Մայրենի 6, 2012-2013 ուս. տարի

[Chuk]

Հարգելի ֆորումցիներ,
2012-2013 ուսումնական տարվա դասագրքերի մրցույթի գնահատման ընդհանուր հանձնաժողովի նիստի որոշմամբ 6-րդ դասարանի մայրենիի դասագրքի հաղթող է ճանաչվել հետևյալ դասագիրքը.

• Մայրենի 6

Խնդրում ենք մինչև ս.թ. մայիսի 15-ը ուսումնասիրել այդ դասագիրքն ու ներկայացնել Ձեր առաջարկներն ու դիտողությունները: Ձեր ակտիվ մասնակցությունը կարող է օգնել դասագրքի բարելավմանը:

[Արմինե Մ]

«2. Նմուշներ հին հայկական և հունական
դիցաբանական զրույցներից և գրական
մշակումներից
Զրույց. ժանրի բնորոշումը. դիցաբանական և պատ-
մական զրույցներ
Բառագիտութուն
,Բառի բնորոշումը
Բառապաշար. լեզվի բառային կազմը
Բառապաշարի տարբեր շերտերը (համագործածա-
կան, գրքային, խոսակցական)
Բառի բազմիմաստությունը
26 ժամ»- սա հատված է հայոց լեզվի և գրականության պետական ծրագրից/ հաստատված 29.08.2011թ.-ին ԿԳ նախարարի կողմից/ , առաջին բաժինն է:Նոր դասագիրքը հնի շատ քիչ փոփոխված տարբերակն : 6-րդ դասարանի «Մայրենի» դասագիրքը , կարելի է ասել, որ հաջողված դասագիրք է: Սակայն այն պետական ծրագրին լիովին չի համապատասխանում: Եթե համեմատենք դասագրքի առաջին բաժինը և պետական ծրագրի համապատասխան հատվածը, անհամապատասխանությունը ակնհայտ կլինի:
Եվ ոչ միայն այս բաժինը: Ծրագրում պատմական զրույցներին տրված է 52 ժամ: Եթե նույնիսկ դրա կեսը տրամադրենք քերականական նյութին, ապա մյուս ժամերի համար դասագրքում համապատասխան նյութ չկա: Առարկան մեկ ՝ ինտեգրված դասագրքով ուսուցանելը ենթադրում է քերականական նյութի մատուցում համապատասխան տեքստի միջոցով, ինչը այս դեպքում դժվար է…: Ուսուցիչը պետք է այլ գրքերից, համացանցից գտնի նյութերը և այլն/ինչը որ ես արել եմ այս տարի/:
Կառաջարկեի, որ կամ դասագիրքը համապատասխանեցնեն ծրագրին, կամ էլ՝ հակառակը: Այլապես կունենանք բազմաթիվ հարցադրումներ, անորոշ վիճակ, ինչից որ, մեղմ ասած, հոգնել ենք:

[Արմինե Մ]

Մայրենիի ուսուցիչներին

Առաջարկում եմ անպայման ծանոթանալ 6-րդ դասարանի մայրենիի ծրագրին/http://www.aniedu.am/school/standarts/ և համեմատել նոր դասագրքի հետ ու արձագանքել: Սեպտեմբերին արդեն ուշ կլինի, անտարբեր մի եղեք, հարգելի գործընկերներ: