Գնահատման համակարգը դպրոցում

[Մանոն]

Դպրոցական «բարեփոխումների» հետ միասին փոխվեց նաև գնահատման համակարգը: Անցումը գնահատման 5 բալանոց համակարգից 10 բալանոցի՝ սպասելի էր, ինչ-որ տեղ հասկանալի և ընդունելի: Բայց ի՞նչ տվեց մեզ առանձին գործնական, թեմատիկ աշխատանքների, բանավոր հարցման և կիսամյակային ամփոփիչ աշխատանքի առանձին-առանձին գնահատումն ու դրանց արդյունքների «միավորումը»: Թեև հանվեցին գործակիցները, ըստ որոնց հաշվվում էին դրանցից յուրաքանչյուրը, այնուամենայնիվ, ամեն կիսամյակի ավարտին, ուսուցիչները հաշվիչներն առած՝ ժամանակատար հաշվումներ են կատարում, բազմապատկում ու գումարում, գրում ու ջնջում, որպեսզի կիսամյակային գնահտում կատարեն, կիսամյակ ամփոփեն: Էլ չասեմ այն մասին, որ ամեն տարի փոփոխվում է որոշումն այն մասին, թե որևէ աշխատանքից բացակայած աշակերտին տվյալ հանձնարարությունից «1» ենք դնելու թե «0», ինչը բավականին մեծ ազդեցություն կարող է ունենալ նրա ամփոփիչ գնահատականի վրա: Խոսքն այն մասին չէ, թե ուսուցիչը զլանում է մի քանի թիվ իրար գումարել, խոսքը՝ այդ աշխատանքի իմաստավորման մասին է: Մոտենում է կիսամյակի ավարտը, և ինձ հետաքրքիր է իմանալ, թե ի՞նչ են մտածում այս մասին մեր ուսուցիչները: Եկեք քննարկենք, թե ի՞նչ է տալիս մեզ գնահատման նմանատիպ տարբերակը, խոսենք դրա լավ ու վատ կողմերի մասին:

[petros59]

Մոտենում է կիսամյակի ավարտը, և ինձ հետաքրքիր է իմանալ, թե ի՞նչ են մտածում այս մասին մեր ուսուցիչները: Եկեք քննարկենք, թե ի՞նչ է տալիս մեզ գնահատման նմանատիպ տարբերակը, խոսենք դրա լավ ու վատ կողմերի մասին:

Չեմ մտածում: Ասումեն օրօրի, օրորում եմ, լավ իմանլով, որ մեկե լիքը սխլներ եմ անելու: Իսկ դուք ի՞նչ էիք ակնկալում, մարդիկ չեն էլ փորձել մատիանները համապատասխանեցնել իրենց ստեղծած համակարգին:

[Liza]

Հրատապ ու ցավալի թեմա է. Իսկ այդ գործնականը, թեմատիկ աշխատանքը, կիսամյակային ամփոփիչ աշխատանքը ինչ թեստերով եք հարձնարարում, Մանոն: Մեզ փաստորեն դրանցով չեն ապահովել, ես ինքս եմ կազմում, բազմացնում:
Լավագույն դեպքում կազմում ենք 4 տարբերակ` թեմատիկ, գործնական կամ կիսամյակային աշխատանքների համար: Աշխատանքի պահին համատարած արտագրություն է` շատ արագ գտնում են տարբերակակիցները միմյանց և մեկ-երկու գիտեցող աշակերտի գրածը պատճենահանվում է դասարանում: Ստացվում է ձև, քանի որ ուսուցիչները աչք են փակում արտագրությունների վրա, ախր մեզ ոչ պաշտոնապես հրահանգավորել են անբավարար չդնել ու բարձր գնահատականներ ապահովել.... իսկ գիտելիքը? ուսումը? պայքարը գնահատականի համար?: Բացակայող աշակերտին պետք է գտնել, գրել տալ.... սա ինչ աբսուրդ է:

[LEVON]

Իսկական գլխացավանք է բացակայող աշակերտին նորից գրավոր տալը: Նոր թեստ կազմել մեկ աշակերտի համար և նորից չգիտեմ, թե երբ... տալ գրավորը: Կիսամյակում 6 գրավոր կամ 7.... պլյուս բացականեր...և դրա դիմաց ...գրոշներ: Բայց եկեք համաձայնենք , որ 10 բալանոց համակարգը մեզ շատ օգնեց այն առումով, որ տարբերում ենք լավ 5-ը վատ 5-ից: Լիզա ջան, ես չեմ թողնում արտագրեն, հնարավոր է, որ արտագրում են, բայց ոչ այնպես, ինչպես դուք եք ասում: Թե չէ, էլ գրավորն ում է պետք, եթե քսերոքս ես ստուգելու: Գրավորը տուր և գնա նստի դասարանի վերջը, իրենց հետևը, փորձված է:

[Liza]

Ավագ դպրոց, հումանիտար հոսք, ուր բնագիտական առարկաներից գրեթե զրո են... բա ինչ անեմ, Լևոն, ես կարող եմ բացառել արտագրությունը, բայց կիսամյակային քիչ թե շատ տանելի գնահատականի համար ինձ չտեսնողի նման եմ պահում:
------ ես երազում եմ այն օրվա մասին, երբ ձևականությունները դպրոցից կհեռանան.... բայց կգա արդյոք այդ օրը?????????????

[Narine21]

Լիովին համամիտ եմ Liza ձեզ հետ, համատարած արտագրություն է գրավոր աշխատանքների ժամանակ, ու ստացվում է, որ թեմատիկ և կիսամյակային աշխատանքները ավելի բարձր են ստանում , քան բանավոր ու գործնական հարցման ժամանակ: Իսկ ինչ մնում է բացակայող աշխակերտներին, դա սարսափելի է, դրանց մեկ կամ երկու օրվա ընթացքում գտնել ու գրավոր աշխատանք տալ.... և եթե 12 դասարաններում լավագույն դեպքում լինի մեկ բացակա, ապա դա արդեն մեծ խնդիր է դառնում ուսուցչի համար....
Համաձայնենք որ 10 բալանոց գնահատումը ունի իր առավելությունները

[Մանոն]

Հրատապ ու ցավալի թեմա է. Իսկ այդ գործնականը, թեմատիկ աշխատանքը, կիսամյակային ամփոփիչ աշխատանքը ինչ թեստերով եք հարձնարարում, Մանոն: Մեզ փաստորեն դրանցով չեն ապահովել, ես ինքս եմ կազմում, բազմացնում:

Լիզա ջան, ես էլ եմ ինքս կազմում իմ թեստերը: Ինֆորմատիկան դպրոցում անցնում ենք մեկ ժամով: Առանց այն էլ դժգոհում ենք քիչ ժամ հատկացնելուց, հիմա այս տարվանից կրկնապատկվել են և՛ գործնական և՛ թեմատիկ աշխատանքները: Այսինքն կիսամյակի 17 ժամից 5-ը տրամադրում ենք 2 գործնական, 2 թեմատիկ և 1 կիս.ամփոփիչ աշխատանքներին: Ասել է թե՝ ահռելի նյութը, որը հազիվ էինք հասցնում շաբաթական մեկ ժամով մատուցել աշակերտին, հիմա պետք է տեղավորենք 12 ժամում: Իհարկե սեմինարին ասվեց, որ թեմատիկ աշխատանքը կարող է տևել 15-20 րոպե, բայց միևնույն է՝ նյութը շատ է, էլի չենք հասցնում: Իսկ չափորոշիչները պահանջում են պարզապես անհնարինը:

[Զառա]

10 բալանոց համակարգը հասկանալի է ընդունելի: Բայց գործնական ու թեմատիկ գրավոր աշխատանքների քանակն է մտածելու տեղիք տալիս: Շատ առարկանաների համար արդեն կան թեմատիկ ու տարեվերջյան աշխատանքային տետրեր, որոնց արժեքը մեկ կիսամյակի համար 350-400 դրամ է: Ծնողն արդյոք ի վիճակի? է բոլոր առարկաների համար այդպիսի տետրեր գնելու: Բացի դրանից, աշակերտը նախօրոք ծանոթանում է առաջիկա առաջադրանքին ու հեշտությամբ գրում: Բոլոր դեպքերում ավելի ճիշտը համարում եմ ուսուցչի ձեռքով կազմած առաջադրանքը, որը շաբլոն չի լինի և իհարկե` կհամապատասխանի դասարանի մակարդակին ու չափորոշիչներին: Ինֆորմատիկա առարկայի համար, եթե համակարգիչների բավարար քանակ կա, ավելի հարմար է 4 գործնական աշխատանք , և 1 կիսամյակային: Յուրաքանչյուր աշակերտ համակարգչում կունենա իր թղթապանակը, որտեղ կպահպանի իր իսկ ձեռքով պատրաստած ֆայլերը` անցած թեմաներին համապատասխան: Եթե տրված պահանջներով ֆայլ կարողանում է ստեղծել, ուրեմն թեստի հարցերին էլ կկարողանա պատրաստել: Իհարկե կլինեն բացառություններ, թեմաներ, որոնց համար հարմար կլինի թեմատիկ աշխատանքը: Ինֆորմատիկայի համար լավ կլինի ուսուցիչն ընտրի` 4 աշխատանքից քանիսը տրամադրի գործնականին, քանիսը` թեմատիկին: Կամ ուրիշ առարկաներից շատ հաճախ ուսուցիչը որպես գործնական հանձնարարում է ռեֆերատներ: Աշակերտը շատ հեշտությամբ ինտերնետից վերցնում է համապատասխան նյութը և 5 րոպեում պատրաստում դիսերտացիայի աշխատանք, առանց մի նախադասություն կարդալու. կամ նման հնարավորություն չունենալու դեպքում` պատճենում ընկերների աշխատանքները.... Մի խոսքով` թեմատիկ և գործնական աշխատանքների վերաբերյալ հաստատ փոփոխություններ կլինեն....

[petros59]

Շատ առարկանաների համար արդեն կան թեմատիկ ու տարեվերջյան աշխատանքային տետրեր, որոնց արժեքը մեկ կիսամյակի համար 350-400 դրամ է....

Հարգելի Զառա միամիտ բաներից եք խոսում: Ո՞վ է Ձեզ պարտադրել օգտվել այդ տետրերից, թե՞ դա նախարարության հրահանգ է: Այս դեպքում չմեղադրենք նախարարությանը, սա ընդամենը Ձեր տնօրենի պարտադրանքն է:

[Զառա]

Հարգելի Զառա միամիտ բաներից եք խոսում: Ո՞վ է Ձեզ պարտադրել օգտվել այդ տետրերից, թե՞ դա նախարարության հրահանգ է: Այս դեպքում չմեղադրենք նախարարությանը, սա ընդամենը Ձեր տնօրենի պարտադրանքն է:

Հարգելի Պետրոս, մեր դպրոցում այդպիսի պարտադրանք չկա: Նախորդ գրառումիցս հետևում է, որ ես ինֆորմատիկա առարկայի համար ավելի կողմ եմ գործնական աշխատանքներ տալուն, բայց պարտավոր եմ թեստային աշխատանքներ էլ տալ :Ես յուրաքանչյուր դասարանի համար առանձին տեստեր եմ կազմում` ելնելով դասարանի իմացության աստիճանից ու ծրագրի պահանջից: Ճիշտ է, շատ աշխատատար ու դժվար աշխատանք է, բայց չեմ սիրում շաբլոններից կառչել ու ռոբոտների նմանվել: Իհարկե պատրաստի թեստերից կօգտվեմ նորը կազմելու համար ` այն հարմարեցնելով տվյալ դասարանի մակարդակին, որ արհեստականորեն բարձր գնահատականներ ու արտագրություններ չլինեն ...
Իսկ այդ պատրաստի տետրերից օգտվող ուսուցիչներ շատ կան `իրենց իսկ ցանկությամբ(այստեղ ոչ նախարարությունը, և ոչ էլ տնօրենն է մեղավոր):