Ուսումնական առարկաների դասավանդումը 2011-2012 ուսումնական տարում

[manush]

Հարգելի գործընկերներ, ՀՀ կրթության և գիտության նախարարության «Տեղեկագրի» 5-րդ համարում (հրատարակիչ` Կրթության ազգային ինստիտուտ) ուսումնական առարկաների դասավանդումը 2011-2012 ուսումնական տարում կազմակերպելու վերաբերյալ տեղադրված են «Մեթոդական նամակներ» և «Մեթոդական ցուցումներ»:

Տեղեկագրի բոլոր համարների էլեկտրոնային տարբերակները տեղադրված են Կրթության ազգային ինստիտուտի կայքում:

[manush]

ԻՆՖՈՐՄԱՏԻԿԱ

Հարգելի գործընկերներ, տեղադրում եմ ԻՆՖՈՐՄԱՏԻԿԱ առարկայի ուսուցիչներին ուղղված նամակը:

Միջնակարգ հանրակրթական դպրոցի ուսումնական պլանով 2010-2011 ուստարում 6- 12- րդ դասարաններում «Ինֆորմատիկա» առարկային հատկացված է շաբաթական 1-ական ժամ, իսկ 11-րդ դասարանի բնագիտամաթեմատիկական հոսքում՝ շաբաթական 2 ժամ:

6-10-րդ դասարաններում և 11-րդ դասարանի բնագիտամաթեմատիկական հոսքում «Ինֆորմատիկա» առարկան կդասավանդվի գործող չափորոշիչներով և ծրագրերով: Լրամշակվել և այս ուստարվանից գործածության մեջ են դրվում 11-րդ դասարանի ընհանուր և հումանիտար հոսքերի ուսումնական ծրագրերը:

12-րդ դասարանի ընհանուր և բնագիտամաթեմատիկական հոսքերում սովորողները ինֆորմատիկան կուսումնասիրեն ԿԳ նախարարի կողմից 2011թ. հաստատված ժամանակավոր ծրագրով, որը նախատեսված է միայն 2011-2012 ուստարվա համար: Ծրագրի թեմաներն ունեն գործնական ուղղվածություն: Դրանք են՝ Էլեկտրոնային աղյուսակներ, Գրաֆիկական խմբագիր, Ներկայացումների ստեղծման խմբագիր: Այս տարվա 12-րդ դասարանի սովորողների համար դասագիրք չի հրատարակվելու: Ուսումնական նյութը յուրացնելու համար կարելի է օգտվել ինֆորմատիկայի 8-րդ, 9-րդ և 11-րդ դասարանների դասագրքերից:

«Ինֆորմատիկա» առարկայի բոլոր հոսքերի չափորոշիչներն ու ծրագրերն էլեկտրոնային տեսքով կարող եք գտնել Կրթության ազգային ինստիտուտի www.aniedu.am կայքում:

Այս ուստարում գործածության մեջ են մնում 7-10 դասարանների նախկինում գործող դասագրքերը: 6-րդ դասարանի համար երաշխավորվել է միայն Ս. Ավետիսյանի, Ս. Դանիելյանի, Ինֆորմատիկա 6, Երևան, <<Տիգրան Մեծ>>, 2011, լրամշակված դասագիրքը և ուսուցչի ձեռնարկը: 11-րդ դասարանի համար երաշխավորվել են ինֆորմատիկայի երկու դասագրքեր, մեկը` ընդհանուր և հումանիտար, մյուսը` բնագիտամաթեմատիկական հոսքերի համար (Ս. Ավետիսյան, Ս. Դանիելյան, <<Տիգրան Մեծ>>, Երևան, 2011):

11-րդ դասարանի ընդհանուր և հումանիտար հոսքերում ուսումնասիրվող թեմաներն են՝ ներկայացումների ստեղծում, Web էջերի ստեղծում, հրատարակչական ծրագիր Adobe PageMaker: Այս թեմաների դասավանդման ընթացքում նպատակահարմար է կիրառել նախագծի մեթոդը: Աշակերտները կարող են ընտրել իրենց կողմից նախընտրած նյութը, դրա հիման վրա ստեղծել ներկայացումներ, Web կայքեր, հրատարակչական տարբեր նյութեր:

HTML լեզվի ուսումնասիրությունը լայն հնարավորություններ է ընձեռում ինտերնետային կայքերի պատրաստման համար: Այս թեմայում ընդգրկված է նաև գրաֆիկական պատկերների խմբագրումը Web էջերի համար: Սա կիրառման լավ հնարավորություն է ընձեռում, որ աշակերտները ինֆորմատիկայի ուսուցչի ղեկավարությամբ ստեղծեն կամ թարմացնեն դպրոցական ինտերնետային կայքը:

Adobe PageMaker ծրագրով կարելի է ստեղծել պատի թերթեր, բրոշյուրներ, այցեքարտեր և այլ տպագրական նյութեր:
Բնագիտամաթեմատիկական հոսքի 11-րդ դասարանում շեշտը դրվել է ալգորիթմների և ծարագրավորման լեզուների` C++ կամ Pascal ուսումնասիրության վրա: Անհրաժեշտ է ընտրել առաջարկված ծրագրավորման լեզուներից մեկը: Նախապատվություն պետք է տալ «C++»-ին՝ որպես ժամանակակից և բնագիտական ոլորտում խնդիրներ լուծելու համար լայնորեն կիրառվող ծրագրավորման լեզու: Դասագրքում առկա են բավարար քանակի օրինակելի խնդիրներ՝ տվյալ բաժնի ուսումնական նյութի արդյունավետ յուրացման համար: Դրա հետ մեկտեղ ուսուցչի ձեռնարկում զետեղված են բազմաթիվ առաջադրանքներ և ստուգողական աշխատանքներ:

Այսօր «Հայկական դպրոցական ինտերնետ ցանցին» (ՀԴԻՑ) միացված են Հայաստանի Հանրապետության մոտ 950 դպրոցներ: Անհրաժեշտ է, որ ինֆորմատիկայի և այլ առարկաների ուսուցիչներն ավելի սերտորեն համագործակցեն համացանցում տեղակայված ուսումնական նյութերը որոնելու, դրանք բեռնելու, ինչպես նաև ուսուցիչների կողմից ստեղծված նյութերը համացանցում տեղակայելու ուղղությամբ: Դա թույլ կտա նաև ավելի ակտիվորեն մասնակցել առցանց ծառայություններին (ֆորումներ, հարցումներ) և միջոցառումներին (օլիմպիադաներ, մրցույթներ և այլն):

Մինչև 2011թ. դեկտեմբերը ՀԴԻ ցանցին կմիացվեն Հայաստանի ևս 400 դպրոցներ: Կարևորելով այս գործընթացը՝ Կրթության ազգային ինստիտուտը իրականացնում է ՀԴԻ ցանցին միացվող բոլոր դպրոցների ուսուցիչների համար նախատեսված 20-ժամյա երկու տիպի վերապատրաստման դասընթացներ: Դասընթացներն ունեն գործնական ուղղվածություն: Մի դասընթացը նպատակ ունի ուսուցիչներին տեղեկություն հաղորդել ցանցային տեխնոլոգիաների, առցանց ծառայությունների, կրթական էլեկտրոնային պաշարներից օգտվելու և, ամենակարևորը, էլեկտրոնային կրթական պաշարներ ստեղծելու և ցանցում տեղակայելու մասին: Մյուս դասընթացի նպատակն է` սովորեցնել կազմակերպել, շահագործել դպրոցի ինֆորմատիկայի կաբինետի լոկալ ցանցը, շտկել առաջացած փոքր թերությունները, ինչպես նաև դպրոցական լոկալ ցանցի միջոցով տարածել ինտերնետի ծառայությունները, օգտվել հեռահաղորդակցական տեխնոլոգիաների այլ հնարավորություններից:

Հարգելի' ուսուցիչներ, ձեր առաջարկություններն ու հարցերն ամբողջ տարվա ընթացքում կարող եք ուղղել Կրթության ազգային ինստիտուտին էլեկտրոնային փոստով՝ info@aniedu.am: Ուսումնական գործընթացի հետ կապված որոշ հարցերի պատասխանները դուք կարող եք ստանալ նաև ԿԱԻ կայքի «Հարց ու պատասխան» բաժնից:

Հայկ Շարխաթունյան
ԿԱԻ բաժնի վարիչ
Անուշ Սարգսյան
ԿԱԻ մասնագետ

[manush]

Ցանկանում եմ երկու նկատառումներ ներկայացնել` նամակում ՀԴԻՑ-ի մասին բերված տեղեկությունների վերաբերյալ.

- 2011թ. հունվարից «Հայաստանի դպրոցների ինտերնետային ցանցում» (ՀԴԻՑ) ներառված են Հայաստանի 944 դպրոցներ: [/B]
- նախատեսվում է, որ 2012թ. ընթացքում ՀԴԻՑ-ին կմիացվեն ևս 450 դպրոցներ:

[Արեգ]

Հարգելի գործընկերներ, տեղադրում եմ ԻՆՖՈՐՄԱՏԻԿԱ առարկայի ուսուցիչներին ուղղված նամակը:

Շնորհակալ եմ, Մանուշ ջան, ես էլ տեղեկագրից քսեռօքս էի արել