Հոգեբանական թեստեր

[Ավրորա]

Առաջարկում եմ այս թեմայում տեղադրել հոգեբանական թեստեր,որոնք հնարավորություն կտան ֆորումի այցելուներին և անդամներին ճանաչել սեփական <<ես>>-ը:Ահա մի օրինակ.


Հոգեբանական թեստ. Ճանաչում եք ինքներդ Ձեզ

1. Ընդունակ եք ծիծաղել սեփական թերությունների վրա:
ա. իհարկե, առողջ ինքնաքննադատությունը խորթ չէ ինձ. - 1
բ. ոչ, ինձ միայն դա էր պակաս. - 3
գ. նեղ շրջանակում` միգուցե, բայց ոչ հասարակության մեջ: - 2

2. Կհանդգնեք համարձակ շոր հագնել
ա. բնավ, կազմվածքս այն չէ - 3
բ. այո - 1
գ. թերևս միայն դիմակահանդեսի ժամանակ - 2

3. Ըստձեզ` ինչն է կարևոր համատեղ կյանքում
ա. փոխադարձ հարգանքը - 2
բ. ընդհանուր ծախսերի արդյունավետությունը - 1
գ. միասին լինելու հանգամանքը - 3

4. Կարող եք ապրել աշխարհից կտրված վայրում
ա. ամեն ինչ հնարավոր է - 1
բ. ոչ մի դեպքում - 2
գ. այո, համենայն դեպս` այնտեղ ինձ ոչ մեկը չի անհանգստացնի - 3

5. Կգայթակղվեք փող աշխատելո ւառաջարկով
ա. միայն կանխավճար ստանալու դեպքում - 1
բ. այո, ինչու ձեռքից բաց թողնել նման հնարավորությունը - 3
գ. ոչ, ավելորդ գլխացավանք է - 2

6. Եթե գործը գլուխ չի գալիս, մեղադրում եք մերձավորներին
ա. այո, եթե մեղավոր են - 3
բ. միայն հոգուս խորքում - 1
գ. բոլորիս էլ մեղադրում եմ - 2

7. Միշտ եք ձգտում առաջինը լինել
ա. այո, միայն առջևից գնացողն է հաջողության հասնում - 3
բ. ոչ, դա մեծ լարվածություն կլինի ինձ համար - 1
գ. շատ քչերին է ամեն ինչ միանգամից հաջողվում - 2

Ամփոփեք

7-11 միավոր – Չեք վախենում ինքներդ ձեզ բաց աչքերով նայել: Փորձում եք հաղթահարել սեփական թերությունները, ինչն ինքնավստահություն է ներշնչում և հոգեկան անդորր բերում:
12-16 միավոր- Իրատես եք: Ձեր պատկերացումները սեփական անձի մասին միանգամայն հստակ են: Ճանաչում և ընդունում եք ձեր թույլ և ուժեղ կողմերը: Վստահ եք սեփական ուժերի վրա:
17-21 միավոր – Առայժմ համարձակություն չեք ունեցել քննադատաբար նայելու սեփական անձին, այդուհանդերձ` ընդունում եք, որ շատ դժվարությունների պատճառն ինքնախաբեությունն է: Ձգտեք ինքներդ ձեզ հետ անկեղծ լինել, եթե ցանկանում եք հաջողության հասնել:
_________________

[Սահակյան Սահականուշ]

Շնորհակալություն թեման բացելու և թեստ տեղադրելու համար: Ես այս թեստից հավաքել եմ 13 միավոր:

[Ավրորա]

Շատ ուրախ եմ,որ ձեզ դուր է եկել,ես երազում եմ հեգեբան դառնալ դրա համար էլ հատուկ սեր ունեմ հոգեբանական թեստերի նկատմամբ,կցանկանայի,որ ովքեր,որ կունենան ձեռքի տակ հոգեբանական թեստեր,տեղադրեն այս թեմայում,կարծում եմ շատերին այն կհետաքրքրի:Ձեր հավաքած միավորները շատ լավ բնութագիր են տալիս ձեր մասին,ուրախ եմ,որ այդպիսին եք:

[Ավրորա]

ԸՍՏ ՏԱՐԱԾՎԱԾ ԿԱՐԾԻՔԻ` ԿԱՆԱՅՔ ԱՎԵԼԻ ՀՈՒԶԱԿԱՆ ԵՆ, ՔԱՆ ՏՂԱՄԱՐԴԻԿ։ ԶԳԱՆՑՄՈՒՆՔՆԵՐԻ ՈՒ ՀՈՒՅԶԵՐԻ ԱԶԴԵՑՈՒԹՅԱՆ ՆԵՐՔՈ ՄԵՆՔ ԿԱՐՈՂ ԵՆՔ ՉԿՇՌԱԴԱՏՎԱԾ ԱՐԱՐՔՆԵՐԻ ԴԻՄԵԼ։ ՆՄԱՆ ԴԵՊՔԵՐՈՒՄ ՈՒԺԵՂ ՍԵՌԻ ՆԵՐԿԱՅԱՑՈՒՑԻՉՆԵՐԸ ՄԵՂՔԸ ԲԱՐԴՈՒՄ ԵՆ ԿԱՆԱՑԻ ՆԵՂ ՏՐԱՄԱԲԱՆՈՒԹՅԱՆ ՎՐԱ։ ԻՐԱԿԱՆՈՒՄ ԿԱՆԱՅՔ ՇԱՏ ՏԱՐԲԵՐ ԵՆ` ԹՈՒՅԼ ԵՎ ՈՒԺԵՂ, ՀՈՒԶԱԿԱՆ ԵՎ ԶՈՒՍՊ։ ԱՅԴ ԱՄԵՆՈՒՄ ՀԱՄՈԶՎԵԼՈՒ ՀԱՄԱՐ ԱՌԱՋԱՐԿՈՒՄ ԵՆՔ ԼՐԱՑՆԵԼ ՀԵՏԵՎՅԱԼ ԹԵՍՏԸ.

1. Նկատե՞լ եք արդյոք, որ որոշումներ կայացնելիս շտապողականություն եք ցուցաբերում։
2. Նկատե՞ եք արդյոք, որ ամենօրյա կյանքում հաճախ պահի ազդեցության տակ եք քայլերի դիմում` առանց հնարավոր հետևանքների մասին մտածելու։
3. Հետևո՞ւմ եք արդյոք «Յոթ անգամ չափի՛ր, մեկ անգամ կտրի՛ր» ասացվածքին։
4. Փաստե՞լ եք արդյոք, որ առանց մտածելու՝ խոսելու հակվածություն ունեք։
5. Հատո՞ւկ է Ձեզ, արդյոք, ինչ-ինչ քայլերի դիմել զգացմունքների ազդեցության տակ։
6. Հակվա՞ծ եք, արդյոք, երկար մտածելու և ծանրութեթև անելու Ձեր արարքները։
7. Ազդո՞ւմ են, արդյոք, Ձեր նյարդերին անվստահ և երկչոտ մարդիկ։
8. Ձեզ խոհեմ մարդ համարո՞ւմ եք։
9. Արդյո՞ք որոշումներ կայացնելիս զգացմունքները վճռական դեր ունեն։
10. Որոշում կայացնելիս Ձեզ հատո՞ւկ է երկար-բարակ
մտածելուց խուսափելը։
11. Արդյոք հաճա՞խ եք ինքներդ Ձեզ հանդիմանում
շուտափույթ և անխոհեմ որոշում կայացնելու
համար։
12. Որոշում կայացնելիս մտածո՞ւմ եք, արդյոք, վերջինիս հետևանքների մասին։
13. Տատանվո՞ւմ եք, արդյոք, մինչ որոշում կայացնելը։
14. Նույնիսկ ամենահեշտ հարցը լուծելիս մի՞շտ է, որ
Ձեզ երկար մտածելու ժամանակ է հարկավոր։
15. Կոնֆլիկտի առկայության պարագայում մի՞շտ է
արդյոք, որ կարողանում եք հակահարված տալ
հակառակորդին։

ԱՐԴՅՈՒՆՔՆԵՐԻ ԱՄՓՈՓՈՒՄ

Հաշվե՛ք ընդհանուր միավորների քանակը։ 1, 2, 4, 5, 7, 9, 10, 11, 12 և 15-րդ հարցերին տրված յուրաքանչյուր «այո» և 3, 6, 8, 13, 14 հարցերին տրված «ոչ» պատասխանների համար Դուք վաստակում եք 1 միավոր։

Մինչև 5 միավոր
Դուք զուսպ և հավաք մարդ եք։ Ձեր յուրաքանչյուր բառ կամ որոշում մտածված և ծանրութեթև արված է։ Ձեր կողմից ձեռնարկված յուրաքանչյուր գործ կատարվում է ժամանակին և ինչպես հարկն է։ Դուք հուսալի մարդ եք։ Երբեմն Ձեզ այնպիսի զգացողություն է համակում, ասես կյանքն անցնում է Ձեր կողքով, իսկ Դուք ոչինչ չեք հասցնում անել։ Երբեմն շրջապատի մարդիկ Ձեզ կարող են դանդաղկոտ և ոչ զգայուն համարել։ Ավելի մեծ ուշադրություն և ժամանակ տրամադրեք Ձեր հանգստին։ Հավատացե՛ք Ձեր ներքին ձայնին. և երբեք չե՛ք խաբվի։

6-10 միավոր
Դուք իդեալական մարդ եք։ Ձեր զգացմունքները միշտ կառավարվում են բանականությամբ։ Ձեր ներքին ձայնը լավ զարգացած է, այդ իսկ պատճառով նույնիսկ զգացմունքների ազդեցության ներքո կայացված որոշումներն արդար են լինում։ Դուք «բիզնես-լեդիի» իդեալական կերպար եք։ Ձեզ վրա կարող են հույս դնել թե՛ գործընկերները, թե՛ հարազատները և թե՛ մտերիմները։ Սակայն վտանգավորն այն է, որ հենց ա՛յս տիպի կանանց շատ հաճախ մի չափազանց անհարիր` «փեշով տղամարդ» մականուն կարող են տալ։ Պատճառը այն է, որ Ձեր մտածելակերպը նման է տղամարդկանց մտածելակերպին, ինչը հակառակ սեռի ներկայացուցիչների մոտ մրցակցության զգացողություն կարող է առաջացնել։ Միշտ հիշե՛ք, որ Դուք կին եք։ Սիրե՛ք և երես տվե՛ք ինքներդ Ձեզ. դա Ձեր պարագայում լավ է ստացվում։

10 Միավոր և ավելի
Դուք «հարյուր տոկոսանոց» կին եք։ Ձեր զգացմունքները գրեթե միշտ վեր են դասվում ամենից։ Դուք այն տիպի մարդկանցից եք, ովքեր իրենց հետևից կարող են մի ամբողջ ամբոխ տանել։ Ձեր կյանքը լի է անկանխատեսելի իրադարձություններով։ Ձեր խառնվածքի տեր անհատականությունները կտրուկ քայլեր գործելու սիրահարներ են։ Սակայն դեպրեսիայի մեջ ընկնելը ևս հատուկ է Ձեզ։ Դուք շատ երկրպագուներ ունեք, սակայն Ձեր իմպուլսիվ և չմտածված քայլերի պատճառով հաճախ կարող եք Ձե՛ր իսկ անձնական կյանքը դժոխքի վերածել։ Որոշումներ կայացնելիս ծայրաստիճան զգույշ և խոհական եղեք։

[Սահակյան Սահականուշ]

Շնորհակալությւոն թեստի համար ես հավաքել եմ 7 միավոր և կարելի է ասել, որ ճիշտ բնորոշում է:

[Ավրորա]

Սիրելի Սահականուշ շատ շնորհակալեմ,որ այսքան արագ արձագանքում եք նոր տեղադրված թեմաներին,ուրախ եմ,որ այդքան լավ բնութագիր ունեք,միայն այն,որ Ձեզ բնութագրող տողերը սկսվում են «Դուք իդեալական մարդ եք» նախադասությամբ բավական է:Խոստանում եմ շուտով նոր թեստ տեղադրել:

[Ավրորա]

Հարցերին պատասխանում եք միայն «այո» կամ «ոչ»
1. Սիրո՞ւմ եք ծիծաղել։
2. Կարողանո՞ւմ եք հումորով դուրս գալ տհաճ իրավիճակից։
3. Համաձայն եք այն կարծիքի հետ, որ ամուսնությունն ամենածիծաղելի բանն է աշխարհում։
4. Ծիծաղում եք մենակ լինելիս, երբ հեռուստացույցով դիտում եք կամ էլ կարդում եք որևէ ծիծաղելի բան։
5. Երբ նկատում եք, որ Ձեզ խաբում են, կարո՞ղ եք արդյոք ձևացնել, իբր ոչինչ չեք նկատել։
6. Ձեր հարազատները և ընկերները անեկդոտներ և ուրախ պատմություններ պատմո՞ւմ են։
7. Ընկերախմբերում լինելիս ցանկանում եք ամենասրամիտը երևալ։
8. Վատ տրամադրություն ունենալիս շրջապատողների ծիծաղը Ձեզ գրգռո՞ւմ է։
9. Բոլոր ժանրերի մեջ կոմեդիան գերադասո՞ւմ եք։
10. Դուք Ձեզ համարո՞ւմ եք հումորի զգացում ունեցող մարդ։
Եթե դուք «այո» եք պատասխանել 6 և ավելի թվով հարցերի, ապա հումորի զգացման առումով Ձեզ մոտ ամեն ինչ կարգին է։
Եթե Դուք 5 կամ ավելի քիչ թվով եք դրական պատասխաններ տվել, ապա փորձեք փոխել Ձեզ և կյանքին նայեք ավելի ծիծաղելի կողմից։ Չէ՞ որ կյանքում շատ ու շատ բաներ կան, որոնք արժանի չեն լուրջ ապրումների։

[Սահակյան Սահականուշ]

Ես հավաքել եմ 6 միավոր և մեծ հետաքրքրությամբ սպասում եմ հաջորդ թեստին:

[Ավրորա]

2,3,4,5,8,10 հարցերին «այո» և 1,6,7,9 հարցերին «ոչ» պատասխանի դեպքում գրանցեք 2-ական միավոր:
1. Շու՞տ եք վիրավորվում:
2. Սիրու՞մ եք առանձնություն:
3. Շուն սիրու՞մ եք:
4. Ձեր խոսքի տե՞րն եք:
5. կարողանու՞մ եք հասկանալ գրվածի ենթատեքստը:
6. Սիրու՞մ եք գլուխ գովել:
7. Պատահու՞մ է, որ մարդիկ ձեզ մեղադրեն իրենց անհաջողությունների համար:
8. Կարո՞ղ եք դիմանալ ձեզ ուղղված սևեռուն հայացքին:
9. Մեղքի զգացում ունենու՞մ եք, երբ մտերիմ մարդը լալիս է ձեր ներկայությամբ:
10.Հօգուտ ուրիշի կարո՞ղ եք ձեր ծրագրերից հրաժարվել:
ԱՄՓՈՓԵՔ
14-20 միավոր
Ձեզ հետ, անկասկած, կարելի է խոսել բացարձակապես ամեն ինչի մասին և հնարավորինս անկեղծ: Դուք կարողանում եք դիմացինին լսել, հասկանալ և մխիթարել:
8-12 միավոր
Մտերիմ մարդիկ հաճախ են ձեզ մոտ անկեղծանում, բայց միշտ չէ, որ դուք կարող եք համարժեք կերպով ընկալել լսածը: Երբեմն պարզապես չեք լսում ձեր զրուցակցին, իսկ երբեմն էլ ասես խլանում եք, որովհետև լսում եք միայն ձեզ:
0-6 միավոր
Դժվար է ձեզ հետ անկեղծ լինել: Դուք դրան պարզապես չեք տրամադրում: Թոթափեք ներքին լարվածությունը, դադարեք բոլորի մեջ թշնամի տեսնել, և կյանքը կհեշտանա ձեզ համար:

[Ավրորա]

Այս թեստն ամենևին էլ քաղաքական գործիչների համար չէ, ինչպես կարելի է ենթադրել վերնագրից, այլ նրանց համար, ովքեր ցանկանում են որոշել մարդկանց հետ իրենց շփման ոճը: Այս պնդումներից յուրաքանչյուրի դրական պատասխանը գնահատեք 2միավորով:
1. Դուք սիրում եք տեղյակ լինել բոլոր իրադարձություններին, որոնք տեղի են ունենում ձեր ծանոթների հետ:
2. Դուք զգուշավորությամբ եք վերաբորվում նոր ծանոթներին և դժվար եք մտերմանում մարդկանց հետ:
3. Դուք հիշաչար եք և դժվարությամբ եք դիմանում քննադատությանը:
4. Ավելի շուտ դուք կսկսեք խորհուրդներ տալ, քան խորհրդակցել ուրիշների հետ:
5. Ձեզ համար հանգստության գրավականն ամեն ինչում կարգ ու կանոնը և կարգապահությունն է:
6. Դուք հաճախ եք զայրանում, երբ ծանոթները պատմում են իրենց նվաճումների մասին:
7. Նախապատվությունը տալիս եք մոխրադարչնագույն երանգներով հանդերձներին:
8. Սիրում եք վաղ արթնանալ, նույնիսկ հանգստյան օրերին:
9.Սիրում եք միայն այն կինոնկարներն ու հաղորդումները, որոնց մասին դրական արձագանք եք կարդացել կամ լսել:
10. Ձեզ բարկացնում են մարդիկ, ովքեր հաշվի չեն առնում ձեր կարծիքը:
Ամփոփեք
16-20 միավոր
Դուք իսկական դիկտատոր եք՝ ուժեղ, ինքնավստահ, իշխանության ձգտող մարդ: Հավատարիմ ընկերներ ունեք, բայց նրանց էլ կարող եք հեշտ ու հանգիստ վիրավորել՝ անտեսելով կամ նվազեցնելով նրանց ընդունակություններն ու տաղանդը:
8-14 միավոր
Դուք առաջնորդ եք՝ ուժեղ և տիրական մարդ: Կարողանում եք մարդկանց ներշնչել ըստ ձեզ միակ ճշմարիտ տեսակները: Այդուհանդերձ, միանգամայն բարեհաճ եք նաև ուրիշ կարծիքների հանդեպ, առանձնապես՝ եթե դրանք անձամբ ձեզ են վերաբերում:
0-6 միավոր
Դուք դեմոկրատ եք: Բազմաթիվ ընկերներ ունեք, բոլորի հետ էլ հավասար փոխհարաբերությունների մեջ եք: Սակայն այդ փոխհարաբերությունները որքան արագ առաջանում, նույնքան արագ էլ քայքայվում են: Դուք սիրում եք լսել բոլոր կողմերին, իսկ հետո արդեն որոշում ընդունել: Հաճախ մտերիմները կշտամբում են ձեզ, որ անտարբեր եք իրենց ճակատագրի հանդեպ: