Հայտարարություն

Collapse
No announcement yet.

Ֆորումում հաղորդակցման կարգը. նորմեր, կանոններ, էթիկա

Collapse
X
 
  • Filter
  • Ժամանակ
  • Show
Clear All
նոր գրառումներ

  • Ֆորումում հաղորդակցման կարգը. նորմեր, կանոններ, էթիկա

    Հարգելի ֆորումցիներ,
    «Կրթության և Գիտության, թե՞ Ընդունելության քննությունների նախարարություն» մի քանի գրառումներ, որոնք բուն թեմայից շեղում էին, տեղափոխել եմ այստեղ:

    Այս թեմայում առաջարկում եմ քննարկել ֆորումներում հաղորդակցման նորմերը, կանոնները, էթիկան, ընդունված սկզբունքները, ոճը և այլ նման հարցեր: Կարծում եմ, որ նաև այս թեմայի գրառումները կնպաստեն նորաստեղծ «Հայկական կրթական միջավայր»-ի նոր, երկամսյա ֆորումի ոճի ձևավորման վրա:
    Last edited by Chuk; d.m.Y, H:i.
    Քայլ առ քայլ՝ դարից դար

    Արտակ Հարությունյան
    Կրթական տեխնոլոգիաների ազգային կենտրոն
    ՏՀՏ բովանդակության բաժնի մասնագետ

  • #2
    Ֆորումում հաղորդակցման կարգը. նորմեր, կանոններ, էթիկա

    sokrat-ի խոսքերից Նայել գրառումը
    1) Մեր դասագրքերի որակի ու թերությունների մասին մի քանի հատոր գիրք կարելի է գրել, իսկ ֆորումում այդ մասին ի՞նչ է գրված: Ավելի լավ չէ՞ր լռել:
    2) Վերջերս են ավարտվել միասնական քննությունները, իսկ ի՞նչ կարծիքներ կան այդ քննությունների մասին: Նորից նույն խղճուկ վիճակն է:
    Ես լիովին համաձայն եմ, որ չեղավ բուռն քննարկում, որ չհնչեցին անհրաժեշտ քննադատությունները: Բայց Ձեր գրառումից իմ մոտ անմիջապես հասունանում է հարցը. ինչու՞ չեմ տեսնում Ձեր գրառումները դասագրքերի որակի ու թերությունների մասին, ինչու՞ չեմ լսում Ձեր համապարփակ գնահատականը միասնական քննությունների վերաբերյալ: Մի՞թե որևէ ֆորում մտնելով ոչ թե ինքներս պետք է գնահատականներ հնչեցնենք այս կամ այն հարցի վերաբերյալ, այլ դժգոհենք, որ ուրիշները չեն հնչեցրել: Եղեք այդ գնահատականները հնչեցնողներից մեկը, եղեք առաջամարտիկը ու Ձեր հետևից բանակ տարեք:
    Քայլ առ քայլ՝ դարից դար

    Արտակ Հարությունյան
    Կրթական տեխնոլոգիաների ազգային կենտրոն
    ՏՀՏ բովանդակության բաժնի մասնագետ

    Comment


    • #3
      Ես խնդրել էի իմ մասին չխոսել:
      Բայց եթե որոշել եք խոսել, ապա ճիշտ կլիներ ուրիշ մի բան գրեիք: Դուք գրում եք, որ “լավ կլիներ համապարփակ գնահատական տայի”: Ինձ թվում է ավելի համապարփակ գնահատական մեր դասագրքերի որակին, քան այն, որ դրանց “սխալների մասին մի քանի հատոր գիրք կարելի է գրել” դժվար թե հնարավոր լինի:
      Թեմայի վերնագիրն էլ, կարծում եմ, հենց համապարփակ գնահատական է մեր նախարարությանը, ոչ միայն ընդունելության քննությունների առումով:
      Բացի այդ, 1. և 2. կետեր լինելով հարցեր, նաև որոշակի գնահատականներ են:
      Այ եթե ասեիք, որ լավ կլիներ, որ ես մանրամասնեմ այդ ամենը, ես Ձեզ կհասկանայի:
      Եթե ես տեսնեմ, որ ֆորումի մասնակիցները տրամադրված են ավելի լուրջ քննարկումների, ես շատ ավելի հանգամանալի կգրեմ այդ մասին և էլի շատ բաների մասին: Առայժ 20-ից ավելի “դիտողներից” միայն Դուք եք արձագանքել: Դուք էլ, չգիտեմ ինչու, փորձում եք արդարացնել ֆորումում տիրող վիճակը, վիճակ, որի համար Դուք մեղավոր չեք:

      Comment


      • #4
        sokrat-ի խոսքերից Նայել գրառումը
        Եթե ես տեսնեմ, որ ֆորումի մասնակիցները տրամադրված են ավելի լուրջ քննարկումների, ես շատ ավելի հանգամանալի կգրեմ այդ մասին և էլի շատ բաների մասին: Առայժ 20-ից ավելի “դիտողներից” միայն Դուք եք արձագանքել: Դուք էլ, չգիտեմ ինչու, փորձում եք արդարացնել ֆորումում տիրող վիճակը, վիճակ, որի համար Դուք մեղավոր չեք:
        Ես պարզապես կարծում եմ (ու իմ ոչ փոքր փորձն էլ այդ է ցույց տալիս), որ եթե ամեն մի մտնողը լուրջ կարծիքներ գրելու ու բուն քննարկում կատարելու փոխարեն փնովում է մյուսների նման բան չկատարումը, ապա այդպես էլ շարունակում են մնալ դիտողներ, ոչ թե մասնակիցներ: Ես Ձեր գրառումն ընդամենը առիթ դարձրի այս մասին բարձրաձայնելու համար: Վերջին օրերին արդեն երկրորդ թեման է, որը հենց այդ կոնտեքստով է սկսվում «ինչու՞ չեք քննարկում»: Է՛ բա քննարկեք: Ֆորումներում քննարկումը կազմակերպվում է, եթե դրանցում հայտնվում են մարդիկ, ովքեր պատրաստ են քննարկել, այլ ոչ թե միայն սպասել ուրիշների քննարկումներին:

        Ու գրառումս անձնավորված չէ, հենց Ձեզ չէ ուղղված, ես ինքս էլ դժգոհ եմ պասիվությունից ու ուժերիս ներածին չափ փորձում եմ նպաստել ակտիվացմանը:
        Քայլ առ քայլ՝ դարից դար

        Արտակ Հարությունյան
        Կրթական տեխնոլոգիաների ազգային կենտրոն
        ՏՀՏ բովանդակության բաժնի մասնագետ

        Comment


        • #5
          Chuk, հարգելիս, Դուք շեղում եք թեման: Նորից ստացվում է ԱԼՄ-ի տարբերակ:
          Եթե ուզում եք, որ թեման ծավալվի և լուրջ քննարկվի կամ լռեք, կամ հայտնեք Ձեր կարծիք նշված հարցերի վերաբերյալ:
          Իսկ թե Ձեր փորձը Ձեզ ինչ է հուշում, դժվար թե շատերին հետաքրքրի, առավել ևս, որ 30 տարեկան էլ չկաք:

          Comment


          • #6
            sokrat-ի խոսքերից Նայել գրառումը
            Chuk, հարգելիս, Դուք շեղում եք թեման: Նորից ստացվում է ԱԼՄ-ի տարբերակ:
            Եթե ուզում եք, որ թեման ծավալվի և լուրջ քննարկվի կամ լռեք, կամ հայտնեք Ձեր կարծիք նշված հարցերի վերաբերյալ:
            Իսկ թե Ձեր փորձը Ձեզ ինչ է հուշում, դժվար թե շատերին հետաքրքրի, առավել ևս, որ 30 տարեկան էլ չկաք:
            Կարծում եմ, որ վերջնականում այս գրառումները կամ կջնջվեն, կամ կառանձնացվեն առանձին թեմայում, որտեղ կքննարկվի ֆորումներում հաղորդակցման կարգի մասին հարցեր: Խնդիրն այն է, որ թեման շեղում է հենց Ձեր գրառման մեծ մասը, որտեղ դուք քննարկման նյութ բարձրացնելուն զուգահեռ հնչեցնում եք այդ նյութին չառնչվող ու թեմային չվերաբերվող գնահատականներ (ինչպիսին է «ԱԼՄ-ատիպ» պիտակը), հնչեցնում եք մեղադրանքներ (նորից նյութին չառնչվող) և այլն: Նման սկզբով թեմաներում որպես կանոն առաջարկվող նյութի մասին քննարկում չի ծավալվում: Ու այո՛, դա ինձ հուշում է իմ փորձը, ու թեև ես 30 տարեկան չկամ, բայց ֆորումային քննարկումների փորձ թերևս շատ ավելին ունեմ, քան դուք, որ չգիտեմ թե քանի տարեկան եք, բայց հենց Ձեր առաջնորդողից պարզ է, որ չունեք
            Քայլ առ քայլ՝ դարից դար

            Արտակ Հարությունյան
            Կրթական տեխնոլոգիաների ազգային կենտրոն
            ՏՀՏ բովանդակության բաժնի մասնագետ

            Comment


            • #7
              Իմ գրառումը ամենևին վերևում ծավալված երկխոսությանը չի վերաբերում։ Օգտվելով առիթից, որ բացվել է այսպիսի թեմա, ցանկանում եմ ներկայացնել մի դիտարկում։

              Չեմ սիրում «խաբեությունը ու կեղծավորությունը», կամ տվյալ պարագայում՝ այն մարդկանց, որոնք վախենում են իրենց սեփական կարծիքը հայտնելուց ու դրա համար դիմում են վիրտուալ աշխարհի ընձեռած «հնարավորություններին» և ուրիշ անունների ներքո հայտնում իրենց «արդեն իսկ արժեք չներկայացնող» կարծիքը։
              Հարգելի բարեկամ, եթե վախենում ես կարծիքդ հայտնել, ուրեմն կամ այնքան էլ համամիտ չես ինքդ քեզ հետ, կամ էլ ուրիշների կարծիքները ավելի կարևոր են քեզ համար։
              Կոչ եմ անում. պինդ մնալ ու չխուսափել սեփական կարծիքը հայտնելուց։

              Նաև ուզում եմ խնդրել ֆորումի ղեկավարությանը, որպեսզի ներառեն այս կետը ֆորումի կանոնների մեջ և արգելեն մի քանի անուներով հանդես գալու փաստը, քանզի գիտեմ որ նման դեպքերը հնարավոր է տեխնիկապես պարզել։
              Last edited by Arabo; d.m.Y, H:i.
              Արաբո Մարգարյան
              Կրթական տեխնոլոգիաների ազգային կենտրոն
              ՏՀՏ բովանդակության բաժնի ավագ մասնագետ

              Comment


              • #8
                Arabo-ի խոսքերից Նայել գրառումը
                Նաև ուզում եմ խնդրել ֆորումի ղեկավարությանը, որպեսզի ներառեն այս կետը ֆորումի կանոնների մեջ և արգելեն մի քանի անուներով հանդես գալու փաստը, քանզի գիտեմ որ նման դեպքերը հնարավոր է տեխնիկապես պարզել։
                Առիթից օգտվելով խոսեմ «ֆորումի կանոնների» մասին:
                Ֆորումի ստեղծման առաջին օրվանից մտածում ենք կանոններ ներառելու մասին, ու այդպես էլ չենք ներառում: Անձամբ իմ համար բոլորովին դժվար չի հենց հիմա կանոնների խումբ մշակելն, առավել ևս եթե հաշվի առնենք akumb.am ֆորումի իմ փորձը, որը հայտնի է իր ծավալուն ու համապարփակ կանոնադրությամբ, մշակվել է իմ կողմից: Բայց «Հայկական կրթական միջավայր» ֆորումն, ըստ իս, առանձնանում է մնացած բոլոր ֆորումներից, ենթադրվում է (և առայժմ այդպես էլ կա), որ այս ֆորումից օգտվողների մի զգալի հատված լինելու են ուսուցիչներ, տնօրեններ, կրթական ոլորտի այլ մասնագետներ, ի տարբերություն մյուս ֆորումների, որոնց հիմնական օգտվողները երիտասարդներ են՝ ամենատարբեր մասնագիտության:

                Ու անընդհատ ձգձգել եմ կանոններ մշակելու մասը, մտածելով, որ ավելի լավ կլինի, որ այս ֆորումի կանոնները մշակվեն հենց ֆորումցիների կողմից: Դա պետք է լիներ հիմնված ոչ միայն ֆորումում մինչև հիմա ստեղծված ընդհանուր ոճի վրա, ոճ, որը քննարկման բոլոր մասնակիցներն են ստեղծել, այլև հենց կանոնների մասին քննարկումների: Հետևաբար ակնկալում եմ, որ այս թեմայում նաև կքննարկվեն ֆորումի ապագա կանոնները, միասին կստեղծենք այն:

                Ինչու՞ ոչ, կարող ենք քննարկել և Արաբոյի առաջ քաշած հարցը (ֆորումում իսկապես կան մեկից ավելի մականվամբ հանդես եկողներ), պե՞տք է թույլատրել, թե՞ ոչ, իսկ գուցե արժի անանուն հանդես գալու հարթա՞կ ստեղծել:
                Որևէ կոնկրետ հարցի մասին քննարկումը ծավալուն դառնալու դեպքում այդ քննարկումը կառանձնացնենք առանձին թեմայով:

                Բարի քննարկում եմ ցանկանում ամենքիս:
                Last edited by Chuk; d.m.Y, H:i.
                Քայլ առ քայլ՝ դարից դար

                Արտակ Հարությունյան
                Կրթական տեխնոլոգիաների ազգային կենտրոն
                ՏՀՏ բովանդակության բաժնի մասնագետ

                Comment


                • #9
                  Arabo-ի խոսքերից Նայել գրառումը
                  Նաև ուզում եմ խնդրել ֆորումի ղեկավարությանը, որպեսզի ներառեն այս կետը ֆորումի կանոնների մեջ և արգելեն մի քանի անուներով հանդես գալու փաստը, քանզի գիտեմ որ նման դեպքերը հնարավոր է տեխնիկապես պարզել։
                  Արաբո ջան, շնորհակալություն քո տեսակետը ազնիվ ներկայացնելու և առաջարկություն անելու համար։
                  Չնայած, որ ֆորումի ադմինիստրատորի համար տեխնիկապես հնարավոր է պարզել այս և այլ շատ հանգամանքներ, համաձայն չեմ, որ պետք է արգելվեն նույն մասնակցի մի քանի գրանցումները։
                  Եթե նման մոտեցումը «անհրաժեշտ է» անկեղծ «չլղոզված» տեսակետ արտահայտելու, թեմայի զարգացման ու նոր ուղիների հայտնաբերման համար, կամ մասնագետը թեկուզ ներքին վեճ ու անհամաձայնություն ունի, ... ինչ կա որ, թող ինքն իր հետ զրուցի, կամ ինքն իրեն աջակցի ու «թիկունք» լինի իր բանավեճն առաջ տանելու համար։
                  Համաձայնվիր, որ կան իրավիճակներ, կան կոչումներ (օրինակ՝ ուսուցիչ) ու դերեր, որոնք ինչ–որ ձևով սահմանափակում կամ կաշկանդում են մարդուն։
                  Ես դեմ եմ նման մասնակիցներին հեռացնելու պահանջից։
                  Խնդրում եմ բոլորին, որ արձագանքեն։ Եկեք ազատ արտահայտենք մեր տեսակետն այս առաջարկի վերաբերյալ և կայացնենք ճիշտ որոշում։
                  Last edited by manush; d.m.Y, H:i.
                  Մանուշակ Ավետիսյան
                  Կրթական տեխնոլոգիաների ազգային կենտրոն
                  ՏՀՏ բովանդակության բաժնի պետ

                  Comment


                  • #10
                    Իմ կարծիքով այս ֆորումը պիտի տարբերվի մյուս ֆորումներից: Ինչու՞ ենք մեզ թաքցնում, պետք է ծանոթանալ իրար հետ, կիսվել մտահոգություններով: Եթե կրթական ֆորում է , ուրեմն այստեղ գրանցված յուրաքանչյուր ոք կապ ունի կրթական համակարգի հետ և ցանկություն ունի այն բարելավելու:Ի՞նչ մականունների մասին պիտի լինի խոսքը:

                    Comment


                    • #11
                      Մանուշ ջան ընդհանուր առմամբ համաձայն եմ քո հետ, բայց պիտի ասեմ, որ ամենաանկաշկանդ և համարձակ խավը պիտի լինեն մեր ուսուցիչները, չէ որ հենց իրենք պիտի փոխանցեն այդ համարձակությունը մեր երեխաներին։ Ես դեմ չեմ կառուցողական «կեղծարարությանը» (ավելի հարմար բառ չեմ գտնում) , բայց դե կանոներում հնարավոր չի լինի դա բացառել։
                      Արաբո Մարգարյան
                      Կրթական տեխնոլոգիաների ազգային կենտրոն
                      ՏՀՏ բովանդակության բաժնի ավագ մասնագետ

                      Comment


                      • #12
                        Քննարկումը չի ընդլայնվում, որովհետև չի իմացվում, թե ում հետ ես կիսում քո մտահոգությունները: Ինչու՞ մեր ուսոցիչները չեն ներկայանում: Ինչ կա՞ թաքցնելու:Ինչի՞ց ենք վախենում:

                        Comment


                        • #13
                          Երկրորդ մականվամբ հանդես գալու մասին քննարկումը ակտիվացնելու փորձ անելու համար փորձեմ մի քիչ խոսել այդ երևույթի մասին: Երևույթը դիտարկելու եմ ոչ թե «Հայկական կրթական միջավայր» ֆորումի համատեքստում, այլ ընդհանուր:

                          Ընդհանրապես երկրորդ, անոնիմ մականվամբ գրանցումները ինտերնետում բավական տարածված երևույթ են ու շատ վաղուց: Այնքան տարածված են, որ ինտերնետային սլենգում ունեն հատուկ անվանում՝ սոքփափեթ (sock puppet, գուլպաներից պատրաստված տիկնիկներ, որոնք հագնում են ձեռքին ու տիկնիկային ներկայացումներ խաղում, սրանց առանձնահատկությունն այն է, որ այդ տիկնիկներն իրենց անունից խոսում են բոլորի հետ, այդ թվում իրենց տիրոջ, այսինքն այն մարդու, ում ձեռքին են):

                          Հիմնականում սոքփափեթների ստեղծումը պայմանավորված է լինում այն հանգամանքով, որ տվյալ անձնավորությունը ինչ-ինչ պատճառներով չի ցանկանում հանդես գալ սեփական անունից: Սրա համար լինում են բազում պատճառներ, սկսած այն պարզ դեպքերից, երբ մեկն ուզում է քննադատել ընկերոջը, բայց չի ուզում վիրավորել նրա ընկերական զգացմունքները, կամ լրիվ հակառակը, երբ ցանկանում է գովել «թշնամուն», բայց իրեն «նվաստացած» կզգա, սեփական անունից դա անելիս: Կան նաև բազում ավելի լուրջ պատճառներ, ինչպիսիք են օրինակ աշխատակիցների իրենց պետերից թաքուն գրելու ցանկությունները, ինչու-ոչ, քննադատությունները: Կամ երբ հանրահայտ գրողը, օրինակ, ցանկանում է անմիջական մասնակիցը լինել իր ստեղծագործության քննարկմանը, բայց իր անմիջական ներկայությունը կարող է կաշկանդել քննարկման մյուս մասնակիցներին: Այսինքն այստեղ, իմ սուբյեկտիվ դիտարկմամբ, կա անանուն, սոքփափեթով հանդես գալու թե՛ դրական, թե՛ բացասկան կողմեր: Որպես դրական կարելի է նշել այն, որ եթե մարդը «համարձակվում» է սոքփափեթով արտահայտել մտքեր, որոնք տվյալ քննարկման համատեքստում արժեքավոր են, անկախ նրանից, թե ով է այդ մտքի հեղինակը, ապա քննարկումը դրանից շահում է: Եվ եթե դա արվում է այն տեսքով, որ չի վիրավորում քննարկման մյուս մասնակիցների արժանապատվությունը, ապա անձամբ իմ սուբյեկտիվ կարծիքով սոքփափեթով հանդես գալը դառնում է դրական գործոն: Լրիվ այլ հարց է, երբ նման պատճառով սոքփափեթով հանդես եկողները անարժեք մտքեր են արտահայտում, որոնք, մասնավորապես, ուղղված են քննարկման մյուս մասնակիցների մարդկային արժանապատվության վիրավորելուն ու նվաստացնելուն: Դա արդեն, ըստ իս, բացասական է:

                          Սոքփափեթի կիրառման մեկ այլ տարածված պատճառ է սեփական մտքերին, գրառումներին համաձայնություն հայտնելը: Հաճախ է լինում, երբ ինչ-որ մեկը հայտնվելով հակադիր տեսակետը կրողների բանակում ու մնալով իր տեսակետի միակ ներկայացնողը գրանցվում է ևս մեկ մականվամբ՝ ինքն իրեն պաշտպանելու ու տեսակետը կրողների շատ լինելու իմիտացիա ստեղծելու համար: Նույն երևույթին հաճախ դիմում են, երբ անում են գրառում, որին արձագանք չկա: Սա ավելի շատ հոգեբանական կողմ է:

                          Մյուս տարածված պատճառը, որի համար կիրառում են սոքփափեթները, կեղծարարությունը-զեղծարարությունն է: Սա հատկապես արվում է հարցումներին մասնակցելու համար՝ արհեստական բարձրացնելով այս կամ այն կետի քվեն:

                          Հոգեբանական մեկ այլ կողմ է առաջնային կիրառողի վարկանիշի բարձրացումը: Այսպիսի դեպքերում նույն անձը երկրորդ մականվամբ (սոքփափեթով) գրանցվում է ու սկսում է երկխոսել, վիճել առաջնային կիրառողի հետ: Ընդ որում սոքփափեթով դիտավորյալ բացթողումներ է անում, ապա պարտվում է վեճում՝ առաջնային կիրառողի համար փառք, լավ միտք, բանավեճի հմտություն ունեցողի կերպար ստեղծելով:

                          Կա նաև սոքփափեթի կիրառման «բիզնես» տարբերակ: Այսպես, կազմակերպության ներկայացուցիչը (առաջնային գրանցում) ներկայացնում է իր ապրանքը, ծառայությունը, իսկ սոքփափեթը ներկայանում է որպես այդ ծառայության կամ ապրանքի սովորական կիրառող, ով շատ գոհ է ապրանքից: Ավելին, հաճախ այս ամբողջը լինում է լավ կազմակերպված ներկայացում, երբ սոքփափեթը սկզբից հանդես է գալիս ապրանքի, ծառայության փնովումով, ձեռք է բերում համակիրների բանակ, ովքեր հիանում են նրա համարձակությամբ ու անկեղծությամբ, ապա, երբ առաջնային գրանցումը նրան համոզում է ամեն դեպքում փորձել գովազդված ապրանքը, համենայն դեպս փորձում է, արդեն փորձի արդյունքում իր տեսակետը պնդել կարողանալու համար և.. պարզվում է, որ գովազդված ապրանքը, ծառայությունը ուղղակի հրաշալի էր, ինքը սխալվել է, ներողություն է խնդրում իր նախկին ասածների համար:

                          Նույն մեթոդը կիրառվում է նաև քննարկումների ժամանակ քննարկման մասնակիցների կարծիքը առաջնային գրանցման տեսակետի ուղղությամբ շեղելու համար: Սոքփափեթը նախ հանդես է գալիս որպես այդ տեսակետի մոլի քննադատող, դառնում հակառակ տեսակետ ունեցողների «առաջնորդը», ապա աստիճանաբար համոզվում է առաջնային գրանցման ներկայացրած փաստարկներից, իսկ քննարկման մասնակիցները նույնիսկ չեն նկատում, թե ինչպես եղավ, որ իրենց կարծիքը փոխվեց:

                          Եվ վերջապես սոքփափեթներով հանդես են գալիս նաև տվյալ համայնքից հեռացվածները (թե՛ տեխնիկապես, թե՛ բարոյապես հեռացվածները):

                          Վերը փորձեցի ներկայացնել նոր մականվամբ գրանցվելու հիմնական պատճառները: Նշեմ, որ իմ դիտարկումներով ֆորումների մեծ մասում աշխատում են արգելել մեկից ավելի անվամբ հանդես գալը, ստեղծվում են նաև ծրագրեր, որնոնք այդպիսի գրանցումները փորձում են տեխնիկապես արգելվել: Պատճառն այն է, որ, ինչպես երևում է վերևի շարադրանքից, սոքփափեթների գրանցումները հիմնականում կատարվում են ոչ ազնիվ նպատակների համար:

                          Հետևաբար եթե լուռ այս սկզբունքները հաշվի առնենք, ապա, կարծում եմ, պիտի փորձենք արգելել մեկից ավելի անունով հանդես գալը: Բայց առաջանում է հարց, թե այս տարբերակներից որը որքանո՞վ է արդիական «Հայկական կրթական միջավայր» ֆորումի համար ու քննել հարցը հենց մեր այս ֆորումի համատեքստում:


                          հ.գ. Համա թե «մի քիչ» ստացվեց...
                          Last edited by Chuk; d.m.Y, H:i.
                          Քայլ առ քայլ՝ դարից դար

                          Արտակ Հարությունյան
                          Կրթական տեխնոլոգիաների ազգային կենտրոն
                          ՏՀՏ բովանդակության բաժնի մասնագետ

                          Comment


                          • #14
                            Արտակ ջան, շատ մանրամասն ներկայացրել ես ֆորումում երկրորդ «դերով» հանդես գալու դրդապատճառները։ Մասնագիտորեն վերլուծել ես պատճառները և սպասվող հետևանքները։
                            Եվս մեկ անգամ համոզվեցի, որ ֆորումային համակարգի ղեկավարման քո փորձը կրթական ֆորումին շատ անհրաժեշտ է ու քո ջանքերի, քո սրտացավ ու մասնագիտական որակների շնորհիվ այս հարթակը իսկապես կդառնա ուսուցիչների, աշակերտների, ծնողների ու, հուսով եմ, կրթության պատասխանատուների սիրված վիրտուալ միջավայրը, այստեղ բոլորիս մասնակցությամբ կքննարկվեն ու լուծումներ կգտնեն շատ մանր ու մեծ կրթական, և ոչ միայն կրթական, հիմնահարցեր։

                            (Այս բառերը գրելիս մտքում ինձ համեմատում էի «Հարսնացուն հյուսիսից» կինոնկարի Մուրադի հետ։)

                            Ընդհանրապես երկրորդ, անոնիմ մականվամբ գրանցումները ինտերնետում բավական տարածված երևույթ են ու շատ վաղուց: Այնքան տարածված են, որ ինտերնետային սլենգում ունեն հատուկ անվանում՝ սոքփափեթ (sock puppet, գուլպաներից պատրաստված տիկնիկներ, որոնք հագնում են ձեռքին ու տիկնիկային ներկայացումներ խաղում, սրանց առանձնահատկությունն այն է, որ այդ տիկնիկներն իրենց անունից խոսում են բոլորի հետ, այդ թվում իրենց տիրոջ, այսինքն այն մարդու, ում ձեռքին են):

                            Հիմնականում սոքփափեթների ստեղծումը պայմանավորված է լինում այն հանգամանքով, որ տվյալ անձնավորությունը ինչ-ինչ պատճառներով չի ցանկանում հանդես գալ սեփական անունից: Սրա համար լինում են բազում պատճառներ ...


                            Ես երեկվանից մտածում եմ այդ պատճատների և Արաբոյի առաջարկի մասին։

                            Կարդալով քո վերլուծությունը, ավելի համոզվեցի, որ մեր ֆորումում «սոքփափեթ»–ները քո նշած «հանցագործ» մղումներից չեն ստեղծվում և վտանգավոր նպատակներ չունեն։ Հիմա ավելի հանգիստ եմ իմ պնդման մեջ, որ պետք չի հեռացնել երկրորդ մականվամբ հանդես եկողներին։ Ի վերջո, բոլորիս ցանկությունն ու գերխնդիրը դրական տեղաշարժն է՝ լինի կրթական–դաստիարակչական, թե՝ անձնական, սոցիալական, հասարակական, ... ոլորտներում։
                            Last edited by manush; d.m.Y, H:i.
                            Մանուշակ Ավետիսյան
                            Կրթական տեխնոլոգիաների ազգային կենտրոն
                            ՏՀՏ բովանդակության բաժնի պետ

                            Comment


                            • #15
                              Փաստորեն, եթե մարդը ազնիվ նպատակներով, ինչպես նաև կրթական ֆորումից ինչ-որ նորություն , փորձ ձեռք բերելու ցանկություն ունի, ինքստինքյան պետք է մասնակցի ինչ-որ ներկայացման , որտեղ մարդը խոսում է ինքն իրեն:
                              ֆորումների մեծ մասում աշխատում են արգելել մեկից ավելի անվամբ հանդես գալը, ստեղծվում են նաև ծրագրեր, որոնք այդպիսի գրանցումները փորձում են տեխնիկապես արգելվել:
                              Իմ կարծիքով ճիշտը դա է, որովհետև այս ֆորումին մասնակցում են լուրջ մարդիկ, որոնք հոգնել են իրենց շրջապատում առկա լավ կազմակերպված ներկայացումներից և լուրջ նպատակներով են գրանցվել : Ինչու՞ հիասթափվեն:

                              Comment

                              Working...
                              X