Աստղերի շուրջպար` կայծկլտուն, անռիթմ,
Չքնաղ ֆեյերվերկ` առանց դիրիժոր,
Աստղաթափ գիշեր, ու տիեզերքից գաղտնիքներ բերող քարե նամակներ:
Թանձր-կաթնագույն մշուշի միջից` հրաշք ջրվեժի տեսիլք ու շառաչ,
Սարերից իջնող ցողախառն զեփյուռ, սարերը վազող անտառի հառաչ:
Հետո` առավոտ: Արեգակ բոսոր ու կապույտ երկինք:
Որտեղից-որտեղ հայտնված քամի, արշավող ամպեր:
Ու տեղատարափ, ուղղաձիգ իջնող, խաչվող ու հատվող կաթիլների հոսք:
Մեռնող-հառնողի տրամաբանությամբ` արևագալի տեսարան դյութող,
Արևորդիների պաշտամունքների հսկա վկաներ, ժայռապատկերներ:
Ծիածան-կամար և կամարաձև օրնամետ գույնի,
Ձայնի ու լռության ներդաշնակություն, ու երաժշտություն`
Սիմֆոնիկ համերգ թռչնի, գազանի, ջութակի լարի:
Ստվերների խաղ ու ունայնության միֆ`
Վակուումից ծնվող մասնիկների հզո°ր հեքիաթով:
Արփինե Պետրոսյան
Երևանի ֆրանսիական համալսարանի
իրավաբանական ֆակուլտետի ուսանողուհի
Մեջբերել
Էջանիշներ