Ի՞նչ են տալիս թեստային աշխատանքները աշակերտներին

[Գագիկ]

Ուզում եմ տեղեկացնել, որ ֆիզիկայի թեստերը հարստացել են հետևյալ թեմաներով.

Էլեկտրոստատաիկ դաշտ
Կուլոնի օրենքը
Հաղորդիչները և դիէլեկտրիկները էլեկտրոստատիկ դաշտում
Էլեկտրոստատիկ դաշտի ուժերի աշխատանքը
Կոնդենսատոր
Էլեկտրական հոսանք, էլեկտրական շղթաներ
Էլեկտրական հոսանքի աշխատանքը և հզորությունը
ԷԼՇՈՒ, Օհմի օրենքը
Էլեկտրական հոսանքը մետաղներում, վակուումում և գազերում
Էլեկտրոլիզ
Մագնիսական դաշտ, Ամպերի օրենքը, Լորենցի ուժ
Լենցի կանոնը, էլեկտրոմագնիսական ինդուկցիայի օրենքը

Ինչպե և նախորդ թեստերը, սրանք նույնպես ռուսերեն են և Word.doc են:
Յուրաքանչյուր թեմայի համար բարդության երեք աստիճան կա, ներբեռնումը կլինի երեքը միասին:
Թեստերը կարող եք ներբեռնել այստեղից:

[arm.150yan]

Ողջունում եմ ֆորումի բոլոր մասնակիցներին: Հարգելի Գայանե, Ձեր առաջադրած հարցը շատ արդիական է, բայց ցավոք պետք է հակառակվեմ ձեր պատասխանի հետ: Թեստային աշխատանքները նախատեսված են աշակերտների գիտելիքների ստուգման համար, ոչ թե գիտելիք տալու: Բայց այդ ստուգման արդյունքներն էլ միշտ չէ որ արդարացնում են մեր` ուսուցիչներիս սպասելիքները, քանի որ համապատասխան առարկան ուսումնասիրելու գործընթացում, աշակերտների մեծ մասի մոտ գործում է` թեստում պատասխան նշելու պատահականության սկզբունքը: Ուստի պետք է նշեմ նաև, որ թեստերը չեն համարվում նույնիսկ գիտելիքներ ստուգելու միջոց, առավել ևս մեր կրթակարգում: Նախընտրում եմ թեստերի հետ առաջադրել նաև տեսական հարցեր, որոնք կվերաբերեն տվյալ թեմային: Թեստը, հատկապես երբ կազմվում է ուսուցչի կողմից, ավելի շատ ստուգում է ուսուցչի մտքի ճկունությունը, քան աշակերտի գիտելիքները... Արդյունքում` շատ աշխատող ուսուցչի կազմած թեստը լրացվում է քիչ աշխատող աշակերտի արագ նշումներով` ճիշտ, կամ սխալ...
Հարգանքներով` Արմենուհի.
Գյումրու թիվ 15 դպրոց:

[Mary]

Ֆիզիկայի `հայերեն տարբերակով ինչ նոր հրւատարակված թեստերի ժողոածուներ կան ? Ինձ հայտնի են միայն Ղազարյանի և Նինոյանի թեստերի ժողովածուները :
Եվ առաջարկում եմ նաև քննարկել թեստային գրքերը:

[Ruben]

Ձեր նշածները՝ 1.Է.Ղազարյան, Գ.Մելիքյան.- Ֆիզիկայի տեստային առաջադրանքների ժողովածու. Էդիթ Պրինտ-Երևան 2008:
2.Ժ. Նինոյան և ուրիշներ.- Ֆիզիկայի թեստերի ժողովածու /Բուհ ընդունվողների համար / - "ՄՈԱ" ՍՊԸ-Երևան 2009:
Հիմնական դպրոցում կարելի է օգտագործել.
Արամ Ծատուրյան.- ՖԻԶԻԿԱ. Թեստային առաջադրանքների և խնդիրների ժողովածու. - Երևան 2009, Մաս 1,2,3…

[lus]

Ինչպես կարելի է ստուգել աշակերտի գիտելիքները հայոց լեզու և գրականություն առարկայից` թեստերի միջոցով: Նույնիսկ բուհերի բանասիրական ֆակուլտետի ուսանողները քննությունները հանձնում են այդ տարբերակով: Չգիտես ինչպես գնահատել այն աշակերտին, որը ամբողջ տարվա ընթացքում երկու բառ մեր ոսկեղենիկ հայերենով չի կարողացել կապակցել իրար, գիրք չի ընթերցում, սակայն թեստային աշխատանքը պատահականության սկզբունքով անթերի է կատարում:

[Գագիկ]

Ի՞նչ են տալիս թեստային աշխատանքները աշակերտներին:

Այդ մասին ձեզ կասեն աշակերտները:

Արտագրություն դպրոցի ամենախիստ դասատուի ժամին

[Susanna37]

Լավ կազմած թեսթերը, որոնք ընդգրկում են թեման կամ առարկան, իմ կարծիքով, շատ բան կարող են տալ աշակերտին, հավելեմ՝ սովորող աշակերտին: Իսկ արտագրող աշակերտներ միշտ ամեն տեղ էլ լինում են, նույնիսկ բուհերի ընդունելության քննություններին:
Ես կարծում եմ թեստերով ոչ միայն կարելի է ստուգել աշակերտների գիտելիքները, այլև սովորեցնել: Այսինքն՝ կան ոչ միայն ստուգողական, այլև ոսուցողական թեստեր:
Հենց թեստ-գրքույկները սովորեցնելու համար են,իսկ պարոն Աղեկյանի բերած «Արտագրություն դպրոցի ամենախիստ դասատուի ժամին» թեմայի ուսուցչի ժամին հնարավոր է, որ աշակերտները արտագրեին, որովհետև ինքն էր ուզում այդպես, հակառակ դեպքում նոր թեստեր կկազմեր, այն էլ ոչ մեկը կամ չորսը, այլ շատ: Դա աշխատատար գործընթաց է, դրա համար էլ ուսուցիչները գերադասում են օգտվել արդեն պատրաստի թեստ-գրքույկներից, որոնցից աշակերտներն էլ ունեն և բազմացնելու անհրաժեշտություն չի առաջանա:
Այնուամենայնիվ, կարծում եմ, որ աշակերտը նստել ու թեստերի պատասխանները սովորել է գրավորի համար, ուրեմն մի բան սովորել է, դա էլ իր դրական կողմն ունի: Ես կողմ եմ այն թեսթերին, որոնց պատասխանները աշակերտները գրում են, լրացնում են բաց թողածը, ոչ թե օղակի մեջ են վերցնում կամ խաչեր են դնում, թեև թեսթերում դրանք էլ են պետք. մտածող աշակերտը մտածում է՝տրված տարբերակներից որն ընտրի և եթե առարկան սովորել է, պատասխանը ինքնուրույն ճիշտ կընտրի, արտագրելու վրա հույս չի դնի:

Երևի ավագ դպրոցների ստեղծման գործընթացը տանում է հենց դրան, որ ունենանք միայն սովորող աշակերտներ:

[Գագիկ]

... հնարավոր է, որ աշակերտները արտագրեին, որովհետև ինքն էր ուզում այդպես, հակառակ դեպքում նոր թեստեր կկազմեր...

Երևի ավագ դպրոցների ստեղծման գործընթացը տանում է հենց դրան, որ ունենանք միայն սովորող աշակերտներ:

Ես էլ հենց այդ եմ ասում:

Դուք շատ-շատ լավատես եք, չափից դուրս երևի:

[Susanna37]

Ես էլ հենց այդ եմ ասում:

Դուք շատ-շատ լավատես եք, չափից դուրս երևի:

Պարոն Աղեկյան, շատ կուզեի լավատես լինել, բայց ,ցավոք, այդպես չէ, համենայնդեպս մոտ ժամանակներումս իմ նշած սովորող աշակերտներին չեմ սպասում, նույնիսկ ավագ դպրոցում…
Ամեն առավոտ հանդիպում եմ մեր դպրոցից ավագ դպրոց գնացող աշակերտների, որոնքգնում են առանց պայուսակների, հետևաբար առանց գրքերի ու տետրերի… Իսկ նրանք արդեն երկրորդ տարին է` այդ դպրոցում են:
Վերջին իմ այդ միտքը արդեն ամեն ինչի հետ հարմարված մարդու խոսքեր էին: Ինձ վերջապես կարողացել են համոզել, որ ինչ ուզում ես արա, եթե նույնիսկ իրավացի լինես, միևնույն է ոչնչի չես հասնի:

[Շահեն_Վանաձոր17]

Անձամբ ես դեմ եմ թեստային աշխատանքների, որովհետև թեստային աշխատանքները չեն ստիպում մտածել և աշխատել աշակերտին, պատահական ընտրությունը, կամ (խոսքս մաթեմատիկայի մասին է) հերթով ստուգելով պատասխանները կարող է գտնել ճիշտ պատասխանը, ինչը չի նպաստում աշակերտիմտավոր ունակությունների զարգացմանը, բազմակողմանի մտածելուն