Առցանց թարգմանչական համակարգեր

[manush]

http://www.translator.am հասցեում գործում է թարգմանչական համակարգ, որի օգնությամբ կարելի է իրականացնել թարգմանություն ութ ուղղություններով։

[manush]

Հայաստանի պետական ճարտարագիտական համալսարանի
պրոֆեսոր, տեխնիկական գիտությունների դոկտոր Էդուարդ Մանուկյանը համագործակցության առաջարկով դիմել է լեզվաբաններին և հայոց լեզվի ուսուցիչներին

Հարգելի լեզվաբաններ և հայոց լեզվի ուսուցիչներ, քաջ հայտնի է, որ հայոց լեզվի պահպանության հարցում անչափ մեծ է բացատրական բառարանների դերը: Ցավոք, նման վերջին լիարժեք բառարանը (Էդուարդ Աղայանի հեղինակած) գրվել է վաթսունական թվականներին, իսկ տպագրության է հանձնվել 1972-1976 թվականին: Ավելացնենք նաև, որ այն ներկայացված չէ էլեկտրոնային կրիչով: Բառարանում առկա շատ բառեր արդեն կարելի է համարել հնացած, միաժամանակ բացակայում են շատ նոր տերմիններ: Ներկայումս կարևոր է բառարանի թարմացումն ու տեղադրումն ինտերնետում: Այս ամենը հաշվի առնելով մի խումբ ծրագրավորողներ մշակել և ինտերնետում տեղադրել են թարգմանչական համակարգ, որի կազմում գործում է նաև հայերենի էլեկտրոնային բացատրական բառարան: Այդ աշխատանքները կատարվել և կատարվում են հասարակական հիմունքներով։ Քանի որ աշխատանքում լեզվաբան-մասնագետներ դեռևս ներգրավված չեն, առայժմ հիմնապաշարում բացակայում են տեքստային բացատրությունները և կազմակերպված չէ բառերի բացատրությունների ձևավորման և ներմուծման գործընթացը: Ներկայումս www.translator.am հասցեով գործում է ֆորմալ բացատրական-թարգմանչական բառարանը, որում դեռևս միայն մի քանի տերմինների տեքստային բացատրություններն են տրված (նայեք օրինակ՝ ագրեգատ, ազատություն, ներքնաձիգ, տրանզիստոր և այլ բառեր)։

Հարգելի" լեզվաբաններ և հայոց լեզվի ուսուցիչներ, մենք ձեզ կոչ ենք անում մասնակցել այս գործընթացին. աշխատանքը կարելի է իրականացնել ձեր աշխատավայրից (կամ բնակարանից)՝ ինտերնետի օգնությամբ: Աշխատանքներում, տեղեկատվության ներմուծման համար, հնարավոր և ցանկալի է ներգրավել նաև բարձր դասարանների աշակերտներին:

Մանրամասներին ծանոթանալու համար կարող եք զանգահարել 010589744 և 094431887 հեռախոսահամարով կամ գրել isma.team@gmail.com էլեկտրոնային հասցեով։

Կանխավ շնորհակալությամբ՝
Էդուարդ Մանուկյան
պրոֆեսոր, տեխնիկական գիտությունների դոկտոր
12.07.2011թ.

Աղբյուր՝ «Հայկական կրթական միջավայր» պորտալ

[manush]

Հարգելի բարեկամներ,

առցանց բառարանների հղումների ցանկեր կան «Հայկական կրթական միջավայր» պորտալի հետևյալ էջերում՝

«ԲԱՌԱՐԱՆՆԵՐ» (Պաշարների կատալոգ)

«ԷԼԵԿՏՐՈՆԱՅԻՆ ԲԱՌԱՐԱՆՆԵՐ» (Օգտակար հղումներ)

[magabo]

Շատ անհրաժեշտ բառարան է, ցավոք աշխատանքը թողնում է ցանկանալ ավելին: Ինչ -որ բան թարգմանելիս անընդհատ գրում է ,,սերվերը ծանրաբեռնված է,,

[Մեսրոպ]

կարծում եմ ամենահզոր առցանց բառարանը դա translate.google.com-ն է