Հայաստանի Հանրապետության կենտրոնական բանկը, ելնելով ֆինանսական համակարգի կայունության ապահովման անհրաժեշտությունից, իր խնդիրների շարքում առանձնացնում է ֆինանսական համակարգում սպառողների իրավունքների և օրինական շահերի պաշտպանության համար անհրաժեշտ պայմանների ապահովումը: Վերջինիս ներքո Կենտրոնական բանկը կարևորում է նաև հանրության ֆինանսական գրագիտության և իրազեկվածության բարձրացումը և այդ ուղղությամբ իրականացնում է բազմաթիվ միջոցառումներ (մշակվել են ֆինանսական ծառայությունների վերաբերյալ հանրամատչելի գրքույկներ, թողարկվել են դպրոցականների համար հատուկ կրթական խտասկավառակներ, կազմակերպվում են ֆինանսատնտեսական խաղ-մրցույթներ, նկարահանվում են տեսահոլովակներ և այլն):
Կրթական ծրագրերի շրջանակում Կենտրոնական բանկը ստեղծել և վարում է նաև ֆինանսական ծառայություններ սպառողների համար հատուկ կրթական և տեղեկատվական ինտերնետային կայք (www.abcfinance.am): Կայքում պարզ և մատչելի կերպով ըստ տարբեր թիրախային խմբերի (ուսուցիչ, լրագրող, աշակերտ, ձեռնարկատեր. ուսանող) ներկայացվում են նյութեր Հայաստանի Հանրապետության ֆինանսական համակարգի, ֆինանսական կազմակերպությունների, ֆինանսական ծառայությունների հիմնական տեսակների վերաբերյալ, ինչպես նաև կրթական տեսահոլովակներ, հաճախորդների իրավունքները, տարբեր ֆիանսատնտեսական խաղեր և այլն
Մեջբերել
Էջանիշներ