Հանելուկը որպես մտավոր զարգացման միջոց

[Էմմա Խաչատրյան]

Եկե՛ք կռահենք․․․

Իմ ու քո գլխի վերևով
Սպիտակ փոքրիկ գառնուկ վազեց,
Մինչ դիմացի անտառ հասավ,
Նվազեց ու անհետացավ:



***

Երկու եղբայր իրար նայում,
Երբեք իրար չեն մոտենում:



***

Հոսում է, չի արտահոսում,
Վազում է բայց չի փախչում:
Ժապավեն է մի գեղեցիկ,
Մի ծայրը սարում, իսկ մյուսը՝ ծովում:



***

Անձրևից հետո կապույտ երկնքում
Գույնզգույն սիրուն կամար հայտնվեց:
Ամպիկը ծածկեց արևին,
Կամարն այդ սիրուն փլվեց:



***

Ողջ աշխարհը ջերմացնում է,
Ջերմ ժպտում է բոլորին:
Ամռանը նրանից փախչում ենք,
Իսկ ձմռանը կարոտում ենք:



***

Գիշերային երկնքում զբոսնում է այդ լուսատուն,
Օրոր երգում աստղերին, փոխարինում է արևին:



***

Քույր ու եղբայր են ապրում,
Քույրը միայն աղմկում, վախեցնում է ամենքին,
Իսկ եղբայրը սուս ու փուս լուսե նետեր է նետում։



***

Աղմկում է դաշտում, այգում,
Բայց տուն երբեք չի մտնում,
Ես սպասում եմ, որ ավարտվի,
Դուրս գամ բակում խաղալու:



***

Նա գալիս է, մենք փախչում ենք,
Թաքնվում ենք տան ներսում,
Նա հասնում է մեզ, գտնում է,
Ու լուսամուտն է թակում:



***

Մարմին չունի, լեզու չունի,
Բայց ցանկացած ձայնի
Պատասխան ունի։


***

Այն աճում է ձմռանը,
Ու գլխիվայր է աճում,
Հենց արևը տաքացնի,
Հալչում է, անհետանում։



***

Փափուկ բամբակ է լողում երկնքում,
Ինչքան բամբակը ցածր է, անձևը մոտ է։



***

Այն ինչի՞ց է, որ երբեք
Փախչել, թաքնվել չի լինի
Ու թե օրը պայծառ է,
Ոտքիդ կպած կլինի։



***

Առավոտյան խոտի վրա
Սիրուն-սիրուն մարգարիտներ,
Ցերեկը փորձեցի փնտրել,
Հետքը նույնիսկ չի մնացել։



***

Այն ի՞նչ առաստաղ է,
Համ բարձր է, համ ցածր է,
Մեկ սպիտակ է, մեկ մոխրագույն,
Իսկ հաճախ՝ երկնագույն։



***

Երկնքում պարում է սիրուն
Աստղիկը այդ սպիտակ ու նուրբ,
Բայց հենց ձեռքիս է նստում,
Հալչում է, անհետանում։

1․Ամպ
2․Գետի ափեր
3․Գետ
4․Ծիածան
5․Արև
6․Լուսին
7․Ամպրոպ և կայծակ
8․Անձրև
9․Անձրև
10․Ցող
11․Երկինք
12․Փաթիլ

[Էմմա Խաչատրյան]

Մի հանելուկ էլ ես առաջարկեմ.

Ճերմակ արտում բերքս ցանեմ,
Երբ պետք լինի՝ նստեմ, քաղեմ,
Ի՞նչ բերք է, որ չի փչանում,
Ու ցանողն է անմահանում:

Գիրք և ձեռագիր

[Էմմա Խաչատրյան]

Շարժվում է, բայց ոտք չունի, մտրակ է, բայց կոթ չունի։

Օձն է։

[Մկրտչյան Դոնարա]

1. Դա մարդուն երեք անգամ է տրվում. առաջին երկու անգամն անվճար, իսկ երրորդի համար հարկավոր է վճարել:
2.Իմ ծանոթը կարող է օրը 10 անգամ մորուք սափրել, սակայն, միևնույն է, մորուքով է ման գալիս: Ինչպե՞ս է դա հնարավոր:

[Էլեոնորա Հովհաննիսյան]

1. Դա մարդուն երեք անգամ է տրվում. առաջին երկու անգամն անվճար, իսկ երրորդի համար հարկավոր է վճարել:
2.Իմ ծանոթը կարող է օրը 10 անգամ մորուք սափրել, սակայն, միևնույն է, մորուքով է ման գալիս: Ինչպե՞ս է դա հնարավոր:

2. Նա այլ մարդկանց է սափրում
1-ինը չկռահեցի

[Sirvard]

1․Շախմատային փիղ
2․Ոստիկանները հրդեհ չեն հանգցնում,դա անում են հրշեջները
3․Ստորակետ
4․Շախմատում
5․Վլադիվոստոկ

Դուք իրավացի եք, հարգելի՛ Էմմա, պատասխանները լիարժեք ճիշտ են։

[Էմմա Խաչատրյան]

1. Դա մարդուն երեք անգամ է տրվում. առաջին երկու անգամն անվճար, իսկ երրորդի համար հարկավոր է վճարել:
2.Իմ ծանոթը կարող է օրը 10 անգամ մորուք սափրել, սակայն, միևնույն է, մորուքով է ման գալիս: Ինչպե՞ս է դա հնարավոր:

1.Ատամներ
2․Նա ուրիշների մորուքներ է սափրում:

[Sirvard]

1/Իմ կարծիքով դա շախմատային փղի մոդելի մասին է
2/Իսկ ինչու պետք է դա ոստիկանները կատարեն
3/Միանշանակ՝ ստորակետ 6,7

Հարգելի Լիլիթ, դուք իրավացի եք, ճիշտ եք պատասխանել 1-ին և 3-րդ հարցերին, 2-րդ հարցին հարցով եք պատասխանել, սիրելիս։ Ակնկալում եմ ճիշտ պատասխաններ։

[Մկրտչյան Դոնարա]

1.Ատամներ
2․Նա ուրիշների մորուքներ է սափրում:

Հարգելի Էմմա, պատասխանները ճիշտ են:

[Մկրտչյան Դոնարա]

Երկու արև են՝ երկվորյակ եղբայր,
Մեկտեղ են տեսնում աշխարհն այս անծայր,
Թե որ չլիներ մի սար բաժանող՝
Նրանք գուցե և կտեսնեն իրար:

[Լ ի ա]

Օձն է։

Այո, ճիշտ եք հարգելի Էմմա։

[Էմմա Խաչատրյան]

Երկու արև են՝ երկվորյակ եղբայր,
Մեկտեղ են տեսնում աշխարհն այս անծայր,
Թե որ չլիներ մի սար բաժանող՝
Նրանք գուցե և կտեսնեն իրար:

Աչքեր

[Մկրտչյան Դոնարա]

Աչքեր

Այո, ճիշտ է:

[Էլեոնորա Հովհաննիսյան]

Թռչուն անթև ու անփետուր,
Բայց շրջում է նա ամենուր,
Նրա համար սահման չկա
Ոչ գետ ու ծով, ոչ լեռ, բլուր:


* * *

Հողից շինեցին,
Բոցում թրծեցին,
Կախեցին սյունից,
Տարան, բերեցին:

[Էմմա Խաչատրյան]

Թռչուն անթև ու անփետուր,
Բայց շրջում է նա ամենուր,
Նրա համար սահման չկա
Ոչ գետ ու ծով, ոչ լեռ, բլուր:


* * *

Հողից շինեցին,
Բոցում թրծեցին,
Կախեցին սյունից,
Տարան, բերեցին:

1.Միտք
2․Խնոցի