Ես էլ եմ շնորհավորում մրցույթի բոլոր մասնակիցներին և հաղթողներին:
Ուրախ եմ, որ որոշ քայլեր են կատարվում այս ուղղությամբ, որ կան ուսուցիչներ, որոնք փորձում են նոր հնարավորություններն օտագործել, դրանով ավելի գրավիչ ու արդյունավետ դարձնել կրթությունը, որ ներկաները հավանության բազմաթիվ ջերմ խոսքեր ասացին իմ աշխատանքների վերաբերյալ, որ ժյուրին նույնպես հավանեց իմ աշխատանքները:
Շնորհակալություն կազմակերպիչներին, հովանավորներին:
Բայց նաև ուզում եմ որոշ բաների մասին նշել:
Միջոցառումը ցույց տվեց, որ նորարար ուսուցիչների թիվը շատ փոքր է` ներկայացվել է 58 աշխատանք: Ճիշտ է դա 5 անգամ ավել է նախորդ տարվանից, բայց դա գոհ լինելու հիմք չի: Միայն Երևանի դպրոցների կեսը եթե մեկական աշխատանք ներկայացներ, արդեն 100 աշխատանք կլիներ:
Եվ ամենակարևորը:
Ահագին աշխատանք էր արված, բայց, իմ կարծիքով, գործը կիսատ մնաց: Ընտրված աշխատանքները պետք է հասնեն դպրոցներին ու ուսուցիչներին (խոսքը ֆիզիկապես հասնելու, ասենք թե որևէ կայքում տեղադրելու մասին չէ): Եթե դրանք ինչ-որ մշակման կամ հղկման կարիք ունեն, ապա պետք է կազմակերպել դա և անպայման հասցնել նրանց, ում համար որ դրանք ստեղծվել են:
Քանի որ սա շարադրությունների մրցույթ չէ, որ մրցանակաբաշխությունից հետո ամեն ինչ ավարտվի:
Եթե աշխատանքները փոքր են, իսկ հիմնականում դրանք այդպիսին են, մեկ դասի սահմաններում, ապա պետք է ստեղծել կարող ուժերի խմբեր` տարբեր առարկաների գծով և պատվիրել ավելի մեծածավալ աշխատանքներ ու դրանք ներդնել կրթության մեջ:
Մի խոսքով աշխատանքը պետք է հասնի իր տրամաբանական ավարտին:
Այս դիտարկումները նաև առաջարկություն են Կրթության ու Գիտության նախարարությանը:
Մեջբերել
Էջանիշներ