Հասկանալ կարդացածի վերաբերյալ առաջադրված հարցերը:
      Վերաբերմունք դրսևորել գործող անձանց արարքների նկատմամբ, հասկանալ նրանց զգայական ապրումները: Իմանալ բառի տեսակներն ըստ կազմության:
      Տարբերակել պարզ և բարդ բառերը:

      III ՄԱԿԱՐԴԱԿ

      Հասկանալ կարդացածի վերաբերյալ առաջադրված հարցերը:
      Վերաբերմունք դրսևորել գործող անձանց արարքների նկատմամբ, հասկանալ նրանց զգայական ապրումները: Իմանալ բառի տեսակներն ըստ կազմության:
      Տարբերակել պարզ և բարդ բառերը:

      Comment


      • #4
        Հարգելի Վիոլետա, կարող ենք տարբերակված առաջադրանքները տալ տարբեր ձևերով.

         Ուսուցիչն ընտրում է առաջադրանք յուրաքանչյուր աշակերտի համար:
         Աշակերտն ինքն է ընտրում իր առաջադրանքը:
        Այս դեպքում ուսուցիչը պարտավոր է նախապես սովորողներին ներկայացնել առաջադրանքի բարդությունը և խորհուրդներ տալ, թե ո՞ր առաջադրանքն ընտրի: 2-րդ դեպքում ուսուցիչը կարող է ներկայացնել առաջադրանքի բարդությունը, բայց ընտրությունը թողնել աշակերտին: 3-րդ դեպքում աշակերտները իրենք են որոշում առաջադրանքի բարդությունը, իրենք էլ ընտրում:Կամավոր ընտրության սկզբունքով կատարվող առաջադրանքները կարող են նաև աշակերտները իրենք գտնել ու առաջարկել: Առաջադրանքները կարող են նպատակաուղղված լինել թեմայի յուրացմանը կամ էլ բացթողումների լրացմանը:
        Տարբերակված ուսուցման ժամանակ աշակերտները կարող են ստանալ ծրարներում համապատասխան հրահանգավորումներով առաջադրանքներ. գծագրեր, նկարներ: Աշակերտն անհրաժեշտության դեպքում կարող է դիմել դրանց օգնությանը, կարող է չդիմել:
        Տարբերակված ուսուցումը հնարավորություն է տալիս աշակերտին որոշել, թե ուսումնական նյութի յուրացումը ո՞ր մակարդակում կարող է յուրացնել: Սակայն անհրաժեշտ պայման է, որ այն չպետք է ցածր լինի պարտադիր նվազագույն մակարդակից, և ուսուցիչը ուսումնական նյութը պետք է ներկայացնի առավելագույն մակարդակով: Եթե մի աշակերտ ցանկանում է առարկան ուսումնասիրել նվազագույն մակարդակով, իսկ մյուսն՝ առավելագույն, ապա այդ հնարավորությունը նա պետք է ստանա: Այսպիսով, տարբերակումը հաշվի է առնում ոչ միայն աշակերտների ինտելեկտուալ ընդունակությունները, այլև հետաքրքրությունները:
        Տարբերակված ուսուցման ներդրման ժամանակ բացահայտել են, որ շատ աշակերտներ, որոնք այս կամ այն առարկայից ունեցել են խոր ընդունակություններ, չեն ցանկացել ընտրել առավելագույն մակարդակը: Այդպիսի պատկեր է նկատվել նաև մնացած առարկաների նկատմամբ: Նշանակում է, որ երբեմն աշակերտը մի առարկայից ընտրում է նվազագույն մակարդակը, նպատակ չի հետապնդում, որպեսզի մյուս առարկայից ընտրի առավելագույնը: Այդպիսի աշակերտի հետաքրքրությունները այլ են. սիրում է զբաղվել սպորտով, արվեստով, շփվել ընկերների հետ:

        Comment


        • #5
          Իհարկե կարելի է : Այդպես ես տալիս եմ հանձնարարությունը և առաջարկում , որ իրենք կատարեն ըստ ցանկության :Այս կերպ երեխաները ձգտում են կատարել ամենաշատը կամ ամենաբարդը :Այսպես աշակերտների մեջ սկսվում է մրցակցություն:

          Comment


          • #6
            Հարգելի Վիոլետա, այն կարծիքին եմ, որ աշակերտների մեջ ստեղծված մրցակցությունը հիմնականում առաջ է մղում աշակերտներին, արդյունքում բարձրանում է ուսուման նկատմամբ հետաքրքրությունը:

            Comment


            • #7
              Լիովին համամիտ եմ , Առողջ մրցակացությունը միշտ էլ ողջունելի է :

              Comment


              • #8
                Բարև Ձեզ ես էլ եմ համաիտ ձեզ հետ շերտավորված ուսուցումն իր բազմաբնույթ մոտեցումներով օգնում է թե աշակերտներին ,թե ուսուցչին:

                Comment


                • #9
                  ՏԱՐԲԵՐԱԿՎԱԾ ՈՒՍՈՒՑՈՒՄ ԿԱԶՄԱԿԵՐՊԵԼԻՍ ՈՒՍՈՒՑԻՉԸ ՊԵՏՔ Է ՈՒՆԵՆԱ ՀԱՍՏԱԿ ՆՊԱՏԱԿԱԴՐՈՒՄՆԵՐ: Ուսումնական որոշակի նյութի ուսումնասիրությունից և ուսումնասիրության արդյունքները չափելուց հետո դասարանը ,,բաժանվում է,, խմբերի.
                  1 խումբ--ուսումնական նյութը յուրացրած աշակերտներ, որոնց հետ անհրաժեշտ է տանել աշխատանքներ գիտելիքների ընդլայնման և խորացման ուղղությամբ:
                  2 խումբ—աշակերտներ, որոնք լավ չեն յուրացրել ուսումնական նյութը և ունեն բացթողումներ: Նրանց հետ տարվում են համապատասխան աշխատանքներ:
                  3 խումբ—աշակերտներ, որոնք ունեն խնդիրներ ուսումնական նյութի յուրացման հարցում: Նրանց համար մշակվում են համապատասխան առաջադրանքներ:
                  2-րդ խմբի աշակերտների համար որպես խորհրդատու և ուսուցչի օգնական կարող են լինել 1-ին խմբի աշակերտները, իսկ 3-րդ խմբի աշակերտների համար՝ 1-ին և 2-րդ խմբի աշակերտները:
                  կարծում եմ, որ հետևելով այս նպատակադրումներին, աշակերտական խմբերում անպայման դրական տեղաշարժ կունենանք:

                  Comment


                  • #10
                    Դուք իրավացի եք: Ուսուցիչը հաջողության կհասնի միայն այն դեպքում , երբ անցկացրած դասը հետաքրքիր ու բովանդակալից կլինի դասարանի բոլոր աշակերտների համար:

                    Comment


                    • #11
                      Հարգելիներս, չնայած այս թեմային արձագանքողները քիչ էին, այնուամենայնիվ շնորհակալ եմ, որ գտա համախոհներ այդ հարցում:

                      Comment


                      • #12
                        Հարգելի գործընկերներ, իմ սիրած մեքոդներից մեկն է տարբերակված ուսուցումը: Կցանկանամ հավելել, որ այս մեթոդը թույլ չի տալիս աշակերտին զգալ թույլ ուժեղ աշակերտների մեջ: Բոլորը հավասար են այստեղ, բոլորը զբաղված են, բոլորն են պատկերացնում դասապրոցեսում իրականացվող դասը բովանդակությունը:

                        Comment


                        • #13
                          Հարգելի Մարինե,ուսուսցի կողմից նման մոտեցումը ողջունելի է և իմ կարծիքով թույլ աշակերտների համար ոգևորող

                          Comment

                          Working...
                          X

                          Debug Information