Ինչպե՞ս ընտրել ԲՈՒՀ-ը, ապագա մասնագիտությունը

[Chuk]

Երևի բոլոր աշակերտներն էլ, գալիս է մի պահ, երբ կանգնում են այս խնդրի առջև: Ի՞նչ մասնագիտություն ընտրել, ինչպե՞ս կողմնորոշվել, որպեսզի հետո չփոշմանեն:

Շատ հաճախ է լինում, երբ աշակերտի փոխարեն իր ապագա մասնագիտությունն ընտրում են ծնողները, երբեմն հաշվի առնելով հնարավորությունները, երբեմն էլ ցանկանալով, որ երեխան քայլի իրենց սեփական ճանապարհով: Ու գուցե սա է պատճառներից մեկը, որ այսօր, իմ դիտարկումներով, մեծամասնություն են կազմում մարդիկ, ովքեր աշխատում են ոչ իրենց մասնագիտությամբ:

Ինչպե՞ս կողմնորոշվել ու ընտրել մասնագիտություն, որը ոչ միայն հետաքրքիր ու հաճելի կլինի, այլև հետագայում հնարավորություն կտա հարմար աշխատանք գտնել:

Առաջարկում եմ այստեղ կիսվել մեր փորձով, տալ խորհուրդներ, ինչպես և քննարկել: Լիահույս եմ, որ առողջ քննարկման դեպքում այս թեման օգնություն կլինի գոնե այս ֆորում այցելող աշակերտներին:

[Ni*koLe***]

Բարև ձեզ,ես սովորում եմ ավարտական'12-րդ դասարանում,պատրաստվում եմ ընդունվել Բրյուսովի անվան պետական լեզվաբանական համալսարան'Թարգմանչական գործ'անգլերեն,ռուսերեն,հայերեն,բայց համոզված չեմ,որ 3 լեզուները կդասավանդվեն հավասարաչափ:
Արդյոք ճիշտ է ,որ այս ֆակուլտետը ավարտելու դեպքում կդառնամ ընդամենը ռուսաց լեզվի մասնագետ

[ՍԱՄՈ]

Բարև Ձեզ, ես ինքս էլ մեծ դժվարությամբ եմ ընտրել իմ մասնագիտությունը և գիտեմ, որ բարդ է կողմնորոշվելը: Իմ կարծիքով չկա մեկը, որ չտատանվի այդ հարցում, հատկապես այն ժամանակ, երբ ունենում ես 2 կամ ավելի սիրելի մասնագիտություններ: Երբ ընտրում ես մեկը միշտ մտածում ես.<< Եթե մյուսը ընտրեի,ապա...>>: ՈՒստի դիմորները պետք է ճիշտ մասնագիտություն ընտրեն, որպեսզի հետո չփոշմանեն և ուսումը անավարտ չթողնեն, ինչպես շատերն են հիմա անում: ՍԻՐՈՎ ԴԻՄՈՒՄ ԵՄ ԴԻՄՈՐԴՆԵՐԻՆ` Մի վհատվեք, երբ ձեզ ասում են` << իզուր է սովորելը, երբ աշխատանք չկա>>:Կյանքում միշտ էլ կլինի մի ժամանակահատված, երբ ուսումը պետք կգա:Ինչպես ասում են`ԼԱՎ Է ՈՒՇ, ՔԱՆ ԵՐԲԵՔ:

[chelovek84]

Հետաքրքիր ու հաճելի մասնագիտություն բոլորն էլ ուզում են ընտրեն։ Դրա արդունքը որպես կանոն հիասթափությունն է։ Ելնելով իմ դառը փորձից խորհուրդ եմ տալիս ընտրել միայն շուկայում պահանջարկ ունեցող մասնագիտություններ։ Խանդավառությունը հարկավոր է մի կողմ դնել։

[Գարեգին Քարհանյան]

Հարգելի ֆորումի մասնակիցներ, եթե ցանկանում եք ընտրել մասնագիտություն , ապա նախ և առաջ պետք է որոշեք թե ինչն է ձեզ ավելի հոգեհարազատ, դուք ինչ եք սիրում անել և որ գործն է ավելի լավ ստացվում ձեր մոտ, և դա էլ ընտրեք՝ խորացնելով ձեր մոտ այդ ոլորտի գիտելիքներն ու կարողությունները:Ինչ վերաբերվում է ինչ որ մասնագիտությամբ աշխատանք գտնելուն ու լավ վաստակելուն, հավատացեք, որ եթե դուք ձեր մասնագիտույունը ոչ թե լավ այլ շատ լավ տիրապետեք, ապա գործն էլ կլինի լավ վարձատրությունն էլ, միայն պետք է լինեք ձեր մասնագիտության մեջ առաջինը:

Ամենալավ աշխատանքը՝ լավ վարձատրվող հոբին է...

[Suzi Malumyan]

Ես համամիտ եմ պարոն Քարհանյանի այն խասքերին.«Եթե դուք ձեր մասնագիտությանը ոչ թե լավ,այլ շատ լավ տիրապետեք,ապա գործն էլ կլինի, լավ վարձատրությունն էլ, միայն պետք է լինել ձեր մասնագիտության մեջ առաջինը»:
Պարույր Սևակն էլ ասել է.
Ես հոգնել եմ մանրաքանդակ պաղ խոսքերից:
Լավ է լինել հմուտ դարբին, քան ոսկերիչ:
Կցանկանայի Սևակի հուշերից օրինակ բերել:Մասնագիտություն ընտրելու հարցում Սևակը մտածել է դառնալ կամ լավ գրականագետ- գիտնական կամ լավ բանաստեղծ:«Կուզեի լավ գիտնական լինել,բայց դրա համար խանգարում են երկու հագամանք,որոնցից մեկը ավել լինելու պատճառով,մյուսը՝ պակաս լինելու պատճառով:Ավել-խանգարիչս բանաստեղծ լինելս է, պակաս -խանգարիչը՝լեզուներ չիմանալս:Այ, եթե հայերենին ու ռուսերենին միանային նաև մի քանի եվրոպական լեզուներ,այն ժամանակ կարելի էր:
Բայց ասենք այս երկու խանգարիչ հանգամանքները, վերջին հաշվով, միանում են. չլինել բանաստեղծ,ասել է նաև իսկական համբերություն ունենայի,կնստեի ու կսովորեի այն ամենը,ինչի պակասը զգացվում էր-տվյալ դեպքում լեզուները:
Բայց դե արժե բանաստեղծ չլինելու գնով լավ գիտնական լինել»:
Ես աշխատում եմ Վանաձորի թիվ 27 հիմնական դպրոցում:Մեր դպրոցի տնօրեն պարոն Քարհանյանը բարձր մակարդակի վրա է դրել օտար լեզուների իմացության խնդիրը:Դպրոցում գործում են համապատասխան խմբակներ:Ես հավատում եմ, որ այս նորարարության շնորհիվ մեր դպրոցի աշակերտները մասնագիտություն ընտրելիս դժվարությունների առաջ կանգ չեն առնի, քանի որ լեզուներ իմանալու խնդիրը լուծված կլինի:

[Ավրորա]

Հետաքրքիր ու հաճելի մասնագիտություն բոլորն էլ ուզում են ընտրեն։ Դրա արդունքը որպես կանոն հիասթափությունն է։ Ելնելով իմ դառը փորձից խորհուրդ եմ տալիս ընտրել միայն շուկայում պահանջարկ ունեցող մասնագիտություններ։ Խանդավառությունը հարկավոր է մի կողմ դնել։

Ես ցանկանում եմ դառնալ Հոգեբան և,որքանով,որ գիտեմ հոգեբանը այնքան էլ պահանջված մասնագետ չէ Հայաստանում…Դա երևի կապված է հայ ազգի հոգեկերտվածքից,կամ հոգեբանություն գիտության զարգացվածության մակարդակից,բայց այնուամենայնիվ դա ինձ չի ստիպում,որ հետ կանգնեմ իմ որոշումից և ընտրեմ տնտեսագետի կամ բանասերի մասնագիտություն՝զուտ այն պատճառով,որ դրանք քիչ թե շատ պահանջվածություն ունեն Հայաստանում…Համաձայն եմ պարոն Քարհանյանի կարծիքի հետ,որ

Ինչ վերաբերվում է ինչ որ մասնագիտությամբ աշխատանք գտնելուն ու լավ վաստակելուն, հավատացեք, որ եթե դուք ձեր մասնագիտույունը ոչ թե լավ այլ շատ լավ տիրապետեք, ապա գործն էլ կլինի լավ վարձատրությունն էլ, միայն պետք է լինեք ձեր մասնագիտության մեջ առաջինը:

Ամենալավ աշխատանքը՝ լավ վարձատրվող հոբին է...

և ես կգնամ իմ ընտրած ուղղությամբ և կփորձեմ դառնալ լավ մասնագետ…