Դիմորդ 2011

[Վարդուհի]

Բարև ձեզ...
Ես սովորում եմ ավագ դպրոցի (ռուսական) ընդհանուր հոսքում 11-րդ դասարանում:
Կարող եմ հանձնել միասնական քննություն ԵՊՀ ընդունվելու համար

[manush]

Այս թեմայում կտեղադրենք 2011թ. ընդունելությանը վերաբերվող նյութեր։

[manush]

Գնահատման և թեստավորման կենտրոնի հայտարարությունը

Գնահատման և թեստավորման կենտրոնը սույն թվականի փետրվարի 1-ից սկսում է շրջանավարտների «Հայոց լեզու և հայ գրականություն», «Մաթեմատիկա», «Հայոց պատմություն», «Ընդհանուր պատմություն», «Քիմիա», «Ֆիզիկա», «Օտար լեզու» (անգլերեն, ֆրանսերեն, գերմաներեն, ռուսերեն, իսպաներեն, պարսկերեն, իտալերեն), «Աշխարհագրություն», «Կենսաբանություն» առարկաներից միասնական (2011 թվականի բուհերի ընդունելության) քննությունների կազմակերպման գործընթացը:

Միասնական քննությանը մասնակցելու համար շրջանավարտը (դիմորդը) պետք է լրացնի դիմում-հայտ:
Շրջանավարտները (դիմորդները) դիմում-հայտ են լրացնում իրենց բնակության վայրի` այդ նպատակով առանձնացված ուսումնական հաստատությունում, որի մասին տեղեկություն ստանալու համար անհրաժեշտ է դիմել փաստացի բնակության վայրի մարզային (Երևանի քաղաքապետարանի) կրթության վարչություն:

Միասնական քննությանը մասնակցելու համար անհրաժեշտ է`


· 3x4 չափի լուսանկար,

· անձնագրի կամ ծննդյան վկայականի պատճենը,

· «ՎՏԲ Հայաստան բանկ»-ում Գնահատման և թեստավորման կենտրոնի 160481037341 հաշվի համարին յուրաքանչյուր քննությանը մասնակցելու համար փոխանցել 1500 (հազար հինգ հարյուր) դրամ և վճարի անդորրագիրը կցել դիմում-հայտին:


Միասնական քննության վճարից (1500 դրամ) ազատվում են հետևյալ դիմորդները`

· պարտադիր ժամկետային ծառայությունից զորացրված անձինք,

· 1-ին և 2-րդ խմբերի և մինչև 18 տարեկան մանկուց հաշմանդամները,

· ՀՀ պաշտպանության ժամանակ զոհված զինծառայողների երեխաները,

· առանց ծնողական խնամքի մնացած մինչև 23 տարեկան անձինք:

Վերոգրյալ խմբերին պատկանող անձինք դիմում-հայտին համապատասխանաբար կցում են զինվորական գրքույկի պատճենը, հաշմանդամության տեղեկանքի պատճենը, ՀՀ պաշտպանության նախարարության, ՀՀ կառավարությանն առընթեր ոստիկանության և ՀՀ կառավարությանն առընթեր ազգային անվտանգության ծառայության կողմից տրված տեղեկանքների պատճենները, ինչպես նաև առանց ծնողական խնամքի մնացած լինելու վերաբերյալ համապատասխան փաստաթղթերի պատճենները:

Դիմում-հայտերի ընդունման վերջին ժամկետը 2011 թվականի մարտի 15-ն է:


Դիմում–հայտերը հանձնելու համար առանձնացված դպրոցների ցանկը

[manush]

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ԱՌԿԱ ՈՒՍՈՒՑՄԱՆ 2011/2012 ՈՒՍՈՒՄՆԱԿԱՆ ՏԱՐՎԱ ՄԱՍՆԱԳԻՏՈՒԹՅՈՒՆՆԵՐԻ ԵՎ ԸՆԴՈՒՆԵԼՈՒԹՅԱՆ ՔՆՆՈՒԹՅՈՒՆՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՐՈՇՈՒՄ /25 նոյեմբերի 2010 թվականի N 1547-Ն/


«Կրթության մասին» Հայաստանի Հանրապետության օրենքի 15-րդ հոդվածի 5-րդ կետին համապատասխան` Հայաստանի Հանրապետության կառավարությունը ո ր ո շ ու մ է.

1.Հաստատել Հայաստանի Հանրապետության բարձրագույն ուսումնական հաստատությունների առկա ուսուցման 2011/2012 ուսումնական տարվա մասնագիտությունների և ընդունելության քննությունների ցանկը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:


ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԱՐՉԱՊԵՏ Տ. ՍԱՐԳՍՅԱՆ

2010 թ. դեկտեմբերի 1
Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲԱՐՁՐԱԳՈՒՅՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ԱՌԿԱ ՈՒՍՈՒՑՄԱՆ 2011/2012 ՈՒՍՈՒՄՆԱԿԱՆ ՏԱՐՎԱ ՄԱՍՆԱԳԻՏՈՒԹՅՈՒՆՆԵՐԻ ԵՎ ԸՆԴՈՒՆԵԼՈՒԹՅԱՆ ՔՆՆՈՒԹՅՈՒՆՆԵՐԻ ՑԱՆԿԸ

[LEVON]

Հնարավոր է իմանալ արդյոք՞, թե այս տարի ընդունելության տեղերը քանակի առումով նույնն են մնալու ,թե ոչ: Ենթադրում եմ, որ կպակասեն: Եթե այդպես է , ապա ինչքան են պակասելու անվճար և վճարովի տեղերը: Շնորհակալություն:

[petros59]

Հնարավոր է իմանալ արդյոք՞, թե այս տարի ընդունելության տեղերը քանակի առումով նույնն են մնալու ,թե ոչ: Ենթադրում եմ, որ կպակասեն: Եթե այդպես է , ապա ինչքան են պակասելու անվճար և վճարովի տեղերը: Շնորհակալություն:

Levon ջան ես էլ ենթադրում եմ, որ բոլոր ցանկացողները կնդունվեն, թե մեջն ինջ, չգիտեմ:

[Ruben]

Հարգելի գործընկերներ, այս տարվա ընդունելության հարցը ինչ որ չափով պարզ է: Մյուս տարվա հարցը արդեն հուզում է բոլորին...Լուրեր են պտտվում, որ 2012 թվականի ընդունելության քննությունները արմատապես փոխվելու են : Ինչ գիտեք այդ մասին...

[manush]

Հարգելի դիմորդներ,

հայտնի են.

ՄԻԱՍՆԱԿԱՆ ՔՆՆԱԿԱՆ ԿԵՆՏՐՈՆՆԵՐԸ
և
ՄԻԱՍՆԱԿԱՆ ՔՆՆՈՒԹՅՈՒՆՆԵՐԻ ՕՐԵՐՆ ԸՍՏ ԱՌԱՐԿԱՆԵՐԻ

Աղբյուր՝ Գնահատման և թեստավորման կենտրոնի կայք

[anush]

Ինձ հետաքրքրում է 9-րդ դասարանի քննությունների ժամանակ ինչ գրիչ է հարկավոր օգտագործել: Նման պահանջ կա, թե ոչ: Նաև հանձնաժողովի մեջ ովքեր կարող են ընդգրկվել:

[Susanna37]

Ինձ հետաքրքրում է 9-րդ դասարանի քննությունների ժամանակ ինչ գրիչ է հարկավոր օգտագործել: Նման պահանջ կա, թե ոչ: Նաև հանձնաժողովի մեջ ովքեր կարող են ընդգրկվել:

Քննություններին օգտագործում են սև գույնի гелов-ի գրիչ: Հանձնաժողովի մեջ հնդգրկվում են որպես կազմակերպիչներ ոչ մասնագետ ուսուցիչները, իսկ ստուգողների մի մասը լինում է մասնագետ, մյուս մասը՝ ոչ մասնագետ: