Հոկտեմբերի 7-ին Ժպիտի համաշխարհային օրն է:
Այս հրաշալի տոնի համար մենք պարտական ենք նկարիչ Հարվի Բելլին: 20-րդ դարի կեսին նա ոչնչով աչքի չընկնող երիտասարդ նկարիչ էր, որին ոչ ոք ուշադրություն չէր դարձնում, նրա նկարները չէին քննադատում կամ գովում , և գուցե մենք նրա անունն անգամ չիմանայինք, եթե մի օր ապահովագրական մի ընկերություն չխնդրեր նրան հորինել մի հեշտ հիշվող խորհրդանիշ: Հարվին երկար չմտածեց ու իր պատվիրատուներին ներկայացրեց այն ուրախ դեղին դեմքը, որ մենք այսօր կոչում ենք ՍՄԱՅԼԻԿև որը դարձել բարի կամքի եւ ուրախության ամենահայտնի խորհրդանիշը:
«Մարդկության պատմության մեջ դեռ ոչ մի գործ այսպիսի տարածում չի գտել ու չի բերել այնքան ուրախություն ու հաճելի զգացողություններ, որքան դա: Եվ չի ստեղծվել այսքան հեշտ ու պարզ, բայց դարձել հասկանալի բոլորին»,- ասում էր Հարվին իր հարցազրույցների ժամանակ:
Հեղինակը կարծում էր, որ տարվա մեջ գոնեմեկ օր յուրաքանչյուրս պետք է նվիրենք ժպիտին եւ բարի գործերին: Եվ այդպիսով, ամեն տարի հոկտեմբերի առաջին ուրբաթ օրը հռչակվել է Համաշխարհային Ժպիտի Օր: Առաջին անգամ այն նշվել է 1999 թվականին: Այս տարի այն նշվում է հոկտեմբերի 7-ին:
Ինչպես ամեն տարի, օրվա խորհուրդն է «Արա՛ բարի գործ, ժպիտ պարգեւի՛ր մարդկանց»:
Շնորհավորենք միմյանց այս ուրախ տոնի առթիվ և ժպտանք կյանքին
Մեջբերել
Էջանիշներ