Հայտարարություն

Collapse
No announcement yet.

Երգարան

Collapse
X
 
  • Զտիչ
  • Ժամանակ
  • Show
Clear All
նոր գրառումներ

  • manush
    replied

    Leave a comment:


  • Mher 9
    replied
    Միայն այն չի վաճառվում
    Խոսք՝ Արթուր Մեսչյան - Երաժշտություն՝ Արթուր Մեսչյան


    Միայն այն չի վաճառվում,
    Որ ոչ կանգնում է, ոչ ընկնում,
    Որ ոչ լողում է, ոչ թռչում,
    Միայն այդ չի վաճառվում:

    Միայն նա չի վաճառվում,
    Որ ոչ ծնվում է, ոչ շնչում,
    Որ ոչ լռում է, ոչ ճառում,
    Միայն նա չի վաճառվում:

    Մնացածը վաճառվում է,
    Մնացածը վաճառվում է,
    Մնացածը վաճառվում է,
    Անաստված այս աշխարհում:

    Մնացածը վաճառվում են,
    Մնացածը վաճառվում են,
    Մնացածը վաճառվում են,
    Եվ բոլորն են վաճառվում:

    Եվ միայն խաչիդ գամերը,
    Այս կյանքի տառապանքները
    Միայն այդ չի վաճառվում:

    Եվ սրտին սեղմված պատկերը,
    Կորուստի թախծոտ աչքերը,
    Միայն այն չի վաճառվում:

    Անցյալի հալված ստվերները,
    Եվ գալիք արհավիրքները,
    Միայն այդ չի վաճառվում:

    Եվ նաև վերջին չորրորդը,
    Որ մերժում է այդ աճուրդը,
    Միայն, միայն դա չի վաճառվում:

    Մնացածը վաճառվում է,
    Մնացածը վաճառվում է,
    Մնացածը վաճառվում է,
    Անաստված այս աշխարհում:

    Մնացածը վաճառվում են,
    Մնացածը վաճառվում են,
    Մնացածը վաճառվում են,
    Եվ բոլորն են վաճառվում:

    Leave a comment:


  • Անահիտ19դպրոց
    replied
    ՉԵՄ ԿԱՐՈՂ ԹԱՔՑՆԵԼ
    ԱՆԴՐԵ

    Դու իմ օդն ես,եթե չլինես կխեղդվեմ
    Սիրո ծովն ես լուսե ուր կնետվեմ
    Իմ զգացմունքը գաղտնի ես պահել չեմ կարող
    Սիրտը իմ կպատմի ամեն զարկով

    Չեմ կարող թաքցնել այլևս ես
    Մոլորված խենթի պես սիրում եմ քեզ
    Չեմ կարող թաքցնել որ ամեն մի վայրկյան
    Քեզ տեսնել եմ ուզում,ցանկալի ես այնքան

    Քո սիրուն հասնելու ցանկությամբ եմ հիվանդ
    Խառնվել են իմ մեջ և սեր և խանդ
    Ինձ տանջում է մի հարց`պատասխան ես տալու
    Երբ ես ինձ փոխադարձ դու սիրելու

    Չեմ կարող թաքցնել այլևս ես
    Մոլորված խենթի պես սիրում եմ քեզ
    Չեմ կարող թաքցնել,որ ամեն մի վայրկյան
    Քեզ տեսնել եմ ուզում,ցանկալի ես այնքան

    Leave a comment:


  • Արմեն
    replied
    ԽՈՍՔԵՐ...

    Ծեր գնչուհին բախտս կարդաց
    Իմ հայացքի մեջ մոխրացած,
    Նա կիսաձայն ինձ շշնջաց,
    Որ ես ճամփորդ եմ ուշացած,

    Որ իմ գնացքն արդեն մեկնել է,
    Ես ուշացել եմ նրանից,
    Ով որ իմ սիրտը գողացել է,
    Արդեն հեռու է ինձանից,

    Որ ընկերներս հեռացել են,
    Սիրելիներս էլ չկան,
    Նույնիսկ մոտիկ բարեկամներս
    Հոգեհացիս հազիվ թե գան:

    Եւ ես հանում եմ իմ երգերը
    Մանկության մութ ձեղնահարկից,
    Որտեղ իրերն ու նրանց դերը
    Թաքնված են մեծերից:

    Իսկ մանկությունը մի թռչուն է
    Թելով կապված մեր սրտերից,
    Թելը պոկվում է, նա թռչում ու
    Հեռանում է մեզանից…

    Իսկ մենք խաղում ենք մեր դերերը,
    Իսկ ես հոգնել եմ էդ խաղից,
    Մենք թաքցնում ենք մեր մտքերը,
    Մենք թաքնվում ենք իրարից:

    -Ես քեզ սիրում եմ,-Էս խոսքերը
    Դուրս են խաղի կանոններից,
    Ես ձեզ թողնում եմ իմ այս դերն ու
    Հեռանում եմ ձեզանից…

    Ես թաքցնում եմ իմ երգերն
    Իմ մանկության կտուրներից,
    Կողքիս բոլոր իմ ընկերներն են,
    Բոլոր տղերքը մեր թաղից:

    Երգերիս բունն աղավնատունը
    Ես դատարկում եմ երգերից,
    Ազատությունն է նրանց տունը`
    Թելով կապված մեր սրտերից:

    Քո իսկական սիրահարները
    Քեզ լքեցին իմ էրեւան,
    Անտեր ու դուզ մուրացկանները
    Դարձան քեզ տեր ու տիրական:

    «Ես քեզ սիրում եմ»,- Էս խոսքերը,
    Ասում եմ քե՛զ Իմ էրեւան,
    Արժե հասնել աշխարհի ծերը,
    Որ էս բառերը հասկանան…

    Leave a comment:


  • manush
    replied
    ԷՐԵԲՈՒՆԻ - ԵՐԵՎԱՆ

    Խոսքը` ՊԱՐՈՒՅՐ ՍԵՎԱԿԻ
    Երաժշտությունը՝ ԷԴԳԱՐ ՀՈՎՀԱՆՆԻՍՅԱՆԻ


    Երևան դարձած իմ Էրեբունի,
    Դու մեր նոր Դվին, մեր նոր Անի,
    Մեր փոքրիկ հողի դու մեծ երազանք,
    Մեր դարե կարոտ, մեր քարե նազանք:

    ԿՐԿՆԵՐԳ : Երևան դարձած իմ Էրեբունի,
    Դարեր ես անցել, բայց մնացել ես պատանի,
    Քո Մասիս հորով, քո Արաքս մորով,
    Մեծանաս դարով, Երևան:

    Մենք արյան կանչեր ունենք մեր սրտում,
    Անկատար տենչեր ունենք դեռ շատ,
    Մեր կանչն առանց քեզ՝ իզուր կկորչի,
    Առանց քեզ՝ մեր տաք տենչն էլ կսառչի:

    Կյանքում ամեն սեր լինում է տարբեր,
    Իսկ մենք բոլորս ենք քեզնով հարբել,
    Տաք է սերը մեր՝ շեկ քարերիդ պես,
    Հին է սերը մեր` ձիգ դարերիդ պես:


    Աղբյուր. «Հայկական կրթական միջավայր» պորտալ

    Leave a comment:


  • Սահակյան Սահականուշ
    replied
    I was sleeping and right in the middle of a good dream
    Like all at once I wake up from something that keeps knocking at my brain
    Before I go insane I hold my pillow to my head
    And spring up in my bed screaming out the words I dread
    I think I love you

    This morning I woke up with this feeling
    I didn't know how to deal with and so I just decided to myself
    I'd hide it to myself and never talk about it
    And did not go and shout it when you walked into the room
    I think I love you

    I think I love you so what am I so afraid of
    I'm afraid that I'm not sure of a love there is no cure for
    I think I love you isn't that what life is made of
    Though it worries me to say that I never felt this way

    I don't know what I'm up against
    I don't know what it's all about
    I got so much to think about

    Hey, I think I love you so what am I so afraid of
    I'm afraid that I'm not sure of a love there is no cure for
    I think I love you isn't that what life is made of
    Though it worries me to say I never felt this way

    Believe me you really don't have to worry
    I only wanna make you happy and if you say "hey go away" I will
    But I think better still I'd better stay around and love you
    Do you think I have a case let me ask you to your face
    Do you think you love me?

    I think I love you
    I think I love you
    (I think I love you)
    I think I love you
    (I think I love you)
    I think I love you
    (I think I love you)
    I think I love you
    (I think I love you).

    Leave a comment:


  • Անահիտ19դպրոց
    replied
    Սարերի քամի

    Սարերի քամի, որտեղի՞ց ես գալիս,
    և ո՞ւր ես շտապում,
    անհանգիստ ու տխուր իմ սարերի քամի:
    Սարերի քամին ինչ-որ բան շշնջում
    ու կորչում է հեռվում,
    անհանգիստ ու տխուր իմ սարերի քամին...
    Ես գալիս եմ շատ հեռուներից,
    ավերակ դարձած քո Հայրենիքից,
    որ տանեմ ես ձեր կարոտն այն լեռներին, լեռներին,
    Որոնց դուք թողել եք գետի այն ափին, գետի այն ափին:
    Սպասիր քամի, և ինձ լսիր,
    թե ինչ կասեմ,
    քիչ հանդարտվիր, և ինձ լսիր,
    թե ինչ կասեմ,
    որ տանես խոսքերս դու այն լեռներին, լեռներին,
    Որոնց մենք թողել ենք գետի այն ափին, գետի այն ափին
    Քանի մեր վանքերում կնքում են մանուկներ,
    արևի պես մեծ ու կրակոտ աչուկներով,
    Քանի մեր աչքերում դեռ չի մարել կարոտը,
    կարոտը այն, որով նայում ենք մենք հեռվին,
    Ուրեմն մենք մի օր կգանք ձեր գիրկը դեռ,
    մեզ սպասող լեռներ, մեզ սպասող լեռներ...

    Leave a comment:


  • Gago
    replied
    Դուն է՛ն գըլխեն իմաստուն իս, խիլքտ հիմարին բաբ մի՛ անի,
    էրազումըն տեսածի հիդ միզի մե հեսաբ մի անի,
    Յիս խոմ էն գըլխեն էրած իմ, նուրմեկանց քաբաբ մի' անի,
    Թե վուր գիդիմ բեզարիլ իս, ուրիշին սաբաբ մի՛ անի։

    Չը կա քիզ պես հուքմի-հեքիմ՝ դուն Րոստոմի Զալ, թաքավուր.
    Ասկըտ ասկերումըն գոված՝ հա'մդ ունիս, գոզալ թաքավուր.
    Թե էսանց էլ սուչ ունենամ՝ գլուխս արա տալ, թաքավուր,
    Մըտիկ արա քու Ստեղծողին՝ նահախ տիղ ղազաբ մի՛ անի։

    Յարալուն հեքիմն էնդուր գուզե՝ դի'ղ տալու է, ցա'վ տալու չէ.
    Քանի գուզե արբաբ ըլի՝ ղուլըն աղին դավ տալու չէ.
    Դու քու սիրտըն իստակ պահե, յագի խոսկըն ավտալու չէ.
    Աստծու սերըն կանչողի պես դըռնեմետ ջուղաբ մի՛ անի։

    Ամեն մարթ չի՛ կանա խըմի՝ իմ ջուրըն ուրիշ ջըրեն է.
    Ամեն մարթ չի կանա կարթա՝ իմ գիրըն ուրիշ գըրեն է։
    Բունիաթըս ավաղ չիմանաս՝ քարափ է, քարուկըրեն է՝
    Սելավի պես, առանց ցամքիլ, դուն շուտով խարաբ մի՛ անի։

    Քանի գուզե քամին տանե՝ ծովեմեն ավազ չի պակսի.
    Թեգուզ ըլիմ, թեգուզ չըլիմ՝ մեջլիսներուն սազ չի պակսի.
    Թե կու պակսիմ, քիզ կու պակսիմ՝ աշխարիս մե մազ չի պակսի.
    Սայաթ-Նովու գերեզմանըն Հինդ, Հաբաշ, Արաբ մի՛ անի։

    Leave a comment:


  • Arinda
    replied
    ՔԱՆԻ ՎՈւՐ ՋԱՆ ԻՄ

    Քանի վուր ջան իմ, յար քի ղուրբան իմ, աբա ինչ անիմ,
    Արտասուք անիմ, շատ հոգոց հանիմ, յար, ղադետ տանիմ,
    Ասիր. Ջեյրան իմ, թուղ քե սեյրանիմ, յար մտիկ անիմ,
    Մութ բախչեն նազով, քիզ գովիմ սազով, յար, իլթիմազով։

    Մազիրդ դաստա, պռոշդ փստա, հեյրանի վախտ է,
    Յիկն ընգնինք չոլը, վուր հասնինք գոլը, ջեյրանի վախտ է,
    Բլբուլը՝ վարդին, վարդը՝ բաղաթին, սեյրանի վախտ է,
    Մութ բախչեն նազով, քիզ գովիմ սազով, յար, իլթիմազով։

    Շուռ գանք հանդամով, յիրգնային նամով, թուփը բացվիլ է,
    Խաղ կանչինք հանգով, լալեքը ռանգով, վարդը բացվիլ է,
    Սուսան սմբուլով, ղարիբ բլբուլով, բաղը լցվիլ է,
    Մութ բախչեն նազով, քիզ գովիմ սազով, յար, իլթիմազով։

    Պատվական շինած, նման նմանած, լեյլու դիդարին,
    Յա՛ր, ուշքս գնաց, մազիրդ մնաց վրա մուհաջարին,
    Բաղը զարդարած, բլբուլը բնած, վարդի սաջարին,
    Մութ բախչեն նազով, քիզ գովիմ սազով, յար, իլթիմազով։

    Հաքիլ իս ատլաս, թուրլու զարդ ու խաս՝ սուլբու դալ բովուն,
    Ձեռիդ ունիս թաս, լցնիս ու ինձ տաս, ղուրբան իմ մովուն,
    Թաք դուն բախչեն գաս, անիս մասնե-մաս քու Սայաթ-Նովուն,
    Մութ բախչեն նազով, քիզ գովիմ սազով, յար, իլթիմազով։

    Leave a comment:


  • Gago
    replied
    ՍԻՐՈՒՆՆԵՐ

    Սիրուններ, մի՜ք նեղենա,
    Որ միշտ իմ յարիս եմ գովում,
    Դուք իմ դարդս չեք իմանա,
    Էլի յարիս եմ գովում,
    Էլի փերիս եմ գովում:

    Թեկուզ լինեք աղավնյակ,
    Թևիկներդ լայն բաց արած,
    Ճախրելով վեր բարձրանաք,
    Էլի յարիս եմ գովում,
    Էլի փերիս եմ գովում:

    Որքան կուզեք զարդարվեք,
    Ալ ու եշիլ գոհարներով,
    Յարս սև, դուք՝ ալ հագեք,
    Էլի յարիս եմ գովում,
    Էլի փերիս եմ գովում:

    Թեկուզ լինիք սիրամարգ,
    Ձեր նախշունիկ փետուրներով,
    Կամ անուշ երգող սոխակ,
    Էլի յարիս եմ գովում,
    Էլի փերիս եմ գովում:

    Մազերդ՝ ոսկե թելեր,
    Ունքերդ՝ նորածին լուսին,
    Աչքերդ՝ փայլուն աստղեր,
    Էլի յարիս եմ գովում,
    Էլի փերիս եմ գովում:

    Ամենքդ մեկ-մեկ փերի,
    Աչքիս առաջ ման եք գալի,
    Բայց ինձ չեք կարող գերի,
    Էլի յարիս եմ գովում,
    Էլի փերիս եմ գովում:

    Գուսան Շերամ

    Leave a comment:


  • Gago
    replied
    ԿՌՈւՆԿ

    Կռունկ, ուստի՞ կուգաս, ծառա եմ ձայնիդ,
    Կռունկ, մեր աշխարհեն խապրիկ մի չունի՞ս.
    Մի՛ վազեր, երամիդ շուտով կհասնիս.
    Կռունկ, մեր աշխարհեն խապրիկ մը չունի՞ս։

    Թողել եմ ու եկել մըլքերս ու այգիս,
    Քանի որ ա՜խ կանեմ, կու քաղվի հոգիս,
    Կռունկ, պահ մի կացի՛ր, ձայնիկդ ի հոգիս.
    Կռունկ, մեր աշխարհեն խապրիկ մը չունի՞ս։

    Քեզ բան հարցնողին չես տանիր տալապ.
    Ձայնիկդ անուշ կուգա քան զջրի տոլապ,
    Կռունկ, Պաղտատ իջնուս կամ թե ի Հալապ,
    Կռունկ, մեր աշխարհեն խապրիկ մը չունի՞ս։

    Սրտերնիս կամեցավ, ելանք, գնացինք,
    Այս սուտ աստնվորիս բաներն իմացանք,
    Աղուհացկեր մարդկանց կարոտ մնացինք,
    Կռունկ, մեր աշխարհեն խապրիկ մը չունի՞ս։

    Աշունն է մոտեցեր, գնալու ես թետպիր,
    Երամ ես ժողվեր հազարներ ու բյուր,
    Ինձ պատասխան չտվիր, ելար, գնացիր,
    Կռունկ, մեր աշխարհեն գնա, հեռացի՜ր:

    Leave a comment:


  • Gago
    replied
    ԿՌՈՒՆԿ ՀԱՅԱՍՏԱՆԻ

    Բարով եկար, սիրուն կռունկ,
    Ի՞նչ լուր բերիր հայրենիքես,
    Խոսիր ինձ հետ ազատորեն,
    Կյանքս կնվիրեմ ես քեզ:

    Տեսա՞ր իմ հայրենյաց տունը,
    Գեղեցիկ զարդարված բույնը,
    Նորա սիրուն ես տանջված եմ,
    Աչքերիցս կտրավ քունը:

    Ազատ տեսա՞ր մեր լեռները,
    Հաղորդեցի՞ր դու իմ սերը,
    Այն լեռներու պաշտպանողը`
    Արծվի կորյուն ճտերը:

    Տեսա՞ր մեր փոքրիկ բուրաստան,
    Վարդ, մեխակ, շուշաններ շատ կան,
    Եդեմական դրախտավայր՝
    Նա կոչվում է Մայր-Հայաստան:

    Այնտեղ ունիս եղբայր ու քույր,
    Միջազ, ի՞նչ կսպասես իզուր,
    Արի առնեմ իմ թևերուն,
    Գնանք, այնտեղ ուրախացուր:

    Leave a comment:


  • Gago
    replied
    ԱՆՈՐ

    Սիրտս կըթռի ջաղչին քարին պես,
    Մարմինս կըփխրի ջաղչի ալրին պես,
    Ե՞րբ պիտի լուսնա գիշերը դարի պես,
    Տեսնեի տղան խաչին լուսնին պես։

    Տեսնեմ կսեի, ձեռքիս վարդը տամ,
    Վարդը որ չառնե, ոսկի խնձոր տամ,
    Խնձորն երբ չառնե, մազս քաշեմ տամ,
    Ան ալ որ չառնե... հոգիս քաշեմ տամ:

    Leave a comment:


  • Gago
    replied
    ՊԻՏԻ ԳՆԱՆՔ

    Ախ էն երկրի հողին մատաղ, պիտի՛ գնանք վաղ թե ուշ,
    Սիրով լինի, սրով լինի, պիտի՛ գնանք վաղ թե ուշ,
    Արարատի գլխին դրոշ պիտի՛ դնենք վաղ թե ուշ,
    Հերթով լինի, երթով լինի, պիտի՛ գնանք վաղ թե ուշ:

    Կորցրեցինք մեր հողերը, երբ մեր ազգը թուլացավ,
    Բահ ու գրիչ շատ սիրելուց զենք բռնելը մոռացավ,
    Հույսը միայն աստծո վրա՝ սրի դերը ուրացավ,
    Խաչով լինի, գրչով լինի՝ պիտի՛ գնանք վաղ թե ուշ:

    Դրա համար պայքար է պետք, ուրիշ ճամփա չե՛մ տեսնում,
    Սրով խլված հողը սիրով տիրոջը չեն նվիրում,
    Ուժն է հարգի, լա՛վ իմացեք, թույլ ազգերին չեն սիրում,
    Սիրով լինի, սրով լինի, պիտի՛ գնանք վաղ թե ուշ:

    Հայկազունն եմ՝ չեմ վախենում մարդկության նենգ դավերից,
    Հալածանքից, բռնությունից, աստծո տված ցավերից,
    Թեկուզ անանց պարիսպներով մեզ բաժանեն մեր երկրից,
    Հրով լինի, սրով լինի, պիտի՛ գնանք վաղ թե ուշ:


    Գուսան Հայկազուն
    Վերջին խմբագրողը՝ Chuk; 02-06-10, 12:37. Պատճառը՝: Հեղինակի խնդրանքով շտկում

    Leave a comment:


  • Gago
    replied
    ՀՊԱՐՏ ԳՆԱՑԵՔ

    Պատերազմ եք գնում, ուրախ գնացե՛ք,
    Վարդանի արյունն է Ձեր մեջ, իմացե՛ք,
    Նոր կազմավորված Հայոց բանակի,
    Առաջին զինվորն եք, հպարտ գնացե՛ք:

    Կրկներգ։
    Ինչքան էլ, որ դժվար լինի, դիմացե՛ք,
    Վախկոտն ամեն օր է մեռնում, իմացե՛ք,
    Քաջերը` մեկ անգամ, փառքով, իմացե՛ք,
    Հողն արյունով են պահում, իմացե՛ք:

    Քաջերի կորստով, ցավել ենք դարեր,
    Հողի կորստով` հազարամյակներ,
    Այժմ շատ են մեզ պետք մեծ հաղթանակներ,
    Դեպ փառք ու հաղթանակ, այսպես գնացե՛ք:

    Կրկներգ։

    Դուք մեր նախնյաց հողը նորից ե՛տ բերեք,
    Մեր Հայկազյան փառքը նորից ե՛տ բերեք,
    Մուշն ու Սասուն, Արարատը ե՛տ բերեք,
    Դեպ Արցախ, Մուսա լեռ բարով գնացե՛ք:

    Գուսան Հայկազուն

    Leave a comment:

Working...
X