Լոնդոն 2012

[manush]

Այսօր Միացյալ Թագավորության մայրաքաղաք Լոնդոնում մեկնարկ է 30-րդ ամառային օլիմպիադան։

london 2012.jpg

Հայաստանից մասնակցում են 25 մարզիկներ։

Լոնդոնում օլիմպիական խաղեր անցկացվում են արդեն երրորդ անգամ. առաջին անգամ` 1908 թվականին, երկրորդ անգամ` 1948-ին:

[manush]

Լոնդոնի օլիմպիական խաղերում, հուլիսի 28-ին 60 կգ քաշային կարգի տղամարդկանց ձյուդոյի մրցաշարի եզրափակչում, 23-ամյա հայազգի ձյուդոիստ Արսեն Գալստյանը Ռուսաստանի հավաքականին պարգևեց առաջին ոսկե մեդալը:

Ավելին` Ռուսաստանի Դաշնության պատմության մեջ ձյուդո մարզաձեւում հայազգի մարզիկը դարձավ առաջին չեմպիոնը:

«Սպորտ-Էքսպրես»-ի հետ զրույցում Գալստյանը նշել է, որ օլիմպիական ոսկին նվաճելու մասին երազում է 9 տարեկանից։ «Այժմ իմ երազանքն իրականացավ։ Ինձ համար սա իսկական երջանկություն է»,- ասել է հայազգի մարզիկը։

Գալստյանն իր հաղթանակը նվիրել է հարազատներին եւ Կրասնոդարի երկրամասում տեղի ունեցած ջրհեղեղից տուժածներին։ Ձյուդոիստը հույս է հայտնել, որ իր հաղթանակն ինչ-որ կերպ կգունավորի նրանց կյանքը:

Arsen_Galstyan.jpg

Արսենը ծնվել է 1989 թվականի փետրվարի 19-ին Շամշադինի շրջանի Ներքին Կարմիրաղբյուր գյուղում:

ԱՐՄԵՆՊՐԵՍ

[manush]

Վերջապե՜ս. օգոստոսի 5-ին՝ երկու մեդալ

Հռիփսիմե Խուրշուդյանը դարձավ Օլիմպիական խաղերի բրոնզե մեդալակիր

Khurshudyan.jpg

ԱՐՄԵՆՊՐԵՍ: Լոնդոնի օլիմպիական խաղերում ծանրամարտի կանանց +75 կգ քաշային կարգի մրցաշարում Հայաստանի ներկայացուցիչ Հռիփսիմե Խուրշուդյանը նվաճեց բրոնզե մեդալ: Ինչպես հաղորդում է «Արմենպրես»-ը` երկամարտում Խուրշուդյանը գրանցեց 294 կգ արդյունք: Պոկում վարժությունում մեր մարզուհին բարձրացրեց 128, իսկ հրում վարժությունում` 166 կգ: Հռիփսիմեին կարող էին շրջանցել Նիգերիայի և Հարավային Կորեայի ներկայացուցիչները, սակայն վերջիններս ձախողեցին իրենց կարևորագույն մոտեցումները:

Այս քաշային կարգում օլիմպիական չեմպիոնի կոչումը նվաճեց Չինաստանը ներկայացնող Լու Լու Չժոուն` երկամարտի 333 կգ արդյունքով, իսկ արծաթե մեդալակիր դարձավ ռուսաստանցի Տատյանա Կաշիրինան` 332 կգ-ով:

Արսեն Ջուլֆալակյանը նվաճեց արծաթե մեդալ` Հայաստանին պարգևելով երկրորդ օլիմպիական մեդալը

Jjulfalakyan.jpg

ԱՐՄԵՆՊՐԵՍ: Լոնդոնի օլիմպիական խաղերում Հայաստանի ներկայացուցիչ 74 կգ քաշային հունահռոմեական ոճի ըմբիշ Արսեն Ջուլֆալակյանը նվաճեց արծաթե մեդալ: Ինչպես հաղորդում է «Արմենպրես»-ը` Ջուլֆալակյանը եզրափաչում դժվարին պայքարում չկարողացավ հաղթանակ տանել Ռուսաստանը ներկայացնող աշխարհի գործող չեմպիոն Ռոման Վլասովի նկատմամբ: Առաջին մրցափուլում հայ ըմբիշը 0:1 հաշվով պարտություն կրեց: Երկրորդ մրցափուլում էլ Ջուլֆալակյանը չկարողացավ պարտերից գցում կատարել և միավորը տվեց Վլասովին:

Մինչ եզրափակիչ հասնելը Արսենը նախ առավելության էր հասել Ղրղզստանը ներկայացնող Դանիար Կաբոնովի, բելառուս Ալեքսանդր Կիկինովի, իսկ կիսաեզրափակիչում` ադրբեջանցի Էմին Ահմադովի նկատմամբ:

Օլիմպիական այս օրը մեր երկրի համար բարեբեր էր: Մինչ այդ բրոնզե մեդալ էր նվաճել 75 կգ քաշային կարգում հանդես եկող ծանրամարտուհի Հռիփսիմե Խուրշուդյանը: Հայաստանի հավաքականից օգոստոսի 6-ին ասպարեզ դուրս կգա հունահռոմեական ոճի ըմբշամարտիկ գերծանր քաշային Յուրի Պատրիկեևը:

[AGasparyan]

Շատ ուրախալի է մեզ համար, ևս հաջողություն նաև մեր մյուս մարզիկներին:

[Ավրորա]

Կեցցեն Արսենն էլ,Հռիփսիմեն էլ!!!
Երկուսով էլ շաաաատ հպարտանում եմ,իրենք մեր ազգի պարծանքներն են,իրենց շնորհիվ է,որ մեր ամբողջ ազգը բերկրանքի,հպարտության պահեր է ապրում,մեր ազգին նման հերոսներ շաաաատ են պետք:
Շատ շնորհակալ եմ Արսենից ու Հռիփսիմեից ուրախության նման պահեր պարգևելու համար,թող մեր մյուս մարզիկները օրինակ վերցնեն մեր կռվող,պայքարող և ազգի պատիվը ամեն ինչից վեր դասող հերոսներից:
Արսենի արծաթը ոսկուց էլ թանկ է,միայն հերիք էր այն թե ինչ ոճով նա փայլուն հաղթանակի հասավ ադրբեջանցի մարզիկի նկատմամբ,ես ազգատյաց չեմ,բայց պատմականորեն հաստատված հաղթանակը,երբ վերստին ապացուցվում է նաև սպորտում,չես կարող թաքցնել հպարտությունը:
Իսկ Հռիփսիմեի բրոնզը <<ոչ պաշտոնական>> ոսկի է,մի՞թե հնարավոր է հավասար պայքար մղել քեզանից 30-40 կգ ավելի ծանր մարզուհիների հետ...
Շնորհակալ ենք...!!!

[Թերեզա]

Կեցցեն մեր մեդալակիրները, մենք պետք է ուրախանանք այս մեդալներով , ու նաև սպասենք նոր մեդալների, և հուսանք որ Հայաստանի մեդալների քանակը կավելանա ու Հայաստանի անունը ավելի կբարձրանա մեդալակիր երկրների շարքում:
Կեցցեք!!!!!!!!!!

[Ավրորա]

Կեցցե նաև Արթուր Ալեքսանյանը,մեր գյումրեցի դյուցազնը,Սպիտակ արջըԵրևում էր,որ օլիմպիական ոսկու հետևից է եկել,ցավոք ինչ-որ բան չհերիքեց:Բայց միևնույն է մենք հպարտանում ենք նրանով և նրա վարած գոտեմարտերով,նա դեռ երիտասարդ է և ավելի խոշոր նվաճումները մեզ երկար չեն սպասեցնի,քանզի նա հսկայական ներուժ ունի:Շնորհավոր,Արթուր...!!!