Այսօր "Անվտանգ ինտերնետի" միջազգային օրն է: Microsoft-Հայաստան գրասենյակի նախաձեռնությամբ ինտերնետային օրը նշելու համար հանրապետությունում առաջին անգամ կազմակերպվել էր տեսահոլովակների մրցույթ աշակերտների համար "Ինտերնետը, դրա առավելությունները, վտանգներն ու անվտանգ օգտագործումն իմ աչքերով" թեմայով: Մրցութի նյութերը պետք է պատրաստված լինեին Movie Maker ծրագրով և ունենային հղումներ սկզբնաղբյուրից:
Այո, հիանալի մրցույթ, հիանալի թեմա! Ինտենետն այսօր դարձել է առավել վտանգավոր հատկապես մեզ համար` բազմաթիվ գայթակղիչ խաղեր, սոցիալական ցանցեր, անհամար վիրուսներ կամ վիրասազերծողներ: Սակայն որքան էլ մենք գիտակցում ենք ինտերնետի վտագավոր լինելը, այնուամենայնիվ առանց ինտերնետի կյանքը չենք պատկերացնում. համաշխարհային նորություններից առաջինը տեղեկանում ենք ինտերնետից, դասերի համար հավելյալ տեղեկություն ենք ստանում ինտերնետից, Show business-ի գունագեղ աշխարհը բացվում է ինտերնետում... Թվարկումները շատ են, բայց դրանց կողքին են նաև ինտերնետային անպետքությունները, որոնցից մենք նույնպես օգտվում ենք:
Մրցույթի ամփոփումը տեղի էր ունենում Երևանի "Էրեբունի պլազա" հյուրանոցի "Էրեբունի հոլլում": Մրցույթին ներկայացված էին 60-ից ավելի աշխատանք, որոնք իրարից տարբերվում էին հեղինակների յուրահատուկ մոտեցումներով: Մրցանակները շատ էին, իսկ ծափողջյուններն` ավելի բուռն:
Ես ուրախ էի ոչ այնքան ինձ համար, որքան շրջաններից եկած իմ հասակակիցների համար, ովքեր ոչ միայն հետաքրքիր տեսահոլովակներ էին պատրաստել, այլ նաև երկար ճանապարհ էին կտրել, որ այսօր կարողանային միանալ այս միջազգային կախարդական օրվան:
Ես, օգտվելով առիթից, կրկին անգամ իմ շնորհակալության խոսքերն եմ ուղղում կազմակերպիչներին` նման հետաքրքիր մրցույթ կազմակերպելու համար և կցանկանայի, որ այն ունենար շարունակություն:
Տաթև Դերզյան
Երևանի թիվ 112 ավագ դպրոցի 10-րդ դասարանցի
P.S. Մրցույթի բոլոր նյութերը տեղադրված են www.itn.am կայքում:
Մեջբերել
Narek-gg-ի խոսքերից
Էջանիշներ