Հետաքրքիր նորություններ

[Սահակյան Սահականուշ]

Ճապոնիան տպագիր դասագրքերը փոխարինելու է էլեկտրոնայինով

Ճոպոնիան տպագիր դասագրքերը փոխարինելու է էլեկտրոնային դասագրքերով: Ինչպես հայտնում են ռուսական լրատվամիջոցները, ծրագիը, որը անվանավել է «Ապագայի դպրոց» կներդրվի աստիճանաբար:

Հոկտեմբերից ծրագրի շրջանակներում 10 դպրոցներում կներդրվեն ինտերակտիվ գրատախտակներ: Ծրագիրը նախատեսված է մինչև 12 տարեկան երեխանների համար:

Ծրագրի հաջողության դեպքում, Ճապոնիայի կրթության նախարարությունը նախատեսում է ընդլայնել ծրագրին մասնակից դպրոցների թիվը` հասցնելով 50-ի:g_imageլ;կ.php.jpg

[Սահակյան Սահականուշ]

Օբաման Ալիևին կոչ է արել ազատ արձակել «Էշի մամուլի ասուլիսի» հեղինակներին


ԱՄՆ նախագահ Բարաք Օբաման Ադրբեջանի նախագահ Իլհամ Ալիևին կոչ է արել ազատ արձակել բանտարկված բլոգերներ Էմին Միլիին և Ադնան Գաջիզադեին։ Այս մասին հայտնում է Agence France-Presse–ը։

Բլոգերների ճակատագիրը Օբաման և Ալիևը քննարկել են սեպտեմբերի 24–ին՝ ՄԱԿ–ի Գլխավոր ասամբլեայի նստաշրջանի շրջանակում երկու երկրների նախագահների հանդիպման ժամանակ, որի ընթացքում Օբաման հույս է հայտնել, որ Ադրբեջանը կշարունակի ջանքեր գործադրել մարդու իրավունքների պաշտպանության ուղղությամբ, այդ թվում՝ ազատ կարձակի երկու բլոգերներին։

Բլոգերներ Էմին Միլին և Ադնան Գաջիզադեն 2009թ. նոյեմբերին մեղավոր են ճանաչվել խուլիգանության՝ Բաքվի ռեստորաններից մեկի հաճախորդներին ծեծելու համար՝ դատապարտվելով համապատասխանաբար 2,5 և 2 տարվա ազատազրկման։

Սակայն բլոգերների փաստաբաների կարծիքով, դատական հետապնդումը նրանց նկատմամբ սկսվել է ինտերնետում «Էշի մամուլի ասուլիսը» տեսահոլովակը զետեղելուց հետո։ Դրանում ծաղրի են ենթարկվում Ադրբեջանի իշխանությունները։

Բլոգերների ձերբակալությունը մեծ աղմուկ էր առաջացրել, նրանց պաշտպանությամբ հանդես եկան իրավապաշտպան կազմակերպություններ, այդ թվում ՝ Ադրբեջանում ԱՄՆ դեսպանությունը, պետքարտուղար Հիլարի Քլինթոնը։

2010թ. օգոստոսին Գերագույն դատարանը բլոգերների նկատմամբ կայացրած դատավճիռը ուժի մեջ էր թողել, դրանից հետո նրանց ընտանիքները բաց նամակով դիմել էին նախագահ Օբամային, որոնցում նրանք, մասնավորապես, առաջարկել էին ԱՄՆ նախագահին ՄԱԿ–ի Գլխավոր ասամբլեայի նստաշրջանի շրջանակներում Ադրբեջանի նախագահի հետ հանդիպման ժամանակ բարձրացնել նաև բլոգերների հարցը։

[Մարիետա]

55-ԱՄՅԱ ԿԻՆԸ ՓԱՅՏԵ ՇԵՐԵՓՈՎ ԾԵԾԵԼ Է ՎԱԳՐԻՆ

Հյուսիսային Մալայզիայի գյուղերից մեկում 55-ամյա կինը այսպես փայտե շերեփով ծեծել ու քշել է վագրին, երբ վերջինս հարձակվել է նրա ամուսնու վրա:

Դեպքը տեղի է ունեցել անցյալ շաբաթ օրը: Երբ տնից ոչ հեռու վագրը հարձակվել է ամուսնու վրա, կինը փայտե շերեփով սկսել է հարվածել վագրի մռութին: Վագրը, չդիմանալով կնոջ հարվածներին, փախել է: Ամուսինը վնասվածքներով տեղափոխվել է հիվանդանոց:

Աղբյուր՝ Լրագիր.am

[Մարիետա]

Google-ը թողարկել է նոր ծառայություն՝ Google Weddings, որն օգնում է պլանավորել հարսանեկան արարողությունը: Այն թույլ է տալիս պատրաստել հրավիրատոմսեր, հաշվել ծախսերը, ինչպես նաև պատրաստել նկարներ ու խմբագրել դրանք:

Google-ի պաշտոնական բլոգը գրում է, որ ընկերությունը համագործակցել է հարսանիքի պլանավորման մասնագետ Միշել Ռագոյի հետ, ով օգնել է համակարգել աշխատանքն ու ձևավորել կայքը:

Սա Google-ի առաջին փորձը չէ այս ասպարեզում: Մեկ տարի առաջ ընկերությունը Google Docs-ում տեղադրեց հարսանեկան ձևանմուշներ, որոնք օգնում էին պլանավորել հարսանեկան ծախսերը, պատրաստել հրավիրատոմսերը և այլն:

http://pcnews.am