Հետաքրքիր բաղադրատոմսեր

[Anush Avetisyan]

<<Բանջարեղենով տորթ>>

Բաղադրությունը`
բազուկ 1 հատ
գազար 1 հատ
ձու 1 հատ
կարտոֆիլ 4 հատ

Կրեմ`
թթվասեր 400գ, կտրատած թթու վարունգ, մաղադանոս, սամիթ, կանաչ սոխ, աղ, պղպեղ` ըստ ճաշակի

Պատրաստման եղանակը`
Բազուկը, գազարը, կարտոֆիլը և ձուն եփել, մաքրել ու քերել առանձին-առանձին:Ափսեի մեջ այդ բոլորը շերտ-շերտ դասավորել իրար վրա` նախորոք յուրաքանչյուր շերտին քսել կրեմ: Վերջում կողերն ու երեսը պատել թթվասերով, զարդարել եփած, կտրատած ձվով ու կանաչիով:

[Ավրորա]

Բաղադրիչներ.
սմբուկ – 3 հատ,
լոլիկ - 2-3 հատ,
սխտոր – 3 պճեղ,
բուսայուղ – 2/3 բաժակ,
ձու – 2-3 հատ,
ալյուր – 2 ճ.գդ.
Սմբուկը երկար շերտատել: Աղ ցանել, թողնել մի քանի րոպե: Միջուկի համար լոլիկները մանր կտրատել: Ավելացնել մանրացրած սխտորը, խառնել: Ձուն կոտրել թասի մեջ, լավ խառնել: Սմբուկի ամեն շերտը երկու կողմից թաթախել ալյուրի մեջ, հետո ձվի մեջ, տապակել բուսայուղով երկու կողմից: Սմբուկի վրա գդալով միջուկ դնել, փաթաթել ռուլետի պես, չոփով ամրացնել: Ռուլետները կարելի է մատուցել թե տաք, թե սառը վիճակում:

Հ.Գ՝Փորձեք և չեք փոշմանի

[Թերեզա]

Պահանջվում է
Ձու-3հատ
Շաքարավազ-1բաժակ
Սոդա-1թ.գ.
Կաթ-1սուրճի բաժակ
Ալյուր-1բաժակ
Ձուն հարել ավելացնել շաքարավազը խանել ավելացնել կաթ,սոդա այս ամենը լավ խառնել ավելացնել վերջում ալյուր և դնել Ջեռոցը որ եփվի(Թավայի տակ որպեսզի չկպչի մի քիչ կարագ քսել):Եփվելուց հետո հանել քսել կրեմ և փաթաթել:
Բարի ախորժակ

[Թերեզա]

200գրամ ընկույզը մանրացնել, տապակել:600 գրամ մեղրը լցնել ամանի մեջ և դնել կրակին՝ աստիճանաբար ավելացնել 2 բաժակ շաքարավազ :Հետո մեղրով ու շաքարավազով ամանը ընկղմել սառը ջրով լի ամանի մեջ , պնդացնել՝ սառեցնելով և շաղ տալ պատրաստի ընկույզի վրա , խառնել և հարթեցնել ՝ տալով նախընտրած ձևը:

Բարի ախորժակ