Մեր անունն է հայկական բանակ

[Ama]

Հայկական բանակը 19 տարեկան է

Շնորհավորում եմ բոլորիս հայոց բանակի 19-րդ տարեդարձի առիթով: Թող մեր հայրենիքի երկինքը միշտ կապույտ ու խաղաղ լինի, իսկ լուսաբացներն ու մայրամուտները` խաղաղ:

[ԺաննաՀ]

Հայոց բանակի կազմավորման 19-րդ տարեդարձի առթիվ ջերմորեն շնորհավորում եմ իմ որդուն` Վոլոդյա Ավետիսյանին, որն այժմ ծառայում է Արցախում:
Նրան և մյուս զինծառայողներին ցանկանում եմ անամպ երկինք, մարտական բարձր տրամադրություն:

[manush]

Հայոց բանակի կազմավորման 19-րդ տարեդարձի առթիվ ջերմորեն շնորհավորում եմ իմ որդուն` Վոլոդյա Ավետիսյանին, որն այժմ ծառայում է Արցախում:
Նրան և մյուս զինծառայողներին ցանկանում եմ անամպ երկինք, մարտական բարձր տրամադրություն:

Սիրելի Ժաննա, ես նույնպես շնորհավորում եմ Ձեր որդուն, բոլոր զինվորներին ու սպաներին։ Ցանկանում եմ հատուկ շնորհավորել նաև մեր գործընկերների՝ Ալվարդի և Նարինեի քաջ որդիներին, ովքեր պատվով ծառայում են Հայոց բանակում։

[Զառա]

Վարքի արիություն,
Մտքի ազնվություն,
Խոհեմ զսպվածություն ու
Քաջ առողջություն ձեզ`
Հայոց բանակի նվիրյալ
տղաներ և տղամարդիկ:
Եղեք երջանիկ, հաջողակ` տանը և աշխատանքում:

[Chuk]

Ես էլ սիրով շնորհավորում եմ բոլորիս, այս կարևոր օրվա համար: Բոլոր զինծառայողներին նորից անփորձանք ու խաղաղ ծառայություն եմ մաղթում: Կեցցե՛ մեր բանակը, ու կեցցե՛ն մեր զինծառայողները, որ կարողանում են այնպես անել, որ մանուկներն այսպես անհոգ ու խաղաղ ապավինեն իրենց.

[Ավրորա]

Ես նույնպես միանում եմ բոլոր շնորհավորանքներին,իմ եղբայրը նույնպես ծառայում է հայոց բանակում և ես իմ սրտի ողջ ջերմությամբ շնորհավորում եմ նրան,իր բանակային ընկերներին,նրա հրամանատարներին և մեր հայրենիքի առջև իրենց սրբազան պարտքը կատարող բոլոր քաջ տղաներին,ցանկանում եմ բոլորին բարի ծառայություն,անփորձանք,առողջ վերադառնան իրենց ընտանիքներին հասնեն:
***
Հայրենիքը սիրում են ոչ թե նրա համար,որ այն մեծ է,այլ նրա համար,որ այն քոնն է:
Սիրելի զինվորներ սիրեք ձեր հայրենիքը,միշտ եղեք ուժեղ,տոկուն,անվեհեր՝որպես հայ ազգի քաջ հերոսներ…

ՓԱՌՔ ՈՒ ՊԱՏԻՎ ՔԵԶ ԶԻՆՎՈՐ...

[Անահիտ1975]

Ես նույնպես սիրով շնորհավորում եմ հայրենիքի պահապաններին:Ցանկանում եմ առողջություն,անամպ ու խաղաղ երկինք:

[Ama]

ԾՆՈՒՆԴԴ ՇՆՈՐՀԱՎՈՐ, ՀԱՅՈՑ ԲԱՆԱԿ

Փառք այն հայ զինվորներին,
ովքեր այս պահին աչալուրջ
կանգնած մեր հայրենիքի
սահմանագլխին, խաղաղություն
են պարգևում հայ ժողովրդին:

Օրերս «Հայկական բանակը 19 տարեկան է» խորագրով միջոցառում տեղի ունեցավ Իսահակյանի միջնակարգ դպրոցում` նվիրված հայոց բանակի ստեղծման 19-րդ տարեդարձին:
Միջոցառումը սկսվեց ՀՀ պետական դրոշը դահլիճ բերելով, որից հետո հնչեց ՀՀ օրհներգը: Հրավիրված էին Արցախյան ազատամարտի մասնակիցներ, ՀՀ բանակում զինծառայությունն ավարտած դպրոցի նախկին սաներ, իսահակյանցիներ:
Ներկաները մեկ րոպե լռությամբ հարգեցին հայրենի հողի համար իրենց կյանքը նվիրած ազատամարտիկների հիշատակը: Միջոցառման ընթացքում հնչեցին հայրենասիրական երգեր, անդրադարձ կատարվեց արցախյան տարեգրությանը: Ազգային խրոխտ պարի ու հայրենասիրական երգերի ոգին տարածվեց դպրոցի հյուրընկալ դահլիճում: Միջոցառման ավարտից հետո էլ ներկաներից շատերը կիսաձայն երգում էին
«Մեր սրտերը միշտ ամուր են, հուր են
Մեր թրերը միշտ ամուր են, սուր են,:
Եվ թող իմանան բոլորը`
ՄԵՐ ԱՆՈՒՆՆ Է ՀԱՅԿԱԿԱՆ ԲԱՆԱԿ»:


Ամալյա Պետրոսյան-Արսենյան
Իսահակյանի միջնակարգ դպրոց