Հետաքրքիր բաղադրատոմսեր

[Arpine]

Հարգելիներս առաջարկում եմ այստեղ կիսվել խոհանոցային հմտություններով:: Կարող եք տեղադրել նաև կայքեր: Իմ կարծիքով համեղ թեմա կլինի:

[ԺաննաՀ]

Միսը ֆրանսիական ձևով
Բաղադրությունը
400-500 գ խոզի միս
3-4 գլուխ սոխ
200-300 գ կոշտ պանիր
400 գ մայոնեզ
թարմ աղացած պղպեղ, աղ ու կանաչի:
Պատրաստման եղանակը

Միսը լվանալ, չորացնել ու կտրատել հյուսվածքաթելի ուղղությամբ, 1 սմ հաստությամբ: Յուրաքանչյուր շերտը համեմել աղով ու պղպեղով: Սոխը կտրատել օղակներով կամ էլ կիսաշրջանաձև: Պանիրը քերել խոշոր քերիչով:

Յուղոտած տապակի վրա դասավորել միսը, վրայից ոչ հաստ շերտով սոխ ավելացնել, ապա` մայոնեզապատել, պանիր ցանել վրան, եփել 25 րոպե` 180՛C:

Կարելի է մատուցել 10-15 րոպեից, ցանկության դեպքում կարելի է կանաչիով զարդարել:

ԽՈՀԱՐԱՐԱԿԱՆ ԲԱՂԱԴՐԱՏՈՄՍԵՐ ankakh.com կայքից
Untitled-3-copy.jpg

[Arpine]

Հարգելիներս առաջարկում եմ այստեղ կիսվել խոհանոցային հմտություններով:: Կարող եք տեղադրել նաև կայքեր: Իմ կարծիքով համեղ թեմա կլինի:

http://eva.ru/food/

[manush]

Շատ հետաքրքիր թեմա է։

Ես էլ ավելացնեմ մի էջի հղում. «Մամայի եփածն ամենահամովն է»։

[Ruben]

Շատ հետաքրքիր էջ է, շնորհակալություն...

[ԺաննաՀ]

Կարող եք այցելել նաև հայկական խոհանոցին նվիրված կայք` http://hats.xside.ru/:

[Ավրորա]

http://www.recipes.am Բաղադրատոմսերի կաայք:

[Ավրորա]

Նարնջով տորթ

Բաղադրությունը
2 մեծ նարինջ
250գր. շաքարի փոշի
4ճգ. նարնջի լիկյոր
250գր. կարագ
4 ձու
մի պտղունց աղ
250գր. ցորենի ալյուր
մի պտղունց սոդա
100գր. նարնջի ջեմ
150 գր. նարնջի շաքարած շերտեր
100-150գր. շոկոլադ
Պատրաստման եղանակները
Նարինջները լվանալ, մաքրել կեղևից, բարակ շերտորեվ կտրատել և դնել մի կողմ:
Նարինջները ճզմել, որպեսզի 150մլ. հյութ ստացվի, ավելացնել 50գր. շաքարի փոշի, տաքացնել մինչև եռալու աստիճան, ավելացնել նարնջի լիկյորը, վերցնել կրակից, ծածկել կափարիչով և թողնել ներծծվելու:
Կարագը տրորել մնացած շաքարի փոշու հետ, ավելացնել ձվերը և աղը, ապա միացնել ալյուրի և սոդայի հետ այնպես, որպեսզի միատարր զանգված գոյանա: Զանգվածը հավասարապես բախշել խորը ձևակաղապարի մեջ (22սմ պարագծով), եփել նախապես տաքացված ջեռոցում 180-200 ջերմության պայմաններում 45 րոպե: Պատրաստի տորթը ձևակաղապարի միջից առանց հանելու ծակծկել պատառաքաղով և ցողել նարնջի օշարակը, ապա թողնել սառչի:
Տորթը պատել ջեմով: Նարնջի շաքարած շերտիկները կիսել, գեղեցիկ դասավորել տորթի մակերևույթին, մի քանի հատիկ թողնելով զարդարելու նպատակով:
Գլազուրի համար: Շոկոլադը հալեցնել ջրային գոլորշու վրա, խառնելով ստանալ համասեռ զանգված: Ստացված զանգվածով ծածկել տորթի մակերեսը: Տորթի կողմնային մասերը ծածկել նարնջի շերտիկներով, իսկ վերևում ցանել կեղևի բարակ կտրտանքները:

[Arpine]

Հավով կարտոֆիլ
հավ – 1 հատ,
կարտոֆիլ – 1 կգ,
սոխ – 2 գլուխ,
սխտոր – 2 պճեղ,
քերած կոճապղպեղ ( имбирь) - 1 ճ.գդ.,
կիտրոնի հյութ – 2 ճ.գդ.,
բուսայուղ – 4-5 ճ.գդ.,
աղ

Հավի միսը լվանալ, կտրատել: Աղ, պղպեղ անել, ավելացնել 1 ճ.գդ. կիտրոնի հյութ, 3 ճ. գդ. բուսայուղ, կոճապղպեղ ( имбирь) և 1 մանրացրած սխտորի պճեղ: Թողնել 30 րոպե մարինացվի: Սոխն ու կարտոֆիլը կտրատել օղակներով, խառնել թասի մեջ: Վրան 1 ճաշի գդալ կիտրոնի հյութ, 1-2 ճ.գդ. բուսայուղ և մանրացրած սխտոր: Նորից խառնել և թողնել, որ կարտոֆիլը մարինացվի 10-15 րոպե:

Թավայի մեջ բուսայուղ տաքացնել, թեժ կրակով տապակել մարինացված հավի կտորները, երկու կողմից կառաջանա ոսկեգույն կեղև: Կարտոֆիլը շարել ջեռոցի տապակի մեջ, վրան` հավի կտորները: Եփել 180°C ջեռոցում 40 րոպե: Երբեմն կարելի է խառնել, շուռումուռ տալ, որ համաչափ եփվի: Ուտեստն ավելի արագ կեփվի, եթե փակվի փայլաթիթեղով

[anush]

Մարտի 7-ից սկսվել է Մեծ պահքը, եթե կարող եք գրեք նաև պահքի կերակուրներ