Ֆիզիկայի դասագրքերն ու ուսուցչի ձեռնարկը

[Chuk]

Հարգելի ֆորումցիներ,
2010-2011 ուսումնական տարվա կենսաբանության դասագրքերն ու ուսուցչի ձեռնարկը կարող եք գտնել «Կրթական համալիր էջ» պորտալի «Պաշարների կատալոգում». http://armedu.am/arm/materials.php?sec=&cat_id=1726

• Ուսուցչի ձեռնարկ 10-12 դասարանների համար
• Ֆիզիկա 11–րդ դասարան (III մաս)
• Ֆիզիկա 11–րդ դասարան (II մաս)
• Ֆիզիկա 11–րդ դասարան (I մաս)
• Ֆիզիկա 10–րդ դասարան (II մաս)
• Ֆիզիկա 10–րդ դասարան (I մաս)

Խնդրում ենք մինչև ս.թ. հունիսի 15-ը ներկայացնել Ձեր առաջարկներն ու դիտողությունները, ակնկալում ենք Ձեր ակտիվ մասնակցությունը:

[Սահակ]

Ֆիզիկա 11–րդ դասարան (I մաս), էջ 12, երկրորդ պարբերություն

«... կգմնա դադարի վիճակում։» նախադասության մեջ կգմնա -> կմնա

այս տիպի ուղղումները օգտակա՞ր են։

[Chuk]

Ֆիզիկա 11–րդ դասարան (I մաս), էջ 12, երկրորդ պարբերություն

«... կգմնա դադարի վիճակում։» նախադասության մեջ կգմնա -> կմնա

այս տիպի ուղղումները օգտակա՞ր են։

Սահակ ջան, քանի-որ սրանք գրքերի աշխատանքային, այլ ոչ վերջնական տարբերակներն են, դրանք դեռևս անցնելու են սրբագրիչների ու խմբագիրների ձեռքի տակով (մինչ վերջնական հրատարակումը), հետևաբար զբաղվել սրբագրությամբ պետք չէ: Ավելի կարևոր են կառուցվածքային և իմաստային դիտողությունները: Նման սխալներ նկատելու դեպքում, անշուշտ, կարծում ենք հրատարակիչներին լրացուցիչ օգնություն կլինի այդ մասին նշելը, հետևաբար նկատելու դեպքում գրիր, բայց ողջ ուշադրությունը դրա վրա սևեռել չարժի:

[Chuk]

Հարգելի ֆորումցիներ,
տեղեկացնում եմ, որ դիտողությունները հաշվի առնելու համար տրված ժամկետն ավարտվեց: Հետագայում կատարվող դիտողություններն ու կարծիքները հաշվի չեն առնվի, չեն դիտարկվի:
Ցավով եմ նշում, որ այս ընթացքում ֆիզիկայի դասագրքերի վերաբերյալ լուրջ քննարկում չծավալվեց: Նկատված վրիպակի մասին կտեղեկացնենք համապատասխան մարմիններին: Տեղեկացնում եմ, որ թեման շարունակում է բաց մնալ, և բոլորը կարող են այդ դասագրքերն ազատ քննարկել:

[26 dproc]

Ֆիզիկա առարկայի շարադրանքը խրթին է, աշակերտների համար 9-րդ դասարանի «Էլեկտրամագնիսականություն» թեման ընկալելի և պարզ չէ, աշակերտները՝ իրենք են բարձրացնում այս հարցը և դժգոհում:

[Համլետ]

Ինձ «Ֆիզիկա 10-րդ դասարան» դասագրքի միջից դուր չեկավ այն, որ նախադասությունները շատ երկար են: Միայն առաջին պարբերությունը մեկ նախադասություն է և բացատրում է մատերիան: Կարելի էր գրել.
«Այն ամենը, ինչ գոյություն ունի աշխարհում՝ թե Երկրի վրա, թե Տիեզերքում, կոչվում է մատերիա: Տարրական մասնիկները, ատոմներն ու մոլեկուլները, էլեկտրամագնիսական ալիքները, մեր շրջապատող մարմինները, անգամ կենդանիներն ու բույսերը մատերիա են:»