Ժողովուրդ. Ձեր կարծիքնա պետք

[Valeri]

Բարև բոլորին: Կցանկանաի լսել ձեր կարծիքները հետևյալ ծրագրի մասին:
Ցանկանում եմ ստեղծել մի կայք, նվիրված մեր դպրոցներին, մասնավորապես` ուսուցիչներին: Կայքը կտա հնարավորություն աշակերտներին ավելացնել իրենց դասավանդող ուսուցիչներին և գրել նրանց թերություններն ու առավելությունները: Աշակերտները կգրեն իրենց կարծիքները, իսկ ուսուցիչները հնարավորություն կունենան իմանալ իրենց թերությունները և առավելությունները մյուս ուսուցիչների նկատմամաբ: Ինչպես նաև կլինեն քվեարկություններ դպրոցների և ուսուցիչների միջև, որոնց միջոցով կպարզվի նրանց մասնագիտացման աստիճանը:

[Ruben]

Բարեկամս, հենց մեր դպրոցին այդ էր պակասում, դա էլ որ լինի ամեն ինչ կընկնի տեղը: Մենք ոչ քվեարկել կսովորենք,ոչ էլ ընտրել, այնպես որ մոռացիր այդ ծրագիրդ...Մեզ պակասում է նաև ֆորումում հաղորդակցվելու մշակույթը, այնպես որ...

[Valeri]

Քո կարծիքով ոչ ոք չի օգտվի, թե լուրջ չեն վերաբերվի? Իսկ կոնկրետ դու կօգտվես?

[Ruben]

Նախ ես համոզվեցի, որ իմ գրած վերջին նախադասությունը կոնկրետ այս դեպքում ճշմարիտ է (մի պահ փոշմանեցի գրելուց հետո),հետո ասեմ , որ իմ կարծիքով շատ խառնաշփոթ կառաջանա և վերջինը, իմ տարիքը այն չէ, որ օգտվեմ, բայց եթե շատ մասնակիցներ լինեն, խորհուրդ տալու առումով կմասնակցեմ...
Հասկանում եմ, որ ֆորումը ազատ տարածք է, բայց պետք է շատ զգույշ լինել թեմաներ առաջ քաշելու հարցում...

[Արմինե Մ]

Հավելեմ Ռուբենի խոսքին` նաև գրել գրագետ հայերենով:

<Աշակերտները` սովորելու մեջ ծույլ, սովորեցնելու մեջ փութաջան, որոնք դեռ չսովորած` աստվածաբան են>:
Մովսես Խորենացի

[Ruben]

Հարգելի Արմինե, կուզենայի կարդալ Ձեր կարծիքը այդ, իմ կարծիքով` անհեթեթ, առաջարկի մասին

[Իրինա]

Բարև բոլորին: Կցանկանաի լսել ձեր կարծիքները հետևյալ ծրագրի մասին:
Ցանկանում եմ ստեղծել մի կայք, նվիրված մեր դպրոցներին, մասնավորապես` ուսուցիչներին: Կայքը կտա հնարավորություն աշակերտներին ավելացնել իրենց դասավանդող ուսուցիչներին և գրել նրանց թերություններն ու առավելությունները: Աշակերտները կգրեն իրենց կարծիքները, իսկ ուսուցիչները հնարավորություն կունենան իմանալ իրենց թերությունները և առավելությունները մյուս ուսուցիչների նկատմամաբ: Ինչպես նաև կլինեն քվեարկություններ դպրոցների և ուսուցիչների միջև, որոնց միջոցով կպարզվի նրանց մասնագիտացման աստիճանը:

Վալերի ջան, հասկացանք, որ այստեղ ֆորում է և ամեն ոք կարող է գրել ինչ ուզենա: Բայց լավ կլիներ մտածել, հետո գրել:Ինչպե՞ս թե կայքը կտա հնարավորություն աշակերտներին ավելացնել իրենց դասավանդող ուսւոցիչներին: Ինչպես հասկացա, դուք կազմում եք մի հանձնաժողով, որտեղ կքննարկվեն Ձեր ուսուցիչները և, նույնիսկ, կբացահայտեք նրանց թերությունները: Միգուցե աշակերտներով ուրիշ` ավելի կարևոր, հարցեր քննարկեք: Օրինակ, բացահայտեիք համատարած դաս չսովորելու, դասերը խանգարելու պատճառները:Չի կարելի այդպես վիրավորել ուսւոցիչներին: Չէ՞ որ այստեղ կրթական ֆորում է և այստեղ են մտնում նաև ուսուցիչներ:

[Արմինե Մ]

Հարգելի Ռուբեն, սիրով: Նախ և առաջ կարևոր է, թե Վալերին քանի տարեկան է և ինչպիսի աշակերտ է: Երևում է, որ նա ասելիք ունի` ուղղված ուսուցիչներին, և վառվում է այդ ցանկությունից: Եթե Վալերին այդպես համարձակ է, գուցե լավ է ինչ-որ տեղ, բայց այդպես խոսել ուսուցիչների մասին, այդպես` մի տեսակ գնահատողի դիրքից... սա խոսում է այսօրվա աշակերտի մեծամտության և, ներող կլինեք, դաստիարակության պակասի մասին: Իսկ թե ինչու են աշակերտները դարձել այդպիսին, այ այստեղ ուսուցիչները չեն, որ մեղավոր են...
Իմ կարծիքով, մեր հասարակությունը դեռ հեռու է այն մակարդակից, որ նման <ծրագրերով> հնարավոր լինի ինչ-որ բան փոխել;
Խորհուրդ կտայի Վալերիի ուսուցիչներին կարդալ և մեկնաբանել իրենց աշակերտի գրածը :

[Ruben]

Լիովին համաձայն եմ Ձեր և Իրինայի հետ, իրոք ուսուցիչները մեղավոր են, բայց միայն ուսուցիչները չէ որ մեղավոր են: Պատճառը ավելի խորքային է: հասել ենք այնտեղ, որ յուրաքանչյուր ոք կարող է ուսուցչին քննադատել, առանց մտածելու ինքը դպրոց "գնացել է" թե ոչ: Այստեղ էլ է ուսուցիչը մեղավոր և շատ է մեղավոր...

[Valeri]

Դուք սխալվում եք: Եթե ես ինչ որ բան ունենաի ասելու իմ ուսուցիչներին, ես կասեի նրանց անմիջականորեն, կամ կգերի նման ֆորումներում, այլ ոչ թե կչարչարվեի ու նոր կայքեր կստեղծեի: Ես համոզված եմ, որ շատերը ունեն իրենց ուսուցիչներին <բան ասելու>, որը չեն կարող ասել անմիջականորեն, քանի որ դա բացասական կազդի թե գնահատականներին, թե իր և ուսուցչի հարաբերություններին: Իսկ նման կայքերում նրանք համարձակորեն կասեն այն, ինչ մտածում են, քանի որ ուսուցիչը չի իմանա թե ով է գրել: Բայց հեշտությամբ կիմանան աշակերտների կարծիքները և, ինչու ոչ, նաև թերությունները: Թե՞, կոպիտ ասած, ուսուցիչները վախենում են բացահայտել իրենց թերությունները:
Իսկ ինչ վերաբերվումա անձնական վիրավորանքներին ու կոպիտ արտահայտություններին, դրանք խստիվ կվերահսկվեն:

[Արմինե Մ]

Բարեկրթության կանոնները թույլ չեն տալիս դիմացինին ասել` դու սխալվում ես, առավել ևս` քեզնից մեծերին: Դա մեկ:
Ուսուցիչները դժվար թե վախենան նման բացահայտումներից, իսկ եթե աշակերտը ուզում է ֆորումում ծպտված իր խոսքը ասել, արդեն երևում է, որ վախենում է: Վախենալ պետք չէ, եթե ճշմարտություն ես ասում: Եվ հետո, աշակերտը այդքան <մեծ> է, որ նա պետք է մատնանշի ուսուցչի` քո ասած թերությունը? Եթե ձեր դպրոցում աշակերտներդ որևէ խնդիր ունեք` ուսուցիչների հետ կապված, դրա համար կա աշակերտական խորհուրդ, որը շատ իրավունքներ ունի, կարող եք հարցը այդ ձևով լուծել:

[Ruben]

Վալերի բարեկամս, ֆորումում էլ, առավել ևս` կրթականում, ծպտվել պետք չէ... Ընդհանրապես ձգտիր ոչ մի դեպքում դեմքդ թաքցնելու անհրաժեշտություն չունենալ...

[Իրինա]

Վալերի ջան, արի պարզենք, թե ինչ ես հասկանում <<ուսուցչի թերություն>> հասկացության տակ:

[AGasparyan]

Այսօր աշակերտները այնքան համարձակ են, որ պետք չէ ծպտված լինեն, որ նոր մատնանշեն ուսուցչի թերությունները, նրանք ասում են այն ինչ ուզում են: Ու եթե պետք լինի նրանք կպարզեն ,թե այդ որ աշակերտն է քննադատական խոսք գրել տվյալ ուսուցչի հասցեին: Նաև ես ուզում եմ հասկանալ, թե որո՞նք են այդ <<թերությունները>>, ինչ է ասել <<թերություն>>, աշխարհիս երեսին չկա մարդ ,որ չունենա գեթ մեկ թերություն: Միթե՞ այդքան վատն են մեր ուսուցիչները:

[Ավրորա]

Միթե՞ այդքան վատն են մեր ուսուցիչները:

Չէ,մեր ուսուցիչները շատ լավն են ու ոչ մի ուսուցիչ էլ աշակերտի վատը չի ուզում:Այսօր ուսուցիչների մեծամասնությունը լիարժեք է տիրապետում իր մասնագիտությանը ու աշակերտից պահանջում է այն,ինչ տալիս է,իսկ սովորել չցանկացող աշակերտը միշտ էլ ուսուցչի բացատրածի,կամ նրա վարքի մեջ թերի կողմեր կգտնի:Կարծում եմ առաջարկվող կայքը,ավելի շուտ բողքի ակումբ է սովորել չցանկացող աշակերտների համար:Ես չեմ ասում,որ մեր դպրոցներում ուսուցիչները անթերի են աշխատում,բայց կարծում եմ,որ նման նախաձեռնությունները որևէ օգուտ չեն բերի ուսուցիչ-աշակերտ փոխհարաբերությունների բարելավմանը,ընդհակառակը`կառաջացնեն փոխադարձ անվստահություն,քանի որ նման ճանապարհով մեր երազանքների դպրոցը կառուցելու համար նախ և առաջ պետք է կարողանալ առողջ քննադատել և առողջ քննադատվել,իսկ մեր այժմյան հասարակությունը քննադատություն ասվածը ընդունում է,որպես միմյանց վրա ցեխ շպրտել: