Դպրոցական առարկայական օլիմպիադաներ 2011-2012

[manush]

Թեման ստեղծվել է 2011-2012 ուստարվա դպրոցականների առարկայական օլիմպիադաների կազմակերպման հետ կապված հարցերի քննարկման նպատակով:

[Արեն]

Մաթեմատիկայի օլիմպիադայի դպրոցական փուլին միջին դպրոցի ո՞ր դասարաննների աշակերտները կարող են մասնակցել:

[manush]

Հարգելի գործընկերներ,

այս տարի, ՀՀ կրթության և գիտության նախարարի հրամանով, փոփոխություններ են կատարվել ՀՀ դպրոցականների առարկայական օլիմպիադայի կազմակերպման և անցկացման կարգում, ինչպես նաև հաստատվել է 2011-2012 ուստարվա ՀՀ դպրոցականների «Մաթեմատիկա» առարկայի օլիմպիադայի կազմակերպման և անցկացման ընթացակարգը:

Դպրոցականների առարկայական օլիմպիադաների անցկացման կարգը, փոփոխությունները տեղադրված են նաև
olymp.am հասցեում գործող ԴՊՐՈՑԱԿԱՆՆԵՐԻ ԱՌԱՐԿԱՅԱԿԱՆ ՕԼԻՄՊԻԱԴԱՆԵՐ կայքում:

Ցանկանում եմ Ձեր ուշադրությանը ներկայացնել հետևյալ մեջբերումը` նշված կայքից:

ՀՀ դպրոցականների առարկայական օլիմպիադայի կազմակերպման և անցկացման կարգում կատարվել է փոփոխություն: Կարգի փոփոխության համաձայն` ՀՀ կրթության և գիտության նախարարի հրամանով հաստատվել է 2011-2012 ուստարվա ՀՀ դպրոցականների «Մաթեմատիկա» առարկայի օլիմպիադայի կազմակերպման և անցկացման ընթացակարգը` համաձայն հավելվածի:

Մասնակիցների նախնական ցուցակը դպրոցի տնօրինությունը մինչև 2012 թ. հունվարի 31-ը ներկայացնում է ԿՏԱԿ կամ info@olymp.am էլ. հասցեով (word ֆայլով, sylfaen տառատեսակով, ցուցակում պարտադիր նշել մարզը, դպրոցը, աշակերտների ցուցակը ըստ դասարանների):

Ցուցակները կտեղադրվեն olymp.am կայքում:

Ցուցակների վերջնական ճշտումները կամ նոր մասնակիցների գրանցումը կատարել մինչև փետրվարի 10-ը` էլեկտրոնային եղանակով:

Օլիմպիադայի տարբեր փուլերի մասնակիցների ցուցակները, նրանց արդյունքները, առաջին և երկրորդ փուլերի առաջադրանքները, օլիմպիադայի անցկացման վայրերը և այլ տեղեկությունները կտեղադրվեն olymp.am կայքում:

[manush]

Մաթեմատիկայի օլիմպիադայի դպրոցական փուլին միջին դպրոցի ո՞ր դասարաննների աշակերտները կարող են մասնակցել:

Արեն ջան, մեջբերումը Մաթեմատիկա առարկայի օլիմպիադայի կազմակերպման ընթացակարգից է.

Օլիմպիադան անցկացվում է երկու տարիքային խմբերով՝ միջին և ավագ:
3. Միջին խմբին մասնակցում են միջին դասարաններում սովորողները, իսկ ավագ խմբին՝ 10-12-րդ դասարաններում սովորողները:
4. Միջին դասարաններում սովորողը կարող է մասնակցել տարիքային ավագ խմբի սովորողների օլիմպիադային:

Իսկ օլիմպիադաների կազմակերպման կարգում նշված է, որ

Առաջին փուլին կարող է մասնակցել 5-12-րդ դասարանների ցանկացած աշակերտ:

Այսինքն, Մաթեմատիկայի օլիմպիադայի առաջին փուլի միջին տարիքային խմբում կարող են ընդգրկվել 5-9-րդ դասարանների աշակերտներ:

[manush]

ՈՒՇԱԴՐՈՒԹՅՈՒՆ

Հարգելի գործընկերներ,

մաթեմատիկայի օլիմպիադայի առաջին փուլն անցկացվում է դպրոցում:
Առաջադրանքներն ու Պատասխանի ձևաթուղթը փետրվարի 18-ին ժամը 10:00-ին կտեղադրվեն olimp.am կայքում և armedu.am պորտալում, ինչպես նաև` էլեկտրոնային փոստով կուղարկենք ՀԴԻՑ-ի բոլոր դպրոցներին:

[Ni*koLe***]

Իսկ մյուս առարկաների օլիմպիադաների վերաբերյալ նորություններ չկան?Երբ են անցկացվելու?

[manush]

Իսկ մյուս առարկաների օլիմպիադաների վերաբերյալ նորություններ չկան?Երբ են անցկացվելու?

Հարգելի Ni*koLe***, բացի մաթեմատիկայից, մյուս առարկաների օլիմպիադաների ընթացակարգերում փոփոխություններ չկան:

Ըստ կարգի`

Առաջին` դպրոցական փուլը պետք է կազմակերպված լինի դպրոցներում դեկտեմբեր-հունվար ամիսներին:
Երկրորդ`տարածքային փուլը կազմակերպվում է նախկին վարչատարածքներում:

[manush]

Ուշադրություն. Մաթեմատիկայի օլիմպիադա, առաջին փուլ (18.02.2012թ.)

Դպրոցականների 2011-2012 ուստարվա մաթեմատիկա առարկայի օլիմպիադայի կազմակերպիչներն առաջին փուլի անցկացման մասին հայտնում են հետևյալը.

Մաթեմատիկա. առաջին փուլ - 18.02.2012թ.

Ներկայացնում ենք 2012թ. դպրոցականների մաթեմատիկա առարկայի օլիմպիադայի 1-ին փուլի մասնակիցների ցուցակները փետրվարի 8-ի դրությամբ (Հավելված 1):

Հարգելի' գործընկերներ, ուղարկած էլեկտրոնային նամակներում նկատվել են անճշտություններ.

◦ նամակը գրված չէ Word կամ Excel ծրագրերի ֆայլերով,
◦ նամակը գրված չէ sylfaen տառատեսակով,
◦ նշված չէ մարզը, դպրոցը, դասարանը:

Հնարավոր է, որ ձեր աշակերտների անունները չգտնեք ցուցակում:

Ցուցակում ճշտումներ կատարելու կամ նոր աշակերտների անուններ ավելացնելու համար մինչև 2012թ փետրվարի 14-ը ներառյալ լրացրե'ք Հավելված 2-ը և ուղարկե'ք info@olymp.am հասցեով:

Առաջին փուլի տարբերակները և պատասխանների ձևաթուղթը փետրվարի 18-ին` ժամը 10:30-ին, կտեղադրվեն Olymp.am կայքում: Մինչ այդ աշակերտները պետք է գտնվեն օլիմպիադայի համար հատկացված սենյակներում: Տարբերակները և պատասխանների ձևաթուղթը կայքից ներբեռնելուց հետո անհրաժեշտ է բազմացնել մասնակից աշակերտների քանակով և ժամը 11:00-ին բաժանել մասնակիցներին: Օլիմպիադայի տևողությունը 120 րոպե է: Պատասխանների ձևաթղթերը նույն օրը մինչև ժամը 18:00 պետք է հանձնել մարզային (Երևանում քաղաքապետարանի) կրթության վարչություն: Կրթության վարչությունը փետրվարի 20-ին` մինչև ժամը 18:00 –ը, ձևաթղթերը ներկայացնում է ԿՏԱԿ (Կրթական տեխնոլոգիաների ազգային կենտրոն): Փետրվարի 28-ին առաջին փուլի արդյունքները և երկրորդ փուլ անցած մասնակիցների ցուցակները կտեղադրվեն Olymp.am կայքում:

Աղբյուր` http://olymp.am/

[Մանոն]

Լոռու մարզում մեկնարկվել են առարկայական օլիմպիադաները.

[manush]

Հարգելի գործընկերներ,

ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ պորտալի 2011-2012 ՈՒՍՏԱՐՎԱ ԴՊՐՈՑԱԿԱՆՆԵՐԻ ԱՌԱՐԿԱՅԱԿԱՆ ՕԼԻՄՊԻԱԴԱ բաժնում տեղադրվել է.


«ՄՇՏԱՊԵՍ ԳՈՐԾՈՂ ՀԱՆՐԱՊԵՏԱԿԱՆ ՕԼԻՄՊԻԱԿԱՆ ԽՈՐՀՐԴԻ ԿԱԶՄԸ, 2011-2012 ՈՒՍՏԱՐՎԱ ԴՊՐՈՑԱԿԱՆՆԵՐԻ ԱՌԱՐԿԱՅԱԿԱՆ ՕԼԻՄՊԻԱԴԱՆԵՐԻ ՀԱՆՐԱՊԵՏԱԿԱՆ ԿԱԶՄԿՈՄԻՏԵԻ ԿԱԶՄԸ, ԱՌԱՐԿԱՅԱԿԱՆ ՀԱՆՁՆԱԺՈՂՈՎՆԵՐԻ ՆԱԽԱԳԱՀՆԵՐԻ ԿԱԶՄԸ, ՄԱՐԶԱՅԻՆ, ՀԱՆՐԱՊԵՏԱԿԱՆ ՓՈՒԼԵՐԻ ԺԱՄԱՆԱԿԱՑՈՒՅՑԵՐԸ, ՀԱՆՐԱՊԵՏԱԿԱՆ ՓՈՒԼԻ ՄԱՍՆԱԿԻՑՆԵՐԻ ԹԻՎԸ ՀԱՍՏԱՏԵԼՈՒ, ՀԱՆՐԱՊԵՏԱԿԱՆ ԵՎ ՄԻՋԱԶԳԱՅԻՆ ՕԼԻՄՊԻԱԴԱՆԵՐԻ ՖԻՆԱՆՍԱՎՈՐՈՒՄԸ ԱՊԱՀՈՎԵԼՈՒ ՄԱՍԻՆ» ՀՀ ԿԳ ՆԱԽԱՐԱՐԻ 122-Ա/Ք 15.02.2012 ՀՐԱՄԱՆԸ ԵՎ ՀԱՎԵԼՎԱԾՆԵՐԸ: