Վեբ կայքերի պատրաստման հետ կապված հարցեր

[manush]

Ողջունում եմ այն մարդկանց, որոնք ցանկություն և հետաքրքրություն են հանդես բերում իրենց դպրոցի ՎԵԲ կայքի պատրաստման գործում, միաժամանակ ուզում եմ հարցնել` հարգելի Chuk, ի՞նչ մակարդակով է դրված դպրոցի կայք պատրաստելու, ունենալու հարցը: ԿԳ նախարարության կողմից կա՞ հստակ մոտեցում, միասնական պահանջ այդ հարցի վերաբերյալ, թե՞ <<տարերայնորեն>> ներկայացվող պահանջներից մեկն է:

Ողջույն, հարգելի Ժաննա։

Դպրոցական կայքերի ստեղծման անհրաժեշտությանը բազմիցս անդրադարձել ենք, նամակներ ենք ուղղել դպրոցներին։ Վերջին՝ հունվարի 21–ի նամակին կարող եք ծանոթանալ այստեղ։ Այն տեղադրված է նաև մեր կազմակերպության կայքում։
Ինչպես նշել ենք նամակում

ՀԴԻՑ–ի կենտրոնական հանգույցում տեղադրվում և տեխնիկապես սպասարկվում են դպրոցական կայքերը, որոնց օգնությամբ կարելի է լուծել դպրոցի և համացանցի կրթական պաշարները հարստացնելու, տեղեկատվություն և առաջավոր փորձ փոխանակելու, տարբեր տեղական և միջազգային ծրագրերի մասնակցելու, դպրոցի համայնքի և ծնողների հետ ուղղակի կապ հաստատելու հիմանախնդիրները։ ՀԴԻՑ–ի տրամադրած հնարավորությունները լիարժեք օգտագործելու և էլեկտրոնային հասարակություն ձևավորելու տեսանկյունից դպրոցական կայքերի ստեղծումը, դրանց արդյունավետ շահագործումն ու կատարելագործումն այսօր դարձել է խիստ հրատապ և կարևոր խնդիր։

Այստեղ այս թեման էլ ստեղծել ենք խորհրդատվության տրամադրման, փոխադարձ օգնության նպատակով։
Մենք նախատեսում ենք իրականացնել կայքերի միասնակական բնութագրերի, առանձնահատկությունների մշակման աշխատանքներ։
Կայք ունենալու հարցում, համոզված եմ, որ առաջին հերթին հենց դպրոցը պետք է շահագրգռված լինի։ Դպրոցական գույքի՝ համակարգչի, դասագրքի, ... շարքում հիմա կարևոր տեղ ունի նաև ինտերնետային կայքը, շեշտում եմ՝ կայքը, այսինքն՝ գույքը, թող որ ոչ շոշափելի, այլ՝ վիրտուալ։

Հարրգելի Ժաննա, ՀԴԻՑ–ի կենտրոնական հանգույցում տեղադրում և տեխնիկապես սպասարկում ենք բոլոր դպրոցների կայքերը, անկախ այն հանգամանքից դրանք ՀԴԻՑ–ում ընդգրկված են, թե՝ ոչ, պետական են, թե՝ մասնավոր։

[Հայկ]

Հարգելի Ժաննա, ցանկանում եմ տեղեկացնել Ձեզ, որ անկախ Ձեր կամքից և իմացության, ձեր դպրոցն ընդգրկվել է ՀԴԻՑ–ին նոր միացվելիք դպրոցների ցանկում։ Ներկայումս ԾԻԳ–ն իրականացնում է ծրագիր, որով նախատեսվում է ընդլայնել ՀԴԻՑ–ն՝ այնտեղ ընդգրկելով Հայաստանի բոլոր դպրոցները։ Ծրագիրը ըստ խիստ նախնական տվյալների պետք է ավարտվի մինչև այս տարվա վերջ։ ՀԴԻՑ–ի բոլոր դպրոցներն ինտերնետային կապը ստանում են կենտրոնական հանգույցից։ Սա տալիս է հնարավորություն կառավարել ցանցը, ինչպես նաև տրամադրել տարատեսակ ծառայություններ առանց ներգրավելու մասնավոր սեկտորին։ Այսինքն, օրինակ տրամադրել հոսթինգ, որն իրենից ներկայացնելու է հայկական կրթական միջավայրի մի մասը, կամ տրամադրել պաշտոնական էլեկտրոնային փստի հասցե...
Ինչևէ ավելի մանրամասն տեղեկություն Ցանցի մասին կարող եք ստանալ այցելելով www.ktak.am կայքը։

[ԺաննաՀ]

ԿՏԱԿ-ի հարգելի աշխատակիցներ, շնորհակալություն պատասխանի համար:
Կարելի էր ենթադրել, որ ցանկության դեպքում ես կարող էի գտնել այս ամենը և կարդալ ձեր կայքում: Այդպես էլ կա: Ուղղակի ձեր պատասխանը ավելի պարզ դարձրեց այն, ինչի մասին առայժմ ուզում էի իմանալ:

[manush]

Հարգելի գործընկերներ,

Կրթական տեխնոլոգիաների ազգային կենտրոնը «Հայկական կրթական միջավայր» պորտալում հայտարարել է

«Դպրոցական կայքերի ստեղծման և զարգացման հիմնախնդիրները» առցանց խորդաժողովի կազմակերպման մասին։

Ֆորումում ստեղծվել է առցանց խորհրդաժողովի նախապատրաստման և կազմակերպման հարցերի քննարկումների թեմա: