Գնահատականը՝ որպես խրախուսանքի միջոց

[Նաիրա Մելիքսեթյան]

Դասի պլանի նմուշ-օրինակ
Դասարանը՝ հինգերորդ դասարան
Դասի նյութը՝ «Կարոտ» բանաստեղծությունը:Ի ձայնավորի հնչյունափոխությունը
Նպատակները՝ Բառապաշարի հարստացում, ճիշտ խոսք կառուցելու և ասմունքելու կարողությունների զարգացում,հայրենասիրական դաստիարակություն
Մեթոդները՝ մտագրոհ, քարտային աշխատանք,«10 րոպեանոց շարադրանք»,երգի ունկնդրում
Ուսումնական նյութեր՝ դասագիրք, գունավոր թղթեր,մատիտներ, կավիճներ, ձայնագրություն
Միջառարկայական կապը՝ նկարչություն,երգ- երաժշտություն

Խթանման փուլում «Մտագրոհ»-ի միջոցով պարզում ենք,թե ինչ գիտեն աշակերտները բանաստեղծի և բանաստեղծության մասին:Մտագրոհի միջոցով ծավալել քննարկում:
Իմաստի ընկալման փուլում կատարել դասահարցում, լեզվական նյութի յուրացումը ստուգել քարտային աշխատանքի միջոցով:
«10 րոպեանոց շարադրանք» մեթոդի կիրառմամբ աշակերտներին հանձնարարել զինվորի անունից նամակ գրել:Աշխատանքի ավարտից հետո կարդալ, քննարկել:
Կշռադատման փուլում դասարանը բաժանել խմբերի (2 խումբ): Առաջին խմբին հանձնարարել նկարել, թե ի՞նչն է զինվորը կարպտով հիշում:Երկրորդ խմբին հանձնարարել ունկնդրել բանաստեղծության՝ երգ դարձած տարբերակը և նկարել, թե ինչ զգացին երգն ունկնդրելիս:Աշխատանքների ավարտից հետո ներկայացնել դրանք:
Դասի վերջում բոլորով միասին երգել երգը: Կատարել գնահատում:
Աշակերտները շատ գեղեցիկ ու տպավորիչ խմբային աղխատանքներ ներկայացրեցին և արժանացան խրախուսանքի:

[Նաիրա Մելիքսեթյան]

Հարգելի մանկավարժներ, հոգեբաններ,կարելի է արդյոք բարձր գնահատականը համարել խրախուսանքի միջոց:Խրախուսանքի ի՞նչ մեթոդներ Դուք կառաջարկեք:

[Նվարդ Հովհաննիսյան]

Հետաքրքիր թեմա եք մտածել, հարգելի' Նաիրա, որի պատասխանն իսկապես տարակուսելի է: Մի կողմից աշակերտը կարող է ոգևորվել`բարձր գնահատական ստանալով, մյուս կողմից էլ այդ գնահատականը կարող է հակառակ արդյունք ունենալ: Իմ կարծիքով, դա նույնպես կախված է աշակերտի որակից:

[Նաիրա Մելիքսեթյան]

Շնորհակալություն,Նվարդ ջան, արձագանքի համար:Իսկ խրախուսանքի ինչ միջոց կառաջարկեք Դուք:

[Նվարդ Հովհաննիսյան]

Նաիրա' ջան, ես ցածր դասարաններում խրախուսական բառեր եմ օգտագործում` գրելով նաև օրագրերում, տետրերում, իսկ բարձր դասարաններում, օրինակ, կարող եմ հայտարարել <<Ամենագեղեցիկ գրականության տետրը>> մրցույթ և կիսամյակի կամ տարվա վերջում պարգևատրել գրքերով մեկ- երկու աշակերտի:

[Նաիրա Մելիքսեթյան]

Շնորհակալություն, Նվարդ ջան, հետաքրքիր տարբերակ է:

[Նվարդ Հովհաննիսյան]

Նաիրա' ջան, կարող եք լավագույն նամակները վերցնել` որպես խրախուսանք, ստեղծել <<Աշակերտների ստեղծագործությունները>> պատի թերթ և փակցնել այնտեղ: Կարելի է նաև փակցնել հեղինակների լուսանկարները: Այս տարբերակը նույնպես ոգևորում է աշակերտներին ու նրանց ծնողներին:

[Նաիրա Մելիքսեթյան]

Ճիշտ է, Նվարդ ջան:Երբ աշակերտը իր նկարը տեսնի փակցված, կոգևորվի ու կձգտի ավելիին:

[Նվարդ Հովհաննիսյան]

Եվ ոչ միայն մեկը, մյուսներն էլ կձգտեն, որ իրենց նկարն էլ տեղ գտնի լավագույնների շարքերում:

[Նաիրա Մելիքսեթյան]

Լիովին համաձայն եմ:

[Նաիրա Մելիքսեթյան]

Հարգելի գործընկերներ, ինչ եք կարծում գնահատականը կարող է հոգեբանական ազդեցություն ունենալ աշակերտի վրա:

[Նաիրա Մելիքսեթյան]

Կարելի է արդյոք, բացի խրախուսելուց, գնահատականն օգտագործել նաև որպես պատժամիջոց:

[Նվարդ Հովհաննիսյան]

Նաիրա' ջան, իմ կարծիքով, այսօրվա աշակերտներն այնքան էլ ցածր գնահատականից չեն վախենում: Նրանց համար պատիժ կլինի ինչ-որ բանից զրկելը, օրինակ` մի ուրիշ թեմայում ձեր նշած հենց այդ Հասարակական կազմակերպությունների դասերից, ճամբարներից, էքսկուրսիաներից և այլն:

[Նաիրա Մելիքսեթյան]

Այո, Նվարդ ջան, աշակերտները շատ են ոգևորվում խրախուսանքի նման ձևերից։<<Պատանեկան նվաճումներ>> ՀԿ֊ի <<Ազատ ձեռնարկատիրություն և քաղաքացիական կրթություն>> առարկան պարապում ենք ութերորդ ժամին, չեն գնահատվում, սակայն աշակերտները մեծ ոգևորությամբ են մասնակցում դասընթացին, գիտեն, որ լավ աշխատանքի դեպքում կխրախուսվեն ճամբարով և մի շարք միջոցառումների մասնակցելով։ՀԿ֊ն ընտրել է խրախուսանքի այս ձևը, որը շատ լավ է ազդում աշակերտի վրա։

[Karine Barseghyan]

Հարգելի մանկավարժներ, հոգեբաններ,կարելի է արդյոք բարձր գնահատականը համարել խրախուսանքի միջոց:Խրախուսանքի ի՞նչ մեթոդներ Դուք կառաջարկեք:

Նաիրա՛ ջան, շնորհակալություն թեմայի համար, այս հարցը միշտ էլ արդիական է թե՛ հոգեբանության և թե՛ մանկավարժության մեջ: Մի կողմից երեխային պետք է խրախուսել բարձր գնահատականներով, որպեսզի բարձրանա նրա ինքնագնահատականը հասակակիցների մոտ իրեն ավելի լիարժեք ու վստահ զգալու համար, իսկ մյուս կողմից այդ գնահատականները վտանգավոր են, քանի որ աշակերտը կարող է կորցնել իր իրական կարողությունները գնահատելու ունակությունը:Բարձր գնահատականներ, եթե դրանք իրականությանը չեն համապատասխանում, կարելի է դնել հազվադեպ, երբ զգում ենք, որ աշակերտը աշխատում է, պարզապես մի փոքր հետ է մնում: Իսկ ինչ վերաբերվում է խրախուսանքի այլ միջոցներին, Նվարդի առաջարկածը բավականին արդյունավետ կլինի, իսկ ես ցածր դասարաններում խրախուսում եմ փոքրիկ հեքիաթի գրքերով: Տարվա ավարտին անցկացնում եմ մրցույթ, հաղթողին արժանացնում <<Լավագույն աշակերտ>> տիտղոսին: