Կրթության որակի մասին

[LEVON]

Այստեղ խոսենք նախորդ տարիների և այսօրվա կրթության որակի մասին…
Կատարենք համեմատություններ...
Կրթության ոլորտի պատասխանատուներին այս թեման շատ կհետաքրքրի........երևի......

[Susanna37]

Կրթության որակի մասին այս ֆորումում շատ է խոսվել, օրինակ՝ «Ուսուցճի ձայն» թեմայում, բայց սա այնքան կարևոր թեմա է, որ հաճախ պիտի սրա մասին խոսվի, որ գուցե մի բան փոխվի:
Կրթության որակը, իմ կարծիքով, կախված է մի քանի գործոններից: Այսօր կրթությունը, եթե համեմատենք նախորդ տասնամյակների հետ, անկում է ապրում: Պատճառներից մեկը, ըստ իս, դպրոցների աշակերտ-թվով ֆինանսավորումն է: Դպրոցները ստիպված են պահել բոլոր աշակերտներին, անկախ նրանից՝ ուզում է սովորել, թե ոչ: Բուհեր էլ կարող են ընդունվել ցածր գիտելիքներով. բուհերն էլ ֆինանսավորման խնդիրներ ունեն: Ավարտելուց հետո էլ բուհի և դպրոցի շրջանավարտներից շատերը աշխատանք չեն էլ ունենալու, այնպես որ նրանք կարող են ցածր գիտելիքներով էլ մի կերպ գոյատևել: Այդ ամենի պատճառը գործազրկությունն է, աղքատ տնտեսությունը, մի խոսքով, Հայաստանի ներկայիս դրությունը: Զարգանա երկիրը, փոխվի պետության վերաբերմունքը կրթության նկատմամբ, բարելավվեն ֆինանսավորման պայմանները, ուսուցիչների աշխատավարձը և այլն, կբարելավվի նաև կրթության որակը: Կրթության որակը կախված է նաև սուբյեկտիվ պատճառներից: Կրթության որակի բարելավման համար քայլեր պիտի արվեն նաև ծրագրերի, դասագրքերի բարելավման, բեռնաթափման , դպրոցները տեխնիկապես վերազինման, ուսուցչական որակյալ կադրերի վերապատրաստման ուղղությամբ և այլն: իսկ այս բոլորը ֆինանսի հետ է կախված: Պետությունն էլ այդ ֆինանսը կրթության համար չունի: Քանի դեռ պետությունը իր բյուջեի պակասը լրացնում է կրթության հաշվին, կրթության որակը այնպիսին կլինի, ինչպիսին կա:

[Անահիտ1975]

Այդ ամենի հետ համաձայն են:Արտաքին ստուգումների վերաբերյալ ինչ կարծիք ունեք:

[Գագիկ]

«Հերթ» բառը վաղուց արդեն չի նախադրվում շատ-շատ բառերի: Ասենք՝ հացի, կահույքի, բնակարանի, տոմսի /կինոյի, թատրոնի/… Այս միտքը երևի կարոտախտի հովիտ կտանի միջին և ավագ սերնդին, իսկ երիտասարդներին ընդամենը անորոշ նախաբան կթվա, իսկ թե ասվածդ ուրանաս ու ասես «գրքի հերթ», այն էլ՝ գեղարվեստական, մեղմ ասած, կկասկածեն ուղեղիդ հավասարակշռությանը: Բայց, հիրավի, կային ժամանակներ, երբ որևէ՝ ձեռքից ձեռք սուրացող գրքի համար /ասենք «Անռելի զանգակատուն», «Կոմս Մոնտե Քրիստո»/ ստիպված էիր ամիսիներ հերթիդ սպասել: Բա~, եղել է, չի եղել և այդ ժամանակն է եղել: …կարդալ շարունակությունը

http://lenahovsepyan.com/

[LEVON]

Այդ ամենի հետ համաձայն են:Արտաքին ստուգումների վերաբերյալ ինչ կարծիք ունեք:

Այս տարի մեզ մոտ արտաքին ստուգումներ չեղան: Անցած տարվա արդյունքները կախված էին նրանից, թե ստուգողը որքանով էր եղել օբյեկտիվ գրավորի ժամանակ: Արդյունքները՝ քսանից հիսուն տոկոս:
Մեր գյուղերից մեկում ֆրանսերենից այս տարվա արտաքին ստուգում՝ զրո տոկոս......զարմանալի է, բայց փաստ.......Այդ դպրոցը, տնօրենը և ուսուցիչը վատերից չեն տարածաշրջանում....չգիտեմ....երևի շաաաաատ օբյեկտիվ են եղել........Եկեք փորձենք տարվա վերջում տեսնել այդ աշակերտների գնահատականները....երևի չորսից մինչև ինը.......բայց դա իհարկե ոչ մեկին չի հետաքրքրում......ան վերջ ձևականությունների շարք.....Էսպես էլ ապրում ենք.......

[Ruben]

Այո, եղել է նաև այդ ժամանակը, որը մեր սերունդը ոչ թե հիշում է, այլ չի մոռանում /ոչ թե չի կարողանում մոռանալ, այլ չի ուզում մոռանալ/:
Ֆորումականներին խորհուրդ եմ տալիս ծանոթանալ նախորդ գրառման մեջ /#4 / նշված կայքին:

[Susanna37]

Արտաքին ստուգման գրավորներին և նրանց արդյունքներին /հատկապես ավագ դպրոցների 10-րդ դասարանների/ ես ծանոթացել եմ համացանցի միջոցով: Մեզ մոտ էլ գրավորներ չտվեցին: Ես մտածում եմ՝ ստուգում են, թող ստուգեն, բայց ստուգելուց հետո ճիշտ եզրակացություններ անեն:
Բայց եթե նկատել եք, նախարարությունը կամ Գնահատման և թեստավորման կենտրոնը արդյունքները վերլուծելիս շեշտը դնում է դպրոցների և ուսուցիչների վրա: Ցածր արդյունքների մեղավորը միմիայն ուսուցիչն է. ոչ մի օբյեկտիվ պատճառ չեն տեսնում, իրենց մեղավորությունը չեն զգում:Չեն զգում, որ իրենք իրենց նորարարություններով, բոլոնյան ծրագրերով դպրոցը հեռացրին իր ազգային արմատներից: Այսօր դպրոցի/ այսինքն՝կրթության/ նկատմամբ անտարբեր են դարձել և երեխաները, և նրանց ծնողները: ԵՎ քանի դեռ կրթության ցածր որոկի «մեղավորը» կհամարվի միայն ուսուցիչը,ըստ իս, կրթության որակը չի բարելավվի:

[Ruben]

Հարգելի Սուսաննա լիովին համաձայն եմ Ձեզ հետ: Արտաքին ստուգման արդյունքները քննարկվեցին միակողմանի, դա այդպես էլ պետք է լիներ / ուսուցիչը "Սիմոնն" է, բայց պետք չէ կարծել, որ ուսուցիչը մեղք չունի /: Կարծում եմ ներկա գնահատման համակարգի ներդնողները այնքան իրատես կլինեն, որ "մեղքի" մի մասն էլ իրենց վրա կվերցնեն և ժամանակի ընթացքում իրենց ԿՈՊԻՏ սխալը կուղղեն: Գնահատման համակարգի սխալների ուղղման համար, մենք՝ ուսուցիչներս, պետք է ավելի ակտիվ լինենք: Վերադառնանք և ավելի մեծ ակտիվությամբ քննարկենք ֆորումի կրթության որակին և գնահատման ներկա համակարգին վերաբերվող թեմաները, ավելի հետևողական լինենք դրանք "տեղ" հասցնելուն:
Գրածս չի ենթադրում, որ ես դեմ եմ գնահատման ներդրված համակարգին և կրթության որակի բարձրացմանը ուղղված նորամուծություններին: Նաև ասեմ , որ դրանք այնքան էլ նորամուծություններ են. կիրառվել են սովետական ուսումնական համակարգում...

[Liza]

Ցանկացած ստուգում, արտաքին, միջանկյալ թե ներքին, գոհացուցիչ արդյունք ունենալ չի կարող, քանի դեռ աշակերտը չի ուզում և չի սովորում: Համաձայն եմ հարգելի կոլեգաների գրածներին, ուսուցիչը տալիս ու պահանջում է այնքան գիտական նյութ, որքան պահանջում է ուսծրագիրը. համոզված եմ, որ հանրապետության ուսուցիչների 9/10-ը այս կատեգորիայի է:
Այլ հարց է, որ գործող համակարգը ամենահասկանալի ձևով հասկացրել է, նույնիսկ ամենաբութ աշակերտին, որ նրա գիտելիքների անբավարար մակարդակը անգամ նրան դպրոցից չի հեռացնի: Ես, սիրելի կոլեգաներ, խոսում եմ ԼԾԱԿՆԵՐԻ մասին, այն լծակների, որոնք մեզ հնարավորություն կտան օբյեկտիվ կերպով գնահատել ու պահանջել տված գիտելիքի վերադարձ: Այդ որ դպրոցից և քանի աշակերտ է մնացել նույն դասարանում? Ոչ մեկը, քանի որ .... դե, բոլորս էլ գիտենք հետագա սխեման. կսկսեն չարախոսել, որ ընկել է աշակերտի հետևից ու կփոխեն դպրոցը:

[Անահիտ1975]

Շատ ճիշտ մոտեցում է:Այս տարի մեր դպրոցը կարողացավ կոտրել որոշ կարծրատիպեր.ունենք և՛ երկտարեցիներ, և՛դպրոցից հեռացված
աշակերտներ:Ճիշտ է ,ֆինանսական դժվարությունների մեջ հայտնվեցինք,սակայն փոխարենը ձեռք բերեցինք հարգանք և արժանապատվութ-
յուն:Աշակերտների և ծնողների վերաբերմունքը դպրոցի նկատմամբ փոքր -ինչ փոխվեց: