Շնորհավոր նոր ուսումնական տարին

[manush]

Սրտանց շնորհավորում եմ բոլոր ուսուցիչներին, դասախոսներին, կրթական համակարգի մասնագետներին, աշակերտներին և ուսանողներին` նոր ուսումնական տարվա առթիվ:

Ցանկանում եմ բազում հաջողություններ, ստեղծագործական նվաճումներ, արդյունավետ աշխատանք:

[nana]

Շնորհավորում եմ բոլոր կրթական միջավայրի սովորողներին և աշխատողներին գիտելիքների օրվա կապակցությամբ:
Թող նրանց եռանդն ու աշխատասիրությունն այս ուսումնական տարում բերի հաջողություն բոլորին.....

[Մանոն]

Վանաձորի թիվ 16 դպրոցի ողջ կոլեկտիվի կողմից շնորհավորում եմ կրթական ոլորտի բոլոր աշխատողներին, ուսանողներին, աշակերտներին...Ցանկանում եմ հաջողություններ, գիտության ասպարեզում նորանոր բարձունքների նվաճումներ։

[Ama]

Հայը, որ դեռևս հեթանոսական ժամանակներից դպրության աստված է ունեցել, ժամանակակից աշխարհում ևս դպրոցին ու դպրոցաշինությանը առաջնային տեղ է հատկացնում, քանզի գիտելիքը միակ կայուն և չարժեզրկվող հարստությունն է:
Ուստի, շնորհավորելով բոլորիս նոր ուսումնական տարվա մեկնարկի կապակցությամբ, մաղթում եմ ուժ, եռանդ, նորանոր ձեռքբերումներ և հաջողություններ բոլոր նախաձեռնություններում` ձեռնարկված քայլերը կյանքի կոչելու գործում։
Սիրելի աշակերտներ, գիտելիքներ կուտակեք ողջ կյանքի ընթացքում` հարթելով կյանքի ճանապարհը` որպես մասնագետ, քաղաքացի, մարդ:

[Knarik]

Ես նույնպես շնորհավորում եմ բոլորի Գիտելիքի օրվա կապակցությամբ:


Մաղթում նորանոր հաջողություններ ու ձեռքբերումներ, լուսավոր ապագա:

[Մարիետա]

Սիրելի՛ աշակերտներ և հարգարժան մանկավարժներ

Շնորհավորում եմ ձեզ սեպտեմբերի 1 -ի` Գիտելիքի օրվա առթիվ: Թող այս տարի լինի նոր ձեռքբերումների, հաջողությունների և նորանոր բարձրունքների հաղթահարման տարի:

[Մարիետա]

Սիրելի՛ աշակերտներ, ուսուցիչներ և ծնողներ,
Հարգելի՛ ուսանողներ և դասախոսներ,
Շնորհավորում եմ ձեզ Գիտելիքի օրվա կապակցությամբ:
Գիտելիքը մեր ժողովրդի և ողջ մարդկության դարավոր փորձառությունն է, որ յուրաքանչյուր սերունդ պարտավոր է փոխանցել հաջորդներին: Պարտավոր է փոխանցել անխաթար, հնարավորինս ամբողջական և հարստացրած: Ազգերը պահպանում են իրենց ազգային նկարագիրը, և մարդկությունը պահպանում է իր մարդկային նկարագիրը առաջին հերթին բնական և հոգևոր գիտելիքների փոխանցմամբ: Սա մեր արժեքային համակարգի հարատևության, ինչպես նաև ապագայի և հզորության գրավականն է, քանզի գիտելիքն իսկապես ուժ է:
Ե՛վ ուսուցման, և՛ ուսումնառության գործընթացները բարդ են ու դժվարին: Աշխարհում ոչ մի հասուն մարդ հեշտությամբ լուրջ արդյունքներ չի արձանագրել: Իմ կոչն է թոթափել ամառային արձակուրդների անհոգությունն ու թեթևությունը և տրամադրվել ծանր աշխատանքի:
Այսօր սեպտեմբերի 1-ն է, և լայնորեն բացվում են մեր ուսումնական հաստատությունների դռները: Այսօր առանձնահատուկ օր է հատկապես առաջին դասարանցիների համար: Այս տոնական օրը նրանք հիշելու են ամբողջ կյանքում: Կրկին շնորհավորում եմ բոլորիդ և մաղթում արգասաբեր ուսումնական տարի:

[Մարիետա]

ՀՀ ԿԳ նախարար Արմեն Աշոտյանի շնորհավորական խոսքը սեպտեմբերի 1-ի և Գիտելիքի օրվա կապակցությամբ


Սիրելի’ դպրոցականներ, ուսանողներ, մանկավարժներ, կրթության բնագավառի ներկայացուցիչներ,
Շնորհավորում եմ ձեզ սեպտեմբերի մեկի` նոր ուսումնական տարվա և Գիտելիքի օրվա կապակցությամբ:
Այսօր մեկնարկում է անկախ Հայաստանի 20-րդ ուսումնական տարին, և լավագույն առիթն է ընձեռված` մեկ անգամ ևս հետ նայել, արձանագրել ձեռքբերումներն ու բացթողումները և հաստատակամորեն քայլել առաջ:
Կրթության բնագավառում իրականացվող բարեփոխումներն իրենց հիմքում երկու հիմնական միտումներ ունեն` դիմակայելով համաշխարհային տեղեկատվական հոսքերին ու համահարթեցմանը` պահպանել մեր ազգային ինքնությունն ու ամուր պահել ազգային դպրոցի հիմքերը և լինելով եվրոպական ընդհանուր կրթական տարածքի մաս` ապահովել Հայաստանի կրթական համակարգի զարգացումը, մրցունակությունն ու միջազգայնացումը: Այս գործընթացներում հաջողության հասնելու գրավականը մեզանից յուրաքանչյուրի նվիրումն ու հետևողական աշխատանքն է:
Ժամանակակից աշխարհում տնտեսության և հասարակության զարգացման անկյունաքարը դարձել է գիտելիքը: Մեր երկիրը ևս պետականորեն որդեգրել է այդ մոտեցումը, և արդեն առկա են դրա վառ օրինակները: Մեր` կրթության ոլորտի ներկայացուցիչների խնդիրն է դառնում նպաստել գիտելիքի վերարժևորմանն ու հասարակական գիտակցության մեջ դրա արմատավորմանը:
Յուրաքանչյուր մեկնարկ լի է հույսերով և ակնկալիքներով: Ցանկանում եմ, որ այս նոր ուսումնական տարում իրականություն դառնան յուրաքանչյուրիս նպատակները` ի շահ մեր ընտանիքների ու մեր երիտասարդ պետության:
Մեկ անգամ ևս շնորհավորելով Հայաստանի, Արցախի և Սփյուռքի բոլոր դպրոցականներին, ուսանողներին, մանկավարժներին, դասախոսներին, կրթության բնագավառի բոլոր ներկայացուցիչներին նոր ուսումնական տարվա ու Գիտելիքի օրվա կապակցությամբ` մաղթում եմ նորանոր ձեռքբերումներ և նվաճումներ:

[anush]

Շնհորհավորում եմ բոլորին Վանաձորի թիվ 19 դպրոցի ողջ անձնակազմի կողմից:
http://vanadzor19.schools.am/armenia...ner2.htm#a3000

[Oinf-club]

Գյումրու Մ. Նալբանդյանի "օլիմպիական ինֆորմատիկա" ակումբի անդամները միանում են բոլոր շնորհավորանքներին