Այսօր ինտերնետի պաշտոնական օրն է

[Արեգ]

Այսօր ինտերնետի պաշտոնական օրն է:

Մեր երկրում ինտերնետ օգտագործողների թիվը հասել է 200 000-ի, որը կազմում է բնակչության մոտ 10%-ը:
Ինտերնետային կայք էջերից առաջին տեղը զբաղեցնում է odnoklassniki.ru, իսկ երկրորդ տեղում` Facebook-ն է:
Այսօր այս մասին խոսեց Տեղեկատվության անվտանգության փորձագետ Տիգրան Քոչարյանը: Խոսելով համացանցի նշանակության մասին, մասնագետը նշեց, որ այն գնալով իր տեղն ամրապնդում է հասարակությունում:
Տեղեկատվական անվտանգության փորձագետ Տիգրան Քոչարյանի խոսքով մեզ մոտ գնալով միտում է նկատվում դեպի «ֆեյսբուքայնացման»:
«Շատ հարցեր Facebook-ում են բարձրանում և իջնում: Ինձ մոտ այնպիսի տպավորություն է, որ նույն ՀԱԿ-ի ցույցերը շուտով ֆեյսբուքով է լինելու, որովհետև նկատում ես, որ նույն ցույցը օնլայն ավելի շատ են դիտում, քան հեռուստացույցով»,-նշեց Տիգրան Քոչարյանը:
Բանախոսը նշեց, որ վերջերս այդ նույն Facebook-ը վերածվել է մարդկան արտահայտչամիջոցի և այն ամենն ինչ մարդիկ զգում են կամ ցանկանում են ասել, արտահայտում են այս ցանցի միջոցով:
«Շողուլից ընկել ա ժողովուրդը, այսինքն թշնամանք, ատելություն, ինքնահաստատաում, ինչ-որ իրենց հետ կատարվում է Facebook-ում են գրում: Նմանատիպ պրոցեսներ, օրինակ ռուսական Facebook-ում չես տեսնի: Այստեղ Facebook-ը դառել է ամեն ինչը արտահայտելու, ասելիք ունենալու տարբերակ»,-մեջբերեց Տ. Քոչարյանը:
ՏՏ մասնագետը նշեց, որ աշխարհում տեսնում ենք տպագիր թերթերի անկումն ու համացանցի զարգացումը: Ըստ նրա հեռուստատեսությունը դեռևս կշարունակի ազդեցություն ունենալ մեր հասարակությունում, բայց ինտերնետային լրատվամիջոցները գնալով ավելի են զարգանալու:

slaq.am

[Anush Avetisyan]

2011թ.-ի սկզբին ամբողջ աշխարհում ինտերնետ օգտագործողների ընդհանուր թվաքանակը հասել է ավելի քան երկու միլիարդի: Այս մասին նշվում է ՄԱԿ-ի պաշտոնական հայտարարությամբ մեջ: Ամենավերջին տվյալներով, որը հրապարակել է Միջազգային Հեռահաղորդացության Միությունն, արդեն 2010 թվականի ավարտին ինտերնետ-օգտագործողների թվաքանակը հասել է 2,08 միլիարդի: Հատկանշական է, որ մեկ տարի առաջ այս ցուցանիշը կազմում էր միայն 1,86 միլիարդ: Այսպիսով, կարելի է փաստել, որ Երկիր մոլորոկի յուրաքանչյուր երրորդ բնակիչն օգտվում է ինտերնետից, ընդ որում` այս ցուցանիշը հաշվարկելիս դիտարկվել են նաև երեխաները և ծերերը: Նշենք նաև, որ ըստ պաշտոնական տվյալների, 2010 թվականի կեսերին ինտերնետ-ցանցին «միացված է եղել» Երկրագնդի բնակչության 25%-ը: Հատկանշական է, որ այսօր ինտերնետն առավել տարածված է Եվրոպայում: Հարավային և Հյուսիսայի Ամերիկայում, Եվրոպայի համեմատությամբ, ինտերնետն ունի փոքր ինչ պակաս տարածվածություն: Ինտերնետի տարածվածությամբ, այնուհետև, գալիս են ԱՊՀ երկրներն ու Մերձավոր Արևելքը: Հատկանշական է, որ վերջին տարիների ընթացքում ինտերնետ-օգտագործողների ընդհանուր թվաքանակի կտրուկ աճ գրանցվել է նշված վերջին երկրներում: Այսպես, 2007թ.-ից 2010 թ.-ն ընկած ժամանակահատվածում ԱՊՀ-ում ինտերնետից օգտվողների թվաքանակը 51 միլիոնիցից հասել է127 միլիոնի:
Միևնույն ժամանակ, իհարկե, արագությունը, որով օգտագործողները աշխարհի տարբեր ծայրերից մուտք են գործում ինտերնետ, տարբեր է: Ինտերնետային առավելագույն արագություն ունեցող երկրների իր վարականիշը կազմել է նաև շվեդական հեղինակավոր Pingdom ընկերությունը: Այս վարկանիշում ընդգրկված են շուրջ 50 երկրներ, որոնք ինտերնետի արագությամբ համարվում են առաջատար երկրներ: Հետաքրքրական է այն փաստը, որ առաջատար երկրների շարքում են հայտնվել նաև Հարավայի Կորեան (16,63 Մբ/վ), Հոնգ Կոնգը (8,57 Մբ/վ) և Ճապոնիան (8,03 Մբ/վ): Չինաստանում, որտեղ ապրում են ռեկորդային ինտերնետ-օգտագործողներ (420 միլիարդ), ինտերնետի արագությանը կազմում է 0,86 Մբ/վ: Ընդհանուր առմամբ, աշխարհում ինտերնետի միջին արագությունը կազմում է 1,8Մբ/վ, ընդ որում ինտերնետ-օգտագործողների շուրջ 22%-ն ունի հնարավորություն օգտվել ավելի քան 5Մբ/վ արագությամբ ինտենետից, իսկ կեսից շատին հասանելի է մինչև 5Մբ/վ արագությամբ ինտերնետ:

armtech.am