Առաջիկա տոնի առթիվ հանրապետությունում մեծ թափով նախապատրաստական աշխատանքներ են ընթանում։ Հետաքրքիր է, որ դրանցում ներգրավվում են նաև Հայաստանի երրորդ հանրապետությանը հասակակից երեխաները։ Դրանց թվում են «Մխիթար Սեբաստացի» կրթահամալիրի 12-րդ դասարանցի երկու սովորող՝ Անուշ Ավետիսյանն ու Մանե Գևորգյանը։
Վերջինիս հաղորդումն այդ աշխատանքների մասին ներկայացնում եմ ստորև։
Վերջերս ինձ և Անուշիկին զանգահարեցին ռադիո «Վանից» և կանչեցին ռադիո` ձայնագրվելու: Սկզբում անորոշ էր` ուր ենք գնում, ինչի համար, բայց երբ գնացինք, ամեն ինչ պարզ դարձավ:
Շուտով Սեպտեմբերի 21-ն է ` անկախության օրը: Անհրաժեշտ էր ստեղծել փոքրիկ ռադիոնյութեր` այդ օրվա համար:
Իսկ ի՞նչ կապ ունեինք մենք: Նախապես ընտրվել էին պատանիներ ու երիտասարդներ, ովքեր մասնակցել են տարբեր մրցույթների: Իմաստը՝ հաստատված, անկախ երիտասրադներն ասում են` ինչ է իրենց համար անկախությունն ու ինչու են սիրում իրենց հայրենիքը:
Ռադիոնյութերը եթեր կհեռարձակվեն սեպտեմբերի 21-ին։
Բայց դա դեռ ամենը չէ: Այսօր կրկին զանգահարեցին և կանչեցին Արամ Խաչատրյանի անվան մեծ համերգասրահ: Սեպտեմբերի 16-ին տեղի է ունենալու միջոցառում, որի կազմակերպմանը կմասնակցի մեր, ինչպես իրենք են ասում, անկախության սերունդը:
Սպասենք ու կտեսնենք` ինչ կլինի:
Մանե Գևորգյան
12-րդ դասարան
Մեջբերել
Էջանիշներ