ՏՀՏ բնագավառի հայտնի մարդիկ

[manush]

Թեման ստեղծելու պատճառը Սթիվ Ջոբսի մասին նյութ տեղադրելն է: Ափսոս, որ այն հայտնի գիտնականի մահվան լուրն է:

[manush]

Ջոբսի մահվան լուրին արձագանքել են Facebook-ն ու Twitter-ը, Օբաման և Ցուկերբերգը

s_jobs.jpg

Սթիվ Ջոբսի մահվան լուրին արձագանքել է ողջ աշխարհը: Facebook-ի հիմնադիր Մարկ Ցուկերբերգը Ջոբսին անվանել է իր ուսուցիչ և ընկեր. «Շնորհակալություն այն բանի համար, որ ցուցադրեցիր մեզ, թե ինչպես մեր կողմից ստեղծվածը կարող է փոխել աշխարհը: Ես քո կարիքը շատ կզգամ»,- ասել է Ցուկերբերգը:

«Սթիվ, կատարելության հասնելու քո ձգտումը զգում է յուրաքանչյուր մարդ, ով առնչվել է Apple ընկերության որևէ արտադրանքի: Մենք բոլորս Google-ում և արտադրության մեջ, ընդհանրապես, շատ ենք կարոտելու քեզ»,- հայտարարել է Google-ի հիմնադիր Սերգեյ Բրինը:

Ջոբսին մահին արձագանքել են նաև Twitter-ի օգտատերերը` բազմաթիվ գրառումներ թողնելով իրենց էջերում: Գրառումներից մեկում ասվում է, որ «Ջոբսը տեղափոխվեց iԴրախտ»: Ավելի ուշ գրառումներում հայտնվեցին iDead (iՄահ), iHeaven (iԴրախտ), iClouds (iԵրկինք) և iSad (iՏխրություն):

Քիչ առաջ Ջոբսի մահվան կապակցությամբ հայտարարություն է տարածել ԱՄՆ նախագահ Բարաք Օբաման, որում Apple-ի հիմնադրին անվանել է «Մեծն նորարար և երազող»: «Սթիվը կանգնած է ամերիկացի նորարարների հետ մեկ շարքում` բավականաչափ քաջ, որպեսզի մտածեր ոչ այնպես, ինչպես մենք, բավականաչափ համարձակ, որպեսզի հավատար աշխարհը փոխելու հնարավորությանը, և բավականաչափ շնորհալի, որպեսզի աներ այդ ամենը»,- ասել է Օբաման` հավելելով, որ ավելի մեծ ճանաչում չի կարող լինել, քան այն, որ մարդիկ իմացել են նրա մահվան մասին իր իսկ կողմից ստեղծված սաքերի միջոցով:

1in.am

[Գագիկ]

Ուզում եմ ներկայացնել Ջոբսի հայտնի ելույթը Ստենֆորդի համալսարանի շրջանավարտների դիպլոմների հանձնման ժամանակ: Կարծում եմ` շատ ուսուցողական է և արժի, որ հատկապես երիտասարդները տեսնեն ու լսեն: Հասկանալի է, որ ելույթը անգլերեն է, բայց զուգահեռ թարգմանվում է ռուսերեն:

[Vanadzor10***Ani]

Հաջողությունը վատ ուսուցիչ է…
Բիլլ Գեյթս

Բիլլ Գեյթս (լրիվ անունը Ուիլյամ Հենրի Գեյթս III)՝ ամենահարուստ մարդն աշխարհում, համակարգչային մագնատ, Microsoft ընկերության հիմնադիրն ու սեփականատերը: Ծնվել է 1955թ. հոկտեմբերի 28-ին ԱՄՆ-ի Վաշինգտոն նահանգի Սիեթլ քաղաքում, կորպորատիվ փաստաբան Ուիլյամ Հենրի Գեյթս II-ի և First Interstate Bank, Pacific Northwest Bell -ի տնօրենների խորհրդի ու United Way-ի ազգային խորհրդի անդամ Մերի Մաքսվել Գեյթսի ընտանիքում:

Բիլլ Գեյթսն իր նախնական կրթությունն ստացավ մունիցիպալ տարրական դպրոցում, իսկ 12 տարեկան հասակում նրան տեղափոխեցին Սիեթլի ամենաարտոնյալ դպրոցը, որտեղ նա կարողացավ զարգացնել ծրագրավորման իր հմտությունները դպրոցական մինի համակարգչի վրա: Այս համեստ, նույնիսկ ամաչկոտ, մի քիչ անբարեկազմ պատանին երազում էր մաթեմատիկայի պրոֆեսոր դառնալ եւ ընդհանրապես նման չէր իր հորը` բարձրահասակ ու գեղեցիկ տղամարդուն և հաջողակ փաստաբանին: Այնպես որ, չնայած մաթեմատիկայի և տրամաբանության բնագավառում յուրահատուկ ունակություններին, Բիլլ Գեյթսի մոտ իր ծնողներին հատուկ լիդերի հմտություններ չէին դրսևորվում:

Արդեն մեկ տարուց հետո Բիլլը ստեղծեց առաջին համակարգչային ծրագիրը: Դա հսկա համակարգիչների ժամանակաշրջանն էր, որոնք իրենց ծավալով զբաղեցնում էին ամբողջ սենյակներ և միայն լաբորատորիական սպիտակ խալաթներով գիտնականների խելքի բան էին: Քոլեջում Բիլլ Գեյթսը կազմակերպեց Traf-O-Data ընկերությունը, որտեղ աշխատում էին ապագա մագնատի դասընկերները: Նրանք տեղական իշխանությունների համար համակարգչային ծրագրեր էին մշակում, քաղաքային տրանսպորտի երթևեկության գրաֆիկներ հաշվարկում: Նա 15 տարեկան էր, երբ ճանապարհային երթևեկության կարգավորման համար ծրագիր մշակեց և դրա դիմաց վաստակեց 20 000 դոլար գումար: Իսկ 17 տարեկանում նրան առաջարկեցին Բոննեվիլյան ամբարտակի էներգիայի տեղաբաշխման համար ծրագրային փաթեթ մշակել:

1973թ., հետևելով ընտանեկան ավանդույթին, Գեյթսը ընդունվեց Հարվարդի համալսարան` հոր նման փաստաբան դառնալու մտադրությամբ: 1974թ. դեկտեմբերին Բիլլ Գեյթսը տեսավ 397 դոլարանոց համակարգիչ, որն իր ընկերոջ` Պոլ Ալլենի խոսքերով, կարող էր հավաքել յուրաքանչյուր ոք: Միակ բանը, որ պակասում էր այդ մեքենային, ծրագրային ապահովումն էր: Բիլլ Գեյթսն ու Պոլ Ալլենը կապվեցին M.I.T.S ընկերության ներկայացուցիչների հետ` վերջիններիս Altair 8800 համակարգչի համար առաջարկելով ծրագրային ապահովում (BASIC տարբերակը): Առաջարկը ձեռք էր տալիս M.I.T.S-ի մենեջերներին, ովքեր առաջարկեցին երիտասարդներին աշխատել ծրագրավորման լեզուներ ստեղծելու վրա: Երիտասարդները մեկնեցին Նյու-Մեխիկո, որտեղ էլ սկսվեց Micro-soft-ի պատմությունը (գծիկը նրանք հանեցին ավելի ուշ):

Վստահ լինելով, որ անհատական համակարգիչը յուրաքանչյուր աշխատատեղի և յուրաքանչյուր տան համար անփոխարինելի կդառնա, նրանք սկսեցին ծրագրային ապահովում մշակել անհատական համակարգիչների համար: 1986թ. Microsoft-ը վերակազմավորվեց բաց բաժնետիրական ընկերության, եւ այդ նույն տարում Բիլլ Գեյթսը դարձավ միլիարդատեր, երբ նա միայն 31 տարեկան էր:

Microsoft-ի առաջին 5 պատվիրատուները սնանկացան, բայց տղաները չհուսահատվեցին եւ 1979թ.-ին վերադարձան Սիեթլ: Նույն տարում Բիլլ Գեյթսին հեռացրին համալսարանից բացթողումների և հետ մնալու պատճառով: Բայց այդ փաստն այնքան էլ չվհատեցրեց վայ-ուսանողին, քանի որ IBM ընկերությունը նրան առաջարկեց օպերացիոն համակարգ ստեղծել աշխարհում առաջին անհատական համակարգչի համար:

Բիլլ Գեյթսը 50 000 դոլարով ձեռք բերեց QDOS (Quick and Dirty Operating System) համակարգը, վերանվանեց այն MS DOS և վաճառեց լիցենզիան IBM-ին: Ստացված գումարը հնարավորություն տվեց Microsoft-ին աշխատել մի քանի տարի: Microsoft ծրագրային ապահովմամբ նոր IBM համակարգչի ներկայացումը իսկական հեղաշրջում առաջացրեց շուկայում: Շատերը սկսեցին դիմել Microsoft-ին լիցենզիայի համար:

Հաջորդ տարում Microsoft-ը շուկա հանեց Windows-ի առաջին տարբերակը: Իսկ արդեն 1993թ.-ին Windows-ի վաճառքի ամսեկան ընդհանուր ծավալը գերազանցեց 1 միլիոնը: 1995թ.-ին ի հայտ եկավ Windows 95-ը և երկու շաբաթվա մեջ դրանից վաճառվեց 7 միլիոն նմուշ:

Microsoft ծրագրային ապահովումն այնքան էր տարածվել, որ ընկերությունն ընկավ ամերիկյան անտիմոնոպոլիական կոմիտեի տեսադաշտը, որը մի քանի անգամ փորձեց Բիլլ Գեյթսի մոնոպոլիայի հարկադիր մասնատման գործ հարուցել:

1995թ.-ին Microsoft-ի քաղաքականությունն արմատապես փոխվեց. հիմնական շեշտը դրվում էր ինտերնետի վրա:
1994թ. հունվարի 1-ին Բիլլ Գեյթսն ամուսնացավ Microsoft-ի մենեջեր Մելինդա Ֆրենչի հետ:
1998թ.-ից Գեյթսը հրաժարվեց Microsoft կորպորացիայի նախագահի իր լիազորություններից, իսկ 2000թ.-ին թողեց նաև գլխավոր գործադիր տնօրենի պաշտոնը: Երկու պաշտոնն էլ ստացավ Սթիվ Բալմերը: 2008թ. հունվարի 7-ին Բիլլ Գեյթսը հայտարարեց նույն տարվա հուլիսին Microsoft կորպորացիայի ղեկավարի լիազորությունները ցած դնելու, իսկ 2008թ. հուլիսի 15-ին`Microsoft-ի տնօրենների խորհրդի նախագահի պաշտոնը թողնելու իր մտադրությունների մասին: Պաշտոնից հեռանալուց հետո նա մտադիր էր իրեն ամբողջովին նվիրել Bill & Melinda Gates Foundation բարեգործական հիմնադրամը ղեկավարելուն:
2005թ. մարտի 2-ին Մեծ Բրիտանիայի արտաքին գործերի կաբինետը հայտարարեց, որ Բիլլ Գեյթսը կստանա Բրիտանական թագավորության Ասպետ-Կոմանդորի տիտղոս` Մեծ Բրիտանիայի ձեռնարկություններում նրա ունեցած նշանակալի ավանդի և աշխարհում աղքատությունը նվազեցնելու նրա ջանքերի համար: 2005թ. արդյունքներով Բիլլ Գեյթսն ու նրա կինը` Մելինդա Գեյթսը, ամերիկյան «Time» ամսագրում անվանվեցին տարվա մարդիկ: 2007թ հունիսի 7-ից Բիլլ Գեյթսը համարվեց Հարվարդի շրջանավարտ)): Գեյթսին դիպլոմ տալու որոշումն ընդունվեց համալսարանի ղեկավարության կողմից:

2008թ. հունիսի 27-ը Բիլլ Գեյթսի համար դարձավ վերջին օրը Microsoft-ի ղեկավարի պաշտոնում: Չնայած դրան` նա ամբողջությամբ չի խզում կապերը ընկերության հետ. Գեյթսը մնում է տնօրենների խորհրդի նախագահ (առանց գործադիր լիազորությունների): Նա զբաղվում է նաև հատուկ ծրագրերով և մնում է ամենաշատ բաժնետոմսեր ունեցողը մի կորպորացիայում (Microsoft-ի 8,7% բաժնետոմս), որի 102 երկրում տեղակայված մասնաճյուղերում աշխատում է ավելի քան 61 000 մարդ:

[manush]

Apple -ի երկրպագուներին դուր է եկել այն միտքը, որ Սթիվ Ջոբսի դեմքը պատկերվի ընկերության լոգոյի վրա: Նրանց կողմից ավելի շատ հավանության է արժանացել այն լոգոն, որում խնձորի կծած մասի փոխարեն պատկերված է մեծ ձեռնարկատիրոջ ու գյուտարարի կիսադեմը:

apple_SJ.jpg

Դիզայնի հեղինակը 19-ամյա պատանի է Հոնգ Կոնգից` Ջոնաթան Մակ Լոնգը, որն այն պատրաստել էր դեռ օգոտոսին, երբ իմացել էր Ջոբսի` ընկերությունից հեռանալու մասին: Ընդ որում`լոգոյի հեղինակը իրեն Apple -ի սիրահար չի համարում և նույնիսկ iPhone չունի:

Մակ Լոնգը հայտնել է, որ լոգոն արդեն ուղարկել է Թիմ Կուկին`ընկերության գործադիր տնօրենին, բայց նա դեռ չի արձագանքել:

Աղբյուր` Tert.am

[Ռուզանկա]

Ես լսել եմ , որ Ստիվ Ջոբսը արմատներով հայ է`իբր նա իրենց ընտանիքում հարազատ չէր, իր մայրը հայ էր, բայց, թե ինչքանով է ճիշտ սա,չգիտեմ:

[Գագիկ]

Ստիվ Ջոբսը հայ չէր, բայց ըստ Khabararmani.com արաբերեն կայքէջի, լավ տիրապետում էր հայերեն լեզվին:

[Anush Avetisyan]

Սթիվ Ջոբսը ծնվել է 1955-ին Կալիֆոռնիայում: Երեխայի ծնվելուց մեկ շաբաթ անց Սիրիայից ներգաղթած նրա կենսաբանական ծնողները հրաժարվել են նրանից: Դրանից հետո նրան որդեգրել են Փոլ Ջոբսն ու նրա կինը` ազգությամբ հայ Կլարա Հակոբյանը, որի ընտանիքը 1915 թվականին մազապուրծ փախել է Մալաթիայից: Այդ իսկ պատճառով, ըստ որոշ աղբյուրների, Սթիվ Ջոբսը տիրապետում էր նաեւ հայերենին:

[Anush Avetisyan]

Microsoft-ի հիմնադիր եւ խոշորագույն բաժնետեր Բիլ Գեյթսը ցավակցություն է հայտնել Սթիվ Ջոբսի ընտանիքին եւ ընկերներին:
«Մենք Սթիվի հետ ծանոթացել էինք գրեթե 30 տարի առաջ եւ եղել ենք ընկերներ, գործընկերներ ու մրցակցիներ», - իր բլոգում գրել է Գեյթսը:
«Հազվադեպ են ծնվում Ջոբսի նման մարդիկ, որոնց հաջողվում է մարդկության պատմության մեջ թողնել այդքան նշանակալի հետք: Սթիվ Ջոբսն այն վառ մարդկանցից էր, որոնք կարողանում են անհամեմատելի ազդեցություն ունենալ ապագա սերունդների վրա: Նրա հետ աշխատելը մեծ պատիվ էր բոլորիս համար: Ես կկարոտեմ Սթիվին», - գրել է Գեյթսը:


News.am

[Ռուզանկա]

Սթիվ Ջոբսը ծնվել է 1955-ին Կալիֆոռնիայում: Երեխայի ծնվելուց մեկ շաբաթ անց Սիրիայից ներգաղթած նրա կենսաբանական ծնողները հրաժարվել են նրանից: Դրանից հետո նրան որդեգրել են Փոլ Ջոբսն ու նրա կինը` ազգությամբ հայ Կլարա Հակոբյանը, որի ընտանիքը 1915 թվականին մազապուրծ փախել է Մալաթիայից: Այդ իսկ պատճառով, ըստ որոշ աղբյուրների, Սթիվ Ջոբսը տիրապետում էր նաեւ հայերենին:

Շնորհակալություն տեղեկությունների համար. ուրեմն ես սխալ էի իմանում: